一家

营业中

休息中

這天非常繁忙，放工時已很夜了， 突然很想念筲箕灣的上海菜館， 還有好好味的特色飲品。 勞累的一天，要好好獎勵自己。 匆匆的致電家人， 盡快過來餐廳， 自己就坐的士飛奔 到 “一家”。來到餐廳，看著琳瑯滿目的餐牌， 實在有點選擇困難， 經理細心介紹招牌餐點， 幫忙推薦好吃的小菜， 還極速完成兩杯消暑特飲， 讓我可以好好放鬆 品嚐美食。小籠包(4件)熱呼呼 香噴噴的小籠包， 皮薄餡多，外皮煙煙韌韌， 餡料肉味香濃而且超爆湯， 加埋 生薑絲 同埋香醋， 真的好鮮味。麻辣香炸鳳尾魚開胃的小吃， 鳳尾魚炸得香香脆脆， 甜滋滋的醬汁加上黑白芝麻， 非常香口， 讓人停不下來。一家蔥油白切雞很有家的感覺， 肥美嫩滑的雞肉， 豐盈多汁， 加埋我最鍾意的超大量葱油， 感受到師傅係每日新鮮製作 ， 生蔥好新鮮 ， 絕對係手工製作，而不是用機器打成蓉， 鹹香適中 ，配飯配雞都非常好食， 真係超滿足。石窩咸肉菜炒飯上海菜飯的變奏版， 加入上海鹹肉更加鮮味， 小棠菜清嫩翠綠， 珍珠米煙煙靭靭， 用石鍋呈現能保持溫度， 和蔥油雞一起吃真是絕配。海桃子， 充滿果肉 新鮮蜜桃， 果汁清甜潤喉， 加埋芝士奶蓋， 女士

有一排冇食上海菜喇，今日同黎到筲箕灣食飯。餐廳仲有米芝蓮推介，一於試下啲嘢食點先～茶芥 $8/pax臭豆腐 $80臭豆腐一共有4 件，一上枱就聞到臭豆腐味，加埋豆瓣醬同埋甜醬一齊，食落去好夾韭菜鍋貼 $58鍋貼一共有5件，外皮煎得香脆，仲有醬汁可以點嚟食樟茶鴨半隻 $208樟茶鴨外表睇落去平平無奇，但係好入味，煙燻嘅味道明顯，配上煙韌嘅包，再點埋甜醬食幾特別藤椒豆干絲炒苦瓜 $88雖然係炒苦瓜，不過加咗藤椒味道帶香麻味，配上切得幼細嘅豆干絲口感幾好，可惜加咗豆豉，食落比較鹹紅粉夫人 $45以草莓同埋藍莓作為主題嘅飲品，顏色紫紅夢幻海桃子 $45係季節性飲品，用上蜜桃作配料，飲落仲有粒粒果肉，味道清新高力芒果奶黃 $65高力同傳統嘅做法唔同，餐廳用咗芒果奶黃餡，甜度適中又有少少流心

東區搵到呢間米芝蓮必比登上海菜，味道出眾且超出預期，必定再Encore!😋😋雞絲粉皮粉皮口感特別順滑細膩，軟硬適中，開胃涼菜。小籠包一嚐難忘，外皮十分薄嫩，包住新鮮肉餡，肉汁飽滿。田園上素含有多種素菜，食出各種食材鮮味。外婆紅燒肉秘製醬汁香濃美味，紅燒肉肥瘦均勻。棗泥拉糕鮮製傳統風味糕類小吃，棗味濃厚而不甜。淘氣細佬海桃子飲品主要以家庭成員命名，每季亦推出不同飲品。🛎️必試指數：8/10🔆

