好燒式串燒專門店 (砵蘭街)

营业中

休息中

記得以前細個見到車仔檔有串燒，媽媽都會買一串兩份食，現在車仔檔絕跡，街邊檔即使有串燒都以快熟的魷魚、腸類和丸類為主，要吃有質素的串燒，通常都要去日式居酒屋。好燒式算是少有走平民路線的串燒店，串燒大部份$20以下有交易，即使較為貴價的海鮮或扒類，都不過百元，而且燒物也不馬虎，會因應不同食材用不同的調味料，如孜然粉、七味粉、胡椒、醬油等等。＊＊＊＊＊＊＊＊＊＊＊＊是晚跟朋友在附近晚飯後意猶未盡，本想食糖水，但見這間串燒店幾多人幫趁，而且價錢大眾化，即管試試。好燒式走平民路線，店面不算大，座位間距離亦較近，但尚算乾淨整潔。點菜式一張A4紙兩面睇晒，食物款式非常多，主要分為海鮮、肉類、蔬菜、小食、意粉、廚師推介和飲品。食串燒點都要叫野飲，首先每人點一枝飲品，加多寶($14)和鴻福堂涼茶($15)，價錢合理。每兩位有一碟泰式酸辣汁，侍應介紹是自家製，味道有點像泰式生蝦汁，酸酸辣辣好醒胃。串燒豆腐($16)豆廚燒到外面脆脆地，但不會過硬，好味。魷魚鬚($16)魷魚鬚有嚼勁之餘不會過韌，麻辣汁辣辣地很惹味。泰式燒豚肉($38)豚肉都有成隻手掌咁大塊，燒得夠乾身，不會過油。黑松露什菇墨西哥薄餅($42

好消息!熊妹符符碌碌又考完mid-term喇，兩星期無同熊大出去玩，考完當然盡興一下。熊大黎左學校湊熊妹，跟住話帶熊妹去油麻地食好西，好野!以為熊大又係無咩新意又去食佢的飯堂煲仔飯喇，點知黎左呢間食熊妹鐘意的串燒喎！算熊大有心喇!黎到都差唔多夜晚10點，都係宵夜時段喇，串燒最岩做宵夜喇，所以都幾多人下。熊大特登做左功課喎，知道墨西哥烤餅出名，又知道熊妹祟尚黑松露，率先點左黑松露什菇墨西哥薄餅俾熊妹喇。薄餅皮好薄，脆脆地，芝士幾澎湃湧出，黑松露份量都唔少，好香，配什菌係好夾的，薄餅一開4份，方便進食，不過份量唔係好大件，價錢$43，中規中矩喇。跟住就黎啲串燒小食。 熊大熊妹投其所好，熊大叫左雞軟骨，蟹籽丸,熊妹叫左四季豆，安格斯牛肋串，中辣。味道幾好喎，中辣唔係好辣，牛肋粒肉質鮮嫩，其他就正常味道喇。跟住出場係熊大食串燒必點的蒜頭燒原條茄子，等得有點長的時間，因為燒得好熟透，真係好熟透，熱乎乎的霧哂煙，夾到一條條茄瓜絲，連埋蒜蓉泥入口溶化，真係幾唔錯的串燒選擇，難怪咁迷倒熊大。熊妹就健康建議大家，茄子皮就唔好食喇，因為皮係接觸火的面，要燒到有啲窿先令到茄瓜咁熟透架。跟住再黎的係蒜蓉燒扇貝

