妹記大排檔

营业中

休息中

weekday去，本身話限食2小時，最後都無下一輪客人，所以無趕我地走，可以慢慢繼續吹水飲啤酒。鵝無咩特別豬手有幾舊的皮比較硬，不過整體Ｄ肉係juicy蝝餅&墨魚咀穩陣黃金蝦球個皮做得麻麻菜比較咸，但撈啖飯就ＯＫ牛柳粒好食，牛係有肉味８個人食８個餸，好飽但埋單價錢合理。人多去呢種餐廳傾計食飯唔錯～埋單無apple pay，但alipay得。

《令人失望大排檔☹️》 -🔹黑椒薯仔牛柳粒 $158薯仔冇炸過🥔所以食落冇咁香口。牛柳粒入味，入口幾腍，唔會韌🥩🔹原隻脆皮豬手🍖 $208外皮香脆，肉質嫩滑，亦都唔會太鹹👍🏻🔹蠔仔煎餅🦪 $88蠔仔份量算多，粉醬唔會太厚，炸得幾香脆，但略嫌太多油，入口成口油咁😟味道亦冇咩特別🔹椒鹽鮮魷🦑 $92粉醬太厚‼️‼️但值得一讚嘅係 魷魚唔會韌，個人覺得唔點醬會好食啲👐🏻🔹 黃金蝦球🦐 $128唔太重鹹蛋黃味🥚但蝦幾彈牙，正常size-🔹 咸魚茸飛天通菜煲 $88覺得唔夠鑊氣，但幾香咸香味👍🏻------------------------------👎🏻份量太太太太少，睇圖都會見到價錢同份量不符☹️👎🏻味道&質素普通，性價比低，下次未必會再去------------------------------ᰔᩚ 好味指數（整體）：6/10

同朋友好耐無見，相約一齊食大排檔。路痴既我跟住地圖去，最後都搵到，一上到去就發現同平時食開既大排檔吾同。平時都系地舖同埋環境無甘乾淨既。但妹記比到一種好舒適既感覺比我。幾條女一齊嗌左黑椒薯仔牛柳粒、椒鹽八爪魚咀、咕嚕雞球、 魚香茄子煲、蠔仔粥、豉椒炒蜆、粟米班腩同埋大肚婆炒飯牛柳粒配薯仔真系一流牛柳粒好煙靭容易咬開配上黑椒汁更加入味，側邊既薯仔更加系外脆內軟椒鹽墨魚咀吾系到到都有得食炸墨魚咀，心心念念之下叫左椒鹽味岩岩好。魚香茄子煲配飯一流粟米班腩同出面大排檔食既普遍都一樣，不過班腩都系脆身既。豉椒炒蜆蜆肉多又無乜沙，絕對可以一試。

大排檔聖誕聚餐！我哋一早打定電話book枱，唔使排隊等位！環境比較嘈吵，枱與枱之間相隔唔遠，雖然切合大排檔主題，但唔太習慣要大嗌講嘢。椒鹽八爪魚嘴$85- 同我想像中嘅椒鹽有啲出入，我以為係炸粉上面黐左好多炸蒜、淮鹽，結果原來係似酥炸八爪魚嘴上面灑左炸蒜加公仔麵味精粉末。八爪魚嘴唔韌，食落口感仲軟淋淋。黑椒薯仔牛柳粒$158- 坦白講我覺得呢度嘅黑椒薯仔牛柳粒一般般，冇鑊氣，薯仔粒冇味道，黑椒味唔香，有其他大排檔煮得好味過佢。豆豉鯪魚炒唐生菜$78- 推介！菜嘅分量幾多，豆豉鯪魚好入味，因為味道偏鹹所以送飯食一流。蠔仔煎餅$72- 蠔餅酥炸得太硬，略嫌油膩同太熱氣，蠔仔尚算新鮮飽滿。生炒骨$75- 生炒骨一般水平，分量唔係好多。鬼馬油炸鬼$88- 好耐冇食油炸鬼，蝦膠幾彈牙，比起蠔餅好食啲，點埋甜酸醬就更加惹味，推介！金銀蒜粉絲蒸勝瓜$72- 上菜嘅時候熱辣辣，有大量蒜頭，蒜頭粉絲送飯食絕配！大推！白飯$11

香港現存既大排檔入面，妹記都算係幾出名、幾多人食過既一間保留排檔特色：夠穫氣的拿手小菜、傳統雞公碗以及自己既特色撚手菜旺角店裝修係幾靚幾特別既黑椒薯仔牛柳粒，聲稱係推介之一，賣相唔錯，但份量有啲少，醬汁係黑椒mix燒汁咁既，算係唔錯牛柳粒既火侯都ok，肉質鬆軟，不過鑊氣唔夠，可以更好食既黃金蝦，賣相幾好又香，入口咸蛋味濃，幾香脆蝦肉都彈既，不錯鴛鴦蒸烏頭，豉汁同果醬，果醬係特式野黎，我朋友就覺得好正我就厭唔夠濃味，不過係值得一試既，同烏頭個味都好夾蒸魚火侯ok，剛熟，肉質都嫩欖菜肉鬆四季豆，炒得幾香，味道有驚喜，幾有風味最後就係必叫既妹記炸豬手係炸到好似德國咸豬手咁既，份量都驚人，賣相已經俾佢吸引左，係正既味道都keep到水準，肉質嫩又香脆，送埋戰鬥碗飲返兩杯實在係好爽坦白講味道既話真係唔係話好突出既，價錢都唔平，但氣氛著實係正，有食排檔既執著或戰鬥碗情意結就點都久唔久要黎一次啦#無食到炸大腸#假日記住book人多到一個點必叫既妹記炸豬手

