一君士多 (已結業)

現在做一碗車仔麵生意也不容易，滿街也是競爭對手，想突圍而出一點也不簡單。還記得〈香蕉仔〉鄧一君先生嗎？？自從多年前絕跡係幕後就沒有見過他的身影。直至最近他經營車仔麵生意〈一君士多〉才得知他重出江湖。其實原是想光顧他在油麻地的總店，但聞說堂食位置不多，所以一直也沒特別去光顧。但尖沙咀分店就不同了，全店採用日式屋台的簡約設計，給人感覺簡潔，明亮除了選了豪華上盛的霸王麵，富貴麵和蠔華麵外，當然也有自選菜式車仔麵和小食。但還有各式泡飯和咖喱飯都未算特別，竟然還有香蕉船喔！！〈霸王麵（鮑魚，廣島蠔，花膠，花菇，帶子）特濃豬骨湯，薯粉。另加清甜蘿蔔〉當然要試試他們最招牌的霸王麵！！一次過就試齊店裏除了牛肉的全部豪華食材首先仲要特別推介的一定是廣島蠔！！別看他細細隻的，蠔味是絕頂的濃郁另外鮑魚也夠彈牙，絕不讓廣島蠔專美。花姑亦超級肉厚，菇味香濃。花膠大大片的次亦夠厚身，膠質豐富，美顏美顏。〈日式豬扒咖喱飯〉不想吃麵的話也有各式飯類作選擇，不吃泡飯也有日式咖喱飯。🍛🍛🍛配上大量雜豆的微甜日式咖喱一向是白飯的好朋友，再配上炸得鬆脆不死實的豬扒，老公三兩下手勢就將整碟飯K.O.了〈香酥南乳雞翼〉絕對是必

相信大家對一君士多不陌生，一君士多是由前藝人鄧一君所開設，最近尖沙咀也開設第二分店。儘管一君士多是鄧一君所經營，但他沒有頂著藝人的光環，凡事親力親為，而且店內沒有大肆宣傳他的名氣報導，反而主要張貼食物照為主，姨姨挺欣賞這務實的經營，讓食客了解更多店內的美食。喜愛炸物的我們第一時間當然點了一大堆炸物小食，每款炸物均各有吸引之處，要我們挑最愛的風味小食，確有難度，因為款款小食都太好吃了。我們頗推薦香酥南乳雞翼，三隻南乳雞翼只賣28元，蠻便宜的。雞翼炸後皮脆肉嫩不油膩，入口濃濃的南乳香，教人愛不釋口這香酥南乳雞翼。蘑菇芝士雞翼也不遜色，姨姨讚嘆雞翼外皮炸得焦脆，輕輕一咬，濃郁的芝士蘑菇從柔嫩的雞肉源源不絕流瀉出來，非常吸睛，令人食指大動。一君炸蛋金黃的色澤與酥脆的外觀，無膩味之感，加上撲鼻而來的鵪鶉蛋香，真是讓我們垂涎欲滴。鵪鶉蛋裡頭細嫩的質感，濃厚的蛋黃香，不用提味，單吃已很美味。飽滿的炸蝦餅充分反映一君士多用料十分下重本，蝦餅全是彈牙鮮香的粉嫩蝦肉，就像鮮蝦在口腔中蹦蹦跳跳，迷人的鮮甜味使我怦然心動起來吃了大量炸物，難免有些許熱氣，我和姨姨各喝龍眼冰與紅豆冰，龍眼冰杯中足足有三份之一的龍

