一君士多 (已結業)

一君士多開第二間分店呀！早幾日途經尖沙咀見到即刻相約朋友去試下。這裡裝飾得很本土，膠櫈同燈籠都是用上紅A物料。海龍皇泡飯 配料包括有龍蝦(半隻)、廣島蠔、新西蘭魷魚、青口同蝦，淨係睇到個餐牌已經好吸睛再望埋這碗海鮮泡飯，真係口水流呀！龍蝦好大隻夠彈牙、廣島蠔肥美、魷魚青口同蝦一樣好新鮮配埋忌廉濃湯泡飯夠鮮味。霸王麵霸王麵用上特濃豬骨湯做湯底，材料有鮑魚、廣島蠔、花菇、花膠同蝦。這個特濃湯底好香濃用了很多骨煲成配埋鮑魚、廣島蠔、花膠等帶出濃郁鮮味。炸蝦餅熱辣辣即炸蝦餅新鮮香脆惹味。郊外油菜另外再點了三款淨餸， 蘿蔔、咖哩陳皮魚蛋同牛腩，蘿蔔鮮甜，咖哩陳皮魚蛋醬汁豐富夠彈牙，牛腩諗身入味。龍眼冰鮮甜滋潤菠蘿冰清新香甜

當自己進入青春期時, 總會在九十年代睇過呢套 ''記得...香蕉成熟時''一諗起除左會哼起 Bee Gees 名曲 ''First of May'' .. When I was small, and Christmas tree are were tall .. 之外,當然一定會記起戲中波仔: 鄧一君啦, 亦即是經常既專稱''香蕉仔'' 吧.知道佢在尖沙咀開了佢的車仔麵店分店, 即刻在尖沙咀見完客後去試試,望望個落單紙, 嘩! 好多美食都想試, 但熱愛湯麵的我, 都是想試試呢度既推介: 霸王麵!!一上到餐桌既時候, 嘩! 淡淡既湯麵香即刻湧出來!!呢碗包括飽魚, 花膠, 蝦, 花菇於一身晚既霸王麵, 真是不知食什麼先.結果都是試下個湯底先. 豬骨湯做底，陣陣濃郁既骨味好出, 最重要是之後見客時都唔覺口喝.鮑魚有成兩隻, 入口彈牙.花膠有咬口, 仲要有好多隻, 有口福了.生蠔食落去唔腥, 亦充滿厚厚的生蠔味.  十分creamy.花菇大大隻, 再加上轉了我最愛的米粉底. 完全成個湯底入哂味.加$8 要多杯Coke Zero. 埋單$106. 完全令我飽肚.遺憾不能見到老闆香蕉仔, 唯有下

藝人鄧一君係我朋友少年時的偶像，當然一講出嚟就知道大家嘅年齡層啦！佢怕羞咁話所以叫陪佢。油麻地開咗一間叫一君士多連古天樂都有去親身支持，但我比較喜歡尖沙咀店因為座位闊落，而且經常見到一君打理店舖，可以要求合照呀！平日晚上放工後，天氣炎熱無胃口，一於去一君 食碗豪華版的車仔麵，對自己好一點。除了招牌車仔麵我也愛他的火焰黃牛芝士飯。《霸王麵》 $98材料豐富而且全部高貴食材，不用$100已經有鮑魚、廣島蠔、花膠、蝦；賣相已經令人興奮。原隻鮑魚好味彈牙，廣島蠔鮮味軟滑，花膠夠晒滋潤，畫龍點睛的麻辣汁，回味無窮！《火山之牛飯》$78有火焰芝士的感覺，牛肉份量足料，芝士拉絲，加上秘製醬汁，跟飯食一流。《自選三餸車仔麵》 $40車仔麵最有代表性我都覺得係咖喱陳皮魚蛋、軟滑牛筋、惹味牛腩；在配搭埋經典嘅粗面底，推介！《蘑菇芝士雞翼》$32好有心的一個小食，蘑菇芝士好似爆漿一樣，新鮮滾熱辣，雞翼皮脆肉嫩，口感好正！《香蕉成熟船》 $48記得香蕉成熟時，一定要留肚食返個甜品，好豐富嘅香蕉船，有香蕉又可以揀兩球雪糕，同埋格仔餅。我自己覺得奶茶味同埋荔枝味雪糕好正。《薄荷梳打》喺咁熱嘅天氣飲杯冰涼飲品真係涼

