一禪

营业中

休息中

最近因為係九龍城返工，所以多左係呢頭覓食！係instagram見到九龍城廣場有間純素cafe，食物圖片及餐牌十分吸引，就同同事lunch time去試下啦~我地1點鐘到，可能係平日既關係，唔算多人，有得walk-in!有lunch menu 同主餐單，另外收銀附近仲有蛋糕櫃，蛋糕每日都唔同，個日就有伯爵茶桑苺蛋糕同埋台灣鳳梨撻。我同同事叩左一個set lunch既日式烤野菜咖喱配椰菜花飯，跟蘑菇湯同餐飲，另外同事就叫左個南瓜漢堡。我地仲叩左杯抹茶豆腐同焙茶豆腐。日式烤野菜咖喱配椰菜花飯日式咖喱配上烤茄子、翠玉瓜、蓮藕、車厘茄、甘荀同薯仔，加上炒香左既椰菜花飯，味道好夾！日本咖喱好香，食完好掛住日本呀><南瓜漢堡南瓜漢堡配上蕃薯條，漢堡有橙皮等香料，配埋煎香南瓜，好清新～抹茶豆腐／焙茶豆腐飲品豆腐味十分香濃！抹茶焙茶味亦好突出。焙茶相對較抹茶甜Ｄ～食完主食，當然要試埋甜品！伯爵茶桑苺蛋糕蛋糕同cream充滿伯爵茶味,，配上桑苺果醬，好夾！蛋糕唔太甜，唔會太膩！台灣鳳梨撻本身我好鐘意食撻，呢個撻無令我失望，好脆口！加上蛋糕同菠蘿肉，同埋cream，而面頭仲有少少海鹽，成個味

係素食group成日見到有人推介呢間，又見九龍城廣場就嚟重建，就搵左個周末來試下呢間素cafe~好少會去九龍城，今日會出開九龍灣睇戲，便叫做「順道」來一來九龍城。店唔算太大，好彩算早來，我哋坐低後冇幾耐已full house, 外面亦開始有人等位。聽到有不同既客人問咩叫防彈咖啡，店員亦重覆細心的解釋。我地叫左以下食物及咖啡-番茄湯，要$30其實有d貴，不過味道ok椰菜花飯，較白飯低卡健康，呢個好味老公叫左漢堡，佢不喜歡原型食物素菜(即係要有素肉先接受到）加上份量較少，佢唔多like, 我就覺得好食嘅Iced cappuccino, 好香豆味；$45-如可以大杯些就好啦離題一記：走時經過小時候姑媽成日帶我去既九龍城兒童單車公園，心裡面噏左一下(姑媽已在2019年離世)。但願人長久。

一間非常IGabel既餐廳,裝潢,餐具都有種古樸既味道,配上一禪特有的創意特色純素料理,別有一番風味!我們叫了3個主食大家分享, 原本想輕食少少,可以留返個胃食甜品,但食完發現相當飽肚,唯有下次先再試甜品啦除左純素外,意外地都冇精緻澱粉,睇落好普通,但通通暗藏驚喜涼拌麻醬麵係青瓜麵, 可以掛起香濃既麻醬,唔會過濕,清爽既口感配搭, 拌碟用炸蓮藕片,好似薯片一樣,可以過下口癮日式烤野菜咖哩飯用左椰菜粒, 粒粒口感類似珍珠米,帶點爽脆, 各種顏色豐富既野菜,色彩繽紛又有營養而且飽肚~照燒汁豆扒漢堡包的皮是原粒大啡菇, 爆汁飽滿,烤得恰到好處! 豆扒既味道多樣,好食同時令我好奇原料係咩?飲品方面我點左杯美式咖啡,味道一般,但朋友點的焙茶鮮奶就好香好夾!價錢方面屬中上,但賣相同食材處理都覺得係值既!

