幸屋

营业中

休息中

喺灣仔嘅一條小巷仔發現咗嘅一間裝修充滿日本風情嘅拉麵店，有矮枱同埋吧枱！除咗拉麵之外，仲有提供沾麵同丼飯等等！最近食咗好多唔同嘅湯麵，就係未食到拉麵，今次係時候食返碗日式拉麵啦～櫻花蝦味噌拉麵💰HK$88湯底濃郁，充滿味噌同埋櫻花蝦嘅鮮味！麵底就簡咗軟身少少嘅幼麵，掛湯能力高！配料除咗有櫻花蝦同溏心蛋等等之外，仲有叉燒同埋豚骨煮，口感一厚一薄，肥瘦均勻～鹿兒島赤雞沾麵💰HK$108赤雞胸肉質鮮嫩，仲有溏心蛋、木耳絲、椰菜絲等等！麵底簡咗粗麵，麵質係比較彈牙同埋有口感，沾去濃郁嘅魚介湯底到，惹味十足～冷豆腐💰HK$32表面佈滿青瓜絲、白芝麻同埋木魚碎碎，豆腐口感非常之嫩滑，凍凍地咁食再配埋日式醬汁，好有日式風味～和風炸鷄💰HK$45炸鷄即叫即炸，香脆可口，點配埋旁邊嘅醬汁，仲有淋咗喺表面嘅沙律醬，令人食得好滋味～不得不提，店員服務態度親切，小店充滿有人情味～

發現自己超耐冇食日本菜，尤其拉麵🍜同朋友搵咗間拉麵店食呢間坐立於灣仔，openrice有成700+好評由灣仔B1出口行大概5分鐘就到，位置偏僻少少，但唔算難搵拉麵湯底款式多，仲有沾麵同丼飯間唔時會出期間限定款🤩最近係咖喱湯拉麵，店員不斷推介我哋試，可惜我哋唔太好咖喱🙈▶️ 鹿兒島赤雞沾麵 ($108)賣相吸引😍隻碗又高又深，份量大面頭嘅配料好豐富：紫洋蔥、青蔥、椰菜、竹筍、木耳絲、檸檬、芝麻粒、紫菜落單嘅時候可以按個人喜好揀份量，每一樣配料都增添整體嘅口感層次同味道👍🏻尤其鍾意青蔥同竹荀紫洋蔥攻鼻，而檸檬就帶少少酸味，可以刺激味蕾🤭有一粒切半嘅糖心蛋，蛋黃深橙色，晶瑩剔透，微微流心🥚係沾麵嘅好拍檔有四片薄切鹿兒島雞胸肉，唔乾唔柴，不過冇咩雞味，似人哋增肌啲即食雞胸肉🐔勝在肉質幾嫩，粉粉地色，感覺健康沾麵湯用石鍋放，上枱嘅時候仲滾緊沾麵湯奶白色，相當杰身所以非常掛麵🍜味道濃郁又夠creamy，似carbonara醬，鹹得來唔會令你好口渴麵可揀冷或熱，揀咗冷麵，沾落熱湯可以變返暖麵質粗身，質感比預期中淋咗少少，唔算好煙韌🤏🏻純粹個人鍾意硬麵，用返大眾標準其實唔錯食食吓就食晒成碗麵😂好飽▶️ 蝦

灣仔機利臣街一間唔起眼嘅日式拉麵店，但一入到去充滿日式溫暖嘅格局😛門口仲有啲日式燈籠添🏮蟹子沙律大量蟹子加上青瓜絲，好清爽開胃😚💗黑松露元貝切雞胸湯拉麵($118)日本拉麵唔係主餐牌入邊，多咗雞胸肉嘅選擇唔係平時嘅叉燒，健康啲呀😋雞胸肉一啲都唔老仲好粉嫩，配上沾滿左黑松露醬嘅元貝，正！鹿兒島赤雞沾麵($108)另一款又係雞，不過係豬骨湯嘅沾麵，有得揀凍或者熱，熱嘅話係熱辣辣嘅石鍋送上嚟🔥麵條多唔同平時嘅拉麵，超彈牙🍜，同埋比較粗身嘅😋溏心蛋都係做得好出色，半流心狀態，豉油都好入味，湯底有啲黑蒜、芝麻、紫洋蔥等層次豐富😚雞翼串燒到焦香同脆身，再落咗少少鹽同檸檬汁調味即刻好正🤩仲免費送一杯煎茶連茶包上，真材實料㗎！