富有日式風格既門口 係尖沙咀既呢條街不難發現這間小店的存在 入到去座位闊落 乾淨企理 即使lunch hour都坐得舒服 我地叫左兩碗招牌 霸王麵同富貴麵來試試 朋友大讚廣島蠔鮮味十足 又夠飽滿 唔會比湯底蓋過左味道 而碗入面既鮑魚令我有驚喜 並唔係一般罐頭鮑貨色 好鮮甜入味❤❤ 另外仲叫左幾款小食 炸蝦餅似泰式蝦餅 口感扎實 唔會入口一埋粉咁 大愛!!一君炸蛋都幾特別 的的骰骰 最岩同閨蜜share☺☺ 最後特別推介紅豆冰 呢度紅豆冰唔似出面咁淡口 好香濃椰漿味 但又唔會太甜 用心之作👍🏻👍🏻

尖沙咀開了一君士多呀，今次在鋪外經過見到鄧一君，便入來吃啦！鄧一君還打了招呼呢，很開心！點餐紙很容易明白，設計簡潔。我點了最有名的孖寶之一 - 富貴麵。 包括有鮑魚、花膠、花菇。而麵底、湯底同醬汁都有好多選擇。最後我點了比較少見的銀針粉，配上豬骨湯，簡直入味。而銀針粉煮得剛剛好，不會過淋，絕不馬虎。飽魚大大隻，共有兩隻。煙煙靭靱。花菇十分飽滿厚肉。朋友點了更勁的霸王麵。有鮑魚、廣島蠔、花膠、蝦。大蝦彈牙有鮮味。朋友對麵底讚不絕口，未吃過這麼彈牙的粗麵。黑牛我打算點香蕉船，已經叫朋友不要點黑牛，但佢很堅持，佢話佢都有自己想要的情懷😂。可樂加上朱古力雪糕，雪糕雪得不錯，沒有溶得很快。南乳豬手豬手炆得較淋。芝士磨菇雞翼雞翼炸得香脆，加上芝士，又香又啖啖肉。郊外油菜蔬菜少油，吃得健康。炸薯角朋友點了炸薯角，薯角香脆。配上茄汁，跟車仔麵中西合壁。香蕉成熟船最後是我所期待的香蕉船啦。3個雪糕球，最喜愛是雲呢拿味，比較軟身。配上香蕉，很夾味。而整架香蕉船，最養眼的當然是那個小傘子，完全是暴露年齡系列。

前一排先岩岩係fb見到鄧一君開咗間小食鋪，今晚經過尖沙咀就見到佢間一君士多，原來呢間係主要賣車仔麵同飯食，地方都幾闊落新淨。我地兩個人今晚勁肚餓，叫咗好多野食，樣樣都試下嘛。霸王麵呢個原來好出名架，佢係車仔麵底，但係用豪華食材做送，食落都幾奢侈，但都唔洗$100碗喎。佢入面有廣島蠔、鮑魚、花膠、蝦，用上勁濃的豬骨湯做底，陣陣濃郁既骨湯味好出。日本廣島蠔好大隻，食落好creamy。花膠同鮑魚都係好入味，鮑魚同蝦都尢其彈牙，同個湯底好夾味。其實食咗一半啲送已經覺得好有滿足感，呢碗麵真係名不虛傳。火山之牛飯呢個飯係我見到YouTube 片鄧一君親自介紹既，所以我就嗌黎試下。佢係將啲好香奶味既芝士放係側邊，中間鋪上牛仔同埋半熟蛋。吉爛隻蛋等啲蛋汁流晒落飯入面，再淋上幾羹佢預備的洋蔥汁係上面，淨係飯都覺得好正好邪惡。再試埋牛肉，牛肉係用火槍灸燒，表面有小小烘，又唔係熟晒既，加埋芝士撈飯食，香濃有肉汁！磨菇芝士雞翼呢款雞翼用上既芝士又係另一款，呢款似車打芝士，芝士味更濃厚，流落雞翼入面同肉汁磨菇混埋一齊，好吸引既小食。炸蝦餅炸蝦餅係細細塊，肉身係紅色既蝦餅，感覺真材實料唔溝粉，都幾有誠意。香蕉成熟