之前係尖沙咀的總店食過2次，都幾好食，今次就試一試旺角分店， 睇下水準拍唔拍得住總店。7點半已經有好多人等位了，好彩我們有預先book定位，所以唔洗等。 我第一行8人比咗一張大圓枱我地，位置闊落， 坐得舒服，但環境非常之嘈吵， 好難傾計。蒜泥拍青瓜 $48 完全沒有蒜，對唔住呢個名。 妹記小炒王 $78 魚乾蝦乾好硬， 完全咬唔開， 而且冇鮮甜味，又唔夠鑊氣，不推介。 鬼馬油炸鬼 $78 炸得剛剛好，加埋甜酸食好開胃。 妹記炸豬手 $68 豬手算嫩滑，配南乳醬味道ok，可惜太多炸粉了，而且冇乜肉，不推介。 黃金魷魚 $78 炸過的魷魚加上鹹蛋黃醬，十分邪惡，鹹蛋黃香濃，魷魚爽嫩，全餐最好食的一道菜。 黑椒薯仔牛柳粒 $128 薯仔淋身煮得入味， 牛柳粒有部分好韌，食不下，一道妹仔大過主人的菜式。 欖菜肉鬆四季豆 $65 四季豆爽甜，而且有鑊氣，好味。 海鮮雜菜煲 $68 味道清淡，正常的。椒鹽豆腐 $58 表皮脆，豆腐嫩滑，好味。 金銀蛋浸白菜仔 $68 菜的份量很多， 加上鹹蛋皮蛋調味，好味。整體來說，對比尖沙咀總店的食物水準，還有一大段距離。

女漢子的聚會，想喝啤酒便選擇到大牌檔，但最「就腳」的大牌檔是這家妹記大牌檔，名字雖叫大牌檔，但不用蹲街邊，是上樓的室內企理小菜館，卻有大排檔的小炒和啤酒，非常適合我們呢。謹記要訂座，不然平日晚上也有很多人排隊等候呢。餐廳裝潢加入不少大牌檔的元素和壁畫，但不用坐無椅背的膠椅，桌與桌之間也有空間，桌面也沒有飄逸的膠枱布，非常乾淨舒適。一坐下已有「啤酒妹」招呼我們，我們在介紹下點了哈爾濱啤酒，較為淡口，帶點酸味，勝在夠凍夠汽，再配以「戰鬥碗」飲酒，風味搭夠。椒鹽八爪魚咀十分香口，炸得酥脆，炸粉夠薄，加上八爪魚咀比一般的墨魚咀更有咬口，椒鹽味道蘸上喼汁令人吃個不停，下酒一流。鬼馬油炸鬼的油條外皮炸得更鬆化，內裡釀滿了彈牙鮮味的墨魚滑，還夾雜著粒粒爽口墨魚，真材實料。配以錦滷的酸甜汁，真的十分好吃。薯仔牛柳粒也是友人一直嚷著要吃的大牌檔小炒，薯仔粒輕輕炸過後才加入牛柳粒一起炒，外皮香脆不易散開，帶點甘甜；牛柳粒雖然不見多脂肪，但一點也不嚡口韌口，肉嫩多汁。咸魚茸飛天通菜煲的鹹魚味道香濃惹味，通菜爽脆新鮮，本來想要這個菜作中和之用，但反而這是是晚四個菜裡最濃味的一個。店員雖然忙碌，但服務也很好，對

今日約左班朋友去行年宵，行年宵之前梗係要衣飽個肚啦🤤今日就想麻甩啲食大排檔，呢一間新派嘅大排檔乾淨又衛生，連港女都話好呀😂👍🏻先講呢個蕃茄金銀蛋肉鬆浸白菜仔先，本來自己就麻麻哋金銀蛋嘅，不過呢一個餸就絕對有驚喜，有少少番茄炒蛋嘅香味，好開胃，另外每一條白菜仔都有好香嘅蕃茄湯味，真係食到停唔到口！另外，牛柳粒好嫩滑好新鮮，不過薯仔就一般，如果可以炒之前將薯仔炸一炸先，相信味道會更好🤨豆腐煲就普通咗啲啦，味道同一般茶餐廳一樣🤓值得一讚嘅係，佢哋用一個叫戰鬥碗嘅碗嚟裝啤酒，好有新意😚😝仲要每個碗都會先雪一雪凍佢，所以飲起啤酒上嚟就更加爽啦！

友人想吃大排檔，但又想坐得舒適些，我們於是去了上樓的室內大排檔。黑椒薯仔牛柳粒的薯仔竟是爽中帶粉，牛柳鬆軟，很輕易便咬開，加上黑椒的香，佐飯佳作。未知蠔仔煎餅跟潮式蠔餅有何俱別，都是用鴨蛋及木薯粉混入蠔仔來煎。蠔仔雖小，仍有蠔香；煎餅勁脆，只是油膩了點。這道叫做咸魚茸飛天通菜煲，小人見過有些地方的人炒通菜時拋得很高，還要拋來拋去的；但相信這煲通菜未有飛過上去，只是取其名而已。通菜做煲都不會過腍，況且咸魚夠多，很惹味。反而蟶子令人頗失望，肉是靭的，豉椒亦與蟶子也是各不相干似的，豉椒滲不入蟶子，本不慾提，奈何叫了吃了也亦作罷。維持到大排檔的鑊氣，不過對比街邊的風味始終有別。