Odelice! (蘭杜街)

营业中

休息中

今午約了朋友在灣仔交收文件，順道聯誼。忽然想起附近有Odelice 餐廳，是年幾前曾在將軍澳Popcorn內幫襯過，食物質素唔錯；都有好感。特別是佢哋嘅Gallete是餐廳signature，頗為特別和健康。於是帶友人品嘗一下。Daily soup lunch雜菜蛋花湯茨太多，故口感一般。Tuna Carpaccio 吞拿魚肉質柔軟呈粉紅色，外層佈滿黑椒粒味道帶些微辣;。以橙肉粒和蕃茄仔陪襯十分搶眼，再配上橄欖油和檸檬汁甜甜酸酸，清新又開胃。Gallete(Mixed seafood)以簥麥做簿餅食得更健康。與pizza 質感不同，看似軟綿綿但口感帶有煙韌。海鮮豐富如帶子、魷魚圈和蝦等皆鮮甜彈牙，一D都唔韌;混入creamy蒜香忌廉汁惹味非常，令味道增加不少。Lunch Bistro (Cod fillet)鱈魚肉質雖然唔滑，但食落都唔覺鞋口。香煎後外皮脆脆提升口感。蘋果、青瓜和西芹皆健康食料，用來做飲品清新又健康。Honey Lemon Mint Iced Tea

朋友今晚加班，於是我就在灣仔漫無目的亂逛，喜料被我發現了一間法國餐廳，感覺不錯！就提議朋友今晚就吃這間小巷裏的法國菜。Tuna Carpaccio： Tuna的外層沾有芝麻油，聞起來味道很香！賣相亦很吸引。卷起Tuna食用能食到Tuna的鮮味和淺淺檸檬汁的味道，開胃之餘也清新。龍蝦燴飯：半隻波士頓龍蝦連同燴飯一拼上碟夠搶眼！龍蝦蝦肉彈牙新鮮。燴飯亦能吸收高湯的味道很鮮味，飯粒煙韌帶點彈牙。燴飯加了小許芝士做烹調，「畢」起飯上黎有少少拉絲。美國安格斯羅西尼菲力牛排：這道牛排上面有快塊鵝肝，鵝肝煎得恰到好處，配上牛扒感覺不會太油膩。餐廳建議我們牛排點五成熟，牛扒軟霖容易切開，食落去冇筋，牛味頗重。Homemade Tiramisu：餐廳的Tiramisu是自製的，其他地方食唔到。Tiramisu味道很香很滑，而且不會過甜，配上紅莓醬更是開胃！很值得推介，而且配飾的草莓更切成玫瑰花的樣子，很可愛。由於等到我朋友收工已經8點了，餐廳很多款主食都賣曬！看來下次要早點來到，再來品嘗一次法國菜的風味。另外餐廳的咖啡好像都不錯，如果喜歡喝咖啡的人都可以試下，我自己本生不喝咖啡，所以就無試。

下雨的補選日，避開了九龍區黎到了港島區，因為住港島朋友GE介紹有間法國菜小店唔錯所以專程黎食一食。差不多7點，店內已經差唔多座無虛席，幸好一早就向餐廳預約。每人分別都點了杯飲品 Petit Fume, White用白酒黎送海鮮可以話係一流。 Avocado, Apple, Cucumber Juice。而因為女友唔太飲酒關係揀左杯牛油果汁。蘋果味道最為突出，飲落可以感受到牛油果香同滑，用黎中和肉類油脂清清味蕾確實不錯。 Tuna Carpaccio。吞拿魚肉外面有芝麻胡椒包住，而魚肉咬落會帶有果汁及檸檬香味，而面上的橙粒有畫龍點睛作用。 用料，做法及配搭出色，同平時食開的吞拿魚剌身不同，食完確實對吞拿魚有全新的體會。 French Mussels & Fries。正當食完前菜等了不久，下一道已經擺在眼前。餐廳選用法國進口青口，再一強調法式風味。青口份量真係非常多，用2個碗都裝唔哂。另外旁邊的薯條並不是配角，沾上醬後食超惹味。Foie Gras & Beef Rossini。到主菜牛扒，我地揀左MEDIUM 。牛肉切落唔韌，食落口充滿肉汁。牛上嘅鵝肝亦值得一讚，味道濃郁及帶有淡淡果香。最

