一鍋豐 (已結業)

有位朋友黎黎去去唔係打邊爐就係燒烤，二者取其一。我就揀打邊爐，位置坐落於創興～所以路痴都識去，極為方便！到達目的地之後稍為等左一陣就已經有位。今晚由於負責食～所以點餐呢樣神聖項目由朋友代勞。　地點幾大，有自助醬料區，食客可隨心搭配自己喜歡既醬料。還設有酒精及非酒精飲品櫃，當中有一款韓國黑啤，味道似黑咖啡，大家不妨一試。湯底：椰子雞煲　椰子味算重，唯雞件份量不足，因為六人食，不過雞件的確幾滑溜。其次湯底不太油，味道幾甜。不錯～刺身拼盤　原條象拔蚌刺身，擺盤幾精美，刺身切得幾薄身，特顯廚房刀工精湛～味道而言的話，幾爽口，份量足六人用海鮮拼盤　包括帶子，脆肉，東風螺肉，生蠔，鮑魚，鮮蝦，共六款，水準各有千秋，當中個人最喜愛帶子，東風螺，鮮蝦，三款肉質新鮮度都較為特出。特別鮮蝦，鮮甜之中帶咬勁。帶子已去殼，所以煮的時候要小心點，不然煮完要花點時間才可以拿回起來，大家要小心喔～花甲　花甲幾大隻，冇沙，事前處理做待幾足，味道方面幾彈口，幾新鮮，肉身接近有兩隻手指咁大，又係值得大家一試！肥牛／手切肥牛　兩種牛肉分別試兩種不一樣口感，普遍肥牛幾薄身，入口雖則未到即溶，但係都算係唔錯，中上，而手切牛就推

同朋友食飯，好多時候都係去食火鍋，所以對火鍋係有要求的 ， 又要價錢平，又要坐得舒服，又要好食， 唔係好多間火鍋店可以做到， 但今次食呢間做到呢個要求。嚟到嘅時候得到都係畀我嘅感覺好舒服，唔會好壓迫嘅感覺， 有足夠嘅空間畀人行嚟 行去。 食物方面選擇都好多， 而且佢哋海鮮全部都好新鮮， 去畀啲豪唔會畀啲豪子你，係比大大隻比你， 牛肉嘅選擇種類都好多， 淨係食海鮮同牛肉都足夠回本， 服務方面都好好，基本上唔使叫佢加水，佢都會自己走埋加， 如果再食火鍋我應該都會選擇佢。

今晚呢， 我地一行6人去左好耐冇去既一鍋豐。 對上一次已經係唔記得幾耐之前。 個次仲要跑黎跑去入咪標。 離晒題添。 講返今日一鍋豐爽食。 我地叫左$268 象拔蚌海鮮火鍋餐。首先， 黎左個象拔蚌， 出奇地份量都幾多， 好甜好新鮮又爽口！ 平時食過其他火鍋任食既象拔蚌都會腥腥地。 但係佢呢度連wasabi都唔洗落。 有樣野真係要讚一下。 就係呢度既服務態度。上菜好快手， 我地食象拔蚌已經食得好快架啦。 佢地上菜速度仲快。 好快已經擺到成台都係野食。唔只上菜， 收碟同執台速度都好快， 我地每食完一碟， 唔洗叫收野， 轉個頭就好快有人收走左。 等d空碟空罐唔洗堆晒係台面。最誇張就係個海鮮盆， 應有盡有， 冇腥味， 好新鮮。 生蠔， 魚片， 飽魚，翡翠螺，蝦， 蜆， 等等。 其實人少d食個海鮮盆都已經飽晒。 其他野都係正常火鍋任食正常配料。 份量足，牛肉新鮮， 仲要下下大大盆牛， 食到我地班牛魔王都叫救命， 有盆食唔晒。 手打蝦丸墨魚丸必試， 好夠味， 又彈牙。 我地幾個人激戰左兩個半鐘， 就算好飽都要食埋甜品。 奶棒 雪糕 大腳8， 佢地竟然有好少見既蜜瓜軟雪糕！個味吾會好假甘, 食左一大杯

見佢寫到自己咁勁就同朋友一齊去試下，環境都唔錯，侍應態度都好，清理枱面都快手，唔使下下搵人，都好自動波。食物味道都好味，海鮮拼盤都食到海鮮鮮甜味，亦有刺身任食，不過就唔可以揀落幾多件有啲麻煩，不過都明白佢可能唔想浪費食物，但份量可以再調節下。唯獨最唔好係牛肉一碟太少，我地5個人基本上一人一嚿就已經冇，又要再叫，但因為唔想浪費紙張，最後都係只加一次就算。整體都ok，但食物份量可以改善。