今日收工約左朋友落筲箕灣食飯，仲要去米芝蓮推介既餐廳，咁梗係要試一試有幾正。環境幾光猛寬敞，帶少少日式既感覺，唔係假日都幾多人食，非常期待。七里莊酒糟醉雞醉雞肉質嫩滑，醉雞汁酒味較濃，但唔會去到搶喉，啖啖肉開胃一流。鮮肉鍋貼鍋貼煎得好香脆，皮薄餡靚。黃魚石鍋淮山麵店員上枱時已準備多隻碟，打完卡後就將魚夾開，唔會浸到淋哂，細心位好加分。黃花魚煎得剛好，外脆內軟，因為用石鍋盛住湯麵，食到最尾到熱辣辣。高貴契媽椰漿配上芒果，口味清新獨特，鍾意芒果既必定要試。甜美姨姨茉莉花雪耳，清潤消滯，似食糖水感覺，好得意。高力芒果奶黃即炸高力豆沙係好多時都會叫既甜品，餐廳用上芒果奶黃代替豆沙，效果非常好，甜度適中之餘，有少少流心感覺，層次好豐富。

今晚唔想煮飯，因為好想食小籠包嘅關係，就係屋企附近搵咗呢一間上海菜，原來都幾多人去食，大人小朋友都非常啱食，而且我哋覺得個味道幾好，下次可以再encore。小籠包個皮超級薄，肉汁非常之多，一咬落去係爆汁，餡料口感軟腍，加埋醋汁非常好味。雜果糖醋魚半條因為我哋得兩個人就叫咗半條，糖醋魚炸到外脆內軟，肉質非常嫩滑，糖醋汁酸酸甜甜非常開胃，加上松子仁增加口感。見到呢度嘅嘢飲個名幾得意我哋就叫咗兩杯試一試。淘氣細佬係石榴，菠蘿，紅莓梳打，味道酸甜，非常解渴。熱情嬸嬸因為我哋兩個都鍾意酸味味嘅嘢呢一杯係用熱情果和菠蘿整成嘅，口感清爽。缸鴨狗玫瑰桂花湯圓湯圓入口煙煙韌韌，酒釀桂花味道恰到好處。

一個人都可以食滿足嘅中菜🥢！呢間中餐廳既有夠晒鑊氣嘅小炒，亦都有靚靚嘅創新之選😆。無論係一個人，定係一班人都好enjoy。.🫛櫻花蝦麻醬秋葵($68)本身秋葵裏面有特色嘅黏稠口感，食落去口感好正👅。配埋櫻花蝦同埋麻醬，令到味道都更加豐富。.👍🏻拇指生煎包($55)火候控制得好好！生煎包外皮好酥脆，食落裏面係香口嘅肉餡料，熱辣辣夠多汁💦，好滿足。.👸🏻高貴契媽($45)既有果西米露嘅感覺，亦都係啲茶香味。本身係茉莉花茶嘅茶底🌼，配上椰子同埋芒果香味，啱晒夏日嘅感覺。.🎏蒜蓉爆鱔絲($188)見住啲鱔喺窩裏裏面爆炒，仲會噴晒火，未食已經覺得好吸引😝。爆出嚟蒜香味好夾鱔嘅味道，夠晒香口。

醉雞口感唔會好凍～花雕都好入味，雞肉都嫩滑。小籠包皮薄，多肉湯汁，食落都幾正，點埋醋👍🏻正正子豉椒炒蟶子～平時食開嘅蟶子，都係長條型，呢個係好短身，肉反而係肥嘟嘟，好好口感。蟶子炒得啱啱好，唔會好乾炒雞菘配燒餅～未食過，本身無expect過咁得意。佢係將餡料填滿好似盒仔咁嘅燒餅。因為佢要裝餡料，所以做到好似叉燒酥咁，好酥脆。雞菘口感好滿足～因為佢配埋好多一粒粒好似飯粒咁嘅配料，食落都幾正👍🏻👍🏻👍🏻