就到萬聖節諗住同朋友一齊去主題樂園玩，可惜唔夠腳就變咗同男友兩人枱腳，哈哈。所以決定食完飯就過隔離太古廣場睇場電影。 知道附近嘅ODELICE風評唔錯，就早少少過黎食個晚餐。 前菜點咗Tuna Carpaccio。厚切魚片用上大量黑胡椒包裹腌製，所以辛香味好重。輕輕炙燒過表面令魚肉更有口感，配上微酸醬汁的確幾醒胃。 U.S. Steak Linguine。牛扒點左五成熟都恰到好處，肉味幾重。意粉醬汁都係常見嘅蒜片蕃茄醬，但因為蒜油多嘅關係食落更香濃。醬汁唔會水汪汪掛麵程度剛好，而且份量都多兩個人分食就對了。 Foie Gras, U.S. Beef Rossini。牛肉都係五成熟但體積都有成兩吋厚，所以出黎效果更腍更軟肉汁十分豐富。邊邊位煎焗得焦香更提味。 而薯蓉奶香細滑，食時仍有粒粒未完全壓爛嘅薯仔顆粒，配上咸香牛肉所以好好食。伴菜嘅細洋蔥焗得香甜，只有一粒就可借咗啲啲了。 Avocado, Apple and Spinach Juice。男友唔飲得，就點咗杯果汁俾佢。即場鮮榨嘅青蘋果汁十分香甜，配上牛油果味道的確不錯。亦能減低油膩感。 Rafael- Red(Glass)。

週末趁著炎炎夏日，再次到訪這小店，想起來對上一次來已是兩年前情人節的事了。餐廳格局沒有大變，牆壁上都是掛著跟法國食品有關的舊式廣告，彷彿訴說著時代中變與不變的風景。對我這種食客而言，最重要的固然是食物水準，但餐廳環境帶來的熟悉感也會讓人食得份外舒服。正值下午茶時間，我們先點了杯Pine Apple, Cucumber & Apple FreshJuice消消暑。原汁原味，飲完頓覺精神爽利。(順帶一提，大部分sets跟餐奉送無限冰茶/咖啡添飲呢)既然開胃，我們便一口氣點了一客Tuna Carpaccio和Salmon Brunch Galette。吞拿魚片搭配了刁草和生薑芝麻汁，味道微甜的，最重要的是釣出吞拿魚本身的鮮甜，連同鹹酸豆併起來吃亦好夾。這份法式薄餅Galette食起來都很fresh：Galette內藏了mozzarella配上煙三文魚和菠菜。這種配搭簡單得來都是很傳統食法，我和女友卻鐘意於此，一同將浪費記憶帶回在法國異地旅遊的快樂時光。。。

* * * * * 古蹟遊記 * * * * *每逢週末, 務必攜同太太, 穿越港九新界大街小巷, 尋找最特色、最豐富的珍饌百味。與此同時發掘各區更多燈火䦨珊之地。今日到來港島區最具代表性的－灣仔。* * * * * 灣仔 * * * * *灣仔－香港最早發展地區之一, 集住宅、商業、娛樂及美食於一身的多元化社區。同時亦具備有非常完善的交通網絡如: 電車、巴士、港鐵、渡輪等等均一應俱全。「上環、中環, 大家耳熟能詳。下環, 你又有所聽聞嗎？」19世紀, 灣仔舊稱為下環, 屬於華人聚居地。毗鄰海岸線, 主要以發展捕魚業為主。時至今日, 灣仔區亦保留著不少歷史建築物, 成為世界各地不同大小的導賞團的必到景點之一。當中包括: 洪聖古廟、舊灣仔郵政局、藍屋、南固台、舊灣仔街市等等甚具歷史價值的歷史建築物。區內周圍設置有大大小小的導賞資料, 以便於大家深入認識區內歷史發展。* * * * * 橫街窄巷內的小歐洲 * * * * *香港曾經成為英國殖民地, 灣仔亦被選址成為英國殖民政府的軍事基地。自19世紀起, 英國及其他國家人士開始紛紛聚居此地, 與此同時亦帶同各國文化、特色美食一同而至。蘭杜街