七十一 (已結業)

十年前，自從經同事介紹黎呢度買豬油腸粉後，我都無再食過其他腸粉，以前鋪頭開係大馬路，開到半夜兩三點，長期都要排隊，可能因為鋪租不斷上升既關係，搬左去又新街一個唔起眼既位置，我泊左架車係門口，食完都無見到人買，禁好味既腸粉無咩生意真係覺得有d可惜。腸粉好彈牙同滑，加左甜醬，麻醬，同秘製辣汁，芝麻同最重要既豬油。其他地方既腸粉如果唔係即刻食既話，係會痴住一舊舊，但呢度落左豬油 ，攤凍左食都唔會痴住，而且仲好香。

腸粉 — 兒時美食（雖然我大個都鍾意食），佢正就正在在廉宜又惹味。秋冬凍凍地，熱騰騰的腸粉再豪邁地加上萬丈的混醬，一餐KO了。所以儘管它由我童年的三蚊四條，變到今日的十蚊四條，久不久都想食返口美味腸粉。我一直是合益泰的忠粉，喜歡其腸粉米香幼滑，醬汁濃郁惹味，灑上芝麻芳香四溢。但是從好耐以前，已有報導說元朗有店鋪，有它一樣滑的腸粉，更甚是它落醬從不吝嗇，聽左好耐都未試，反而最近是老媽想食，就做個「孝」兒女，陪媽一嚐。其實佢主打廿蚊餐 — 腸粉拼魚蛋/燒賣，但因為黎之前去左「皇后」食燒賣，所以簡單地單點腸粉（$10/4條）。據聞它取貨是同合益泰同一貨源 — 潘記腸粉，出名又薄又滑，口感柔軟滑溜，煙韌又帶米香令人期待。店員以超純熟手法，「切割」四條腸粉，再淋上混醬（媽不吃甜醬），為我們送上一碟熱辣腸粉。一食腸粉果然滑溜，煙韌但米香普通，不算明顯。醬汁方面，醬汁雖多，但我不喜歡店調較的風味，偏鹹略單調。麻醬可以，很香；另上豬油較添風味。總括黎講，夜宵磨都可以（如果是「元屯天」人），但要慕名而來⋯⋯？你諗你啦

等人無聊口痕行咗去七十一食腸粉，見唔餓，所以叫個A餐止下口痕，呢度出名豬油腸粉，但價錢較貴，份量亦小，不是填肚之選，豬油腸粉夠香滑，係童年回憶，魚旦係陳皮魚旦，夠魚味，佢D醬都好味，不過多醬人仕注意，加醬要另外加錢，建議堂食，外賣住得遠就不建議，因為D醬會索晒入D腸粉度，糊晒，都幾難食，由於鋪面好細，所以堂食係無得坐，要企喺街度立食，但都另有一番風味，路過可以試下，雖然位置較偏僻，但就在梳乎厘同炸雞肶附近，應該唔難搵

這家七十一肥仔腸粉，囡囡很想吃這些篤篤腸粉，沒有太多人，又不用排隊，吃返個個腸粉先... 位於又新同建業交界嗰間，我食過 啲腸粉堅正 而且齋腸只係十一蚊，咁嘅質素呢個價錢，好抵食腸粉，七十一肥仔記仲有賣蘿蔔、腸仔、魚蛋等等地道小食由以前街邊檔做到入舖，七十一肥仔記的食物質素一直都相當穩定。老闆特地選用出名又薄又滑的腸粉，柔軟滑溜的口感，同深水埗出名的合益泰小食不相伯仲。七十一肥仔記的腸粉有淡淡米香，加上豉油、麻醬、甜醬和芝麻，以及香噴噴的豬油，聞到已經流晒口水。不同於一般的醬汁，呢度所調配的醬汁都較稀，不會單單鋪在腸粉表面，經撈勻後，腸粉由外至內，都充分吸收了醬汁，染上顏色，連腸粉卷中亦有味道，非常惹味。肥仔老闆落醬絕不手軟，將所有醬汁撈埋一齊食就最正

下午五點，幫襯買腸粉加腸仔，士頭婆一個睇檔，一向面黑，剛好無散紙，只有一百元，不是五百或一千元，好晦氣地說，無錢找，我話唔好意思，我得一百！跟住佢竟然無望我，剛剛有人幫襯，但對方買50元，我等佢整完在問佢是佢都無得找，佢再望都唔望我！果一刻我覺得一個大男人企喺度，好似當我乞兒！😡從未受過呢D氣！終於我轉頭走，發誓永不再幫襯！行話對面，泛後甜品、B仔等..選擇多的是！唔怪得拍烏蠅，咁唔開心，報左仇先開檔啦，無謂獻世！

朋友專程入元朗找我，那當然要一盡地主之誼，我們整晚都吃過不停。朋友想回味七十一的豬油腸粉，我二話不說立即帶她來。不過為免吃不消，我們所吃都是一起分享的。我們主要想吃腸粉，所以點了一份十元腸粉，另加一顆牛肉球。當老闆飛快切好腸粉，淋上豬油，豉油，甜醬和麻醬後，我們趕快拍兩張照片就立即吃，不想錯失最美味的時刻。沾滿豬油的腸粉猶如塗上一層潤膚油，讓原本皮薄的腸粉更為滑溜，亦帶油香，最重要的是當豉油，甜醬及麻醬三為一體之時，濃濃的醬香使腸粉更為滋味。不過牛肉球則味道一般，肉質頗為扎實，沒眼前一亮的驚喜，但對我們來說沒關係，因為腸粉才是主角。

