一風堂 (香港逸東酒店) (已結業)

想吃拉麵的念頭一向都有呢，行佐敦發現左一風堂❤️店內裝潢用心，店內已經滿座了，餐桌上已經擺好Menu 以及一壺冰茶🥳一風堂的拉麵主要有白丸、赤丸、辣肉味增與博多沾麵這幾種🤪我地嗌左赤丸新味新玉子拉麵，湯底是豚骨湯頭，加上赤味增和一風堂特製香油🤟🏻喝一口湯頭😊好濃郁的味道，拉麵內有叉燒肉😊叉燒可以揀卷腩叉燒還是慢煮，我點了卷腩，是半肥半瘦，五花肉油脂豐富，非常軟嫩，入口即化😍還有海苔、半熟蛋、芽菜、黑木耳和蔥☺️玉子的蛋黃流出來好正🤟🏻再點了白丸元味新玉子拉麵🍜湯頭乳白色的，豬骨香濃😜拉麵是極細麵，可要求硬一點或軟一點的口感，有超硬、很硬、硬、普通、軟五種🤟🏻吸附湯汁的能力不錯呢，放上薄切叉燒，選了慢煮叉燒，是瘦的那種，好淋身嫩滑，還配有黑木耳、新鮮芽菜和蔥，並且有一顆糖心蛋😋點了細博多飯❤️賣相好吸晴，原來係玉子加卷腩叉燒飯，好好食呢❤️除了拉麵外，也有一些炸物小菜之類的東西，點了跟餐的煎餃子🥟細細粒，一粒一啖，煎得剛好呢，充滿肉汁🥰一風堂佐敦彌敦道380號香港逸東酒店地下1號舖

很久很久沒有幫襯過一風堂，真心一句本人不是連鎖大店的粉絲，個人比較鍾意地道小店。今日同朋友响附近做完嘢，唔知想食乜，最後決定食拉麵🍜🍜舖頭地方很乾淨，餐牌也很簡單，足夠嘅選擇不會令你花多眼亂。懂我的就知道辣是必需的😂😂,自己叫咗一碗特製一風堂辣肉味噌，而朋友就叫了一碗赤丸。兩個面嘅賣相都唔錯，都係果句「大型連鎖店，錯極有個譜」辣肉味噌跟既係慢煮豬柳叉燒，個人而言就覺得傳統日式燒叉燒好味得多，因為慢煮令到舊肉有點兒韌😅😅😅唔知佢有幾辣，所以淨係叫咗個中辣。辣度啱啱好亦唔覺非常口渴、可惜個湯都係唔夠熱所以扣咗少少分（本人食拉麵一定要食熱湯😉😉）個人而言不過不失，$200兩碗面再加兩隻明太子雞翼，算係咁上下👌🏻👌🏻題外話，樓面有個哥哥仔十分好禮貌，好可惜唔知佢叫乜嘢名😬😬

灸燒豚肉半熟玉子飯 $68自己一個唔知食咩好，咁岩見到就入左去食。啲豚肉份量比想像中多，食落幾香口，送飯好開胃。啲飯就落左啲類似燒汁，食落唔會好乾，仲有半隻蛋。份量夠一個女仔食，男仔就可能唔夠，價錢黎講就有小小貴。

前排太夜諗唔到食乜 見附近既店舖又收得7788 決定試下一風堂 本身都無乜太大期望 點知咁好食！！仲要外賣自取8折好抵🔅🥟 黑松露汁餃子皮黑松露味唔算話好濃 不過皮好薄肉質都ok 不過又係太細舊 一啖食晒😂🍗 唐揚炸雞 必食❗️雞肉好淋 醬汁好濃味 又好夾兩個人share食一盒完全唔夠🥲下次去要一個人自己食一份先得！🍚 博多飯(細) 初頭唔知乜黎 驚唔夠飽所以食飯打定個底就算 點知又係出奇地好食！將所有配料撈埋一齊食勁開胃😚🍜 白丸元味拉麵 我大鄉里出省😂第一次見咁方便既拉麵湯包😛湯底好濃郁 不過份量偏少 男仔未必夠食🤭

雖然是一風堂會員，但不是經常吃！今次和媽媽到油麻地永安百貨買衣服換季，shopping前先在附近吃午餐，walk in逸東酒店的一風堂，第１次來這家店，環境好！感覺比金鐘廊店好！點了以下的：#一風堂辣肉味噌拉麵，我的最愛！差不多每次都點這個，可以選大、中、小辣，今次點了小辣，水準保持，好吃！#白丸，點了這個給媽媽，她的評價是：大碗！她真的沒吃完。#芝麻菠菜，冷盤，加了麻油，香！連平日不吃生冷食品的媽媽，也說不錯！#明太子雞翼，太鹹！有改善空間！

