Shine (已結業)

落雨濕濕都要約朋友出街食飯，今晚食飯就揀咗位於尖沙咀北京道12A號太子集團中心6樓的店舖，係西餐廳。佢既餐牌有前菜、主菜、甜品、沙律、飲品，各類任你選擇。🍲龍蝦湯 $78配上一片脆口麵包，麵包浸落龍蝦湯內，吸收哂龍蝦湯既湯汁。龍蝦湯又香濃又幼滑又鮮甜，真係好好飲。🥗牛油果大蝦沙律 $118半份切片牛油果配上6隻新鮮爽口的大蝦，新鮮既沙律菜、蕃茄、切粒菠蘿配上酸酸甜甜又開胃既沙律。🍛黑松露大啡菇意大利飯 $168有咬口既意大利飯吸收哂香濃既黑松露汁配上超多既菇類，仲有大大隻軟身大啡菇，及火箭菜伴碟。食到LamLam脷。👑北海道帶子明太子意粉配三文魚籽 $208顏色鮮艷，新鮮既三文魚籽配上3粒煎到兩面金黃色又大大粒既北海道帶子，鮮味十足，食完有種置身於海洋中既感覺，微辣既明太子醬又多汁又爽口又彈牙既意粉。🍹Banana Chocolate $68香濃既香蕉味同朱古力好夾，又香滑又好味道。配上忌廉及朱古力醬。

之前來Shine食過一次覺得唔錯，今次朋友話想食啲特別啲嘅西餐，我第一時間就諗起Shine啦🤣🤣芝士西西里蕃茄煙肉焗薯皮 （$88） 作為一個薯仔控，見到焗薯皮就忍唔住order左啦~ 呢個食落嘅味道幾似肉醬，口感幼滑得來又有蕃茄粒和煙肉碎，層次比較豐富，幾好食😋香煎太平洋鱸魚配普羅旺斯燉菜 （$268）鱸魚肉質比較結實，有少量骨絲，味道主要依靠魚皮上面嘅粗鹽和其他香料～ 普羅旺斯燉菜外表幾似紅菜頭，實際入面混合左幾種蔬菜～ 橙色嘅係蕃薯蓉，口感幾creamy~黑松露大啡菇意大利飯 （$168）先講個意大利飯，黑松露味道濃厚，飯嘅口感比較黏，醬料creamy得來仲有少少拉絲效果，雖然好heavy但真係好好味😝 大啡菇味道幾清，感覺可以食到菇嘅原味～火焰雪山 （$108）甜品方面我地試左呢個超級打卡-able嘅火焰雪山～ 店員會係由微鹹嘅蛋白cream造成嘅雪山上淋上酒精，再點火就營造到火焰嘅效果啦～ 雪山入面有朱古力雪糕、雲呢拿雪糕、馬卡龍、布朗尼蛋糕等，食嘅時候就好似尋寶咁🤣🤣🤣總結，呢間餐廳嘅菜式都幾創新特別，可以一試～😇

上次已經係一年前食，一直都未想機會再食。今晚難得約左好耐無見既朋友聚舊，就帶左佢黎😚火辣辣雞翼滿分！😍 我太愛食辣，雞翼面舖滿辣粉，夠晒火辣🙆‍♀️ 咬落去仲熱辣辣，係剛剛好既熟度，所以啲肉超滑！我覺得我可以為碟雞翼黎幫襯🙊蕃茄紅酒燴青口青口好鮮甜，蕃茄味好出，好開胃😍特級安格斯漢堡配炸薯條超級正！🙈塊漢堡十分juicy，又有咬口👍🏻另外大啡菇都索到肉汁，所以係勁入味❤️ 上菜時已經分好兩份，所以唔會食得好論盡😁 面頭仲有塊炸到脆卜卜既洋蔥圈！另外薯條份量出奇地多，原本以為應該係象徵式幾條，但最後係多到食唔晒🤣黑松露大啡菇意大利飯拉到絲呀🤤 risotto舖滿芝士碎，好惹味！飯粒十分有咬口，而且黑松露好香好出🤗 Shine叫左杯signature cocktail，好易入口🥰

對於識嘆之人，選擇餐廳嘅要求已經唔再只係局限於食物味道，好嘅環境之下享用美食都係一樣咁重要。而我當然係以呢樣為大前提去幫朋友選擇一個慶祝生日嘅好地方。今次book咗一間樓上西式餐廳"Shine"，我地一行六人雖然早到少少，但係店員都好好招呼，見有位都俾我地提早入座。店內裝潢別具一格，霓虹燈管配合美式嘅設計風格，營造出一種高級而又令人輕鬆嘅氣氛，卡位落地玻璃窗更加可以望到尖沙咀嘅街景。個人最推薦嘅特色飲品係荔枝玫瑰梳打同蘋果蜜桃冰茶，果味清香，又唔會太甜，食濃味西餐最適合配搭清爽水果飲品。Appetizer揀咗脆炸粗直薯條配三重芝士醬同埋火辣辣雞翼。薯條外脆內軟，炸得啱啱好，唔會過燶又唔會太油，三重芝士醬調配得唔錯，香滑得嚟唔會結成塊狀至於火辣辣雞翼就稍為太重口味，雖然個人愛好紅椒粉香料夠惹味，但係調味太重手，比較稍色。Pasta就選擇咗黑松露大啡菇意大利飯同辣蟹肉彩椒闊條麵。個人誠意推介黑松露大啡菇意大利飯，黑松露醬汁香滑濃郁，飯粒質感唔會太硬，配搭我至愛嘅火箭菜簡直係一流。而辣蟹肉彩椒闊條麵同樣出色，雖然稍為乾咗少少，但係啖啖都食到鮮甜蟹肉。最後Main Course就係脆炸德國鹹豬