🔹️與朋友聚餐找來米芝蓮必比登推介 “一家Yijia” 用饍🥢 店舖環境舒適🎶 裝修具有特式😍 摩登又傳統🌟 打卡一流📸 食材優質、食物高質😋 店員殷勤有禮👩🏻‍💼👩🏻‍💼 價錢親民💰🔸️四寶茶🫖茶味香醇撲鼻🤗🔸️小籠包🥟小籠包皮薄幼滑、肉質鮮嫩、肉汁滿滿👍🔸️上海脆皮素鵝🫔外皮金黃香脆而不膩, 餡料以菌類素菜, 啖啖滋味🤤🔸️一家蔥油白切雞🐔材料以新鮮白切雞, 肉質嫩滑、口感細膩, 以澎湃香甜蔥花伴着, 鮮香四溢😋🔸️醬炒花菜茶樹菇🥦椰菜花煮得爽而不硬, 茶樹菇幼嫩,味道鹹香面豉味👍🔸️大排湯麵🥓🍜排骨炸至色澤金黃、十分酥脆, 肉質軟嫩啖啖肉 ,配上海湯麵, 質感幼滑、軟硬適中🤤🔸️高貴契媽🥭🍹💃以芒果、椰漿、芝士、茉莉茶炮製, 味道濃郁香甜、好Creamy 😋🔸️淘氣細佬🍍🍹🧒🏻以石榴、菠蘿、紅苺梳打炮製, 底部還有滿滿菠蘿果肉和椰果, 味道清新、口感充實👍

近日嚟咗呢間上海菜，喺東區呢啲民間嘅區入邊有一間好味嘅上海菜都好難得，加上佢有米芝蓮必比特推介，充滿期待嘅一餐飯，果然冇失望😚🍞臭豆腐($80) 超推介呢個臭豆腐💯必食之選，呢個係小店入邊其中一樣最出色嘅小菜，幾乎台台都會點呢個🤌🏻一上菜嘅時候就聞到嗰陣超臭嘅臭豆腐味，加上豆瓣醬甜醬食落去中間好滑😎🐤樟茶鴨（半隻）($208)煙熏味嘅鴨配上煙靭嘅包，再點埋甜醬一齊食十分滋味😌🥟紅油抄手（5粒）($68)同埋抄手，再加上小店自製手調的辣醬，超級惹味🔥🥬滕椒豆干絲炒苦瓜 ($88)呢個撈飯食超正，簡單嘅餸菜但seasoning超足，簡簡單單苦瓜加豆乾就已經係一個好滿足嘅小菜呢度坐得都好舒服，好適合一家人平日或者週末嘅時候過嚟食，多人就可以嗌多啲餸菜😆

餐廳：一家，米芝蓮必比登推介 (2023-2024)地點：筲箕灣形薈菜式：新派上海菜餐牌：前菜，湯，點心，主菜，素菜，餃子，蟹粉，麵，飯，甜品等等。飲品有果茶，芝士雲，清新系列，果龍味，酒類，汽水等等。另外都有午市套餐，廚師推介，期間限定。糖醋小排骨 $82 另加一糖醋小排骨一客九件，面頭加上食用花瓣裝飾。個汁味道酸酸甜甜，好開胃。排骨有瘦有肥，半肥瘦當然最好食，瘦就肉多同健康d，不過要咬下。韭菜鍋貼 $58 另加一韭菜鍋貼一客五隻，皮薄餡靚餃子面頭居然有一層又薄又脆脆皮，可以加添口感。特別一讚係老闆係日本人，所以特登用日式餃子製作方法加一層脆皮落鍋貼度，好有特色，而餃子皮係煙煙韌韌而且夠薄，入面餡料豐富。伴有黑醋可降溫。一家蔥油白切雞 $138 另加一一家蔥油白切雞係米芝連推介菜式，見到面頭果然係滿滿蔥花，下底就係有一行雞髀肉同一行雞胸肉切件，伴有雞翼切件。呢度用新鮮雞，雞皮滑溜而雞有雞味，伴蔥油食味道好好，而且夠味之餘又唔會太油膩。服務員話好多人都會打包蔥油返屋企撈飯食。呢個價錢抵食。缸鴨狗玫瑰桂花湯丸 $48缸鴨狗玫瑰桂花湯丸一客四粒，放係靚靚開口碗上枱。湯丸皮又薄又滑而入面黑芝

