三小漁

营业中

休息中

上週與同事聚餐，我們選擇了位於觀塘電訊一代廣場的「三小漁」，這是一家主打創新中菜的餐廳。提前訂座後，本以為可以準時入座，但到場後仍需等候超過半小時，讓人感到有些不耐 😪😪 餐廳環境較為嘈吵，但作為聚餐的熱門餐廳實屬意料之中、氣氛還是不錯 🍻🍽️我們點了幾道他們的招牌菜，包括冰鎮咕嚕肉、酥炸蠔餅、青麻椒安格斯牛柳，以及上湯浸時蔬。當中最讓人驚艷的是冰鎮咕嚕肉，這道菜不僅擺盤精緻，造型吸睛，口感也與傳統的熱炒版本截然不同。肉經冰鎮處理後，口感更紮實有嚼勁，搭配酸甜適中的醬汁，口感特別且令人回味 😋🌟。酥炸蠔餅則外層金黃酥脆，內裡鮮嫩多汁，完全沒有油膩感，是一道令人滿意的酥炸小食。至於上湯浸時蔬，蔬菜新鮮爽口，湯底清甜，雖然簡單但發揮穩定，是一款健康又不失味道的配菜 🥬 相對之下，青麻椒安格斯牛柳稍顯平淡。牛柳雖然嫩滑，但份量偏少，麻椒的香氣不算突出，整體味道雖不差，卻沒有特別驚喜 🤔🤔整餐下來，每道小菜平均約 $150-$160，價位合理但偏高，但出品有一定水準、賣相精美，不失為朋友聚餐的好選擇 👍🏻❤️

◼️黑磚豆腐◼️平時第一次食黑色脆皮，感覺好新鮮特別🫣咬落去個皮脆脆的 再配上面頭嘅炸🧄 更香口，而入面嘅豆腐超嫩滑，又唔會炸到散晒🥚煙燻溏心蛋🥚入口軟綿綿的溏心蛋，再加上煙燻味，醇香美味。🐷🍍新鮮菠蘿咕嚕肉🍍🐷用上新鮮菠蘿，大大粒，食落酸酸甜甜。咕嚕肉外脆內軟，皮薄唔厚粉，淋上咕嚕汁之後仲係脆卜卜。 最驚喜係！每粒咕嚕肉都係半肥瘦，咬落去一啲都唔柴🐟黑蒜蒸龍躉件🐟蒸嘅時間岩岩好，龍躉滑滑的，唔會鞋口。底下嘅粉絲加上豉油 撈飯一流🤤🌼桃膠燉菊花豆腐🌼曾經我以為要係高級中菜館先食到，可以將舊豆腐切到髮絲咁幼，變成一朵菊花，好考師父刀功，整碗糖唔係死甜，清淡為主👍🏻👍🏻👍🏻連老人家都好岩食。🍮法式焦糖燉蛋🍮中菜餐廳都有埋焦糖燉蛋 好surprise 😂🤭焦糖燒得脆脆，配埋唔會太甜嘅燉蛋，味道剛剛好🫢

喺觀塘返工最辛苦嘅地方就係午餐時間😂 想搵一間坐得舒服嘅餐廳都唔容易，餐廳酒樓式，去食午餐都幾舒服。我哋叫咗兩個餐食，再加一個小食竹炭黑磚豆腐-$36👍👍👍都係第一次食呢一個小食，外脆內軟，同埋佢會有少少微辣，口感一流橄欖子薑蒸龍躉卷-$75可以一試，魚肉鮮滑，而且亦都煙韌👍 底下仲有粉絲吸收魚汁嘅精華菠蘿咕嚕肉-$68 酸酸美味，份量足夠送飯一流👍👍😎😎 地址：三小漁 (觀塘)觀塘成業街10號電訊一代廣場1樓B01號舖

打風加上凍凍地就想打邊爐😂之前Lunch食過依間中菜都幾出色😍收工見到有雞煲又有火鍋即入前菜都有兩道。第一度係泡椒鳳爪好入味！第二度係糖心煙燻蛋，煙燻過嘅雞蛋再加埋個糖心，好出色，另外糖心鮑魚，好大隻，好腍好入味！跟住就係佢嘅雞煲，上嚟嘅時候就好香，跟住要焗佢4分鐘再炒吓佢，啲雞好嫩滑，麻辣味好正宗，有吾同辣揀😍我之後到定量嘅海鮮拼盤，有大隻嘅虎蝦、青口、鮮魷、大花甲、超厚切龍躉，同埋超脆嘅白鱔！值得一讚，白鱔真係好脆口，另外龍躉係超厚切，啖啖肉，超好味！食到呢度都差唔多就飽，點知原來佢仲有牛同埋丸仲有蔬菜任食，佢啲牛都好高質！！超重牛味雪花靚！好牛者必去！😍蔬菜我哋食咗娃娃菜同油麥菜，都好新鮮！🫶🏻🫶🏻重點一題係甜品係超足料燕窩燉蛋白，少甜版本超級正！而家做緊HK$298+1，真係好抵食！想食雞煲又要食海鮮🫶🏻推薦你哋去觀塘三小漁試吓🥰