我自己就好鍾意食車仔麵，最近公司附近開咗間新嘢，主打車仔麵同特式飯，原來係藝人鄧一君開㗎，當日仲見到佢到先叫咗杯菠蘿冰消消暑，好香甜解渴平時食碗車仔麵都50-60蚊啦呢個霸王麵我就覺得好抵食，有鮑魚、廣東蠔、花膠、蝦及花菇，份量勁足料粗麵入口彈牙，而廣東蠔好新鮮入口蠔味好重，鮑魚爽口彈牙，整體好豪又抵食另外我仲追加牛腩、果皮魚旦及蠔皇冬菇，牛腩勁大件又厚身，但入口超嫩腍又夠入味，而冬菇都好好大件炆得唔錯最留睇食埋佢個甜品，係香蕉船夠哂懷舊，仲改咗個名叫香蕉成熟船，就諗起佢套電影香蕉成熟時

近排好多人討論既一君士多開分店，係咁短時間內就開多間真係令人好意外！今日襯睇戲前有小小空檔時間所以就去試吓好唔好食啦！裝修簡單得黎又不失格調 環境都幾乾淨餐牌霸王麵 ( 鮑魚，廣島蠔，花茹，花膠，蝦) 米線鮑魚雖然唔係好大隻，不過勝在夠甜 唔係普通貨色！仲要有兩隻花膠都多到離曬譜廣島蠔鮮味到不得了 唔會話好腥湯底就比較食開拉麵豬骨底淡小小，個人覺得雖然唔似車仔麵底 但係好食既！四餸車仔麵今次點了四餸車仔麵，包括滷水豬大腸，陳皮魚蛋，香煎紅腸和瑞士雞翼！個人最愛的是滷大腸，果然係招牌之一，滷得十分入味，必點喔！另外，陳皮魚蛋也很推介，真係每一粒魚蛋都品嚐到陳皮味，由內到外都夠曬細緻！湯底方面就是豬骨湯配薯粉！紅薯粉通透而又彈牙，車仔麵新嘗試！一君炸蛋炸鵪鶉蛋細細地一口咬落去，蛋味出哂黎南乳豬手大大件 入口即溶 唔錯唔錯菠蘿冰飲品方面點了杯招牌菠蘿冰，炎炎夏日夠曬消暑，酸酸甜甜，十分開胃！入面仲有粒粒菠蘿果肉，有咬口又juicy！

呢間係前藝人鄧一君開既餐廳，之前油麻地店開既時候，睇報紙見到話古天樂都去支持，見佢係尖沙咀又開左分店，我咁為食梗係要試一試啦餐廳名字打正旗號用左老板個名做生招牌，餐廳入面用左街市照雞蛋D燈做照明好有趣食物好多元化，有海鮮、有車仔麵、有牛肉飯，仲有唔少小食，有D仲係香港地道野添霸王麵 ($98)霸王麵夠曬霸氣，有鮑魚、廣島蠔、花膠、花菇、蝦，鮑魚同花膠都炆得好入味，只係$98就食到多種高級食材，湯底無味精可以放心飲用郊外油菜 ($12)、南乳豬手 ($32)、一君炸蛋 ($28)南乳豬手炆到淋曬又入味，仲有白蘿蔔一齊食，吸收骨膠原之選呀，炸蛋就即係炸鵪鶉蛋，鵪鶉蛋係我由細到大都鐘意食既食物，一口一啖好美味海龍皇湯泡飯 ($108)另一高級食材菜色但平平價錢，足足俾左半邊龍蝦，又有魷魚、蝦、青口、廣島蠔，勁豐富，廣島蠔漲卜卜又大隻，另外好欣賞個湯底，係有落左奶同魚煲，淨係飲個湯都已經好滿足熱檸蜜 ($12)、黑牛 ($18)黑牛係香港特有飲品，即係朱古力雪糕加可樂，所有飲品都可以隨食品以優惠價ORDER喔

