愛文生

营业中

休息中

自疫情之後已很久沒來，今次難得同朋友們一同重遊舊地🤣食物仍然沒有令人失望😇食物一上枱，不用花很多時間就比我地ko晒。椒鹽九肚魚朋友覺得粉比魚多😂，但好在我仍食到魚🤣唔計呢樣，其實都幾香口😄小炒皇每次必點之選，夠收獲氣，料夠足👍金菇肥牛煲D汁完全滲入晒菇同牛度，夠晒入味😋鼓椒炒蜆冇人投訴蜆未開已很好，因為食蜆好多地方都會比人投訴呢樣野，都係炒得夠獲氣同入味，d汁攞黎餸飯都幾好😁黑椒薯仔牛柳粒唔使多講✋薯仔同牛都煲得好冧，係大家既大愛黑椒鹹豬手睇朋友分既時候就知佢好冧，而且好夠黑椒味，汁又剛好，最後只剩返骨係度😂蒜蓉炒豆苗估唔到係最快比人食晒既一碟餸😂可能疫情關係，大家注意左健康，多左食菜🤣菜炒得夠獲氣，充滿香氣和蒜味，又唔會過熟，好fresh🤩魚香茄子都係要黎呢d地方食先夠香😋之前係有食到個底太多油既情況，今次仲要改善左，真係估佢唔到，比個讚佢👍之後就係吹水一番，同生日蛋糕時間，由於呢度唔收切餅費，所以期望不要太高，最好如果要食蛋糕，自己自備膠叉😂同時可能疫情影響，人手可能少左，找人需要耐心等候😉

這間人氣大牌檔平日晚上都完全爆滿不止店內的抬全爆 外面整條街都俾佢霸哂亦全部滿座 果然名不虛傳值得一提是這裡不接受訂座所以建議早點去免得要等位咕嚕肉 | $98醬汁好食是基本而炸粉豬肉的黃金比例就是成功之處炸粉薄而脆 多肉而且肉質爽厚黑椒鹹豬手 | $148怪不得是這裡招牌菜 超巨型鹹豬手豬手煮得超淋 豬手皮的膠狀質感好似食緊花膠一樣略嫌黑椒味不夠濃 但肉質好嫩好淋不會鞋口或過鹹 非常出色豉椒炒蟶子 | $148豉椒炒蜆 | $98豉椒超惹味 再有適度的辣絕對會食唔停口兩款海鮮都好食 蟶子略勝一籌椒鹽九肚魚 | $98大牌檔必叫的餸 外面脆爆魚依然勁嫩滑 再點喼汁真係好好食🤤黑椒薯仔牛柳粒 | $98牛柳其實都只是配角 薯仔才是主角❗️外面炸到好香脆 裡面薯仔依然軟糯而且好夠味 感到有點美極鮮露的味道💯金銀蛋浸時菜 | $88連菜都要特別稱讚😂菠菜煮得很爽口不會過淋 依然保持口感皮蛋亦好爽滑 好出色豬潤啫啫雞煲 | $98好惹味的煲仔❗️蔥蒜味道香令雞好入味豬潤真係好正！超爽椒鹽炸豆腐 | $78炸豆腐真係無得輸 外面香脆裡面是滑豆腐可能我較重口味 認為椒鹽味可以多一點但夠哂多炸蒜抵讚😋最

呢間深水埗大排擋真係好出名，份量又大又夠鑊氣，落住雨都咁多人排隊記得早幾年黎食都仲係手寫飛等位而家變左電子牌叫號添🤣 由於太多人企曬係前面同埋好細聲，我地過左飛都唔知，不過職員都好好人都好快幫我地安排入座👍🏻 ⭐️豉椒炒聖子$148 聖子好大粒，鮮甜，無沙 ，唔會殼多過肉，真係比足料你！下次會再叫！🤤⭐️油鹽水浸豆苗$78 叫左咁多炒炸野，有碟清清地嘅菜好似好健康咁，哈哈 ⭐️椒鹽九肚魚$98 炸到好香口，配飯一流 ⭐️黑椒鹹豬手$148 之前見到隔離枱食好似好吸引咁，今次終於都叫黎試下！ 不愧係王牌，豬手好林一切就散同埋好多肉！雖然係鐵板上但肉質好juicy 一啲都唔乾！⭐️黑椒薯仔牛柳粒$98 薯仔有落油鍋爆香，好有鑊氣，食落好似食緊焗薯咁👍🏻