久違跟友人相約旺角吃飯，因為天冷很想吃熱辣辣又香口的東西，所以就選了這間位於砵蘭街的好燒式串燒專門店。我們大約 8:30 左右到，全場坐無虛席，所以想食好東西要趁早報到 ! 等候期間先來看看有什麼好吃，餐單種類非常多，不止有燒烤，還有西餐可選擇，燒烤專門店來說很特別。等了近30分鐘終於入座，幸好老板先幫我們下單，很快就可以上菜，非常有效率 !黑松露什菇墨西哥薄餅 - $43 上菜時已傳來陣陣黑松露香味 ! 薄餅外皮烤得香脆，芝士亦有拉絲效果，再配上三色辣椒跟什菌，吃下去辣辣的非常惹味 ! 牛油金菇包 - $34 嘩! 這道看似平凡的菜式原來一點都不簡單!鮮嫩的金菇吃下去有一陣很特別香甜的牛油味，不消一會已被我們吃光!我們還在猜裡面是否加了特別調味料 ?飯後八掛詢問老板，得知原來是用上挑選過的高級牛油，普通貨是做不出這味道。果然只要花心思，普通之作也會變成驚喜之作 ! 蒜蓉燒茄子(切片)  - $32茄子新鮮多汁，加上蒜蓉與孜然粉的香味，吃下去非常可口。串燒豆腐 - $16日式燒汁味道調配出色，如更香脆口感更佳。鹽燒牛舌串 - $26 作為牛舌愛好者，一定是燒烤必點 ! 牛舌非常厚肉，吃

今日晚上同老婆大人黎左呢間好燒式食串燒，黎到都好多人下，全店滿座，只好問問店員拎飛仔排隊等食。等左大約15分鐘，有位了，同老婆急不及待坐底睇餐牌叫野食先。大約等左20分鐘，食物開始到了。韭菜：食落多汁，唔會好(UN)，味道適中。墨魚丸、牛舌、鴨舌、冬菇、雞腎：味道適中牛油金菇包：唔太夠味，可以再好d。招牌無骨燒乳鴿：皮脆肉嫩，無骨易食，果然係招牌菜，值得推介。聖子王：超新鮮，蒜蓉味濃郁，好好味黑松露什菇墨西哥薄餅：皮脆，多汁，味道唔錯。埋單$413，價錢需然偏貴，但味道確實不錯。

係旺角睇完戲，唔想又食譚仔咁悶，突然諗起自上次係大陸食完串燒後，都已經無再食過。我地就即時上Openrice見到呢間串燒，唔洗講即試！食串燒點少得啤酒，我地叫左一支男人的浪漫，由於聽日仲係要番工，所以我地都無飲太多。一坐低，老板就熱情咁推介我地試下呢一個黑松露芝士薄餅。芝士控既我地完全無諗過黑松露同芝士原來係可以咁夾既，一咬入口首先食到好香好濃既芝士味，之後淡淡既黑松露味道就出哂黎啦！極之推介煙肉金菇卷，煙肉又香又脆，最重要既係煙肉油走哂入去金菇到，味道出哂黎！！！之後就到牛肋骨，呢一個亦都十分之出色，唔係一味靠調味料，而係本身肉質靚，肉味正！燒茄子同燒豆腐都唔可以錯過，因為佢竟然可以燒到有甜味，係蔬菜既甜味。壓軸既就係呢一個燒乳鴿，因為配啤酒真係一流架！100分滿分啊，其實間唔中拍拖麻甩一下都好開心

串燒店食得多， 但「好燒式」卻令我一試難忘！ 不但串燒種類多，而且碟碟都大件又抵食，😎 有不少串燒之外的菜式，唔會只得串燒咁悶， 其中薄餅烹調得相當到家， 所以今次便帶串燒女來食過返尋味！☺️ 一到埗，當然要番點黑松露什菇墨西哥薄餅（$42）， 小編本來不太好墨西哥薄餅， 但這道薄餅卻有別於平時的薄餅。😜 薄餅皮即叫即焗，又熱又脆，裡面的材料十分豐富。 車打芝士份量大方，「芝」味突出，芝士控不可錯過！😏 其中的黑松露味足， 配上松露完美配搭的炒什菌和黃、青椒絲， 加上墨西哥薄餅重點的墨西哥青辣椒， 令薄餅微辣惹味！不愧是店招牌！👍🏻👍🏻👍🏻👍🏻 牛油金菇包（$34） 一束束排好的金菇菜， 加上牛油的芳香，簡單而好吃！☺️ 茄子（$32） 一份有六件，份量很多呢～😯 比起坊間吃的串燒店，份量大方得多！👍🏻 茄子很新鮮， 火喉控制得剛好，不會燒得太dry， 燒烤後還保持着多汁美味～ 豆腐（$15）也是讓我念念不忘的美食之一， 豆腐烤得外皮微脆，裡面軟熟， 外皮塗上了鰻魚汁，香甜可口，很滋味呢～😋❤️ 鴨舌串（$19） 鴨舌香辣惹味，越嚼越香！ 安格斯牛肋串（$19） 牛肉