灣仔既日式餐廳有好多，但係主打或者有提供優質沾麵就比較難搵。灣仔幸屋係其中一間主打沾麵拉麵既餐廳。餐廳係灣仔同金鐘既中間位置，開係街市檔仔橫街旁，入口唔算易搵。雖然時間尚早，但係入座一陣後，好快連單人面壁位都已經坐爆哂，真係好好彩同同事早左一步入座，晏多少少都已經要等位了。.網友推薦，話佢地既沾麵幾出色，所以無懸念下先試佢地既拿手招牌沾麵。餐廳提供兩款常規沾麵同一款期間限定款式，本身見網友大讚佢地既特濃味噌廣島蠔沾麵，話佢地既蠔大隻鮮甜。但睇見佢地既期間限定版本 - 慢煮雞肉好似更健康吸引，所以係最後一刻轉呔。.期間限定版本：鹿兒島赤雞沾麵 (熱) 💲108⭐️4/5只可以講果然冇揀錯。先講雞肉，用左慢煮方法處理，雞肉非常嫩滑。只可惜係得4片，覺得唔多夠喉。沾麵湯頭係濃雞湯，非常濃好夠味，用來點沾面一流。沾麵份量好多掛湯，係我喜歡口感煙韌嘅麵底類別。治麵已經跟咗紫菜同埋溫泉蛋唔使額外再俾錢，呢點值得一讚。.蝦武士 幼麵💲88⭐️3.8/5同事仔話呢個蝦武士拉麵都唔錯，揀咗幼麵軟硬度適中。湯頭都係一樣係好濃郁，好重蝦味，配料亦都有好多櫻花蝦。特別一提係呢間拉麵店提供兩款叉燒配料：包括傳統嘅日

🍜拉麵定沾麵？🍜推介指數 ❤️❤️❤️❤️🤍唔准諗即刻答：拉麵定沾麵？粗麵定幼麵？軟定硬？難得屋企人夾到時間就一齊食返餐，好幾次經過但又無食過，今次就試吓啦。位置近灣仔三角教堂，即循道衛理聯合教會向皇后大道東方向。🍜鹿兒島赤雞沾麵HKD108✨慢煮雞肉食落嫰滑，配料有1隻溏心蛋、黑木耳、竹筍等。沾麵湯底味道濃厚，粗麵食落彈牙且掛湯。真係好飽～🍜特濃味噌廣島蠔沾麵HKD108✨廣島蠔有3粒，食落鮮甜肥美。配料有半隻溏心蛋，其他大致相同。特濃味噌湯掛湯一流，食完好滿足！🥟和風餃子HKD38/6隻✨日式餃子外層有脆脆，食落皮薄有肉汁。🐥芝麻手羽HKD36/2隻✨炸得酥脆內層juicy~總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🏠幸屋 (灣仔)📍灣仔機利臣街5-9A號維昌大廈地舖

今日收工經過灣仔，醒起好耐無黎幸屋食沾麵，於是即刻call友人一齊黎食過晚飯先返歸！呢間拉麵舖位於灣仔一條街市街入面，入口唔易見到。入到拉麵舖入面，就發現裏面高樓底，裝修非常日式拉麵舖，感覺別有洞天！幸屋既菜單有幾款拉麵，3款沾麵，仲有幾款丼飯，同埋幾款前菜，小食，沙律，串燒，飲料同甜品。你可以揀拉麵既粗幼同硬度，湯既濃度，香油多少，辣度，連叉燒，葱同椰菜分量都有得揀。任何飯餐或拉麵餐加 $15就可以配細沙律或湯餃子及汽水。鹿兒島赤雞沾麵 $108呢個鹿兒島赤雞沾麵係期間限定，見到梗係試吓先。餐牌寫明慢煮調製。慢煮赤雞胸肉有四塊，顏色粉嫩，的確瘦但唔韌。其他配料豐富，包括軟稔糖心蛋一隻，梛菜，爽脆黑木耳條，甜爽竹筍條，爽脆洋蔥條，蔥花，藏紅花，檸檬，紫菜同白芝麻粒。沾麵硬度適中，唔會過硬或軟，掛汁能力都幾好，沾一沾已經好夠味。沾麵汁係雞湯黎架，滾住咁上枱，整得好濃厚，食落有d似豬骨濃湯。特濃味噌廣島蠔沾麵 $108呢個沾麵真係必叫。麵底可揀熱或凍，唔想個汁越食越凍，一定要好似我地咁揀熱麵底。配料有3隻蠔，新鮮肉質實在而且蠔味濃。另有糖心蛋半隻，軟稔好味。菜量足，有不少新鮮椰菜，黑木耳條