復活節假期的最後一天，遠足後來到九龍城late lunch。由於事前沒有準備，所以粗略的在OpenRice找了找便決定走進這家很有feel的coffee shop。平日大魚大肉太多，偶爾都想（感覺上）健康一下。這裏的all day breakfast, 有炒蛋、牛油果、蘑菇、鷹嘴豆、薯餅、菠菜、羽衣甘藍、麵包(sour dough?)，沒有平時的腸仔和煙肉，感覺健康一點😂😂 在出面下單後及付款後便可安心慢慢等食😋不用5分鐘，五彩繽紛的all day breakfast便在眼前出現了😲😲鷹嘴豆和平時吃的味道有點不同，是甜的，表面亦有很多香草。旁邊的車厘茄反而有點酸😂 蘑菇烤得表面很乾身，但內裡竟然十分juicy （看到照片嗎？）😲😲👍好喜歡那種濃濃的菇味。菠菜是烚的，羽衣甘藍亦只有兩片作為沙律菜，不多加調味的煮法反而更能突顯食材原有的味道☺️ 炒蛋、牛油果、薯餅亦不錯，不一一評論了。相比起有加工肉類的all day breakfast，我反而更喜歡這種較為健康的吃法。食材新鮮，就可以用少一點調味，直接吃出食物本身的味道👍👍另外，始終豆類、牛油果、薯餅都是飽肚的食物，男仔食應該夠飽，女仔的話

古時，"禪" 是解作 "封禪"，是古時皇帝祭天(封)和祭地(禪)的儀式。現在 "禪" 幾乎被佛教私有化，說得是頓悟 - 修行只是預備過程，本身並不保証能得道。要得道，就要有 "悟" 性。今天和天使來這裡吃早餐，倒沒什麼打算去得道的意思，只是去彌補一個遺憾︰一個遲到+性急的遺憾。上次和天使一心到這裡來打算試吃，但過到開店時間十五分鐘仍未開鬥。由於我本身不太喜歡沒意義的等待，所以便到其他地方去了。天使說後來說，遲到從來都是人的特質…我應該有多一點的耐性，不要那麼性急。於是我們今天再來，它依然是遲開，但這次我卻等了下來。有改善的倒不是我，而是今次它只遲了數分鐘。雖然同樣是遲，但算了。我們同樣點了這個招牌的防彈咖啡。點的時侯，店員煞有其事的提醒我們這個咖啡落的不是奶，而是椰子油。的確，喝下去的口感是頗特別的。滑之餘還有一種濃郁口感。但味道方面卻是沒什麼特別，而且感覺還有點膩，我和天使最後也是喝剩的。這是天使點的無花果多士。用無花果襯托住芒果，感覺很夏日，用芒果襯上無花果，相信也打算替本身較清爽的無花果帶來一點豐富的味道。我沒偷吃，不知道味道怎樣，但賣相卻是很不錯的。這是我點的牛油果多士+水煮蛋

看晨起朝露 嗅拈花清香煮一杯清茶 品一番滋味三千塵沙遮不住禪定的青瞳碎一地殘花 看一世輪迴三千痴夢斷了那寂寞的年華前陣子跟親愛的路過看到遊家店後來又經Open Rice看到這裡的無花果吐司沒想到夏果秋果也能在春季一嘗在下是當然不會放過這機會今晨決定把親愛的捉來到此作客感謝你的陪伴這裡早餐只有三款一是在下想吃的無花果吐司 $75二是流心蛋牛油果吐司 $75第三個是all day breakfast不怕選擇困難症可能是因為不在季節無花果迷你得可愛上面灑上了果仁碎下舖滿了好甜的芒果🥭（下次可能要要求放酸芒果）然後一層薄薄的果醬的烤多士層次豐富 顏色鮮明逐層逐層不同的味道與口感的配搭飲料方面跟親愛的一樣點了杯用牛油和椰子油調制的防彈咖啡$45淡淡的牛油飄香耶還有隱隱出現的椰子清甜能感覺到的油份同時令入口感覺變得如此細膩完成後到了8:30這時間我們發現頭枱的我們大概佔據了服務本來在發呆的時間🤔8:30 射燈亮了 好刺眼..音樂播著 好不配這也是幸運我們這兩隻早起的蟲兒有鳥食😊說真的如果一開始進台裡就是這種效果在下可能會選上別的餐廳所以 感恩在那靜慮的半小時裡在下能跟愛人享受到定 靜 安 慮 得然

見openrice評價幾好所以專登來試，要注意這間餐廳只提供素食。因為是平日lunch, 所以點了set lunch, 主菜之外包一個餐湯及一杯$35的飲品。今天吃的餐湯是西蘭花湯，算足料及好飲。主菜點了准山扒漢堡，用了兩個磨菇代替傳統麵包，很有心思，不過味道非常一般。不過最大的問題是這個餐望落份量好似ok，但因完全沒肉及只有少量碳水化合物，所以作為一個身形細小的女士，花了$105吃完整個午餐卻只有一半飽，同行男性友人更有同感，真的從來沒有吃過咁唔飽的set lunch!最後要另花時間和金錢去快餐店買一份午餐share.結論：這家餐廳適合非常細食或已經吃過正餐再去的朋友，我自己就一定不會再去了。