呢排好想食串燒，今晚難得約到好友相聚，一於去試試人氣不錯既旺角串燒小店!Book左7點，入座率已有一半，食到9點左右，已經座無虛席，建議大家最好預早Book定位~好燒式除左主打串燒，仲有各式各樣既食物供選擇，例如意粉、墨西哥薄餅、扒類等。黑松露什菇墨西哥薄餅 $42甫上台已聞到濃郁的黑松露味，愛吃黑松露的朋友一定不能錯過~即叫即做的薄餅上台時熱烘烘，薄餅皮烤得香脆可口，餡料有雜菇、黃椒、青椒和滿滿的芝士，口感豐富，帶點微辣，非常開胃~雞中翼 $16燒得外脆肉嫩，juicy又入味，時間掌握得剛好~牛柳串$16充滿肉汁，味濃不俗。牛肋串 $19牛味濃郁，肉質嫩滑。炭燒牛舌串 $26厚切牛舌肉質軟腍，非常有咬口!雞腎串 $15爽口彈牙豬頸肉串 $15肉汁豐富，帶點焦香，非常爽滑，極具口感。串燒豆腐 $15外皮香脆，內裡軟滑，散發濃郁豆香，配以特色醬汁，口感特好，吃得津津有味!魷魚鬚$18極具咬口，鮮味彈牙，讚!雞脾菇 $16菇味香濃有嚼頭，燒得一點也不乾身。日本年糕 $12帶點焦香的日本年糕煙煙韌韌，糕身軟糯香甜，口感豐富。燒茄子(切片) $32茄子燒得軟軟綿綿，油膩感大降，充滿水份非常ju

朋友相聚約響衣間串燒店食晚餐，其實不只有串燒食，仲有好多大份夾抵食既西式小食，驚唔夠飽仲有意粉或飯都有，都算幾多選擇！地點都算幾易搵，響潮流特區條街過大馬路往砵蘭街方向行前少少轉左就係了！約左7:30，坐左陣已經慢慢人頭湧湧，滿座了！要點食物就劃在衣張order紙上，記得響尾段劃返要咩辣同邊種調味，我地就係冇留意到！我地決定咩都試下，串燒、西式小食、意粉乜都叫下！串燒當然又唔少得啤一啤啦！先黎個黑松露什菇薄餅，熱辣辣、好香好香黑松露味！衣個的確唔錯再來蒜蓉包......店員提醒好食法係將在旁既原粒蒜頭塗上包上，建議用2粒！幾有新意，真正既蒜蓉包蝦多士最驚喜係頂部既黑松露味道，真係好回味基本上絕大部份既食物都係熱辣辣剛剛整好串燒類因爲種類叫得多d，所以會幾種放埋一齊，最讚好好好既個人覺得係翠肉瓜厚厚的仲好juicy唔同一般外間。我地仲嗌左個大蝦意粉，裡面得一粒蝦，不過不失！3個人食左咁多野都飽到捧住肚走，有d都食唔晒添，但都好抵食，每人都係$200

