一喜食堂 (已結業)

博多元祖豚肉拉麵 （$59）🍜🍥我係見有foodie 話個湯底幾濃郁先去食。🤔🤔但我食落去還好🙈，個湯食落雖然唔可以話好淡，對我黎講，濃返少少就好啦。😋😋😋豚肉就好滑唔會肥膩。麵就唔係好掛湯。😶‍🌫️😶‍🌫️😶‍🌫️但整體各樣加埋，加埋啲香蔥都幾唔錯。😁餃子 （$36 6舊）🥟🥟🥟🥟🥟🥟唔會煎到好油，係香口嘅。😆😆可以話正常發揮，不過不失。😙有隻豬嗰個係醬油拉麵，係朋友叫，哈哈，幾qq喎😍😍。題外話，啲水有陣淡淡咖啡味。🤫🤫同埋，個環境我好鍾意，有好多日本玩具，😍😍好有日式style，佈置得好特別同好有心機。想讚一讚佢成價比黎講好高😋😋 好抵食Total 3/5

當日大概係夜晚7:15到，佢係要人齊先可以俾入。到時我哋唔知就行咗入去俾佢叫返出去，仲講話排隊要喺欄杆隔離，我個人覺得女店員嘅態度一般入到去之後有個籃係俾我哋放袋，之後佢就好似機關槍咁介紹當日特別嘅嘢食，講得好快。之後等左有一段時間，留意到嗰度嘅環境幾日式，仲有得見到一啲日式玩具。環境其實OK，仲有佢免費嘅水有啲咖啡味我揀咗食第一個和牛拉麵。送到過嚟之後佢又好快咁講：啲牛肉唔好浸落湯入邊。 然之後我食落真係非常好食暫時係我覺得成個香港最好食嘅拉麵就係呢間我係第一次飲埋啲湯！雖然拉麵嘅份量少，但係食完出去食個甜品都唔錯。比較大食嘅人可以加啲小食，但係我冇加到 希望佢可以改善一下服務態度，雖然唔係話不能接受，但嗰種機械式態度令我覺得有啲無奈不過佢好食就認真嘅！我會再返去食佢的！但係佢對熟客嘅態度有講有笑，仲會介紹佢食邊個啱佢多啲，可能要同佢哋熟啲不過真係預咗坐低要等一段時間先有得食推介推介

又到食lunch嘅時候,又唔知道去邊度食好,朋友話睇見飲食男女介紹一間有質素嘅拉麵.平時行過都唔起眼,鋪仔細細,座位係吧檯為主,不多於十個座位.我和同事都係點了:博多元祖豚肉拉麵.加多一隻糖心蛋.拉麵湯底好濃郁又係奶白色,湯底沒有味精.又唔會太油膩.豚肉軟滑香口,咬落仲好juicy,又加咗好多蔥花.令到成碗拉麵充滿香蔥味.非常好食.流心蛋鹵得夠入味,流心啱啱好,可惜我冇影相.呢度拉麵都幾抵食,價錢比出面便宜,性價比高,下次會再光顧.

小店做的拉麵款式簡單 以博多作主導偶然推出限定 刺激味蕾裝潢日本風格較多 有居酒屋感覺櫻花蝦海老味噌拉麵關西風味的博多拉麵湯底用上豚骨作為主要的熬湯材料整體口感會比較順滑 添加海老味噌 海老味淡味噌強湯底都不會過濃 淡淡味噌豐富口腔麵條偏細 但不會過於吸收湯底傳統型叉燒 有油脂香 不乾柴溏心蛋用醬油輕微腌製 淡味有蛋香北海道蠔 ‘仙鳳趾’有儀式感的擺盤 蠔偏大海水味略重 會略蓋過蠔鮮味好推薦大家來試下 或許有驚喜平凡的店 老闆有心

一喜食堂嘅位置一啲都唔起眼。要搵到佢真係好講緣份😂😂 不過當你見到佢，你就一定會俾佢嘅擺設吸引。超人公仔，鐵甲萬能俠，好多都勾起愛嘅童年回憶。當然單憑精緻嘅擺設同佈置，係今時今日一定唔足夠。佢哋嘅餐牌選擇唔算特別多，主打都係一啲傳統日式菜，包括拉麵，咖喱飯，仲有一啲佐酒小食，例如唐揚炸雞，沙律等等。我哋兩個人就嗌左咖喱雞飯同埋和牛烏冬。(1) 咖喱雞飯- 首先佢個雞肉質感做得非常出色，你唔好見佢隻顏色好似好淺色咁，其實啲雞肉係慢煮而成嘅。咖喱汁亦都唔係市面上一般買到嘅咖喱磚，而係加咗一啲獨特嘅配料同香味。米飯當然一定係選用日本米，好有日本家常菜嘅感覺🥰🥰(2) 和牛烏冬- 和牛就比較薄切嘅，對於食肉獸來講可能未必得到滿足。不過佢個湯底都係用肉骨熬製而成，再加上一啲日本蔥，紫菜，以及係溫泉蛋，食落去嘅感覺都令我非常滿足。見到隔籬位有人嗌咗炸雞，我都好似好吸引，不過我哋實在食得太飽啦，唯有下次再幫襯🥰

