金鶴拉麵 (閩街)

营业中

休息中

又搵到一間好出名嘅拉麵店品嘗，去到好難得唔駛排隊即時有張枱，店內唔算大，但好骨子又好有日本風味。當然要試下招牌極濃雞白湯拉麵，雞湯真係好夠濃味，飲完一啖係口腔仲留住湯底嘅味道，拉麵都掛住湯汁拉麵軟硬適中，叉燒都好夠腍，連湯一齊飲埋好滿足，黑蒜醬油拉麵湯底都好香，相比雞湯會無咁易膩，係一個好好選擇。小食叫多隻糖心蛋，烤豚肉腸鹽燒雞中翼，燒物都算係餐廳著名出品，水準都非常好😋老細仲推介即時做會員可以即時儲分換小食，招呼好好👍🏾下次又可以回頭

最近買菜買肉都貴，仲要就算肯俾錢，唔係街市好多檔口冇開，就係超市好多野都俾人買晒，所以耐唔耐都出去買外賣返屋企算。金鶴啱啱新開時幫趁過堂食，之後一直冇再黎，見有時行過都好多人黎買外賣，就試下佢嘅外賣拉麵。佢地嘅拉麵款式唔算好多，不過不時都會推啲限定款式出黎，同時，佢地都有飯同小食供應。而家6點後外賣自取仲有8折。由落單到拎倒外賣大約10分鐘，以即叫即整黎講算快。黑豚肉腸($28/兩條) - 豚肉腸拎到返黎仲係熱嘅，幾落幾彈口，見師傅燒時，會耐唔耐反下佢同搽醬汁，食落甜甜地幾好食。鹽味拉麵($88) - 外賣拉麵同湯底係分開碗裝，唔怕返到屋企啲麵浸到腍晒。每款拉麵都有兩塊雞肉、一款豚肉、半隻溏心蛋、黑木耳、洋蔥同筍。鹽味湯底用鰹魚湯同日本海鹽熬成，湯底完全冇油非常清澈，唔會太鹹，更加能突出食材原本嘅味道。溏心蛋唔會太熟。豚肉好大片，肥瘦適中，雞肉唔會太肥但冇平時食倒嘅咁鞋。我自己鍾意食硬身少少嘅拉麵，金鶴嘅拉麵即使外賣返到黎比唔少拉麵店堂食仲冇咁腍，而湯底由拎外賣到食大約相隔20分鐘，仲可以keep倒熱嘅，值得一讚。黑蒜醬油拉麵($98) - 哩款拉麵同剛才嘅鹽味拉麵配料完全一樣，分別只

你地試咗佢個鰻魚飯未？唔試唔緊要 但記得要叫佢地出名金鶴雞白湯拉麵🍜 加上慢煮雞胸 👍 你問好唔好食？如果你食過marutama 人地個湯濃好多 雞又重味啲 糖心蛋都好食好多😂😂😂 但係 都可以啦 👌🏻 我哋仲叫咗黑蒜醬油拉麵 💕 好香黑蒜味 如果會成日幫襯記得join佢哋會員儲分 😆🖤Food 黑蒜醬油拉麵 Black garlic shoyu ramen $98 金鶴雞白湯沾麵 KaneTsuru chicken white soup dipping ramen #tsukemen $138

突然好想吃拉麵，便搜尋附近的拉麵店店家位置找到好一陣子，原來於廖孖記旁邊地鐵站C2出口直至看到公園人流頗多，堂食需要等位叫了一份一人餐 - $128不用收加一服務費黑蒜醬油拉麵散發著濃濃的黑蒜油香，以秘製方法混合鰹魚湯，入口香濃且甘醇，不會過鹹及油膩感大片日本黑豚腩肉，肉質肥瘦適中，火炙出陣陣油香兩片慢煮日本薩摩赤雞胸，肉厚鮮嫩，卻不乾柴拉麵滑身彈牙，軟硬度適中，頗掛湯唐揚炸雞鹹酥香脆的外皮，結合多汁肉嫩的雞肉