經常聽同事講，筲箕灣有間出色嘅上海菜餐廳，仲要攞埋米芝蓮推介，今次去試試佢嘅廬山真面目😊一入到店內，已經俾佢典雅古式裝修吸引，特別鍾意類似百子櫃嘅裝潢，好適合打卡🥰🥰，當然主角都係佢嘅菜式！⭐️煎韭菜鍋貼：鍋貼外皮煎到有一層薄薄金黃脆紙，食落外脆內Juicy，韭菜及豬肉餡比例適中，食落一啲都唔膩👍🏻⭐️香炸辣茄子：如果佢係神秘菜式，真係以為自己食緊炸脆鱔絲😂👍🏻。幼幼茄子條🍆，炸至乾身，完全冇茄子軟軟口感，反而酥脆到一咬就碎，配埋秘製醬料去炒，酸酸甜甜少少辣，好惹味😋⭐️醬炒花菜茶樹菇：椰菜花&茶樹菇熟度啱啱好，加埋麵豉醬及其他調味料去快炒，完全食得出佢嘅鑊氣，味道又鹹香適中🤩⭐️一家三絲伴冷麵：軟硬適中彈牙嘅冷麵鋪滿咗雞絲、青瓜🥒絲、火腿絲&蛋絲，再撈埋芝麻醬，味道清新，絕對係夏日必選菜式💥⭐️ 極品蜜汁金華火腿：鹹香微甜軟熟嘅金華火腿，再配上爽脆青瓜、微鹹薄脆及熱辣辣刈包，味道完全冇諗過咁夾，口感又多層次，令人十分驚喜😋😋⭐️鬼馬三叔：抹茶味濃，紅豆蓉🫘唔太甜，再加椰子🥥芝士奶蓋，味道不錯⭐️嬌滴滴侄女: 香片再配芒果🥭，都幾Fresh，但芒果芝士奶蓋就有啲膩值得一提，店員好客有禮，仲會問客人嘅

【東區】【一家中華菜館】筲箕灣新開咗個叫「形薈」嘅商場，聽講差不多全個商場都係食肆，早幾日就同浣紗娘去行吓，見到呢間米芝蓮「必比登推介」嘅中菜「一家」，就姑且入去試吓佢。我掩飾自己嘅無知，走咗去查「必比登推介」，原來係以合理價格提供三道菜美食的餐廳。咁既然得到米芝蓮評審員嘅認同，就應該唔會差得去邊。先試 $188 嘅「蒜蓉爆鱔絲」，佢有個爆火嘅效果，記得拍片，視覺同味覺都得到享受。食落熱辣辣，正。跟住試 $58 一籠四件嘅「小籠包」，係質素之作，皮薄而不穿，餡味濃而不膩，點唔點醋都正。主菜試 $108 嘅「石窩咸肉菜炒飯」，係浣紗娘至愛嘅一道，因為佢一向太食呢種鹹肉炒飯，但係呢一窩珍珠米炒到粒粒分明，配合鹹肉粒、菜粒，令佢一碗接一碗咁食，相當誇張。之後試 $78 嘅「上海脆皮素鵝」，脆口得嚟，入面唔會太油太鹹，掂。嘢飲方面，除咗本身提供咗唔錯嘅熱茶之外，佢哋嘅特色飲品都相當出色。浣紗娘試 $40 嘅「溫文爺爺」，係椰子芝士雲、伯爵茶、海底椰組成，好飲。我就試 $36 嘅「長氣嫲嫲」，由熱情果茉莉茶、羅勒組成，都好清新。埋單 $563，佢哋嘅服務係値。。。（地址：筲箕灣筲箕灣道393號形