同朋友們食飯，星期六中午先book當晚既位，都居然仲book到，而居然冇中伏。叫左最平既$168(要+1)任食，佢5個送一個但我地得5個人！任食但佢都冇miss order，而且唔係要等野食等好耐個d，坐位唔係好迫夠位擺好多碟野食。食物選擇以呢個價位都算多，湯底都多選擇，亦有岩麻辣湯底既鴨血同薯粉。$168都有蝦同蜆，而且重點係d肉既quality唔錯！ 係第一round同之後再叫既肉quality都冇差好遠！ 好難得！佢仲有少少甜品既，雀巢雪糕﹑糯米糍﹑froyo。唔多選擇但咁既價錢我覺得ok!蜜瓜味froyo個樣有d可怕，不過味道係正常既。我地冇加錢叫海鮮同叫魚生應該係最抵食既，特別如果係男仔大食$168就好回本。不過有一點係夠中個時，佢收起番我地冇落個pot既菜同響鈴，唔知係咪會重用......

🥢旺角海鮮火鍋放題🥢位於旺角的創興的食廈，有多間放題邊爐都試過，暫時最喜歡又係我飯堂當然是牛牛，呢間雖然都開了一段日子，但一直未試過，等我帶大家試試好無食🥢價錢有三款，象拔蚌餐，鮑魚餐，特式火鍋餐 , 我就揀選了$218 鮑魚餐，海鮮盤有鮑魚 帆立貝 桶蠔 平貝 翡翠螺 🥢這間的火鍋專做海鮮，海鮮盤的海鮮看看覺得幾新鮮鮑魚：已處理好乾淨去殼洗乾淨，表面都擦乾淨，鮑魚的殼其實好多寄生蟲，去殼實在貼心，但問題是劏了洗乾淨一定無咁好食帆立貝平貝桶蠔：正正常常無特別，同平時街市買到的一樣翡翠螺：一般雪藏貨🥢另有貼心紙提供任食火鍋配料肥牛：最平價的貨仔，切到薄薄一片，無期望就不會失望🥢魚皮響鈴：炸定應該放了一段時間，凍的一般🥢脆魚片：新鮮好食脆口的🥢手打丸類：是手打生丸，無咩口感，不彈牙🥢沙白蜆：有沙而且收曬水好瘦，應該養了幾日🥢蝦：是最失望，全部望落新鮮但食落是梅的，叫了兩碟都是三隻都是這樣🥢汕頭沙嗲湯： 沙嗲湯不香，沒有應有的香味，煮耐左仲覺得苦苦地🥢火鍋醬油：火鍋店的醬油其實都反映住火鍋店的質數，如果火鍋店的醬油是經過師傅處理過，

自從個fd 出左pool之後就有異性無人性，次次約親食飯都唔浦頭，難得過年總算有個團年理由約出黎聚一聚🍻幾個麻甩仔又要飲酒又要吹水又要坐得耐，任食邊爐可以話係最佳選擇。平時打邊爐我地都上開創興18樓，貪佢地方夠靚仔，野食又唔差性價比夠高。今次見佢推介個$218鮑魚海鮮餐，諗住都只係貴多二三十蚊，即管食豪啲過肥年。海鮮盤率先上枱，睇見都覺得不得了😍！鮑魚堅係一人一隻無呃秤，其他海鮮例如元貝、海螺🐚隻隻都手掌咁大，齋影相都嚇得下人。味道方面亦都交足功課，隻隻夠晒新鮮換都唔駛換，平心而論呢個海鮮拼盤真係無得輸。其他點心紙火鍋配料更加唔駛講，keep得番一向高水準，淨係啤酒都有成四個牌子可以揀，仲可以挑剔啲咩。趁住呢排天氣仲凍凍地上去滾多幾轉先😋

自拍拖之後，我就一直比個朋友話我有異性無人性，我就今次帶埋女朋友出黎同佢地一齊食野，咪再話我唔理佢地啦。咁要坐得舒服，又要平靚正，仲要唔比人趕走，打邊爐就最好不過啦。之前朋友話創興18樓既「一鍋豐」幾抵食，今次就去試下有幾抵。呢間火鍋店又真係冇令我失望播，環境都幾乾淨。而且仲做緊特價，今期推介個$218鮑魚海鮮餐，就黎會一會佢啦!!!係打邊爐之前當然唔少得湯底啦，呢到有十種湯底比大家揀，一家有你岩心水既。今次我地揀左藥膳雞湯底，都幾足料播!!到左我地今晚既主角出場啦，就咁睇牌面都已經嬴哂。我地買個人黎食，佢真係每人比足一係隻鮑魚，除此之外，仲有其他海鮮例如元貝、海螺，隻隻都唔惹少。而且好新鮮，就好似我媽係街市買番黎咁新鮮，讚呀!!!當然唔止海鮮啦，仲有其他配料啦，有菜同肥牛等等，肥牛雖然唔係今晚既主角，但佢都唔係HEA比我地，佢D肥牛都係鮮紅色，絕對唔係之前個D雪到變哂色既肥牛。最後最後，打邊爐既好朋友，啤酒都有買款比你揀，仲要任飲。埋單230有找，以而家乜都貴既香港地，呢到可算係良心食肆啦。