拉麵新寵-金鶴拉麵🍜掛住日本的味道，幸好香港仲有好食的拉麵，可以止止日本癮❤️今次食到佐敦分店的金鶴拉麵🍜碗拉麵不論湯底、味道、視覺都好有質素！-1.雞白湯拉麵🍜當然要點招牌拉麵，視覺上炸牛蒡已好有睇頭，仲要好香脆😍就算浸腍食都唔錯！湯底係淆左好耐的白湯，濃郁而不肥膩！雞肉、叉燒都好高質，唔鞋口，而係好有本身肉的鮮美，特別雞肉的口感係彈彈下！拉麵更度適中👍🏻如果想食腍d就要提早講聲，因為唔係填紙仔而係叫人落單的！-2.黑蒜醬油拉麵🍜另一碗就想試下醬油拉麵，又想食重味d，所以叫埋黑蒜味！面料大致一樣，但冇牛蒡就多了兩塊紫菜！醬油湯底相對清，融合了黑蒜油將湯味提升更香又濃厚。整體味道都相當唔錯！

20200528🍜黑蒜醬油拉麵 $98「好濃既黑蒜味 好鐘意個湯底 啲拉麵又偏有口感個種 每啖都俾啲黑蒜包圍著 食到最尾都唔會覺得好咸或者好油膩」..🍜金鶴 雞白湯拉麵 $98「個雞湯唔講以為加左奶 Creamy得黎又會覺得淡淡~」配料炸牛蒡幾特別 味道不大 不過有啲油雞胸肉唔鞋 叉燒唔肥 索埋啲湯底好正😆糖水蛋係煙韌個種..環境同服務方面坐得舒服 侍應會提供籃放袋 而且會留意到無茶會fill茶 最後種送左綠茶厥餅😆 而且做會員 係$1 = 1積分，100積分就可以換汽水/糖心蛋.有得用支付寶 晏就去唔洗加一

之前喺跑馬地嗰間座銀試過雞白湯拉麵，一值都很喜歡。今日朋友推介來到佐敦閩街的金鶴拉麵，都係以雞白湯拉麵做招牌。這間店位置比較隱蔽，係喺對住上海街嗰間日本城嗰條橫街，同周邊有點格格不入。.裝修同環境都舒適，但當然唔會有日本嗰種感覺啦。我哋叫咗三個拉麵兩份小食。總括來說，味道幾好。只係拉麵個湯底唔係喺店內烹調，而係東京空運直送 🤭，配嘅係熱茶而唔係冰水。=============🍜特濃雞白湯拉麵($135)，兩塊慢煮雞肉，兩塊豚肉叉燒，半隻溏心蛋，炸牛蒡，葱絲等材料配上雞白湯。.雞白湯以日本赤雞、鰹魚魚介、素菜等食材熬製成。濃郁香滑，味道有點像忌廉湯，雞味略為內斂。不過其實都唔係喺店內烹調，而係東京空運直送 🤭.雞肉是用上日本薩摩赤雞胸肉以慢煮烹調，口感嫩滑。黑豚肉叉燒層次分明，肥瘦適中。炸牛蒡香脆可口，不要浸湯吃。溏心蛋做得剛剛好，流心，香甜。麵條，煙韌爽滑。.🍜雞白湯沾麵($138)，跟雞白湯拉麵相若。唯獨湯不夠熱。而且我覺得雞白湯做拉麵比較適合。因為沾麵，麵同湯分開上，比較適合味道濃郁嘅豬骨湯。.🍜黑蒜醬油拉麵($98)，兩塊慢煮雞肉，兩塊豚肉叉燒，半隻溏心蛋，昆布等材料配上秘制黑蒜

