七喜粥麵小廚 (已搬遷) 新店位置

業主收樓 在這橫街窄巷的七喜結業了在手機找到圖片才記得寫食評還記得樓面的阿姐成隻手指插落碟粗麵到而且那個姐姐英文非常好鵝腸撈麵 鵝腸是街市貨經過漂白啤水而且很薄沒什麽咬口食鵝腸最高境界要夠肥夠厚咬下去才甘香牛根腩撈粗牛根腩炆得夠淋夠入味可惜也是太瘦沒肥膏粗麵偏硬麵本身有蠔油伴上不過不失白焯鯇魚皮同行朋友點的菜本身對魚皮沒什麽好感可能樣子嚇人吧但食落又唔差魚皮好厚身好爽彈牙無腥味伴蔥姜絲食有點像食姜蔥牛栢業最後覺得結業很可惜呢希望有機會再去其他分店試試

喺地產霸權同連鎖店充斥下，哩種街坊小廚執一間少一間。話說某日經過土瓜灣店想食個快飯，入到去坐低見倒有白灼腰潤撈麵就叫咗個試一試佢嘅功架，結果不負期望。上openrice搜尋下原來有幾間分店，今日就嚟灣仔店食個晚飯見一見真章。白灼腰潤 - 就係之前喺土瓜灣店試過撈麵，今次嚟個淨食。哩味嘢好少地方食到，猪潤同猪腰灼到緊緊熟，鮮嫩到不得了；猪腰完全冇"壓"味，點下辣椒豉油好惹味。碟底塾咗啲迷你白菜仔，醮嘅熟油好似仲加咗啲麻油，好香。老婆唔食内臟，我一個人食晒，正！西蘭花蝦球 - 好大隻蝦球，超彈牙，西蘭花剛熟。清炒，成碟餸好fresh~椒鹽九肚魚 - 上枱以為白"璽璽"唔掂，其實粉漿超薄，椒鹽味剛剛夠，炸得非常乾身，食完碟底菜冇乜沾倒油，炸功一流。蜆蚧鯪魚球 - 鯪魚肉彈牙，蜆蚧夠咸鮮，不錯。西洋菜陳腎湯 - 一大碗，西洋菜味濃。煲湯啲應該係西施骨，啲肉唔鞋仲入得口！後記 - 真係相逢恨晚。哩啲唔起眼嘅小店，就咁行過都未必會行入去試，好在試過分店ok, 睇相亦見倒地方非常乾淨，今晚就的起心肝嚟試食。食材絕對新鮮，廚師煮功亦高，啲嘢食一定好味，食唔出有落丁點味精。落單嗰陣老細話兩個人一大碗湯夠

聽講七喜就快無得做，要把握時間食多幾次了，平時返工食飯最鐘意佢快靚正。炒粉麵飯樣樣齊全，又夠多款，價錢四五十蚊，係灣仔算係咁上下喇。今日食鮮鵝腸撈麵，落單唔駛三個字就上枱，最緊要係蘸佢啲豉油，同鵝腸好夾。咁又一餐

今晚男朋友出題：平＆Comfort food！他在中環放工，所以我選擇在灣仔落腳。灣仔是我喜歡的地區之一，要平有平，要貴有貴，一定能找到你所需。我提議上海菜、茶餐廳、燒味、點心、等等。。。他反應都是一般般。所以我最後自己拍板食七喜！去到門口，喜見羊腩煲已上市！男朋友餐牌都還沒看過就決定羊腩撈。我在一輪掙扎後，點了淨水餃。＊羊腩撈麵＊羊腩份量頗多，一碗裏頭有差不多6塊。肉腍入味，大部分都還是骨肉相連，正！還有馬蹄和荀，正常還有冬菇，碰巧我們這碗沒有。麵份量正常，鹼水味不重，彈牙。＊淨水餃＊鳳城水餃，一碗5隻。起初還覺得40元才得5隻，太少。。。食後發現非常足料，覺得很滿足！水餃裏頭有蝦、豬肉、荀、木耳和冬菇。我想每粒應該不止一隻蝦！我尤其喜歡那大大粒的冬菇！＊總結＊今晚的選擇很貼題！還有很多食物想試。下次可以和三五知己來食羊腩煲再加其他試試！