今日收工，約左幾個大學同學落旺角打邊爐，聽朋友介紹依間野開左唔係好耐。起初，都冇太大期望，因為我平時都唔打邊爐，所以都係諗住就下班fd。一上到去，裝修好有特色，而且座位舒服。最緊要啲海鮮刺身夠新鮮，食物款數仲滿足到我咁挑剔既性格，藍妹啤酒仲要任飲唔嬲。我地好在一早留左位，未夠8點出面已經排哂長龍，入面仲要爆場，但係都冇影響到上菜速度！！依一點好抵讚，好小餐廳可以做到。依間火鍋邊爐，唔單止海鮮生蠔夠新鮮，而且啲牛都好高質素，比起其他同類既邊爐火鍋有過之而無不及(我個fd講) 一路慢慢食，去到差唔多夠鐘，都冇人吹單，可以比我地成班慢慢食野聚下舊，如果比著其他，一定趕走左我地。 差唔多食飽既時候，我地順便拎埋甜品，但甜品就有啲失色，得雀巢雪糕，但都尚可接受。另外佢地有部自製雪糕機，依個就幾過癮，可以適合小朋友自己動手整。食完，大家都好滿足，最緊要環境舒服，坐落唔會太逼，價錢又正正常常，唔會突然又收多。 抵食！下次會再同班fd黎！

今日去食呢間主打海鮮火鍋套餐嘅"一鍋豐",呢度都有成10種湯底, 比起其他任食火鍋店選擇都算幾多, 有辣有唔辣, 同埋個人覺得藥膳醉雞湯烚海鮮係特別好食嘅, 花雕香可以帶出海鮮嘅鮮甜味!點菜紙上嘅食物種類超多呀! 肥牛都分左幾隻,又有滑牛,又有肥牛粒, 牛肉狂已經蠢蠢欲動~任食海鮮都唔輸蝕, 海蝦, 海蜆, 日本帶子仲有丸類, 菜類, 選擇超多!秘制香辣醬辣得黎又有啲好似xo醬嘅鮮味,加分! 仲有佢最特別嘅一樣野係表明採用李錦記醬料, 成件事令人食得更加放心~鍋底到左同時象拔蚌刺身同海鮮拼盤都到左喇~兩個湯底都好香,有濃濃花雕香,又刺激嘅麻香味! 象拔蚌刺身,新鮮爽口鮮甜,值回票價啦-鮑魚要注意下鍋時間唔可以太耐, -扇貝沾上麻辣湯嘅味道, 更鮮更甜! -桶蠔好大隻,啖啖蠔味!-韭菜餃有驚喜! 啖啖韭菜,豬肉比例剛好,餃子皮又滑~必試一入黎個時已經見到有雪糕雪條雪米糍任食, 雪米糍放15分鐘溶溶地咁食超正,係雪米糍嘅最高境界仲有藍妹啤酒,紅酒,白酒任飲, 岩晒一大班朋友黎聚會~

我地今次就揀左象拔蚌海鮮火鍋套餐, 性價比超高又抵食果然冇令我失望! 一坐低緊係要揀湯底啦!我地就加左$68揀自選鴛鴦鍋, 分別係麻辣同藥膳醉雞湯底, 最中意混醬。(辣椒+生蒜+炸蒜)呢個組合係我嘅口臭之選~我另外仲畢左個秘制香辣醬, 呢個我覺得係必試, 象拔蚌刺身新鮮爽口鮮甜, 巨型海鮮拼盤(有鮑魚, 扇貝, 桶蠔, 等等, 好多海鮮) 淨係食呢兩樣都抵返哂呀!!每一款都好鮮甜, 店員好細心提我地每樣海鮮要滾幾多分鐘先食得。。-手打蝦丸墨魚丸,爽口係基本,同埋好估唔到真係有啖啖蝦味同墨魚味,點埋豉油冇得輸! 另外肥牛好新鮮, 雪花均勻, 唔會成口鞋。其實張紙仲有好多火鍋配料揀架, 中意打邊爐既你, 唔怕食黎食去都幾樣!!驚喜位: 藍妹啤酒,紅酒,白酒任飲開心位: 有甜品區, 除左雪糕之外仲可以自制TIM又驚喜又開心推介：一鍋豐