早一個禮拜喺無線電視『東張西望』見到介紹藝人鄧一君嘅『一君士多』，有豪華車仔麵吃，而對我來講，最重要係有香蕉船吃，事關呢個係我細個時嘅回憶呀。今日約咗朋友來到位於尖咀堪富利士道嘅一君士多，我哋點咗以下食物，分别有主食霸王麵，小食芝士蘑菇雞翼，炸蟹鉗，一君炸蛋，飲品就有龍眼冰，薄荷梳打，仲有甜品香蕉成熟船。霸王麵内材料有鮑魚，廣岛蠔，花菇，花膠，仲有今日由帶子取代了原本應有嘅蝦。98蚊可以吃到咁富貴嘅車仔麵，唔錯吖。鷄翼去骨，芝士蘑菇釀喺其中，非常香口好味，推介畀懶人一族蟹鉗及炸蛋亦係香噴噴，熱辣辣。香蕉船令我返番去童年嘅回憶，雪糕球揀咗荔枝及雲呢拿味，好吃，吃到停唔到口。

明星開餐廳而家越嚟越多，或者有時唔好認識嗰個明星，但係又會好好奇佢究竟做咗啲乜嘢出嚟。 呢晚放工，約咗同事去咗喺尖沙咀新開嘅一君士多晚餐，呢到由一位我覺得非常童顏嘅明星鄧一君開嘅，之前一直有見到雜誌報道已經好想試。餐廳位置唔難搵，佢嘅門面亦都好突出，用咗淺木色，感覺有啲似日本拉麵店嘅感覺，但係裏面就有少少香港嘅懷舊feel。紅色燈罩嘅燈加埋卡通嘅poster，好有香港70年代感。唔單止食麵，呢度仲有飯食。麵方面有湯麵有撈麵都有車仔麵，今日叫咗個霸王麵。花膠冬菇鮑魚蝦，非常足料😋花膠有好幾件，食落好香滑入味；至於最欣賞佢可以隨意選擇面款，唔係淨係得粗麵幼麵同米粉，仲有好少地方有得食嘅銀針粉😍 整體湯底冇味精，唔會頸渴，味道同銀針粉同埋餸嘅配料非常夾。. 同事叫咗個牛飯上枱嘅時候，感覺有啲邪惡，亦都好香芝士味；用火槍輕輕燒過個面，食嘅時候將蛋黃拮穿，同飯一齊撈埋簡直係天上有地下無嘅幸福滋味🥰牛肉都有好多塊，質地比較厚身，但係好香牛味。佢亦都有好多特別嘅小食，就好似呢個炸蛋。我開頭以為係炸魚蛋，原來佢係炸鵪鶉蛋，有少少似椒鹽鵪鶉蛋嘅感覺，一啖一粒非常方便。成餐飯最難忘嘅係呢個蘑菇芝士雞翼去骨

今朝去行山，行完山最想食飽，補充體力！一君車仔麵門口貼上報章介紹，開店初期電影大哥古生俾個秘密驚喜老闆，吸引我睇下有幾厲害聽聞呢度車仔面出色店鋪環境簡潔，乾淨，木台配上膠椅，電燈係街市賣雞蛋既電燈，充滿懷舊風情！車子面種類繁多，我有選擇困難本來只係想黎食四寶面，但一睇張車仔面菜單，發覺有好多車仔餸選擇，睇黎睇去，終於搵到自己想食咩我貪心，於是叫了四款餸，有豬腸，陳皮魚蛋，冬菇，豆腐豬腸洗得好乾淨，食入口有淡淡的滷水味魚蛋有好香的果皮味，招牌菠蘿冰用鮮菠蘿做底，並非一般只用罐頭菠蘿，有誠意冰涼清甜，啱晒行完山比太陽曬足一朝既我我朋友叫左辣魷魚，肥牛，牛筋，銀針粉。無錯，係懷舊銀針粉，今時今日仲有銀針粉既車仔面店已唔多見，老闆絕對有心思辣椒油都好精彩，有類似脆碗豆既食材係入面牛𦟌同牛肚豬手好淋，，睇得出炆左好耐呢碟章魚燒，我未食過炸既台式炸鵪鶉蛋，有驚喜，但炸野唔太健康，加上食一碟膽固醇爆標，所以食唔晒😅龍眼冰，龍眼肉清甜飽滿，飲品清甜南乳雞翼好大隻南乳味重，性價比極高

