金鶴拉麵 (閩街)

营业中

休息中

終於試到金鶴拉麵, 聽聞都有幾間分店, 質素應該都唔錯, 甘岩經過就入去試下, 假日中午一去已經滿座, 不過等左陣都好快就入位.我地叫左2個拉麵: 雞白湯拉麵 ($98)湯底好濃郁, 雞味鮮甜. 雞白湯仲會配咗炸牛蒡, 第一次食炸牛蒡, 脆脆地幾特別.黑蒜醬油湯拉麵 ($98)黑蒜醬油湯好香的黑蒜味, 仲配咗塊大紫菜. 每碗拉麵都有2件好厚的慢煮雞肉同1件大叉燒, 肉量十足同埋肉都好嫩~ 仲有半隻半熟蛋. 拉麵韌度適中, 好掛湯. 

-咁岩去佐敦抽血 又咁岩有fd收工過嚟lunch佢過以前喺第二間分店食過呢間拉麵又難得星期六唔洗排隊 就入左去啦menu拉麵款式唔算多（不過傳統拉麵係咁）我叫左個黑蒜醬油湯拉麵友人叫左個雞白湯拉麵🖤🧄黑蒜醬油湯拉麵黑蒜味好香 但個湯唔會好咸好漏可以一路食一路飲個湯配料有一塊叉燒、兩塊雞肉、半隻糖心蛋同埋黑木耳絲加少少蔥都算幾多野 食完勁飽$98算係咁啦🤍雞白湯拉麵朋友個拉麵個賣相好正係咪唔知上面一條條嘅係咩嚟架呢因為我食完都唔知😂之後上網睇先知原來係炸牛蒡 又幾薄脆幾得意雞白湯就唔算好濃雞湯味 但好滑好飲嘅🐔唐揚炸赤雞嚟到嘅時候真係好熱 真係岩岩炸起外脆內軟 又有啲雞油同肉汁喺入面不過不失咁啦 同埋個拉麵食係幾惹味我哋都坐咗喺度好耐談天說地都冇人催我哋走個fd仲話個廁所好靚好乾淨😂

好耐之前食過一次金鶴拉麵，果陣第一次食雞白湯拉麵，覺得好有驚喜。今次再黎食，質素依然保持到🤤  1️⃣極濃雞白湯拉麵 （$138）有炸牛蒡、筍、慢煮雞肉、叉燒、木耳同埋溏心蛋😍湯底係奶白色既，啱啱送到既時候有少少泡係面，飲落係真係超濃郁，比起我之前係度食既普通版雞白湯拉麵濃郁好多同埋好creamy。不過講真食多左有少少漏😂鍾意濃湯既一定會鍾意，但係比我揀我會覺得普通版既好味啲。  麵好彈牙好煙韌，而且因為湯底好濃，所以都好掛湯🤤配料最特別同埋最鍾意既係佢既雞肉，真係好嫩滑一啲都唔鞋👍  2️⃣黑蒜醬油湯拉麵（$98）蒜香味幾重，通常黑蒜油拉麵都係豬骨湯底，但係呢個就唔係，食落冇咁濃味，不過蒜香味都好夠😋  好味：7/10 環境：7/10 性價比：6.8/10  金鶴拉麵 Kane Tsuru Ramen  📍地址： 佐敦閩街3號地舖 📌有五間分店，另外四間係土瓜灣、天后、北角同埋中環  #佐敦美食 #土瓜灣美食 #天后美食 #北角美食 #中環美食 #食好西 #吃貨人生 #拉麵 #極濃雞白湯拉麵 #雞白湯拉麵 #黑蒜醬油湯拉麵 #金鶴拉麵 #kanetsururamen #香港拉麵 #炸牛蒡 #

行到個頭見到好日式既門面就知係呢間 想食好耐終於試到入面有吧枱同普通木枱坐得都幾舒服 員工好好態度又會做下推薦٩( 'ω' )و試左新出既蟹湯拉麵🍜個湯底唔係完完全全既水質 而係好綿滑好重蟹味 最驚喜係面頭真係有啲鮮美蟹肉🦀麵底都好出色 軟硬適中 我最怕食啲好軟既麵🤭而雞白湯同黑蒜醬油湯拉麵湯底都好出色 食完麵都直頭想飲埋佢(⁎⁍̴̛ᴗ⁍̴̛⁎)伴碗有叉燒同雞肉 叉燒肥瘦啱啱好幾唔錯 但雞肉就失色左少少 冇咩味不過幾滑 好似平時減肥既雞胸🤪可能就收鋪 店員請左我地食抹茶軟凍 我唔係matcha fans但好彩佢唔係超濃茶味 質感幾得意幾好食🎉拉麵黎講雖然唔算好平但幾好食 睇落份量唔多但勁飽肚 大機會encore(˶‾᷄ ⁻̫ ‾᷅˵)