尖沙咀區西餐太多選擇，這晚是慶祝好朋友生日所以提前了一星期預約，諗住比個驚喜佢！餐廳在北京道近地鐵，星期一都唔算多人，因為提前預約，餐廳預留了卡位給我們三人！餐廳是沒有水供應的，由於我們都不喜歡凍飲及不想喝酒所以只order了一支水share 飲！我們點了紅菜頭意大利飯、黑松露大菲菇飯、單骨雞翼，原本order 明太子海膽意粉但剛剛海膽缺貨菜單轉用帶子，各款味道不錯特別要推介一下小食黃金蟹餅！ 因為是朋友生日，點了一客甜品並寫了happy birthday 不太甜，味道剛剛好值得推介！

話說那天同中同去食生日飯，因為係weekday的關係，就大家放工方便，所以揾左尖沙咀的餐廳。呢間餐廳係地鐵站isquare一出行5分鐘左右就到。一入到去覺得環境都幾闊落，幾適合傾計。個餐牌選擇都好多，最後我地叫左四樣野食，分別係和風北海道帶子配魚子沙律、黑松露大啡菇意大利飯、明太子海膽意粉同香煎牛肋骨。飲品方面我就叫左杯cocktail Celebration, 切合慶祝主題。一嚟就係上個沙律，的的飾飾，以為只係賣相好睇，點知食落勁鮮味，真係令人吃出望外！之後嚟既係意粉同意大利飯，兩個都好creamy，唔乾身，味道恰到好處，讓人好想添完一次再一次。自己平時都鍾意大啡菇，雖然配黑松露係常見配搭，但呢度真係煮得好好味，值得其他大啡菇同好人士嚟試下。而我就係第一次食海膽配意大利飯，以前都係食日本野先食海膽，有時係香港都好少食到好味既，呢度就真係好好味，係新鮮同香的。牛肋骨就真係好大份，有35oz。本來以為會多骨，但又唔會喎，勁多肉食。因為之前食左意粉同飯，三個人最後食唔曬，所以有啲可惜。建議女士們，大家下次嚟想食牛肋骨，另外配一個意粉或飯，再加前菜或小食，其實都可能夠啦。呢度地理位置方便，食

平日放假約埋朋友去尖沙咀行街再食晚餐，因為驚尖沙咀好多人好難搵位，一知道放假就plan定晚餐食咩，之前有幾個朋友都推介過一間樓上西餐廳 – Shine，之前想去食，不過個次full booking食唔到，今次一個星期前喺openrice訂到枱。🤪😍喺海港城行完街🛍，就過北京道搵個間餐廳，餐廳喺太子集團中心(地點好方便, 其實喺I Square 隔離)，全座大廈有好多唔同餐廳，不過我哋食飯時間去都唔駛等好耐先入到𨋢。Shine 就係呢座大廈嘅6樓，餐廳唔係好大，有bar枱位普通餐枱位。我哋訂咗位，所以唔駛等位就可以入座，我哋被安排咗坐喺bar枱隔離嘅一張二人枱，自成一角，感覺好舒服，私隱度好高。餐廳燈光都偏暗，所以每張枱都有一個電子蠟燭，氣氛都幾好，無論同朋友👭黎食飯傾計，定情侶👫黎食飯，呢個環境都唔錯!由於我唔飲酒嘅關係，我就揀咗杯mocktail🍹，mocktail都好多唔同選擇，諗咗好耐要Mr. Cool 定Party Rock🤔，最後都係決定要Party Rock, 因為本身都唔係好鍾意薄荷味。😛Party Rock – 唔會雪碧味太重，蓋過晒其他嘢，mix得啱啱好🤩黃金蟹餅🦀

上次黎Shine 都幾個月前, 梗係因為食過番尋味先再黎~~今次約友人黎食晚餐, 午餐同晚餐氣氛截然不同~加拿大龍蝦意大利飯加拿大龍蝦雖然是雪的, 但肉質仍爽口彈牙，蝦味濃而肉爽脆意大利飯以高湯熬煮，亦配以蕃茄的酸甜, 意大利飯味道濃郁，飯粒中心帶一點硬, 煙韌得黎又夠濕潤夠creamy特級安格斯漢堡特級安格斯漢堡厚度十足, 肉汁豐富得黎仲好juicy, 雖然係叫左7成熟, 但肉質幾嫩, 唔算鞋口。配埋新鮮生菜、蕃茄、半溶的芝士, 非常滿足。唯一美中不足的是漢堡調味比較咸, 重手左少少。至於粗薯條, 每條都炸到金黃色, 非常香脆。黑松露大啡菇意大利飯意大利飯有一點外軟內韌的感覺，感覺都幾Creamy的意大利飯口感香滑而且又有濃郁的黑松露味道, 大啡菇香滑得黎又juicy, 非常好吃。火焰雪山最後甜品我們叫了火焰雪山個雪山大大個, 店員送上黎之後會係客人前面淋上酒同火焰, 熊熊烈火當然要把握影相打卡的時機, 雪山表面係厚厚既蛋白, 都幾澎湃, 內層就有雪糕、士多啤梨,、馬卡龍、brownies同海綿蛋糕, 雖然係好大個, 但因為表面只係蛋白, 都唔會太膩!!