串燒店食得多，但「好燒式」卻令我一試難忘！ 第一次來是因為見雜誌專欄介紹過，又獲得不少好評，😯 從中得知「好燒式」是多年前由街檔做起，以串燒起家，應該有返咁上下功架。 和小妹去開旺角看電影，便來挑戰下。😏  問店員有什麼特別好推介！ 他便介紹說除常見的串燒之外，墨西哥薄餅和意粉便是店招牌，  所以我們便點了黑松露什菇墨西哥薄餅（$42）， 小編本來不太好墨西哥薄餅， 但薄餅一上桌，便散發陣陣香味，😙  薄餅皮即叫即焗，又熱又脆， 裡面的材料也十分豐富。 車打芝士份量大方，「芝」味突出，芝士控的我梗係心心眼啦！😍  其中的黑松露味足，配上松露完美配搭的炒什菌， 和墨西哥薄餅重點的墨西哥青辣椒，令薄餅微辣惹味！值得一試！👍🏻👍🏻👍🏻👍🏻👍🏻 黑松露野菌雞肉意粉（$85） 看起來普通，但嘗起來卻很滋味！😋  黑松露醬一點也不吝嗇！ 和黏口的奶油醬混合，每條意粉都沾滿醬汁，又香又creamy！ 加上意粉al dente，野菌雞肉味道也很入味， 從來沒想過串燒店的意粉可以咁好食！😌 泰式燒豚肉（$38） 沒想過一份竟然有咁大份！😯  豚肉表面燒至香口， 但肉質卻似豬頸肉般軟腍嫩滑，肉味一

在旺角睇完戲行街，女友突然話想食燒烤串燒，從未在旺角區食左串燒，一時豪無頭緒。好在有openrice，search後即刻將好消息告女友，一齊出發去好燒式！雞中翼(2隻) $16  / 泰式燒豚肉 $38 / 燒豆腐 $15我同女友都愛食雞翼，第一時間就劃左先！雞翼燒的火喉剛剛好，皮香脆惹味，肉軟腍嫩滑，咬落有肉汁！⻣位容易咬開，食得唔狼狽，女友話要encore!   另黑豚肉肉嫩軟腍有肉汁，火喉控制恰好，不乾不鞋口。燒豆腐皮香脆，內略嫌少少乾龍蝦汁大蝦意粉 $92本來是為著吃燒烤串燒而來，坐下後看到牆上的雜誌剪報，原來意粉才是招牌菜。出自酒店廚師，相信質素有保證。一上枱看到賣相已經看到西餐廳的級數，意粉，大蝦及配菜擺放得美觀，增加食慾. 先吃意粉，入口軟彈順滑，龍蝦汁十分入味。大蝦肉實淨軟彈，可惜只有一隻實不夠喉，再多一隻就更好了!燒日本甜心蕃薯 $18很喜歡吃這種日本蕃薯仔，每次吃都有甜潤的感覺，燒過後甜味更濃縮，而且皮脆入口軟綿。黑松露什菇墨西哥薄餅 $42是即叫即做的，上到枱依然是辣手，食薄餅如熱度不夠就吃不出味道。薄餅皮薄香脆鬆化，蘊含著濃郁的黑松露及菇菌味，加上熱熔了的芝士，

這天約了兩位老朋友聚舊, 兩位朋友都是喜歡街舖多樓上精緻食肆, 其中一位朋友提議去一家旺角的串燒店. 我本身是較喜歡日式居酒屋的日式串燒但試試也無不可. 與其他去過的港式串燒店不同的是店子較整潔, 相對油煙味較少. 但與店子的大小相比下, 座位並不算多, 客人雖坐得舒服但由於店子座位少, 吃的途中看到不少後來的客人都不得其門而入.坐下後, 看到牆身的介紹其中一張介紹是說酒店級的意粉推介, 但串燒店提供意粉實在奇怪, 最後沒有嚐試. 跟朋友商議後先點一些較常見的串燒及朋友愛吃的辣酒煮花螺試試. 另外黑松露什菇墨西哥薄餅則便宜抵吃, 點一份來填飽肚子. 最後的成品是驚喜的.由於點的食物較多, 而其中有部份特別出色, 這次特別會先寫特別喜歡的幾道少有菜式--這道菜是入座時點的第一款菜式, 亦是慕名而來吃這個乳鴿. 看菜式名已估計到是用低溫慢煮的方式, 所以這道菜等了超過半小時. 而長時間的等待換來的外表看來皮脆肉嫩的乳鴿. 先讚一讚賣相, 乳鴿有整齊放在碟上而非左放右疊.  伴碟放上車厘茄, 大塊的燒茄子及翠玉瓜, 既為菜式增添顏色又豐富了味道. 味道上, 鴿身的皮是脆身的, 而肉質帶些許粉