香港人最愛晚餐，一定係食火鍋！我也不例外😜元宵節當然同男友去食任食火鍋，我們選了最貴$268餐，最主要因為可以紅白酒任飲，亦有安格斯牛肉，正！這裏坐得很舒服，而且食物亦算新鮮，服務態度也不錯！抵讚😘，加上食2個半小時，加分.最後當然要食甜品，有雪糕，雪條，仲有軟雪糕，糯米滋，所以食完真的飽到上心口，真的非常滿足😊

🐷今日收工約埋三五知己4人行一窩蜂去旺角一鍋豐打過邊爐，爽阿💃排左我45mins終於可以入場大廝殺😤🐷場內無限任飲任到嘔🤪茶、芒果汁、提子汁、汽水、啤酒‼飲飲飲排緊隊等位無野做最好都飲一飲🤣🐷坐低後手起紙來點點點，同其他任食打邊爐一樣有肉類、蔬菜類、補身嘔心類五花八門應有盡有👍🏼🐷好快湯底黎到正阿🤤係我最鍾意嘅麻辣鍋，職員一放低濃郁嘅麻辣味由呼吸道直入肺部再呼返出黎...口水鼻水即刻流哂出黎🙉🐷另加左個海鮮拼盤又估唔到好新鮮喎無死屍味底讚👍🏼🐷食肉狂既我終於等到喇，脂肪均勻肥仔我🤤🐷呢個黃色物體丸子自己都唔知點解叫左返黎🤣不過又好特別唔知點形容入面係咩黎...但又出奇地好食🤣🤣所以要特別介紹🐷最後就係粉腸，唔粉👍🏼總括黎講呢到價錢合理、食物新鮮，乜都有得食，可以再接再厲下次再黎過🤪

晚上行完街係旺角，呀媽話想打邊爐，最後上網搵下就搵到呢間去試試佢有幾個餐可以揀，好多配菜火鍋料都係任叫，一d特別海鮮就要睇你叫邊個餐先至有，當然都貴少少而我當然叫左個火鍋海鮮套餐，我地都鐘意食海鮮湯底都有成十幾款選擇，我就揀左個特別d，川芎天麻大魚頭鍋，出邊都冇見過，所以叫左黎試下火鍋食物選擇都有幾十種，都算幾多湯底望落幾濃郁，用足料去煲任食配料都唔錯海鮮望落係雪到硬硬地，但剝完食落幾好！感覺都算新鮮，蝦同蜆都好鮮味，！魚係最好味，又鮮味又唔會靱肥牛就正正常常，薄切剝兩剝就食得反而滑牛就幾驚喜，唔韌得黎牛肉味幾重，剝到7,8成熟就最正而甜品多數係雪糕為主，有大腳板同牛奶樂！細個成日食！童年回憶呀。仲有部雪糕機可以自己拉d雪糕，再落配料。大家都食到肚脹脹咁走，幾扺食！

食左9萬幾次打邊爐, 呢間未食過。朋友介紹, 試下先啦。創興廣場好多食店。所以好方便就搵到" 一鍋豐" 全層鋪面好大, 坐得夠舒服麻辣鍋係必須點!!每間食店的麻辣程度都唔一樣, 我中意唔好辣到搶喉, 麻到條利痺哂。好彩呢間麻辣程度岩岩好醉雞湯底比較淡味, 不過入面好足料, 勁重酒味。新鮮牛肉食落好滑可以值得叫多2碟食( 不過唔好眼闊肚窄呀!!!)雪花肥牛正常, 必點, 仲有好多配料揀, 魚皮餃同埋手打蝦丸都好正嚮玲我覺得唔錯呀, 脆身又唔太油。。通常我都係碌幾下就食, 索少少湯。如果落麻辣湯底就更加重口味!!重點刺身 : 好新鮮既象拔蚌, 絕對要食呀!!!壓軸既海鮮拼盤!!!鮑魚, 生豪, 帶子, 班片, 真係好豐富, 鮑魚好出色, 碌幾分鐘岩岩好食得, 唔會乾哂硬哂。又夠大隻。中意食甜品既你, 唔好錯過。有杯裝雪糕之外仲有得自助自取軟雪糕位, 比你自製獨一無二既 軟雪糕, 哈哈