七喜粥麵小廚，我吃過幾間。但灣仔這間，是最好的！所以今天好友的生日會，也選擇在這裡舉行，好的環境，好的食物，好的服務，合理的價錢！無論是午餐或晚餐，如果想吃一碗好吃的粥，不作他選！如果想約好友暢談，飲冷凍啤酒，吃好吃的小炒，也不作他選！如果你想介紹外國朋友吃廣東小吃，這裡的老闆更可以用流利的英語替你介紹，讚啊！

一向到七喜都是食粥粉麵,這天在睇戲前到這裡食晚餐, 朋友介紹食小菜, 因為大家都不太肚餓,所以叫了兩個惹味小菜,再加個白粥。蠔餅算不上是經常會點的食物,原來送粥十分之夾!蜆炒得非常惹味,有辣味但很易入口,勁有鑊氣!!除了粉麵外我亦推介七喜的小菜.

這一天的下午，要步行至稅務局辦事，而我就故意把我的 lunch 推遲至兩點後。本想去到會展那一頭才食飯，但在半路中，感覺肚子極餓了，而我又剛好在《七喜》的門前，為醫肚，就近以快速完成最好，我決定重來《七喜》這一個久未拜訪的名字。《七喜》是以連鎖店形式經濟的小菜食肆，說他是中菜館又不是，說他是茶餐廳又因為他不開早市而令我覺得他又不太像。而我對《七喜》的認識，也就是當年做 audit 仔時，成 team 人加班時的 team dinner 所在地。是日的 late lunch，本想食下午茶，但我實在是非常之餓，輕份量的東西不適合我。於是，一份真真正正的午市炒粉麵，就是我是日要食的東西。有一個湯，很清的湯，很鮮的湯，因為湯有很濃的大地魚味，簡單的一條菜，簡單地用大地魚乾做味，飲完你會 yeah 一聲。我的午餐是一份干炒牛河，而由於這下午茶時段，餐廳只有小貓幾隻，師傅可算是落足了心機去炒，所以出來的干炒牛河，炒得油亮而帶點晶瑩，味道均勻豉味香，牛肉的味道也夠香濃，而且鑊氣十足。油膩是有的，但河粉的熱的十足，令人只感覺到油而沒有膩。奶茶未算是最香的奶茶，但夠多奶，也算是可以。炒粉麵不錯，是午飯、

朋友介紹話呢道嘅雲吞麵好食，今日等老婆放學所以就跑去試一試。雲呑外表無其他店舖咁大隻，但咬落去之後，先發現佢地用嘅蝦絕非普通嘅蝦仔去做，而係用一啲好新鮮嘅大蝦，並且用料十足，最少有三份一至半隻大蝦去做成。結果，我另外再買多一打生雲吞外賣，作為晚飯小食之一。下次要去食晚飯再寫報告。

今日係阿爸阿媽結婚三十周年，我同大佬帶佢來食飯，唔洗成日去乜乜酒樓／乜乜皇宮大酒樓度食，咁悶......蝦球炒蛋 - 呢嗰餸基本上唔可以叫蝦仁炒蛋，應該叫蝦球炒蛋。貴妃蚌-估佢唔到七喜都有 [ 蒜蓉粉絲蒸貴妃蚌 ] ,好新鮮，d粉絲吸晒d鮮味，超正囉。涼瓜牛肉 -涼瓜 好爽口。福建炒飯，七喜m​enu上無，就無得食​，點知佢老細話問下師​傅有冇足夠材料，好好​食七喜D人都好攪笑，話呢個是 [ 食遍全中國最好食啲豉油王炒面 ] 我阿爸阿媽好高興!!!!!!!!!!!!!!!!!!

同女朋友是日經過灣仔舊警署，見到七喜，入去試一下，點知有驚喜，不似一般附近茶歺廳，原來別有洞天，有小菜海鮮吃。不過正因在下午時間，所以我哋就點了炒飯＂蠔示歺肉炒飯＂，＂牛腩煲＂及＂沙爹蝦球伊麵＂吃，點知喜出望外，火喉不差，味道不太咸，好好食，d蝦球好大隻，好足料。仲同老闆閒談幾句，原來仲可以訂海鮮食，或等佢哋發板，都幾有新鮮感，下次真的要試下。

我平時多數在七喜吃午飯，只因為他們比較衛生, 服務員很友好. 他們介紹我晚飯 Very very very good..... 因此，我們1行4人今晚試一試.我們結果了只花費$ 600，但我們都非常飽，非常滿足. 我們的菜單如下：白灼魚皮 - 超脆!!!!!!!!!!!!!味菜炒鵝腸 - D味菜其實是咸酸菜沙爹粉絲蝦鍋 - 班Friend 連蝦殼都沒留俾我啦~~ 今晚的重頭戲 - 清蒸大青斑.....斤幾重, 才$198,太底.......... 好過份............在其他海鮮酒樓一定食唔到單尾加個"蠔豉餐肉炒飯" - Perfect ! Perfect !!及與許多許多許多支獅威,........YEAH!!