大街上人不多，轉過街角，便看到這間麵店。店舖裝潢甚具品味，牆上有一幅金色的鶴畫，格局如日本的拉麵店。極濃雞白湯拉麵($138)，極濃的雞白湯由平時水狀湯底變成忌廉似的湯底，口感讓人眼前一亮。相較普通雞白湯拉麵，這個湯底如忌廉般濃滑，入口是濃郁清香的雞湯味，雞肉味比平時喝的雞湯相倍濃厚。拉麵掛湯，忌廉狀的雞湯自然更能掛到麵條上，令到每一口都嚐到煙韌爽滑的拉麵和雞湯的滋味。黑蒜醬油拉麵($98)，我們很喜歡任何黑蒜系列的拉麵，來這裏自然不能錯過。也許是極濃雞白湯拉麵的味道太出色，黑蒜拉麵有點比下去。用上同一款拉麵，依然能掛上黑蒜醬油湯底。湯面有大量芝蔴，先喝一口熱湯，再嚐拉麵。配料與其它拉麵一樣，有紫菜、半熟蛋、非常軟香的慢煮雞肉和大片帶着脂香的叉燒，當中以雞肉的質感最好。還有一絲絲炸過的牛蒡，脆吃和浸湯吃亦可，但以不浸湯吃為佳，更能嚐到其香脆味。浦燒活鰻魚串($68)，是在店員推介的鰻魚飯和網上推介的極濃雞白湯拉麵中，各取其優的選擇。燒汁做得非常出色，鰻魚燒得鮮脆，如拌飯吃更佳，往後有機會必嚐這裏鰻魚飯。另，店員服務很好。總括而言，是一間以味道取勝的拉麵店。

我朋友超鍾意食拉麵，於是每次約佢食飯都係去食拉麵。今次呢間「金鶴拉麵」係我搵嘅😁 好彩朋友未食過。係門口一望已經感覺好似會好好味咁。我哋點咗：招牌雞白湯拉麵🍜聽講奶白色嘅湯底係以日本赤雞，鰹魚同素菜熬制而成，味道好香，好濃～加埋一條條炸過嘅牛蒡，半熟玉子，雞肉，豚肉叉燒同葱絲等，非常好味。😋 至於黑蒜醬油拉麵🍜 同樣出色。秘製黑蒜醬油混合鰹魚湯，入口黑蒜味香濃。味道剛好，不會太咸或太濃。再加埋碟芥辣八爪魚，滿足😍朋友都讚👍🏻

原本朋友想試試這家的拉麵，聽講湯底OK的。無奈五一假期，這邊人頭湧湧。為了避開人潮，於是改在平日晚餐。來到這位於橫街小巷的拉麵店，想不到內裡是精緻的裝潢。因土地問題，枱椅皆細小。幸好餐廳提供籃子放手袋。來到最重要的事項：點菜！在拉麵店，當然要每人一碗拉麵，再加其他小食！　　　金鶴　雞白湯拉麵　　　朋友推介的招牌菜！全白的雞湯，二片雪白的雞肉，日式叉燒，炸牛蒡，半隻溏心蛋。薄薄的牛蒡是剛炸起，掛在碗邊的牛蒡還在滴油呢！偷嚐一塊，原來牛蒡是帶有微微的甜味。再來一口雞白湯配拉麵，白湯很滑，但不太鹹，没有蓋過拉麵本身的鹼水味。　　　黑蒜醬油拉麵　既然朋友點了白色的雞湯，為了大家可嚐試不同款式的拉麵，自己選擇了黑蒜醬油拉麵。　先試二片雞胸肉，真的超滑，跟印象中＜雞胸肉必定乾柴＞大不同。　　湯底的黑蒜味很柔和，没有生蒜那政鼻的味。由於蒜味不太霸道，仍然嚐到其他食材的味道：叉燒，紫菜。溏心蛋配蒜味醬油湯底，正！嚐過第一口，就會想繼續食下去，於是追加一份溏心蛋！一整個溏心蛋盛惠12個大洋。無奈自己不會在家中制作溏心蛋，所以要來一份！　　　　　　　　　　　　　　唐揚炸赤雞　有別於一般放題的厚粉又細粒炸雞

