一條腸粉 (已結業)

今日夜晚要旺角上堂，想食個一個晚飯。之前路過都想試下，因為我真係幾 鐘意食櫃桶腸粉。見佢有咁多個好評，以為無事，點知，伏！一入到去，天氣太熱，我揀左個中間位，點知啲職員成日出出入入，間野個門口係啲膠膜做門口，一出一入啲熱氣漂哂入黎。注意！我已經唔係坐門口啲位，我食左短短半個鐘唔夠，都已經見到有兩個人要調位。有樣要讚嘅係點菜夠環保，用可擦筆同埋板。同埋唔係用一次性餐具。👍🏼等左大約15分鐘有野食，唔慢唔快，可以啦。等野食期間，都見到有位食客話佢整錯左腸粉，要換過，位食客未食嘅，我聽到位食客話「我無叫生菜㗎喎」。即換！但位食客就唔係咁耐煩，因為我見到佢有個碟食哂嘅，等得耐左，食哂啲野無得一齊送，仲要黎碟錯野而唔開心呱。 我就好彩無事。1- 海豐扁實個人純粹唔知道扁實係咩而叫，我以為佢有個海字，就可能係有啲海鮮類的東西，點知係得豬肉。仲要係好燶味嘅豬肉，個湯就淡茂茂。食嗰陣時唔覺有咩問題，但食完離開咗間餐廳之後個口就有陣好油嘅味道。2- 生菜豬肉腸粉喱一碟腸粉應該係我食過最厚嘅櫃桶腸粉。厚唔緊要，齋食白色嘅粉皮的話，而唔點豉油，係咩味都冇。仲要林啤啤，十足似小朋友食嗰啲糊仔咁，一啲彈性都無，

我相信每個人都知道，旺角出名多美食和多種類。這一天，途經花園街看到一間名字很有意思的腸粉專門店，然後再看看餐牌便發現是專門吃潮汕食物的小店（本人以為潮汕是專吃滷味和冷盤的，想不到還有潮式腸粉？），所以便決定一試！此外，香港主要是賣布拉腸粉，所以吃的腸粉是較爽滑，但是國內則是抽屜式腸粉，操作較方便和出品比較快，主要品嚐腸粉的味道和醬汁調料，所以我會主要品嚐腸粉的味道和醬汁。腸粉有很多不同的配料，可以自配搭你喜歡的味道出來。1. 雞蛋＋鮮蝦＋原隻元貝2. 粟米＋蠔仔腸粉柔軟香滑，米香味很重，皮亦很薄身，所以可以充分吸收醬汁的味道！醬汁加入了炸蒜和乾蔥，所以很夠味又很惹味！1. 元貝不錯有鮮味，火候又適中！2. 蠔仔亦沒有雪味，吃得出來是新鮮貨！海豐扁實 $28看介紹說是汕尾一帶的特色小食，外觀上有點像魚皮餃，吃下去的口感剛有點像小雲吞。裡面有滿滿的豬肉料，肉味很濃，面粉皮又很薄，很好吃！巨型手打魚蛋 $28店家把一顆大魚蛋，切成一片片上碟。魚蛋的外層炸至香口鬆脆，入口則外脆內軟又沒有魚腥味。口感上則很彈牙，不會說炸到太干的情況出現。總結來說，性價比高的一家小店，腸粉和小食很好吃！最推薦的是

星期六行街行到攰. 行過見到呢間店想坐下食D野, 你知啦宜家好興食潮州腸粉XD 而且食腸粉都唔會太飽~ 所以我地一行二人就叫左一份腸粉, 1碗牛丸湯, 同埋馬鮫魚丸~牛丸湯有6粒牛丸, 好彈牙, 丸既入面仲帶有少少粉紅色, 感覺用上新鮮牛肉整成, 好食!馬鮫魚丸原來係咸魚整成, 亦都好彈牙, 咸香十足, 食到想叫碗白飯添啊!!另外就係腸粉, 都幾大份,  加左蛋好好食! 建議大家一定要加蛋!! 豆漿就正常, 見到可以加埋小油條, 不過食唔落啦XD 另外仲有點心/飯/好多小食, 都幾多選擇~