一直都想黎試，今日終於可試啦！大排檔坐街邊食特別有風味黎到已經見到好多人，好彩好快有位，唔駛望住人食下次真係早啲黎，差不多九點，好多菜式都冇晒乳鴿、桂林炒生腸、蠔餅...全部冇晒，要再揀過😭最後揀咗黑椒鹹豬手、椒鹽田雞、避風塘茄子、黑椒薯仔牛柳粒。黑椒鹹豬手，黑椒夠辣，豬肉粉紅色，夠腍，外皮Q彈，撈埋汁好正，連洋蔥都好入味田雞炸得啱啱好，外脆內軟避風塘茄子第一次食炸茄子！票原來係咁好味！茄子外皮炸到卜卜脆，內面軟淋淋，熱辣辣，口感特別，即刻要叫碗飯送飯食黑椒薯仔牛柳粒，牛柳粒太鹹，食兩件已經唔想食，但薯仔就炸到好脆，好好食要黎食一定要早啲黎，唔係就只可以睇人哋食，自己冇得食😭

又到了姊妹小聚時間，我們三個鐵三角對於西餐廳或fine food麻麻，反而次次相約都酷愛東南亞菜或中餐，而平民地道美食更是她們大愛❤️❤️今次我們相約深水埗試試愛文生鑊氣小炒是否傳說中的霸氣。由於她們兩人是年畢業各奔前程，只淨下我獨自在校園做個「老學生」。自由身的我一早到了深水埗，再先約某人先會合再前往霸定枱，熱定茶，等另某大小姐的光臨。原來愛文生地點都不太近地鐵站，我跟友人走了10分鐘，等過馬路時遠眺有炊煙裊裊升起，一張張醒目紅色枱布包著的圓枱，便知到了！我們選了坐在室內，環境燈火通明，牆身貼滿報張雜誌的餐廳剪報，還有大大張紅通通的海報，圖文並茂列出必點精美小菜推介。最有韻味的是藍色圓筒直身的膠茶壺、細細個白色膠碗和綠色的港式筷子，更突出的是代表著香港大牌檔的紅色膠凳和紅布圓枱。菜式種類選擇多，而且價錢親民，$70-120不等。看到有很多平日很難在酒家或中菜廳看到的特色小菜，例如雞蛋焗魚腸和豉椒炒生腸，還有更多大牌檔必點小菜，例如：油鹽水九肚魚、椒鹽炸鮮魷、招牌黃金蝦....已經有點花多眼亂，很多都想點來試試！可惜三人肚量有限，只選三款，不能浪費食物💪🏻黑椒薯仔牛肉粒每次吃港式小炒，我最

朕一向都鍾意尋找好食既小店，由其係同一班遮民去食飯，朕就最愛食啲鍋氣小炒，飲個啤酒，大排檔係朕既首選！而今次朕就打聽到深水埗有間幾十年老字號大排檔－愛文生，就算係閒日都人山人海，人流駱驛不絕，於是朕就同幾個遮民去試下！朕行到附近己經見到好多人，佢地唔止一個鋪位，遮民行埋去問店小二有無位，店小二就叫左我地過隔離鋪，有張四人枱剛好結帳，咁朕就緊係坐低睇下食咩啦！一黎朕就叫啲香口野做下佐酒小食先，就要個椒鹽炸鮮魷同埋燒乳鴿。椒鹽炸鮮魷新鮮熱辣上枱，鮮魷上面撲上薄薄一層生粉，仲有淮鹽，炸到金黃色，再喺上面加上椒絲同埋葱花，鮮魷食落彈牙香口，外層薄脆，酥化而不油膩。非常惹味，佐酒佳品。紅燒乳鴿，脆皮香口，肉厚而嫩，肉質鮮美，用手撕來吃，一邊啤酒吹水，人生一樂也。黑椒鹹豬手，差不多枱枱客都有叫，呢個又係佐酒好選擇，朕當然唔會錯過啦，黑椒鹹豬手上枱時，塊鐵板熱到啫啫聲，隻豬手大過朕既拳頭，切開個陣時己經感覺到豬皮既煙靭，肉身亦都好腍，食落豬手非常惹味，黑椒汁好香，剩係個豬手，己經夠朕一行人每人叫多一支大啤！真係好邪惡！！！大杯酒大塊酒之後，就緊係要食番啲菜平衡下啦，呢個什箘菇扒時蔬，清清地，份量都好