今次呢間上海菜既經典菜色和古色古香的裝潢，加上米芝蓮必比登推介，可納入翻食之選。臭豆腐是一道必食之選，豆腐散發著獨特既發酵味，臭豆腐炸得外脆內嫩，係超級脆，配埋豆瓣醬同甜醬，絶對一絶。東坡肉肥而不膩，肉質鬆軟入味，配上甜醬汁，最特別係有墨魚一齊煮，東坡肉可以食出到墨魚既鮮味。三鮮兩麵黃，就較為失色，蝦肉明顯係急凍肉亦軟細，但麵底炸得夠脆，醬汁都夠濃郁，嘗可彌補不足。飲品叫左個温文爺爺(芝士海底椰伯爵茶)及帥氣姑丈（柑桔蜜糖薑培茶），茶味夠香夠濃，惜芝士略嫌不夠濃郁。另外叫了高力芒果奶黃作結，清香綿密，奶黃順滑，只係皮有點厚。

朋友話想食上海菜，見到哩間米之蓮推介嘅餐廳，所以就試吓～😙🔸韮菜鍋貼: 皮薄餡靚，煎得金黃脆口，咬落去韮菜香氣撲鼻，肉餡鮮美多汁，簡直係一絕！ 🔸七里莊酒糟醉雞: 雞肉嫩滑，酒香四溢，酒糟嘅酸甜味令雞肉更加鮮美，真係醉到飛起！ 🔸外婆紅燒肉配流心蛋: 珍妮必食推介‼️紅燒肉肥瘦適中，炆得軟腍入味，而且唔會太鹹，配埋流心蛋，真係香到爆！流心蛋嘅蛋黃流出嚟，同紅燒肉嘅醬汁混合，味道更加香濃。 🔸藤椒豆干絲炒苦瓜: 苦瓜嘅苦味同藤椒嘅麻香互相平衡，豆干絲爽口彈牙，好有嚼勁，呢道菜真係令人胃口大開！ 🔸炸芝麻團: 香脆可口，芝麻嘅香味濃郁，甜度適中，而且唔會過於油膩，係一道非常適合做飯後甜品嘅選擇！ 🔸紅粉夫人伯爵茶配上士多啤梨，加芝士奶蓋，酸酸甜甜咁好易入口！🔸長氣嫲嫲熱情果茉莉茶，清新開胃八月份仲有一啲半價嘅菜式，下次再試吓😚

{米芝蓮推介上海菜 - $250/head}呢間米芝蓮必比登推介上海菜，午市時間我地成日都去，今日本麻甩收工晏咗想食好啲，第一時間就諗到佢地！隔黎枱一家八口三代同堂，真係充滿住「一家」嘅溫暖！♦️小籠包區內小籠包以呢間最為好食，坐低即叫！皮簿餡靚，用上的肉唔會太肥，保留到肉湯之餘又唔會太油膩感！♦️臭豆腐好少在街邊以外有臭豆腐食，麻甩佬一見到實在係必點，豆腐切成4小件，將脆皮嘅面積發揮到最大，外皮超香脆臭臭的，點埋醬汁食勁可口！♦️七里莊酒醋醉雞呢個係米芝蓮特別推介，食過先知點解，因為佢唔係普通嘅花雕酒醉雞，廚師加入咗另一種酒，令雞件帶出仿似白蘭地嘅甜美餘韻，將醉雞帶咗去另一個層次！♦️外婆紅燒肉，流心蛋紅燒飲又係本麻甩最愛之一，紅燒肉炆到好腍但仍然保留咬口，配合上海獨有的赤醬，真係勁惹味！大驚喜係原來配菜的大墨魚同埋流心蛋自己都超好味，令紅燒肉有三個不同的層次！♦️石窩咸肉菜炒飯雖然已經好飽，但呢個咸肉菜炒飯真係必須的，飯煮得乾身，咸肉同埋菜切成一粒粒，熱辣辣咁為豐富嘅一餐作結！老闆娘最後仲請咗本麻甩食一細碗酸辣湯，似乎佢看清本麻甩嘅心意特別加辣，真心超好食，好似在家食到飽