今晚同朋友一齊食呢間好易搵既中菜😂 個名咁特別就食左佢最出名既腸粉 蝦米 蝦 同 叉燒都好唔錯 佢啲腸粉係古色古香既縐皮腸粉 幾香唔錯 另外叫左豬油渣撈飯 會配紫菜蛋花湯 冇味精 好清甜👍🏻 呢個配搭都幾懷舊 其他餐廳都唔見有 應係呢度賣點之一 小食叫左炸魚蛋同獅子頭 熱辣辣上台 真係要放一陣先好食😂 兩個都係切片 唔算太簿 再點辣醬 香脆 獅子頭既用料十足 抵讚野飲方面普洱同豆漿係大推普洱好濃滑 同平時茶樓唔同 滑好多豆漿都係新鮮 粉粉微甜 好香大豆味 😆

今日放工真係好肚餓 同呀爸呀媽一口氣叫左勁多野食蝦餃燒賣唔少得 （其實除左腸粉仲有好多點心）大大隻鮮蝦 好食過稻香😂 煉奶炸饅頭 size好適中 好明顯係啱啱炸起一定要放一陣先好食 外脆內軟👍🏻👍🏻手打牛肉餅湯 好香嘅牛肉味 仲配湯上 牛肉味都浸入左湯入面 但係又唔會太油利最後就食咗佢嘅招牌腸粉 叫咗蝦米臘腸同埋蝦 好足料 特別推介佢嘅蝦米 好新鮮又唔會太鹹所以同淡淡的腸粉味好夾 🤪呢度既野食（雖然佢冇講明）係即叫即做 樣樣上到台都熱辣辣 同埋好新鮮 好有傳統潮式菜風味

好少食潮州野, 今日順路去旺角交收, 就求其搵D野食, 咁岩見到呢間叫一條粉腸定腸粉覺得幾得意, 有得坐低食既潮州腸粉又幾好~ 小店除左潮州腸粉, 仲有其他潮州野食, 我叫左汕尾菜茶, 睇個名完全唔知係乜, 不過牆上有介紹, 入面會有蝦米冬菇臘腸等等, 全部都係惹味既野! 碗野黎到有D不知所措, 就一於撈埋黎食, 入面仲有好多菜同埋粉絲, 脆米等等, 食落似湯飯, 好香口, 食唔停口, 仲飲晒D湯~而腸粉就皮薄餡都幾多, 新鮮整起好味呀!

同媽咪經過旺角見到呢間野感覺似食懷舊美食啱晒長輩，可以懷緬昔日嘅感覺腸粉似係舊時嘅櫃桶腸粉入面仲有菜有芽菜有少少肉碎加埋啲汁，同我地平時喺茶樓食嘅腸粉好唔同豬油飯係媽咪嘅至愛香港已經好少地方有得食我都係第一次食豬手調味亦都不錯炆得好軟

淨係睇招牌已經玩味十足，去開旺角經過嘅時候都幾矚目，同印象深刻。呢排好似好興食腸粉所以成日都想試下今次終於有機會食到啦。係石磨㗎！#潮式腸粉以潮式腸粉來講並唔係主打滑身，但呢間腸粉滑身既情度都算唔錯，可以自由加配料，好似食車仔麵咁，自主程度高。揀多幾款就造成一碟好豐富嘅腸粉。都算大碟。如果係可以做早餐嘅話就正啦👍。#海豐小米外表煙煙靭靭有啲似粉果皮但比粉果皮煙靭，有哎口。內餡係鹹香既肉肉，味道有啲似魚皮餃內餡。#煉奶炸饅頭估佢唔到竟然有得食，饅頭細細個，炸得同出面酒樓食無分別。好食！