再與食友來一個Short break由於時間短促, 亦不想過份拘緊, 因此兩人亦有其識地選擇七喜為開飯點。晚飯黃金時段只有零星客人, 我倆也盡佔一張四人卡位而餐牌寫得密麻麻, 麵食, 粥類, 小炒也一應拘全 好不容易選擇了心頭好 云吞麵是必吃之物, 炸醬撈麵 , 西洋菜, 嗜嗜雞煲等。先來了炸醬撈麵, 試了一口炸醬汁, 味道有點過甜, 但友人吃得開懷大味嚼的樣子, 相信他還是滿意吧 。云吞麵 : 份量絕不輕盈, 中型云吞也有五粒, 豬肉和蝦比較均等, 唯獨欠點甘香 麵質帶點鹼水味, 爽口度合格 , 整體尚算可以。西洋菜 : 很怕西洋菜十分痴牙有渣, 所以一向不太喜歡, 只試了一點, 還不致於太過”老 “, 可以一吃。嗜嗜雞煲 : 熱騰騰地上枱, 呈現著磨豉醬的深啡色, 雞件略小也薄身反而妹仔大過主人婆 爆鑊的洋蔥, 乾蔥等更香更惹味, 驚喜位還是一片的豬潤, 己可以提升香味之餘亦增添油潤感, 亦是老店一貫的做法。吃罷後在人流極小的謝菲道散散步, 大家也放下了工作的繁重, 向甜品進發 !

昨午在這間七喜吃午餐, 第一次試這間分店, 覺得食物好味, 但是午市套餐選擇太少, 只得蘿蔔牛腩飯 ($38), 其他飯品, 要挑餐牌內的, 即是不包中湯, 相對來說是稍貴O 另外, 個中湯是雲吞麵水加兩條西洋菜, 離晒譜O 七喜其他分店的午餐有很多選擇, 而且是包飲品(包括樽裝汽水)或湯(真係湯, 不是淥麵上湯)O我昨午吃蘿蔔牛腩飯, 好香滑, D汁索入D飯, 好惹味O

久不久晚上也會吃得清淡點來平衡之前一晚的豐富，雖然實際上沒甚作用！純為心理上令自己好過點吧了。晚上這刻人客只得我一個！選擇比一般菜館還要多生菜鯪魚球粥----粥底已有一定的＂味道＂，只是屬於不太重手，這碗粥算不算是綿滑真的很見人見智，對自己來說會叫這種是杰身多一點。鯪魚球腥味不重但質感似乎比平常的來得結實。生菜絲份量少得可憐！向來不喜加花生入粥內因為多數是已變淋及有一股油溢味，這裡的也不例外。有時店內氣氛也會影響進食的意欲，當只得你自己一個人在吃而靜得只聽到抽氣扇所發出的聲音，誰也會想盡快離開吧！

我同同事食午飯間中都會幫襯，不嬲都知價錢一 D 都唔平，$3x一碗粥 / 麵，我地諗好味都值嘅！不嬲都知佢地無乜服務可言，但當天嘅經驗直情離譜。我地一行 3 人，我同事新買左手機唔識用，咪襯食飯時間教下佢，當時我地已落order，食物前後不到 5 分鐘已到，個男待應 (相信係老闆)放落嚟即刻叫：「重唔快D食！」初初聽落都無乜野。我同同事無即刻起筷，只係多用 1 -2 分鐘教埋佢先，之後我同事叫待應「唔該俾個可豉油碟我！」叫左1次無反應，再叫個男待應就 " 飛"隻豉油碟埋嚟有無攪錯呀！唔洗錢呀！(可能佢歉我地唔即刻食左住佢個位)原來以前我同事都見過個男待應同客鬧交，又係類似今次差不多，歉人唔即刻食，阻住佢個位，因為個客收唔清楚電話要走出門口聽。佢有個女侍應 (長髮束起帶眼鏡)都係惡到死:mad呢間店怨氣好重，服務又九流，一定唔會再去！