係openrice見到呢一間 食肆 ，見到有好多好評，於是今日特登同家姐嚟試下， 入到店舖，感覺環境係乾淨。 服務方面:感覺侍應嘅態度都好有禮貌 ，店內大約有三至四個樓面落單 。食物方面家姐叫了一個南乳豬手撈麵 ，味道唔錯，豬手好入味同埋炆得好淋，我點了一個蔥油豬扒飯 ，但係味道覺得一般， 感覺價錢都唔係平，一碟飯58元再加一杯凍檸茶要另加12蚊 ，一個中午餐要70元。但係呢間食肆出現咗一個大問題，就係出餐嘅時間需時好耐 ，我食過咁多間食肆 ，冇試過一間叫一碟飯要等30分鐘以上 ，除咗我張枱之外，我眼見其他嘅枱，大約有四五張都係等咗三十分鐘以上 ，見到好多食客都投訴，叫一碗車仔麵等咗一個鐘頭 都未有，眼見好多食客都怒氣沖燒， 由於係食晏時候 ，可能個個都趕住返工 ，所以見到好多食客 都催咗好多次 ，但係店員都係好有禮貌咁同佢哋講，已經幫佢哋跟緊，但係又真係好難令人接受， 等一碗車仔麵要等成三十分鐘以上 ，我諗佢哋嘅老細都要檢討下，出餐呢個問題，時間太耐，啲客一定唔耐煩 。而我自己本人試過一次就算，下次應該唔會再幫襯

今日返工去到尖沙咀，經過呢間車仔麵店，較早前亦見到好多廣告宣傳，好似好用心好似好好食，就入左去喇。結果，叫左 ‘難忘牛腩’ 因為個名好特別，但好難忘的是，個牛腩件件都好硬好柴。 蘿白亦出奇地，每一件都有渣。亦叫了陳皮魚蛋，魚蛋算有陳皮味，魚蛋算係三款餸入面比較正常。湯底偏，剔左腩汁但個人唔覺有加牛腩汁。而且湯偏少，係好少，食食下頂唔住要問店員拎多啲湯。拎完湯發現，原來間店係有熱湯，本身碗麵一上到來就已經係常溫，一啲熱都冇。以上係我個人感受，如果是店的特色，那就恕我沒品味不懂欣賞了。然後，見圖覺得個炸蛋好似好吸引，就叫了一客。上到枱，好似有少少偏差，可能我有誤會。另外，店員服務都係ok，有禮貌。但係，最重點係，一碗麵等左好耐，我等左15分鐘，隔離枱等左20分鐘，仲有一枱等左45分鐘。所以，如果您要趕返工，就想清楚才來。加上食物同管理真係令人好失望，對我來說，就暫時未見到我會再光顧的可能了。

晚上來了這裡吃車仔麵, 餐牌上有幾款推薦的麵類, 另有自選三餸車仔麵供選擇, 食物價錢吸引。富貴麵裡面有鮑魚、花膠、花菇, 我選擇了要幼麵做麵底, 豬骨湯做湯底。車仔麵有花膠, 挺有特色的。幼麵份量有好多, 好像吃極也吃不完的。冬菇有蠔油味, 幾入味。魚肚細細件, 質感夠淋身。時菜淋了蠔油醬汁以增添味道。另外點了三個配菜, 分別是鮮白蘿蔔、軟滑牛筋、時菜。我個人要推介炆牛筋, 它很軟腍, 帶一點彈牙的口感, 柱侯汁不太咸, 而且非常入味。炸魚蛋細細粒，美味。炸蝦餅炸得夠脆口。

今次黎到一君士多好大程度係因為比之外既宣傳片吸引左所以決定黎試試明星開既店食物質素係如何喇~一直以為得車仔麵但原來都幾多野食除左車仔麵之外仲有唔同種類既飯最後我都係點左自選車仔麵有得簡自己鐘意食咩咁先係車仔麵嘛!呢到都有d配好左既車仔麵例如霸王車仔麵就有鮑魚/廣島蠍/花膠同蝦喇相當高級呢其中一碗車仔麵:米線+魷魚+豬皮+豬紅+牛柏業配特濃豬骨湯可能因為有咖哩汁既關係唔係好食得出湯底有豬骨味但係d食物水準好好牛柏業好爽口豬皮吸哂d精華都非常惹味魷魚辣得好過癮朋友就叫左銀針粉+豬紅+魚旦+兩款牛食物一樣有水準豬紅無臭味而且d牛煮得好林正小食方面就點左一個菜$12 不算貴本以為明星開既店會收費好貴估唔到性價比都唔錯而且有新式車仔麵!加油!