沒有更上等的車仔麵，第一次看到有鮑魚、花膠、花菇的選擇，緊係要試試看。湯底仲可以揀豬骨湯或者牛湯，好體貼對各方面需要的食客，真細心。其實除了「霸王麵」之外，仲有三餸車仔麵都係$40，係尖沙咀黎講真係好實惠！連麵既種類都一樣咁多選擇，一星期每日食一類都試唔曬😂最令人感動的是南乳豬手，除左啖啖肉之外，碟頭仲好大碟，又淋又入味，再配埋又冧又甜既蘿蔔，都係$32，真係唔使去酒樓就可以滿足到口癮。另外要食既係芝士磨菇釀雞翼！外脆內熱辣辣的芝士餡，超級juicy ，但又不失香脆感。主角終於黎啦！真係好豐富的，花菇要炆半日先有咁入味同淋口，兩點已經賣曬，要等夜晚了。最大讚係廣島蠔，超級新鮮，肥美，夠大隻！花膠選用比較薄身既，就唔怕食完會食唔落其他野。第一次係出面食鮑魚麵，咁豐富都唔使一百蚊，實在值得一試的！最後佢哋既菠蘿冰係自家用新鮮菠蘿整的，完全唔係罐頭糖水，實屬罕見，飲完好解渴的！

今日同朋友去左尖沙嘴，見到新開無耐既一君士多，緊係要試下啦。裝修好乾淨俐落，d燈好有舊時士多店既感覺，poster掛係牆又好cute。見到餐單，d料好足，但其實價錢吾貴，好平民，幾抵食。海龍皇湯泡飯超級足料，又大碗！！！有長過手掌既龍蝦，好爽口彈牙，又有青口、廣島蠔同蝦。碗湯好有鮮味，將d飯放入湯泡簡直一流。火山之牛飯飯面鋪滿芝士、牛同蛋，真係好似火山。食前可以將蛋黃切開，就有蛋黃流出黎，好滋味！之後重叫左2個小食，係芝士蘑菇雞翼同南乳豬手。雞翼中既芝士溶化左，可以拉絲，好正，而豬手又煮得好冧，好入味。最後緊係要叫懷舊風味既香蕉船，可以揀3球雪糕，又有格仔餅做伴碟，正！熱檸蜜同菠蘿冰今餐真係好滿足，又抵！

行過尖沙咀，見裝修幾特別的一君士多、一於入去試試。餐牌張相的火山牛肉飯看似吸引，點知來到只係凍肉鋪幾十蚊貨色的肥牛⋯即係肥肉多過牛⋯成舊水碗⋯不如自己整算，失望

夜晚8點幾，接埋仔仔，喺尖沙咀加拿芬道附近搵嘢，行到間門面新浄，坐位闊落，店名也特別一君士多，但賣的是車仔麵和咖哩飯。坐低安頓後，叫了豬手撈麵豬手很軟䭃，粗麵上面加上蒽芝蔴，醬油充滿每一麵上很香口。巧遇一君親自落舖打理店舖。

份量少，豬皮牛根咖哩陳皮魚蛋蘿蔔煮得太冧，咖哩魚蛋無咖哩味，一份豬紅得三舊，辣魷魚唔辣，特濃豬骨湯無豬骨味，只吃到梘水味，非常非常之普通性價比特低，絕對無下次。伏伏伏～～！！！

前藝人及保險銷售員，所開的車仔麵檔。始終不是做那行就沒辦法做出那種味道，餐廳的裝修很乾淨不像傳統的車仔麵檔有點骯髒。但去到車仔麵檔的重點還是吃那碗麵，我們點了陳皮魚蛋丶紅腸丶瑞士雞翼丶蘿蔔、豬皮、豬紅和冬菇。分別叫了銀針粉和米線。陳皮魚蛋和瑞士雞翼確實好吃，但其他別的沒有車仔店至尊榮記做得那麼有水準。但以$40.三個餸來說還是可以一試。湯底還可以加錢選擇越南牛肉湯底，但感覺上和車仔麵有點不配所以我們沒有選擇這一個。