見OpenRice有優惠同某媒體介紹所以先試下。嗰日好彩友人先到，原來要排隊入去咁誇張(其實位置較偏僻)，心諗有無咁好食呀，好彩都係等15分鐘左右入得。一坐低打開menu，waitress已經衝住黎想我哋落單問題係我哋第一次來，雖然都係有優惠卷，但都想散叫小食，但waitress想我哋快d揀(可能都係得幾款)...但我哋又諗一碗拉麵可能唔夠飽，二來短時間真係決定唔到，佢都唔耐煩走咗之後我哋決定到，同一個waitress講嘢又好急，我哋想再叫雞白肉小食，佢話lunch得2款小食，碗麵已經有，初時都聽唔明佢講乜，原來意思係雞肉小食會放喺碗麵度後來我哋食完已2:30pm，聽到waitress同想入黎客人講lunch已經截單，3:00pm落場怪唔之得一開始就催我哋快d落單原來趕收工。總結食評: 拉麵質素同湯底確實唔差，但唔值$98(原價)，其實我哋用$68買優惠卷仲要收加一，已經好高消費。

今晚有點涼意，但我和寶寶又不想吃火鍋，於是我們來了佐敦這家有點名氣的拉麵店吃拉麵，順道暖暖胃😝，回想起來已經有一段時間沒有吃過拉麵了。看見這家拉麵店的大門已經覺得很特別，有點日本居酒屋feel，而且真的有隻金鶴在門口😆 幸好今日比較早來（店家六時開門我們已到了），不然可能要等位了。一進去就感受到這家店的店主真的是非常有心思，裝潢佈置也有別於一般拉麵店☺️坐下後，店員非常貼心地拿了個載物籃給我們放隨身物品，還幫我拉椅子，然後再問我們要熱茶還是凍茶☺️（天氣這麼冷當然是喝熱茶啦😝）。不消一會兒，店舖已被坐滿了😳今晚我點了份雞白湯沾麵，而寶寶則點了個黑蒜醬油拉麵，我們另加了一份炸雞小食。唐揚炸赤雞 3 件 $33新鮮熱辣剛炸起的金黃炸雞，輕輕一咬，外皮香脆，雞肉鮮嫩，雞汁四溢，配以清新柚子鹽，減退了炸物的油膩感，很好吃👍🏻！金鶴雞白湯沾麵 $138可選4片火炙日本黑豚叉燒，或4片慢煮日本薩摩雞胸肉，或是各2片叉燒及雞胸肉 三款配搭。喜歡嚐新口味的我當然是選各兩片這配搭啦🤓。沾麵湯夠濃且充滿雞肉鮮味😋雞肉雖然看似普通，有點像白烚雞肉，但慢煮的雞肉當然是比一般白烚雞肉好吃很多啦！雞肉質感軟腍，非常嫩

今晚氣溫急降，最適合吃碗熱騰騰的拉麵。不過吃飯之前先要買些禦寒衣物，因為我穿得過於單薄。當我買完保暖衣物時已差不多九時，沒想到接近九時的金鶴拉麵仍全場爆滿，太厲害吧。等了一會終於可以入座，店員問我們坐吧枱與否，最好不過，我可以觀看師傅烹調的過程，吃貨就是愛這樣。金鶴拉麵尤如其名店內盡是「金」，卻不俗氣，反而有種日式高雅的感覺。我想吃活燒蒲燒鰻魚飯的，可是太好賣了，今晚的份量已經賣光，店員說下次想吃最好打電話來預訂。在坐吧枱的時候，看見師傅處理鮮鰻魚的骨刺和烤的過程，知道其複雜性，難怪大家都想一嚐鰻魚飯，也包括我呢。日本明太子雞翼讓我們驚豔萬分，咬開雞皮酥酥脆脆的，裡面香辣可口的明太子一時間湧出，再搭配上嫩滑的雞肉，整個明太子雞翼超對味，必推大家吃。熱呼呼的唐揚炸赤雞外層炸得酥香不油，上桌時更香味撲鼻，是赤雞獨有的香氣。炸赤雞應該沒使用醃料醃漬去炸，原汁原味的，新鮮雞肉不需添加醬料提味，雞汁鎖在肉中，嫩口不乾柴，超棒。金鶴雞白湯沾麵先把麵條煮完再以冰水沖刷，保持彈性，朋友很喜歡這種帶有嚼勁的冷麵條，韌性極佳。而沾湯充滿雞肉的強烈香味，卻不會油膩，再把沾麵沾上白雞湯，麵條多了一份香味，特別