個人最喜歡吃粉麵，每星期總會吃一次。上星期相約朋友到尖沙咀吃新開的一君士多。無錯，一君是我兒時偶像，朋友也常說，我很像他，今天也很幸運可與他合照。點了霸王麵，聽名字也覺得相當有霸王本色，裡面有鮑魚、廣島蠔、花膠、花菇和蝦等等非常豐富，配了油麵底，豬骨湯底濃郁，廣島蠔夠飽滿，不錯。三餸車仔麵點了牛腩、豬皮、瑞士雞翼，再加豬腸，湯底加了麻辣汁，令整碗麵味道咁香濃，每樣餸都非常入味。油菜吃一點蔬菜減低油膩感。雞蛋仔這天他們在試做雞蛋仔，打算將來在油麻地的店售賣，外脆內軟，甚有風味。再來一杯紅豆冰和雪糕紅豆冰炎炎夏日透心涼

早前看過報導得知前藝人鄧一君於尖沙咀開了一間車仔麵店，特意前去一試~店子裝潢走清新簡約路線，座位都幾濶落舒適. 吊燈用上香港品牌紅A的出品，感覺很有香港情懷，充滿特色. 餐牌除了傳統的港式車仔麵外，也有貴價版的招牌麵以及泡飯，用上海鮮為主，感覺較為清新健康~ 蘑菇芝士雞翼 ($32) 一客兩件的蘑菇芝士雞翼，外皮炸得香脆，內裡釀有蘑菇以及流心芝士，作為餐前小吃很適合!郊外油菜 ($12) 為了補充多點纖維，午餐也要叫碟翠綠的生菜. 霸王麵 (鮑魚、廣島蠔、花膠、蝦& 花菇) ($98) 豐富的霸王麵配上濃郁豬骨湯底，先呷一口湯，湯底清甜絕不油膩; 鮑魚煙韌有咬口、廣島蠔嫩滑多汁，搭配養顏花膠及爽滑花菇，雖然定價較一般車仔麵貴，但卻值回票價. 海龍皇泡飯 ($108) 用上半隻龍蝦、廣島蠔、新西蘭魷魚及青口為主的泡飯，材料實在相當豐盛. 湯底熱度十足而且味道鮮甜，龍蝦肉爽口、再加上有嚼勁的魷魚、青口等，喜歡吃泡飯的朋友可以一試!龍眼冰/ 咸檸七 (跟餐加$15) 清潤的龍眼冰份外香甜，更有十多粒龍眼肉，很足料; 友人則選了透心涼的咸檸七~香蕉成熟船 ($48) 香蕉船插上懷舊

豐盛的車仔麵一君車仔麵尖沙咀分店位於堪富利士道, 由MTR 行落黎一分鐘就到, 極方便。店來雖然唔係好大, 但成間居酒屋格局, 而且成間店都係用紅A 膠product 做設計, e.g天花燈係照蛋燈, 連designer 的畫作都有紅A 的product!!, 果然係老闆想呈現番佢少時候的香港情懷海龍王湯泡飯（$108）海龍王姐係原隻波士頓龍蝦, 龍蝦肉嫩, 鮮湯呈奶白色, 入口味精味不重, 有濃郁海鮮味, 日本廣島蠔嫩滑鮮甜, 最欣賞係白飯分開上, 唔會浸到淋晒, 好食----霸王麵（$98）老闆推薦的霸王麵，有多款高級食材，包括勁厚身花菇, 身段飽滿的廣島蠔, 南非鮮鮑比想像中細隻, 但不過不失, 蝦肉同花膠都彈牙, 但膠質可以再多少少, 車仔餸之豐盛, 質素不賴, 感覺相當豪氣-------至於傳統車仔麵, 40蚊3食送配麵, 街坊價、靚材料蘿蔔清甜, 甜味天然, 豬腸洗得乾淨，豬皮頗爽口入味, 咖喱魷魚不會韌, 陳皮魚蛋, 牛腩質感軟熟，肉味濃。----小食南乳豬手, 豬皮爽嫩，肉質軟腍, 豬毛亦拔得乾淨-蝦餅配泰式辣醬深得我的喜愛, 爽口彈牙，味道比平常的蝦餅出色。蘑菇芝士雞