男人的浪漫，可能係三五知己在街邊露天大排檔，不論環境，享受鑊氣小炒，無拘無束的碰碰啤酒杯，風花雪月一番。奈何香港寸金尺土，加上政府管制，這類露天大排檔已近乎絕跡。之前聽朋友説在深水埗還有一兩間碩果僅存的排檔，當然要跟他去揾食揾食啦！出了深水埗地鐵站，步行約10分鐘到荔枝角道，在一條橫街中，想不到還可以見到這種露天大排檔，看著大廚拿著燒得通紅的大鐵鑊將餸菜來回拋起，鑊下爐火燒得猛烈發出哄哄聲響，雖然坐在街邊，但別有一番風味，讓我們享受一下那種不拘小節的市井豪邁。我們一行三人，叫了兩道小菜一碟干炒牛河送吓啤酒。黑椒鹹豬手，大大隻以鐵板盛載，上枱時熱辣辣冒著煙吱吱在響，眼見差不多枱枱都叫一隻，相信應是這裡的招牌菜吧。切開果然份量十足，豬皮不太肥，Q軟彈牙，充滿骨膠原；內裡啖啖肉，肉質鹹香，配上微辣黑椒汁同墊底焦香的洋蔥，十分惹味。這道雖不是甚麼特色菜，但勝在大件抵食，做得軟硬適中，味道得宜，送啤酒一流！油泡鮮魷，選用新鮮鮮魷，油泡火喉控制得剛剛好，肉質嫩滑，QQ軟軟的，配埋伴炒的韭黃香芹，帶出了魷魚的鮮味。現時一般食市多數選用急凍魷魚，貪其存貨方便，但口感跟新鮮魷魚完全不可相提並論。這道菜較

早在週四例會舉行的幾天前, 幾位資深會員已經在討論去那裡吃飯...最後落實來愛文生...原因是曾經幾次說過要來, 但最終沒有...所以大家今次決定怎麼也要來試試....訂位的工作一向拜託資深會員F負責, 就訂好了7點的枱, 在這裡看過店的地址, 再看看地圖, 從深水埗地鐵站開始起步, 對我這個路盲來說, 不停的看地圖, 走了約20分鐘才到達 , 其實位置就近荔枝角多一點, 到達街角就馬上看到1個舊式鐵皮檔口, 幾個師傅在忙碌著, 炒餸的大油鑊不斷晃動著....鐵皮檔後面幾個相連舖位都屬於愛文生, 都幾乎坐滿了客人, 其中1位會員準時到達, 但店主說要超過一半人數才能提供枱...我們到達後再去跟他周旋幾句, 就讓我們先到的坐在靠近門口的一張大枱, 幸好這個晚上氣溫不算熱....可以感受著油鑊發來的炒餸香味, 亦同時吹著自然風...看看餐牌, 他們主要提供小菜及即煮海鮮, 鐵皮檔前面放著不同種類的游水海鮮, 客人可以即叫即煮, 選擇蠻多的, 價錢亦算公道...由於幾位會員仍然在途中, 我們先點了個食評極讚的"黑椒薯仔牛柳粒"...薯仔切成小粒煎得很香脆, 外皮鬆脆, 內裡的薯仔肉剛熟帶點