疫情之下好多拉麵都比較人少，幾個月之前就去佐敦試下一風堂，去到一風堂試下限定特色拉麵 蠔拉麵整體唔係太出色，因為蠔味影響左拉麵味道，但鍾意蠔既人值得去價錢合理，但再試就不要了😔

在佐敦辦完事，到附近找吃午餐的餐廳，但不少餐廳還沒營業，最後就到了一風堂試一試它們九周年的牛舌黑醬油拉麵。是次九周年的牛舌黑醬油拉麵有提供套餐選擇配上經典「黑牛」。黑醬油味道十分濃郁，配上蔥花、筍等配菜時濃郁亦帶點清新。溏心蛋保持一貫水準，帶有微甜，與湯底一起進食，各有千秋不只，更可以刺激味覺。這次的叉燒味道配黑醬油湯還不錯，可以明確分到叉燒及湯底的咸味，但口感稍為要多咀嚼才能吞下。牛舌是有點厚的切割，沒有太濃的調味，但需要咀嚼比較久才能吞下。友人點了雞醬油拉麵，湯底算是雞醬油清湯，配上只需輕咀嚼的雞肉，雞味十足。雞醬油拉麵配的是厚/粗的拉麵，選了普通麵質，帶點咬勁又不會要多咀嚼才咬碎。再點了新推出的炸雞外橫隔膜，橫隔膜本身好像沒有什麼味道，主要都是調味的味道(咸的)。口感是脆的也是堅韌的。連大蔥絲一起吃味道配合得不錯。最後是一風堂的招牌餃子(有點細小)，薑、蔥和餃子配上小許餃子醬油還是不錯的。

因為早前去了逸東酒店，所以順便去了酒店地下一間一風堂食下午茶，意外驚喜， 原來食物真的不錯，怪不得開始開分店和出名！我點了的叉燒拉麵和炸墨魚，日本叉燒肥瘦平均，而且味道真的好食過平時吃開的叉燒，配埋窩蛋太一流了！ 另外這店環境都不錯，配埋日本音樂當去了日本啦！ 開心這店把美味的拉麵帶給我們香港人啊！ 一風堂佐敦彌敦道380號 香港逸東酒店地下1號舖t. 2763 1228f. 2763 1200 11:30 - 20:30

人生當中一定有嘗一風堂的想念。今次疫情下的優惠真系未想過。您看到以下的餐牌就明晒我講的心情。食市不易做，食客亦易當(因為想支持自己的食店必要以身力行)。相比正價，聰明的您，一定明的。而且分量實不欺場(赤丸拉麵追加炸紫菜墨魚鬚)。大食的我都好滿足。當然，細食的可選半份麵set追加小食，但朋友今日想食飯 (細博多飯追加明太子鷄翼)。佢系鷄仔胃好易養。咁就開心滿足？當然！因為仲有營養果汁。可惜食飽佐，見到lee個都想試，下次吧。正價餐牌外賣自取做8折。真系不得了。

依段時間唔想去D多人地方但又特然想食拉麵就諗起一風堂，依家個個留喺屋企唔出街食。我都係，為有一星期先出一次，平時大多數去其他一風堂都要等位，可能依間係逸東酒店樓下，地點唔太就腳，就冇咁多人，一入去得幾張檯有人，所以都坐得比較鬆，叫左個蟹膏餃子🥟好味，重要唔貴＄68，再左個連皮食既🦐，又係我口味，最後叫左個期間限定蠔既拉麵大大粒有3隻，個湯好濃好味佢本身有set餐，麵同蠔飯😆不過我只係散叫最後當然要加我最鍾意配料

一風堂近期一風堂promote呢個蠔拉麵套餐~佢為蠔控嘅我點可以唔試呢!? 但係蠔同拉麵始終都係從來未出現過係我腦海入邊，開頭都有種試伏 死就死啦嘅覺悟去食。一不做二不休順便叫埋個迷你芝士蠔飯！蠔拉麵嚟到嘅時候，第一下吸引我並唔係佢嘅賣相，而係佢嘅香味！係金蠔嘅味道令人忍唔住第一下就試佢個湯底，係好鮮甜嘅蠔同醬油味，之後就是一啖蠔肉。味道同質感介乎新鮮熟蠔同金蠔之間～但可惜嘅係味道稍為重左啲，未必大多數人都習慣。至於焗芝士蠔飯上面有兩隻蠔，size比我想像中大 5-6cm x3-4cm～蠔就新鮮多汁，組合似意大利飯非常惹味！日式煎餃子拼芝士焗蟹蓋，又係一個令人驚喜嘅組合，蟹膏醬當餃子醮料會產生令人多左胃容量嘅效果！明明已經食完個拉麵，同飯有d飽～但都會食晒個餃子去。唔夠飽可以免費替玉到你飽為止！！