新開張見裝修幾骨子，今日有空閒同妹妹去左上下，見佢好似好勁咁，網上睇見又有鮑魚又廣島蠔咁，貴都試下啦。我叫左幼麵底加特濃豬骨湯底、走青。首先d餸都算幾豐富，有蝦、花膠仔、廣島蠔、冬菇同鮑魚。蝦就一般冰鮮蝦啦，而花膠都算多，冬菇大隻厚肉既，廣島蠔飽滿但個心未熱晒，鮑魚都入味。湯底濃但無咩豬骨香味，覺得最好既係個麵，爽口彈牙的。成個麵收$98，比較高級既配料都覺得尚可，但整體感覺味道就真係一般般，正常好似我咁鍾意試新野，會試一次既😅但其實無咩驚喜。

最近見到尖沙咀開左一君士多，即刻去試下先～位置就喺地鐵站A2 出口一路向前行就會見到咖啦...位置坐都算舒服，好啦～準備叫嘢食！朋友叫了火山之牛飯，嘩！！有厚厚的芝士同肥牛包住飯係中間，上面有粒蛋，配上佢準備好的醬汁（醬汁內有洋蔥、芝麻，不咸不淡）。而我叫左蔥油豬扒飯，建議啲蔥必需配飯食，我食左一啖蔥立法扒咗兩啖飯，哈哈～不過加埋一齊就食晒成碗飯！豬扒正常，但欣賞佢會放埋菜，即刻覺得健康咗～不過見到佢啲燈，好想擺隻雞蛋上去照呀不過佢呢度嘅飯都偏大碗，可以叫少飯，唔好浪費食物呀～

C去了新加坡讀書半年，近日返港。難得小妮子不忘小妹平日的疼愛，買了當地手信，送贈小妹。這天，就約她去尖沙咀的「一君士多」朝聖去。 門口，掛著老闆鄧一君與古天樂在佐敦店門前的合照。兩人的友情，相信大家都耳熟能詳了，也不再多講了﹗ 相對佐敦店，尖沙咀店地方更為闊落，裝潢以淺木為基調，簡約清新。 餐廳主打，除了有數款特色麵食和車仔麵外，還有數款小食、咖哩飯、泡飯等。 C，要了一杯熱柚子蜜(+$12)。 凍檸茶(+$12)，是小妹最愛，炎炎夏日，豈能錯過？﹗ 這天，老闆鄧一君剛好在店中，與店員在研製雞蛋仔，據說不日會在佐敦店出售。為了搜集意見，精益求精，一君更慷慨地請每枱客人免費品嚐雞蛋仔。小妹冒味請求拍照一張，他也欣然答允。 雞蛋仔外脆內軟，內裏也絕非「空心」，水準之作﹗ 小食，我們點了兩款。一君炸蛋$28是炸鵪鶉蛋，先用滷水煮蛋，再用高溫油炸，外脆內軟，香口而不油膩。 蘑菇芝士雞翼$32，先把雞翼去骨，再釀入芝士蘑菇，繼而把雞翼烤至外皮香脆，咬下去內裏卻嫩滑多汁，芝士蘑菇獨有香氣在口中爆發，啖啖滋味。 霸王麵$98，被