已經唔記得係第幾次嚟一禪，但係佢哋每一次都仲比到好多驚喜。睇佢哋嘅IG成日都見到新嘅甜品推出，而且多數都係冇蛋冇奶既純素。今次就見到佢哋推出左抹茶撻同埋栗子撻，個樣就好吸引嘞，唔知味道係點嘅呢？🍵抹茶撻淨係賣相都已經cute爆！上面一個個波波睇落似棉花糖，原來係cream黎既😆香滑既cream加埋少少澀既抹茶配搭得好好！撻皮係厚身果款，夠脆身唔會好硬，又比用牛油整既冇咁漏，好味😋🌰栗子撻栗子好creamy食落完全冇粒粒，個撻入面內有乾坤😵薄薄既cream下面藏左一層蛋糕，蛋糕下面仲有層焙茶醬，好有驚喜😍依個撻皮就比較薄，係另一個texture，兩個我都鐘意🥰最近見到佢哋出咗純素士多啤梨蛋糕，相信好快又要再去食喇。

嗰日約咗姊妹們去九龍城食飯。Google 大神建議我搭巴士去，估計要1小時，但實際只需要30分鐘。多出的30分鐘，我就嚟咗呢間純素甜品cafe，呢度晚上6點後無堂食，可以外賣，滿$100有9折👍🏻抹茶撻 (HK$58)．7粒雪白素忌廉，被鋪上黃豆粉，真係好圓，入口好軟綿綿．撻皮厚身，入口鬆化．抹茶餡香濃，不太甜，似食緊曲奇餅咁嘅口感豆腐焙茶 (HK$55)．焙茶豆腐一齊攪拌的飲品．看似平凡，樣子似朱古力奶．飲一啖，滿滿焙茶味．口感好豐厚，好似奶昔嘅口感．好飲、高質

千里迢迢 , 去到 九龍城廣場 為的就是一杯啡 , 一塊餅 ~這家 💛 "一禪 Nizen", 人氣滿滿 , 餐廳是日系風格 , 氣氛平和 , 頗好 hea 的 , 嘆啡一流 ~Chilli Pecan Chocolate Cookies 辣椒碧根果朱古力曲奇 (純素) : 曲奇頗厚 , 質地外脆內軟 , 堅果味濃 , 味道甜中帶辣 , 風味極緻 ~Cold Brew Coffee : 入口感覺圓潤 , fruity 味比較明顯 , 但呷落也有 nutty 的餘韻 , 算是一杯韻味十足的好啡 ~絶對值得從老遠前來支持 ~本篇完 ~

見幾好comment 所以嚟試下，本想食卷蛋，但今日無得供應，咁就要咗個小山圓千層蛋糕同我最愛嘅mocha ☕.11:00嘅時間差唔多全場都full 哂，不過仲有張榻榻米，職員問介唔介意，其實我唔明點解啲人唔揀榻榻米🤨，我覺得好舒服啊，雖然要除鞋有少少煩，但自成一角，有日式竹坐墊, 有木圓檯，好乾淨企理啊～半自助嘅，咁自己order 咗會有職員送餐，蛋糕好快送到🍰，望真啲唔止抹茶啊，原來仲有柚子喺中間，cream 嘅面都有柚子，cream唔甜嘅，抹茶味好濃👍，64蚊嘅cake 嚟講有少少貴，不過無限時又無加一其實又可接受嘅。之後嚟嘅係mocha , 拉花係unicorn 🦄，好cute cute 呢～獨角馬令人有無限嘅幻想，好吸引，雖然咖啡唔算好香😅