起初上菜都覺得服務ok， 食完我們見個場坐得一半，於是繼續傾計， 心想有不影響你哋實質生意，之後開始發覺後面一班侍應以不太友善的眼神不停打量我們，服務態度有改善空間。

這間中菜廳的炸子雞外脆內嫩，令人一試難忘。香煎蓮藕餅，口感香脆，帶有淡淡的清甜。蛋白炒飯輕盈爽口，米飯粒粒分明，恰好吸收蛋香，絕對是配菜中的亮點。粉絲煲湯頭濃郁，粉絲入味，讓人一口接一口，吃得過癮。整體而言，菜品色香味俱佳。

上網睇呢間幾多like 就試下星期五晚walk-in都唔駛等位冰鎮咕嚕肉❄️一嚟到 好大盤 賣相打卡一流而咕嚕肉食落去 外邊好冰但係咕嚕肉都脆酸甜味都夠🍍由於啲糖冰鎮咗 所以食落去脆卜卜凍冰冰不過青椒紅椒冰鎮咗 令到個草青味更加出🫑黑磚豆腐◼️炸豆腐 但個炸皮係黑色 食落去又唔覺得有啲咩特別嘅味道 不過一咬個豆腐好滑 而個炸皮都做得幾好胡椒豬肚芥菜煲🐖個湯胡椒味係重嘅 不過唔算太辣而芥菜就好多 豬肚都冇乜臊味比較煙靭雖然佢價錢唔算特別平 但勝在啲菜式都有啲特色 間唔中都可以一試

生日飯由我決定我喜歡的。他這家餐廳位於觀塘，雖然沒有豪華裝修，但尚算舒適，最可取係佢出品質素高，總括來說性價比冇得輸。重點推介風沙雞， 選材不肥不瘦， 肉質保留雞的香味和肉汁，外皮炸得鬆脆，用得上齒頰留香來形容。另外這裡的馳名菜是冰鎮咕嚕肉， 但個人還是喜歡熱食 。脆漿處理恰當， 肉質嫩滑 。我們還叫了兩個青菜，川味椰菜花和啫啫通菜，保持惹味之餘又不會過鹹。希望下次來的時候，還能保持質素！

位置係apm行3分鐘就到🚶🏼‍♂️，環境都ok，比一般小菜館舒適，人多會安排梳化位有唔少特色粵菜，特別推薦佢個脆黑豆腐，脆口嘅外皮上面有少少炸蒜粒，外脆內軟，絕對係一道招牌前菜⭐️⭐️⭐️⭐️⭐️冰鎮咕嚕肉造型特別，值得打卡，味道都ok⭐️⭐️⭐️⭐️雜菜粉絲煲加埋豬油渣，粉絲同蛋絲炒得好香同埋有鑊氣⭐️⭐️⭐️⭐️⭐️風沙雞皮好脆，雞肉肥美但冇乜雞味 ⭐️⭐️⭐️整體係一間適合幾個人放工放假，輕鬆聚餐嘅地方🤤

和朋友的一年一次飯局 今年只約了三位 所以想簡單食餐飯就滿足 今次選擇了一個比較近大家嘅地方 因為大家都住在新界東 這區往新界東的巴士路線多選擇 所以就選這區 之前試過在工廠大廈的私房菜 今次就試吓在商業大廈的私房菜 之前已經透過開飯網訂了位 因為睇到佢啲食評好多都話會好爆 但其實我今日去嘅時候根本冇人 只有兩三檯客 樓面姐姐不停推銷龍躉套餐 但因為朋友唔喜歡食魚 所以佢哋才放棄 其實我們三人食簡單飯 沒有想過叫貴價海鮮🦞最後我哋點了以下菜式：這些菜式價錢還算合理 賣相都很好 份量充足 三人食剛好全部光盤 最後還點了一個特色甜點完結了今晚的飯局 走時飯店都唔係太多人 有個店員在門外介紹菜式 我都認真的看過菜式餐單 大部份都係貴價菜 可能這裡招待的都是商務客戶比較多吧