➖ 櫻花蝦海老味噌拉麵未食就咁睇見佢起哂白漿我就已經覺得個湯好濃厚，可能味噌底既關係味道偏重但唔係鹹而蝦味就佔四成到，同埋見佢寫話係無味精湯底所以我決定飲哂成碗湯。麵底係幼身硬麵好掛湯好彈牙好有咬感，真心我幾鍾意佢隻麵。配料仲有櫻花蝦同三件厚叉燒，叉燒係半肥瘦腩肉偏淋，佢有輕輕燒過下所以都有小小香口➖ 慢煮雞沙律呢個係跟餐既小食不過有驚喜。三塊雞肉都好嫩滑下面係薯蓉入邊好多粒粒薯仔，配上佢地應該係自己調較過既沙律醬(因為聞到佢係到煮忌廉煮到勁香，所以估佢自己整)，份小食既配搭都好夾幾好食，值得一試🪧 座位係全吧枱位而座位之間都闊既，我坐牆邊孖位幾舒服。但係個冷氣就真係嚴重不足，成餐飯坐左個幾鐘我個人係越黎越濕，仲有佢開放式既廚房啲抽風又係唔掂，我行出去之後即刻聞到件衫成陣油煙味，好似去左食燒肉

朋友帶我黎呢間一喜食堂食拉麵，鋪頭細細，行過都唔會為意呢度有間拉麵店。呢度既拉麵幾抵食，價錢比起平時出去食既都要平，裝修好有日本feel，入面有啲模型同擺設，小店格局反而令人食得更加舒服自在😌 1⃣️櫻花蝦海老味噌拉麵（$67） 湯底好濃呈奶白色，面頭灑上櫻花蝦同蔥花，飲落好濃厚既蝦味🦐而呢度既麵條我好鍾意，係幼身既，好掛湯而且煮既軟硬度啱啱好，仲有啲煙韌既～呢度叉燒每件肥瘦相間，帶少少筋位，本身叉燒冇乜味，不過都算多肉。Overall覺得湯底係真係出色，而且呢個價錢黎講性價比極高😍  2️⃣辣味雞肉拉麵（$65）（溏心蛋+$10） 第一次見辣雞肉拉麵，湯底係越飲越辣既果種，辛味唔算好衝擊但係係幾惹味既🤤雞肉係帶皮既，食落算幾嫩滑，應該係以慢煮方式整成。另外加左粒溏心蛋，拉麵就係要配翻隻糖心蛋先啱！  

和牛仙貝(28 dollar per piece) 同張相差別好大，個湯淡如水，和牛超薄食唔到口感，最好食係個雞沙律。上網見唔少人話好食，失望。係個裝修靚，好有日本feel

本身被朋友食完share啲相吸引今日平日試食午市唔需要等位直入叫咗個櫻花蝦海老拉麵+4隻餃子+烏龍茶 套餐個人認為日式嘢唔應該配可樂一上台櫻花蝦好香 但見唔到海老（變咗湯？）反而有叉燒湯好濃唔算油，有好強底味+咸死人味麵硬身幼同一般拉麵唔同要夾起漏晒啲湯先可以入口對我嚟講太咸餃子普通貨但煎得幾香加咗個岩手縣生蠔一試都幾飽滿食完久久仲有蠔味係個口腔飲晒成支烏龍茶先出門口埋單$156太耐冇去日本可以嚟止咳但服務真係港式茶水自助式臨走先見到隔離有支水（唔知有冇冰）頭頂有杯

其實深水埗長沙灣一帶好多小店。呢間充滿日本風味的拉麵店，滿滿日本佈置。心入面又係果句「好想返鄉下」。講番拉麵，㨂左博多元祖豚骨拉麵，個豚骨湯勁濃勁漿住個口，如果鍾意濃湯就啱哂。另外揀左熊本和牛醬油拉麵。湯底都係漿口既口感，不過入口有份清甜嘅感覺加埋葱花同炸香蒜粒配和牛，有驚喜。另外跟餐可以選餃子同慢煮雞沙律，餃子係一向日式餃子既味道，不過個餃子皮好薄同師傅煎得勁香脆。但慢煮雞沙律就不是我杯茶，因為係配薯仔沙律。所有拉麵都需時烹製，要耐心等候。題外話小店基於員工健康著想已關門，大家出發前可能要有定心理準備或打電話去查詢一下。