※本文以用餐當日的環境、服務和食物質素為準，口味亦因人而異，文章只作參考之用。-「一條腸粉」主打潮汕台山小食，以潮式腸粉作賣點，店內更有不少地道小食供應，像牙籤雞、小米餃、手打牛肉丸、菜茶、獅子頭等，可惜當日去無晒最想食既小米餃同牙籤雞，太好賣了。晚上七點鐘去到，其後係坐無虛席，不過佢地出腸粉的時間也算快。餐牌叫左普洱茶（每位茶錢$6），佢地既茶好夠熱，色水好深亦夠茶味！潮式腸粉（加生菜+叉燒+雞蛋）$32潮式腸粉又叫皺皮腸粉，屬潮汕著名小食，同平時酒樓食開一整條平滑的腸粉稍有不同，潮式呢種會見到係扭成像麻花樣子的。這裡可以自選喜愛的材料加入裡面，揀左雞蛋、叉燒同生菜；腸粉食落頗滑溜，能嚐到米香，加埋甜豉油同蔥花等，又幾好食啊！手打牛肉丸 $36一碗六粒牛丸，牛丸咬落爽口無筋，牛味濃郁，相當唔錯。煉奶炸饅頭 $18一碟5個炸到金黃色的迷你炸饅頭，上桌時熱辣辣外層帶點酥脆既口感，同香甜既煉奶真係好夾。XO醬潮式啫啫腸粉 $48由於即叫即炒等待的時間會稍耐一點，炒腸粉連煲「咋咋」聲咁上檯，熱辣辣出晒熱，見到都想食！每條腸粉都炒得很平衡有色有味，當中有加上蝦米、肉碎、菇碎一齊炒，所以整個夠晒

而家潮流興食皺皮腸粉，咁啱畀我搵到旺角有間專門食潮式嘅腸粉，店名好特別叫“一條粉腸粉”中間個粉字打了交叉變成一條腸粉店內有一幅牆寫滿腸粉嘅發源地，原來在羅定，而抽屜腸粉就在潮汕 ，香港就通常食布拉腸粉的，而在店內都可以長智識。同朋友每人一碟潮式腸粉唔使爭，潮式腸粉可以自己選擇配料，我點了鮮蝦豬潤雞蛋玉米。腸粉真的很幼滑，食落啖啖香濃米香味，豬潤腍蝦爽加埋蛋一起食好夾。另一碟潮式腸粉就配蠔仔蝦米雞蛋生菜，蠔仔新鮮有蠔味加埋蝦米好香濃，帶出腸粉既鮮味。海豐扁實湯，好特別第一次食有啲像水餃，粒粒皮薄均勻肉汁豐富。牙籤雞，一支一啖雞肉啱啱好香脆夠鬆化。手打牛肉餅湯，喜歡吃手打牛肉因為夠彈牙有嚼勁，牛肉味香濃。手打馬鮫魚丸，馬鮫魚肉肉質好爽，煎香後有咸香口感一流。食潮州嘢點少得食潮州粉果， 蒸完個粉果 外皮好像水晶一樣晶瑩剔透煙煙靭靭，包住脹卜卜嘅餡料非常好吃。汕尾菜包，粉卷皮幼滑又軟綿。燒賣大粒包著蝦膠同蝦仁夠新鮮爽脆。

一條好好食既腸粉呢間腸粉店係黎自潮汕抽屜式腸粉，我就叫左個腸粉加菜圃同黃金炸饅頭，而我朋友就叫左個腸粉加雞蛋。朝早唔洗十分鐘就上到菜，饅頭金黃鬆脆，外脆內軟，加上煉奶後，一口饅頭十分美味，腸粉入口即溶，仲有生菜既搭配，配埋特製醬汁後，菜圃同生菜既香味完全夠哂突出，菜圃。飲埋杯熱豆漿，早餐完全為我新一日注滿能量。朋友既雞蛋腸粉，蛋味香濃，腸粉既厚度薄薄，佢中意食辣醬，加上辣椒醬後，腸粉香味更加突出添。