今日經開佐敦 諗住再戰金鶴既蟹湯。點知原來已經無賣！佐敦店係第一次來，個位置都比較偏，有隱世既感覺，但慕名而來既客人很多，7點半已經排左5pair情侶！仲要未計有幾pair行過見到多人走左。環境方面就無乜挑剔，坐得好舒服。服務方面係唔錯，但我個人比較鐘意土瓜灣店既服務。食物方面就非常有水準，無得叫蟹湯，但極濃雞白湯，都非常正！極濃雞白湯拉麵 ($138)推介指數：9.5/10個湯底非常濃，但絕對唔會覺得膩，而且係非常清甜，係會有衝動飲曬成碗湯的！黑蒜醬油拉麵 ($98)推介指數：8.5/10湯底相對下有小小鹹，但都係會食上癮！當然，係雞湯先會有既清甜感覺，呢款拉麵就唔會有，但完全唔會覺得有味精既感覺，加分！呢個湯底比較濃，如果整成沾麵實好正！今次諗住加個小食，但好多款都因爲疫情來唔到貨，最後叫左個炸餃子，又係好食到不了！炸餃子 ($38)推介指數：9.5/10個皮炸到超脆，肉汁亦鎖得住，非常高質！加上有個醋汁可以點，唔會覺得dry。無得食蟹湯係有小小失望，但極濃雞湯同個炸餃子都成功令我大滿足！希望快d可以推出番個蟹湯，真係超級掛住！

平安夜喺佐敦行咗一陣，都冇乜打算訂枱食高級餐廳（俾人湯錢嘅日子），所以就揀咗喺佐敦好出名嘅金鶴拉麵，想嘗試佢嘅沾面，男朋友就想試吓佢嘅雞白湯拉麵可能因為平安夜嘅關係，門口排晒長龍，都要等左30分鐘先入座。服務態度唔錯，侍應們都有禮，招呼快，另外值得讚嘅地方係餐廳會係每一台擺一個竹籃，比客人放置個人物品，咁就唔使整污糟啦！我本身想叫沾面，但係就已經賣晒了。唯有叫其他野食～⭐️極濃雞白湯拉麵呷一口湯，雞味好濃郁，乳白色嘅湯底比起一般嘅湯底傑身，口感好順滑，鹹口適中。（但係湯底傑身，食耐咗都有啲口渴）除咗湯底，呢款拉麵最入味嘅就係雞肉了, 識落應該係雞胸肉，但係很嫩很滑，是意外的高水準。配菜就仲有啲炸牛蒡絲、木耳、荀、同埋糖心蛋等等。特別提一提牛蒡絲一上桌就好食啦，當佢浸左淋左之後，就會好難咬。要讚既係一碗拉麵竟然有3塊雞肉加2塊叉燒！一啲都唔手軟。⭐️日式餃子呢個餃子係用積分換，估唔到係炸的唔係煎的，皮很脆，有少少硬，餡料夠味。

四月第三個星期六晚上，潮濕陰天。滂沱大雨以後跟兩位嗜吃拉麵的友人晚飯，一輪商議後決定在佐敦這家拉麵店用膳，方便等下徒步到尖沙咀。雖然8點多，但遠遠已看見有不少人在排隊等候，我們大概等了15分鐘左右就被安排入座。店內呈日式裝潢，相對於拉麵店更像居酒屋風格，開放式廚房，清酒擺設，沒有卡位但位子不擠。 我先點一份黑蒜醬油湯拉麵，先喝一口湯，蒜湯甘甜清香，叉燒片嫩滑不黏牙，雞肉片彈牙但欠缺肉香，而且沒有滑嫩口感，溫泉蛋有點過熟，味道不太突出，拉麵來說甚麼都剛剛好，不好也不差，整體是缺乏特色的。 拉麵後我們多加了一份活蒲燒鰻魚飯，這鰻魚飯上桌我們都被驚艷了，從未看過此等厚度的鰻魚，魚比飯還多還厚，魚肉緊實綿軟， 肥嫩多汁完全沒有腥味，珍珠米粒粒分別卻不硬，這鰻魚飯吃完就只能用滿足來形容。