胖🐽增磅@元朗。第二站七十一肥仔腸粉無影到相10蚊4條食腸粉，我鍾意，甜醬，麻將，多豉油，走芝麻👍🏻👍🏻👍🏻我今次叫左混醬走芝麻，唔知道e到原來混醬係包埋辣醬的😛😛😛不過唔緊要，好彩唔係太辣，但個人口味的問題，腸粉加辣醬好似唔係咁夾咁。。。😐😐😐e到的腸粉，好滑我見佢切完加左匙豬油，之後先去醬料位置，再加其他醬。。。。。有豬油，所以好香相比深水埗的合益泰，我鍾意食佢地個醬多過七十一，但只計腸粉的滑溜情況，我覺得係不相伯仲的。

小時候，家住港島，學校也在港島，假日也很少會跟家人到九龍，更何況是新界呢。不知道是不是現在網上媒體宣傳效應太厲害，每隔數月，To Eat List上面總會多了好幾家在新界的餐廳，以致一次又一次的周末一天新界之旅。這一次又是來到元朗，畢竟元朗好吃的多着了。等位的時候在附近閑逛，剛好就看到這家小店。一看我就開心的不得了，我最喜歡扎實的魚蛋了！小店也有一條小人龍，但大家大多在買腸粉。可惜我們一天覓食下來也再吃不下一份腸粉，只好點上一串魚蛋。魚蛋 $7喜歡吃辣的我自然點上辣魚蛋。魚蛋口感扎實，正正是我喜歡的類型。吃下去第一口的錯覺是，欸，怎麽不辣的呢？後來多吃幾口，發現魚蛋其實是辣的，但沒有過重的調味料，以致有種辣而不鹹的感覺，對於重口味的我們是有點不習慣。看到其他對於腸粉頗高的評價，大概下次試一下腸粉的時候也可能再多試一次這魚蛋吧！

今日終於試左 “七十一”所謂招牌 豬油豉油汁腸粉$10 四條，嗌左兩份 (如相中)阿姐服務態度極差。問距有咩醬揀 距黑面不特止，仲無聲回應 咩料呀？衛生方面超惡劣🚨🚨🚨啲客食完個碟即刻轉手俾下手用咩衛生呀？做生意做到咁有乜謂有膽你就試，不可一不可再。齋講返份腸粉的確係幾滑食得出真係同出面好唔同既有落到豬油落去 係香啲既但性價比好低 $20既份量等於出面既$10份量真心果句，食物品質即使再好，口碑再好，也得著重服務態度以及食物衛生 😡😡😡

最愛腸粉滑滑溜溜嘅可愛樣，一道咁簡單的街頭小吃，所包羅的功力和心思，絶對不簡單！首先腸粉本身要有彈力，唔可以過份蒸，醬料家族包括底油。豉油。甜醬。麻醬。辣醬。芝麻。佢地要各自美味之餘，又要互相平衡先可以帶岀腸粉嘅精華😋😋😋 行勻港九新界，最好的腸粉就七十一，之前店主因被瘋狂加租而決定休息一陣，我因此失落左好耐，但週圍食都揾唔返咁好味嘅腸粉。好彩店主最終久休復岀，我先可以揾返我嘅小確幸，多謝你肥仔腸粉🎉🎉🎉

第一次吃七十一買了$10燒賣$7咖哩魚蛋$5蘿蔔先以腸粉試加了豬油的豉油味道豉油的確與一般的不同 有油感和油香腸粉非常滑 亦有米香未知是否也同樣加了豬油？魚蛋是細粒扎實質感我一般較不喜歡這種魚蛋偏愛軟彈較大粒那種剛得知這種叫陳皮魚蛋這樣吃來真有一鼓陳皮味道對它少了一份討厭 多了欣賞只是這叫咖哩魚蛋的 缺少咖哩香蘿蔔未算完全無根但尚算清甜加了豬油的醬汁不知有多肥如果可以選擇 我想要回普通豉油

在facebook看到元朗十大人氣小食，於是去試下這一間腸粉店。唉，我覺得好一般，腸粉係好滑，好香，但十蚊得四條，其他魚旦，燒賣都係同出面所食一樣，沒有特別，又貴又唔抵食，我哋即買企係度食，阿姐態度好差，或者係佢性格，我食完還隻碟佢，佢嚟手拋入個垃圾「㕷」一聲⋯⋯ 唔抵食，無下次！轉角有間新B仔涼粉，也有腸粉魚旦食，平又平過佢，又有得坐。聯和墟的四眼仔腸粉最好，又抵食。

岩岩趕住番屋企，想快靚平正食個dinner，七十一肥仔記係最佳選擇，呢度腸粉數一數二咁好食，皮薄滑溜，仲有少有既豬油撈腸粉😍蘿蔔清甜冇渣，豆卜索哂醬汁，魚蛋咖哩汁惹味，幾時都話街頭小食都有佢既存在價值😆

位置偏僻 開地圖才找得到小店腸粉10块一份 只有4條 另加了咖哩魚蛋和魚肉燒賣 各7块錢一份 。因為店內不設坐位 所以我是打包回家吃的。我6點左右去的 前面排了3個 老闆娘動作很快 沒有等太久。腸粉很滑魚肉燒賣也好吃唯獨是魚蛋 個人不喜歡陳皮魚蛋所以覺得一般芝麻特別香 下次還會再來的

< 腸粉 + 燒賣 $18 >據說呢間係間老店，但事實上呢一間係一間老店，雖然呢間 71 出名食豬腸粉，但對燒賣有情意結既我見親有魚肉燒賣就有一定要叫 😍 賣相真係好吸引！果堆混醬 😍😍😍 味道方面，燒賣既好食程度為一般，冇乜魚肉既鮮同口感，而腸粉我都好中意食既，但都係限於混醬腸粉，比起燒賣相對下，腸粉係比較出色既，屬中上質素，整到滑一滑，好味！