朋友話呢度附近有間拉麵店想試吓，嚟咗呢間一喜食堂。一行入鋪頭覺得呢度嘅佈置好有心思，有好多模型和擺設，極具有日本風味。座位數量較少，得十幾個位，如果繁忙時間有機會要等。叫咗兩款拉麵試下博多元祖豚骨拉麵，湯底沒有味精，而且好香豬骨味，而且豚肉口感也不錯，價錢比起一般拉麵店便宜，性價比很高！相反熊本和牛醬油拉麵，和牛口感一般，肉質有點粗糙，而且湯底個湯底味道一般，有點兒失望😢溏心蛋好入味，流心程度啱啱好，加翻唔少分。叫咗個套餐可以配小食和飲品，我地試咗佢地個煎餃子，煎餃子皮脆肉嫩，十分有驚喜！！😍😍

今日收工之後經過深水埗周圍遊盪嘅時候發現呢間隱蔽角落嘅拉麵小店推開門嗰氣氛睇起來真係俾我覺得返咗日本🤭🤭舖頭入面座位唔多好似傳統嘅日式拉麵店 L字型嘅架構師傅企係入面招呼食客😋因為係第一次來真係唔知有咩好食請教咗師傅之後order咗一碗櫻花蝦拉麵跟餐有個雞肉沙律🥗女仔一人份量來講 真係啱啱好味道上來講 幾特別 最緊要係湯底夠濃😌拉麵係傳統幼身款，夠彈牙因為我自己偏向喜愛硬身款拉麵 呢間就真係啱啱好符合我嘅味蕾感受雞肉沙律🥗最令我驚喜😍嗰雞肉真係好滑好好味食完即刻好想向師傅拜師學藝店內仲有期間限定 售完即止嘅新鮮生蠔海膽可惜我一個人真係食唔到咁多下次帶朋友來試下今日嘅遊盪小驚喜估唔到係深水埗依然會有充滿人情味嘅日式小店繼續支持先😊😊

櫻花蝦海老味僧拉麵 80分味道唔錯，唔會好咸，之前食d拉麵咸到要狂飲水，d湯我都差唔多飲哂，肉份量同拉麵份量少，有機會食唔飽，雖然佢價錢略平，60幾蚊，但代價份量少。環境好靚，好多日本的食材裝飾，如油瓶，酒瓶，書藉等，好有日本feel ，加上拉麵師傅即場煮拉麵，好大動作，有d跨張，但有d娛樂性，唯一唔好係等太耐，位置太少，出面平日lunch排20分鐘，入座後因為得一個師傅煮拉麵，起碼又要等10分鐘，有d耐。

今日再次拉麵癮起，決定去黎間都比較多推介既小店試試，先打個電話去肯定晚市開始時間，及有關入座詳情，以免摸門釘，打到去係冇得訂位的，店內約只有8個位，先到先得，尊重。所以早少少去頭輪等待。入到鋪感覺到個氛圍係心機野，店內放滿日系新舊玩具，十分有味道。店員不多但十分有交流。客位興廚師只有一枱之隔，證明廚師對自己手門及手藝好有信心既擺位。入正題，我叫左個博多元祖豚骨拉麵，湯底濃厚，但調味又唔會好進取，慢慢飲慢慢濃，唔會搶晒鏡，豚肉軟滑香口，又唔會太油膩，整體好順口，另外再有博多餃子，加碼生蠔，海膽，再要一日提既係，慢煮雞沙拉，雞肉軟清彈口，加上清新汁醬調味，情價比高，唔怕等，可以一試。

<舒適的用餐，意想不到的美味。>或者太久沒有吃拉麵，而又不想到一些大集團式的拉麵，恰巧找到這小店，小店位置在非旺區又離長沙灣地鐵站很離，大約也要行上10多分鐘才到。當晚我與友人點了'日本芝士肉醬蛋包飯', '博多元祖豚骨拉麵', '慢煮雞沙律(跟餐)' 及 '沖繩豚骨(豬手)'。主餐的味道不錯味道適中，有日本的味道，留待大家去試試。而我最想介紹的反而是2個小食:'慢煮雞沙律(跟餐)' 及 '沖繩豚骨(豬手)'在吃之前我完全猜不到是什麼的味道，雞沙律中底部有一些沙律薯仔，上面的是無骨滑雞，店長還叮囑我們要雞+薯仔一起吃。雞軟腍香滑，味道帶甜，整體十分匹配。另外的沖繩豚骨更加是更令我驚喜萬分，豬手浸在甜酸味的醬汁上，入口也是軟腍香滑，小菜配飯或拉麵下份量剛剛好。或許因為人流較少，在暗淡燈光及舒適的環境下用餐，就似置身在日本似的。