想慢慢享受一碗高質而美味的拉麵~ ~ ~ 金鶴拉麵致力打造 環境高尚、舒適、放鬆、乾淨、衛生，保持高質出品，優質服務，讓人有與別不同感受的拉麵店... 湯底基本分別有鹽味、醬油、豬骨濃湯、雞白湯 等等... 濃郁的湯再加上好吃的拉麵和細緻的配料︰黑豚、牛蒡、溏芯蛋配上精心製作的慢煮赤雞，大小適中，非常容易入口,濃郁湯還有勁道滑溜的拉麵簡直美味至極!! 當中雞白湯是成本最高，材料處理過程繁複，容易損壞的材料，所以很少人願意做的湯底。選用日本優質赤雞做雞白湯，每兩至三天由日本直送，食後感是比較舒服，不用飲水，令人一食愛上… 配料︰黑豚、慢煮赤雞黑蒜湯底，喝一口湯，入口較為香濃， 麵條幼滑可口，鹹度也頗符合香港人口味，不會像日本傳統湯底般，超濃、超重味，食後要飲好多水... .新鮮的食材，用心的製作，才有了讓人讚不絕口的拉麵。無論現在的你是什麼樣的心情，來一份拉麵，讓你瞬間好心情~~

這間好像是最近新開的拉麵小店, 餐廳名字也幾特別。 一進去, 便有一位店員熱情地款待。裏面的裝修格局很有日式風味, 整個氣氛也很好。店員的服務態度很好, 很熱情, 也會為我們推薦店內的特色拉麵和小吃。他們主打雞白湯拉麵和鰻魚飯。長野縣產巨峰果酒的酒味不太重, 喝下去, 它的巨峰味很突出, 用來配拉麵, 不錯。我們點了枝豆和元祖煎餃子來分享。元祖煎餃子是拉麵店推薦的小吃 , 煎餃子皮薄餡多。即叫即煎的餃子暖笠笠, 餃子皮有香脆的質感。雞白湯拉麵裏面有黑豚、慢煮赤雞、炸牛蒡、半隻溏心蛋, 另外, 亦有少量的黑木耳、筍、洋蔥。雞白湯這個湯底味道很濃郁, 湯汁入口幼滑。拉麵的掛湯力也算強, 麵條充分吸收到雞白湯的鮮味。新鮮炸出來的牛蒡脆卜卜, 香脆可口。赤雞片是以慢煮方式製作的, 肉質很嫩, 很軟熟, 有很香的雞味。吃完晚飯, 店主還送了一客綠茶甜點給我們吃。店主告訴我們要參觀一下他們的廁所🤣，但真的不是說笑，廁所真的要參觀一下! 他們有一個小型室外庭園, 那兒就是廁所的地方。馬桶是日式馬桶 , 廁所竟然還有電視機呢! 這間日式拉麵店很貼心, 廁所裏面還會供應牙線、棉花棒和女士用品, 連垃圾桶

拉麵店雖然位置有啲唔就腳，但離佐敦地鐵站其實只不過係十分鐘內既路程～ 係橫街中見到好搶眼既招牌同日本式裝修，就係金鶴拉麵啦！店內既設計比起一般既拉麵店較為舒適，坐得鬆動唔會逼住晒咁～坐係bar枱仲可以睇住師傅炮製拉麵一入到店鋪職員就好快速咁問左我地要熱茶定凍茶，比籃我地擺個人物品，仲同我地介紹有咩好推介，好好服務聽佢講鰻魚係每日即燒，可惜我地去到既時間已經賣晒，下次有機會要再試！最後我地叫左一白一黑拉麵，可以交換食唔同既湯底雞白湯拉麵配料有黑豚，牛蒡，溏心蛋同慢煮赤雞～雞白湯係waiter最推介既湯底，話係用左日本空運既赤雞熬製出黎～食拉麵第一口一定係要先試下個湯底，依個湯底好濃郁！佢並唔係味精湯味，可以食到好濃既雞味，係creamy既感覺唔係好稀既湯～師傅係上菜前會grill下黑豚，所以食落係有陣香氣～雞肉十分嫩滑，唔係鞋sup sup個啲！牛蒡係輕輕炸過，我本身普通牛蒡既味，但炸左食落又幾特別黑蒜醬油湯拉麵配料同雞白湯拉麵大致上一樣，但冇牛蒡～依個拉麵上菜時第一個反應就係：好香啊！淡淡既黑蒜香，令人急不及待要食！飲落去黑蒜味唔係太重，唔會蓋過左其他食材既味道相比起雞白湯依款冇咁特別