🔷焦糖梨子純素蛋糕鬆軟的蛋糕配搭上滑而不膩的奶油忌廉，加上暗藏在夾層中的梨子肉，最後是面頭上的焦糖脆脆。「卜卜脆」的焦糖脆片和鬆軟的蛋糕碰撞出一個奇特的口感。整個蛋糕吃上去非常清新，完全沒有油膩的感覺。蛋糕使用純素忌廉，純素者大可安心食用。🔶羽衣甘藍意大利青瓜意粉青瓜製成的「麵條」，再加上醬汁，產生出意外的和諧，甚至稱得上是絕配。青瓜煮得恰到好處，保留了新鮮的口感和味道。面頭的炸蓮藕爽脆之餘也有本來的咬勁，使人回味無窮。🔷照燒汁淮山扒大啡菇配蕃薯條爽口、菇味濃郁的大啡菇扮作漢堡的外皮，中間是新鮮的西紅柿、生菜和淮山「漢堡扒」。整個菜色的設計有新意之餘，各項材料之間的配搭十分合適，也能嘗到配料本來的味道。炸得剛好的番薯條沾上蕃茄醬，是酸酸甜甜的味道，十分過癮。🔶豆腐抹茶濃郁的豆香配上抹茶，光是飄散出來的香味就讓人難以自禁。如絲般柔滑的飲料滑過喉嚨，抹茶的味道在嘴裡回甘，餘韻久久不散。💡店家好friendly如有任何飲食敏感或特定要求，可向職員提出。職員們積極的回覆及配合，使用餐體驗大大提升，大家吃得開心又放心。

已經食過幾次，事先聲明我唔係好識品嚐咖啡，但次次光顧嘅都係牛奶咖啡，而咖啡味比出面一般一樣嘅味道有特別之處，一股個人風味。食物方面，我十分欣賞佢哋素食係可以食得健康同少澱粉質，主要用蔬菜配搭唔同新鮮食材，有飽腹感而美味，賣相亦一流，顏色豐富，絕對足以撐起一日嘅能量。素食café中，都有純素蛋糕，而且食落並無想像中的太甜，十分適合中意少啲甜嘅人仕，感覺不是十分太大嘅罪疚感。總括而言，係香港唔多素食咖啡中，質素已是中上品，餐廳風格走日本禪意，能夠慢活一個下午，係唔錯之選。

終於可以黎到試，對我黎講真心好遠，不過開心，好值得我趕住咁黎食，😁因為趕時間，所以堂食揀左吐司，飲飲要左我最好愛既豆腐抹茶。外賣要左羽衣甘藍意大利青瓜意粉，藍莓牛角鬆餅，同埋新的抹茶撻😋堂食吐司即造，流心蛋新鮮不會有腥味，牛油果軟硬適中一，不會過熟，跟麵包和蕃茄蓉一起絕配。豆腐抹茶香濃，有淡淡抹茶的甘，又有豆腐的滑，很滿足的第一餐😊外帶回家翻熱了青瓜意粉，雖然賣相被我長途帶回家而影響了，但味道還是很好，第一次嚐用青瓜造的麵，不是平常號青瓜的質感，而是有點軟有點爽，跟烤蓮藕和爽脆蘆筍很夾。連胎裡素的寶寶也很喜歡。牛角鬆餅很特別的口感，像手撕包一樣，點點酥，點點軟，果醬在中間很包滿，我只吃了兩口就被孩子ok😄隔了才試伯爵茶黑莓蛋糕和抹茶撻，也因為遠征的關係蛋糕有點走樣，但沒有影響味道，伯爵茶都是我喜歡的一重茶，可惜吃下去號不到茶味，但黑莓酸甜適中，也不錯，不過孩子卻不喜歡，所以成全了我😄。最愛的抹茶撻，沒有令我失望，也是最欣賞的甜品，茶味濃，但不會澀，餅底實在但不硬，表面有點像木糠布甸的cream,總之很好吃🥰期待下次再來😊店員很細心，提我青瓜意粉有蒜但可不加，還提議我外賣在我離開前十分鐘

香港傳統嘅素食餐廳，好多菜式都係煎煎炸炸，其實一d都唔健康，今天專登嚟試吓呢間，有驚喜！係真係sell 健康飲食嘅素食餐廳，食物味道好，d員工好nice.我叫左蘑菇湯，素喜燒同素burger, 賣相靚，健康又好食，最驚喜係佢個素喜燒係跟椰菜花飯，好適合想小食醣嘅人，但留意返健康嘅野，口味係淡d, 如果食開重口味嘅，就要有心理準備！之後再點多個飯後甜品，個蛋糕唔甜之餘有淡淡嘅莓同伯爵茶味！再買左個海鹽cookie, 同藍莓鬆餅返屋企做tea, 在家焗返熱食，好好味！我立即推介左呢間餐廳比食素嘅朋友！