一風堂來香港都好多年....除了剛開始進香港時吃過一兩次....很久委久都沒吃過....當日與朋友經過....想不到吃什麼就想說..好吧...再吃一次...事先聲明...本人其實真係唔鐘意食豬骨湯的...因為點都好...一定會有豬臭味的...當然這一家也一樣洛.....好吧...坐下來看餐牌，基本上都是千年如一日喇....拉麵就是拉麵!但有一個很有趣的新餐單...就是黑麻麻的炸雞!說是什麼墨魚汁口味的...好!就試一下新東西...拉麵還是一樣喇....一樣臭.....其他基本上都跟那麼多年一樣.,...想要說的是那個墨魚汁炸雞...味道其實不錯.....只是皮太厚....一口咬下去整塊皮都掉喇....基本上日式拉麵連鎖在香港是.....如果沒什麼想法沒什麼選揀是可以選...但如果有....就不需要吃....

好耐無食過一風堂，咁岩經過有間就入左去當時都夜啦，不過店員都好有禮貌，唔會覺得我地阻收工我見到有個期間限定setKURO拉麵+烏卒卒炸墨魚 就叫左呢個set包汽水或者樽裝果汁用左豚肉湯+黑蒜油極愛食蒜既我覺得湯底好正！另外再問店員拎生蒜，簡直一流而麵係粗麵咬落彈牙叉燒就分別有4款，每樣各一塊可以一碗麵食到唔同叉燒都幾好烏卒卒炸墨魚反而就麻麻墨汁味唔夠，炸粉比較多如果再黎食，就唔會叫呢個啦老公叫左碗麵同叫左鹽味唐揚雞我試左舊雞，呢款比炸墨魚好炸粉無咁厚，肉鬆軟另外老公叫既青檸巨峰梳打我都有飲相信一搬巨峰梳打都係落糖漿+梳打其實好多時偏甜，但加左青檸小小酸味平衡返成杯飲品，唔會過甜最後真係讚店員服務態度好好唔知平時分店係咪太多人，變左服務無咁好呢到員工超nice，抵讚

一風堂八周年在彌敦道逸東酒店地舖開新店，在彌敦道相當顯眼，同時亦在這個周年紀念推出了贅沢大判和牛拉麵，以及與麒麟啤酒聯乘推出定食套餐及記念品。美心集團管理香港的一風堂，這八年的發展相當亮麗扎實，旗下現時有九間分店，除了銅鑼灣分店遷移位置之外，沒有一間分店結業，以連鎖店來說，比起味千或豚王，分店擴展雖沒有其餘兩家那麽迅速，但是每間分店都有賺頭沒有失手，當然這是因為美心是大集團財力雄厚，部份分店在商場裡最有利的位置，而更属害的是，美心在商場租了連續幾個舖位，一風堂和其他美心姊妹品牌如元氣、丼丼屋及星巴克等等形成一條食街，顧客光顧任何一間店舖都是美心旗下的品牌。日本的一風堂在日本類似開飯喇的平台得分平均在3.45分，不過不失。在國際網絡上由於宣傳得宜，與一蘭常在流行五大/十大拉麵品牌之列。在香港，一風堂有三寶：白丸赤丸叉燒角包，在尖沙咀開第一間分店開始的確令人印象難忘，但香港人金魚腦袋善忘，而且拉麵品牌越來越多，雖然一風堂也有出限定性拉麵或小食，但是鮮有成為城中拉麵界話題。宮崎秀規在2017年成為香港一風堂營運顧問，在菜單上加了創新的元素及種類，單是餃子類也有五款。大家若沒有忘記的話，一風堂

一風堂給人的感覺是出品穩定, 在附近開完會路過發現附近開了這間新的分店, 便直接進去晚膳了我們點了他們八周年的特色柚子和牛套餐($148), 包含一碗拉麵, 一小碗的和牛飯和限定特色柚子啤酒和點了傳統的特製辣肉味噌拉麵($92)和追加一份豬軟骨($25)和牛飯(沒有拍照)的所謂和牛真是咬不開, 絕對稱不上是和牛, 雖然這個價錢的牛肉我並不抱有期望, 但也至少應該給予客人基本可呑下的牛肉質素吧..?另一份要提的就是我追加的豬軟骨, 食落一陣怪味, 吃了兩啖也再吃不下去了, 難以形容唯獨是拉麵正常, 但沒有特別驚喜, 二人埋單共三百多這個價錢吃這樣的質素, 恕我有更好的選擇