路過旺角見到一間腸粉店，店名很有玩味，即管試一試。店內主打潮汕小食和抽屜腸粉先點一份招牌潮式腸粉，價錢實惠，20蚊已有免費配料，我們選了玉米和加了一份叉燒，店內食物即叫即造，需要耐心等待。腸粉熱辣辣，質地滑溜，配上香甜的玉米和咸香的叉燒與醬油，好吃！叫了炸牙籤雞，碟邊附上泰式酸辣醬。牙籤雞炸得脆身，但不油膩，脆粉特別香口，雞肉很入味，個人十分推介。另外點了煎汕尾馬鮫魚丸，魚肉打至起膠再拿去煎香，口感很彈牙，很香魚味。配上用海鮮造成的辣椒醬，很特別的潮式風味。再加點一份潮式XO醬啫啫腸粉，一上台便聞到陣陣香味。滑溜的腸粉配上咸香的XO醬、蝦米、冬菇碎和魷魚條，味道香濃也飽肚。見到還有即蒸的點心，便點了坊間少見的鵪鶉蛋燒賣和一份鳳爪。點心用木籠來蒸，賣相精美！點心送上都是熱辣辣的，燒賣飽滿，內裡的豬肉也處理得彈牙可口。鳳爪味道香濃，也不錯吃。配上王老吉下一下火，這餐晚餐很滿足。難得在旺角的鬧市，也有即製的點心和特式的潮汕小食，行街肚餓時也不失為一個歇息的好地方。

我一向好鐘意食大陸果種腸粉，行行下旺角見到呢間又餓餓地就忍唔住入去試下。原來佢呢間既底價20$既餸本身係只包菜，咁我地就另外加左蛋、叉燒同牛肉。值得一提佢既牛係可以簡安格斯牛肉～牛味幾重～呢隻潮式腸粉賣相好okay, 亦都因為我地簡左3樣料，成個味道好正，我好鐘意食！不過佢既汁唔係‘獻’汁，好似係是油～仲見到有牙簽雞，佢係炸既，味道都okay, 係點酸辣汁～另外見佢啲點心都係20蚊左右，叫左少少黎試下～就正正常常啦～最最最推薦都係佢啲腸粉！另外見佢好似有啲撈飯，見隔黎枱叫左睇落幾好食咁😋

🔥雞蛋、冬菇、菜脯粒、芽菜$32🔥🥟海豐扁實$28🥟呢間定價偏貴，所以去之前都幾高期望🤭腸粉上枱個賣相幾好，但食落口感就...🙈一啲都唔滑，幾嚡口，而且蛋有啲過熟了啦🤭餡料味道正常，但分量俾得唔多，粉皮比例高😛調味偏清淡，適合輕口味人士🤤我自己覺得都ok嘅~.另外叫左扁實，第一次食，感覺好似散散地嘅魚皮餃🤣味道正常唔差，可以一試👌🏻.食物質素: 🌕🌕🌕🌑🌑食物顏值: 🌕🌕🌕🌗🌑性價比: 🌕🌕🌗🌑🌑回頭率: 🌕🌕🌗🌑🌑

港式腸粉食得多，但潮式腸粉第一次食🤩！呢間店可以自選配料加落腸粉度，而且加配價唔貴，種類有蔬菜類、肉類、海鮮類，選擇都好豐富，可以食到盆滿砵滿嘅爆餡腸粉，非常滿足🥰！我簡左嘅配料有生菜、豬潤、雞蛋、叉燒、原隻聖子王五大樣嘅配料，上碟時配料好足料，望見都已經垂涎三尺🤤🤤，食落味道都好好，口感好豐富，我最欣賞呢度嘅腸粉係即叫即拉，雖然係即做嘅，但上菜速度好快，而且質素好高，腸粉嘅皮拉得好薄，所以食落口一d都唔覺得太厚粉，入口好滑好滑，有種入口即溶同軟綿綿嘅感覺，拉腸粉嘅手藝奇高👍🏻👍🏻！呢間餐廳除左食腸粉之外，仲有其他潮汕特色嘅小菜，所以點左潮式獅子頭撈飯黎試下，獅子頭用鐵鍋黎煮，所以夠晒熱辣辣，呢道菜送飯一流！獅子頭用左蝦米、魚肉、香菇等材料整嘅，表層煎香左，食落幾香口幾有特色😍，值得一試！仲有叫到手打牛丸湯，牛丸真係好彈牙，牛肉味好濃郁，每碗有5粒，每粒都好大粒，好抵食！