環境嘈咗少少（其實好多餐廳都好嘈，所以呢個冇得唔接受）都清潔整齊，啲杯杯碟碟都乾淨侍應都好有禮貌，我哋入咗單過一陣，想取消一味餸，轉食佢嘅冰鎮菠蘿咕嚕肉，侍應就即刻幫我哋去廚房取消單，出嚟就幫我哋轉單，好有熱誠，有禮！ 中間發生咗小插曲，有人唔小心打爛咗嘢，玻璃喺我哋張枱附近，佢即刻自動波幫我哋換一碟新餸（冰鎮菠蘿咕嚕肉）. 雖然合情合理，不過有啲餐廳可能就得過且過，唔會幫你換！ 上菜速度，時間合理！食物，都幾特別，味道可以，好吃，可以再光顧！ 黑磗豆腐，應該係必食，記得意，脆卜卜！椒鹽魷魚，中間配咗個醬汁，酸酸鹹鹹，唔錯！黑松露蛋白炒飯，啲飯炒得好均勻，好乾爽！冰鎮菠蘿咕嚕肉，展示得好特別，好靚，打卡必用！ 不過就咕嚕肉仲係熱嘅， 放係冰上， 完！ 我試過喺其他地方食，咕嚕肉即場搵冰水浸，即場撈起身，咁食就外冷內熱，呢一點佢哋就未做到！ 但係佢哋味道都唔錯！啫啫通菜，金銀蛋浸莧菜，冇乜特別，合格 。豬油渣椰菜粉絲煲，真係炒得乾身，我覺得份量細咗啲，如果大煲啲就好啦！ 熄咗八樣嘢食，六個人，每人平均$190左右，真係唔貴！

朋友介紹的三小漁，我哋選擇了觀塘的分店，點餐是一些特色菜式。我最欣賞的是竹炭黑磚豆腐以及黑蒜蒸大龍躉件，豆腐皮脆，不妨一試；龍躉片都非常惹味。但其他菜式例如豬油渣野菜粉絲煲、話梅骨、脆皮風沙雞、冰鎮新鮮菠蘿咕嚕肉以及椒鹽鮮魷。這些菜式都是一般般，現在已不是一啲特色菜式，有點過時，其他好多食肆都會有啦。如果以美食去衡量這間食肆，廚師手藝創意只屬合格。但是食肆服務方面就不合格了，就以客人要求服務員攞一個冰桶雪啤酒為例子，服務員都諸多切詞，話會整濕地方跣親下轉來的人客，雖然最終都有攞到這個冰桶，但之後就諸多說話，說話當中藏有刺骨。話雖如此，但傳菜姐姐的服務態度就合格啦！如果各位介意食肆服務的話，敬請三思。

超用心製作小菜👍👍 冰鎮咕嚕肉脆口好食價錢唔貴風沙雞好惹味 價錢比起出邊抵食蓮藕好脆口好特別 👍👍👍👍👍 牛柳嫩口 連醬汁都好特別一定要試 玫瑰花茶加烏龍茶都幾好飲款式多 喺觀塘裏面係超級驚喜

都有一段時間無來三小漁食晚飯，今次都係例牌幾個小菜，佢嘅雞係做得幾好嘅，不過今次想食得清啲唔想太多肉所以無叫🐔😜，上次食過佢新出一個小炒味道幾好，不過裏面嘅白蝦仔（連殼）就唔係炸脆嘅，所以跟本食唔到，（同食蔗一様）😕不如落蝦米或者銀魚仔啦！今次再叫來試一次都係一様唔脆就連腰果、花生都唔脆☹️好彩韮菜花夠嫩同味道鑊氣都夠，配料唔好真係浪費廚師的好手勢🧑‍🍳其它要讃廚師嘅炒粉絲👍同蠔餅👍都保持到水準，不過蠔餅份量好似比以前小咗啲🙄😁

前排有一晚喺觀塘做完嘢，朋友推薦咗一間有特色嘅中菜館。佢哋係以粵菜為主，食粵菜最緊要就係夠鑊氣，餐廳係呢方面我覺得做得幾好好抵讚，而且佢嘅價錢都好親民屬於抵食之選。👏🏻**冰鎮咕嚕肉**呢個咕嚕肉係佢哋招牌菜之一。咕嚕肉炒到熱辣辣，再放喺冰鎮盤上面上碟，冰火交融之下嘅咕嚕肉係外脆內嫩，外凍內熱，好好食。糖醋汁亦都係恰到好處，唔會太酸或者太甜。🔥❄️**黑皮炸豆腐**呢個炸豆腐係驚喜之選，估唔到佢咁好食。唔好睇佢上枱睇佢黑萌萌唔係咁靚仔，其實咬入去入面白雪雪好香口。😋**避風塘炒蟹**呢度餸咗真係展現到餐廳嘅鑊氣係夠勁，港式避風塘風味，如果鑊氣唔夠係好食，但係呢度嘅避風塘炒蟹就相當出色，一嚟到已經聞到勁香。亦都好好彩當日隻蟹啲肉好結實，肉質本身好鮮甜再配合埋避風塘風味真係一流。🦀