三希樓 (利舞臺廣場)

营业中

休息中

鍾意食辣嘢嘅我搵到係銅鑼灣利舞臺廣有間唔錯嘅川菜館！我即刻埋成班嗜辣嘅朋友去食好野！💯夫妻肺片 🐮，四川名菜！入面分別有牛舌，牛肚及牛肉。加埋秘製辣椒油，花椒同八角。麻辣嘅香味係牙縫到滲返岀來！唔錯！💯青椒皮蛋 🫑，呢個青椒皮蛋好食到不得了，微辣嘅青椒加埋彈牙嘅皮蛋同醬汁。味道同口感都十分豐富。💯霸王辣子雞🐔，雞肉炸到好乾身，完全唔油膩嘅感覺。但咬開嘅時候仍然有非常多嘅雞汁喺入邊。口感鮮嫩。廚師再將海量嘅辣椒鋪喺面。雞肉索晒辣椒嘅味道。每啖都有好香濃嘅辣雞味！堅好食😍💯三希樓水煮魚 $498 🐟，成鍋有勁多魚肉喺入邊，超級足料。魚肉新鮮，肉質又爽又脆。味道鮮甜，一啲腥味都冇。加埋麻辣湯汁一齊食。真係辣得好過癮。我覺得呢間餐廳嘅環境同服務都唔錯，座位又大又舒適，一啲都唔覺得逼夾。而且呢度嘅侍應會好主動咁佢推介食物俾我哋。我覺得呢樣嘢好值得讚👍🏻

平日同爺爺👴🏻一齊去飲茶，佢最鐘意去三希樓🤭仲要成日認威長者搭車$2，去遠啲食都唔怕😮‍💨講返呢間嘢我哋最愛叫咩先👻爺爺話呢度燒賣出名皮薄，香菇味夠濃郁，與豬肉的比例恰到好好👍🏻4粒每人2粒夠曬數！鮮蝦腐皮卷好方便爺爺咬，一刀切落時已覺鬆軟，腐皮吸曬啲汁😜爺爺次次都食得好開心🈵足我自己就食開香辣鮮牛肚，牛肚唔會太韌，色香味俱全👍🏼間中飲茶食下辣都幾過癮瑤柱XO醬炒腸粉係我哋兩爺孫至愛❤️十分之吸引我哋嘅係賣相睇見都想食外，加上炒得乾身而不油，好夠鑊氣，水準之選☜☜環境優雅寧靜，方便我哋爺孫傾吓偈👨‍👧味道出色，服務也好，期待下次來可以多品嚐幾款點心。❣️

約咗朋友去銅鑼灣行街，經過三希樓見到好多人係門口排隊💃🏽所以我哋都排埋一份，排咗大概半個鐘左右就有位啦！後尾上網睇返原來最少要排一個鐘🕒💕杏汁豬肺湯💕個湯非常足料，香噴噴好好味，飲落超級香滑。飲落質感滑溜又好味，朋友飲完再飲，兩個人飲哂成煲湯💕夫妻肺片💕肺片肉質煙韌🙌🏻 牛肉味相當濃郁，辣度剛剛好，食片肺片再飲啖湯，正呀！所有煩惱都掃走了💕青椒青香魚 ( 大 )💕估唔到我地食得哂咁大份青香魚，青椒🫑好香辣好好味。令人流哂口水，不停添食已經記低左呢間咁多人排隊，又好味既四川菜🤭 原來有點心食添！下次要再嚟食🤤

放工約左男朋友去拍拖食飯，之前同事推介過公司附近嘅三希樓，今晚就可以帶男朋友去食！🐮金湯肥牛肉 賣相吸晴，有好多紅紅綠綠嘅辣椒喺入邊🌶。廚師將牛肉煮到半熟嘅狀態上枱，再用鍋嘅熱力將牛肉煮熟。所以肉質非常鮮嫩。牛肉味道濃郁，辣椒味道完全冇覆蓋到牛肉鮮味！超正！👍🏻👍🏻👍🏻👍🏻👍🏻🐔( 三希樓 ) 麻辣口水雞 ( 小 ) 口水雞超岀色！雞肉嫩滑多汁，加埋超香嘅麻辣口水汁。辣得好惹味。🐔雞同麻辣汁呢個配搭永遠都咁好食。真係食到流哂汗！🤣🤣🤣🤣🤣🦐瓦𦉘焗胡椒海蝦 一見到就好想食😍，味道就更加唔使講。海蝦勁大隻。而且炸到好到脆，咬落去索索聲！蝦肉口感彈牙，味道鮮甜，放喺瓦𦉘同黑胡椒一齊焗，成隻蝦吸晒胡椒嘅味道，味道一流！👍🏻👍🏻👍🏻👍🏻👍🏻

朋友知道我鍾意食片皮鴨，所以特登同我嚟銅鑼灣食👯‍♀️不過佢話呢度好特別，唔係食片皮鴨咁普通而係食片皮鵝，真係未試過wor😯食個開胃小食「蒜泥拍黃瓜🥒」估唔到佢原來係用一片白肉包住黃瓜，再淋上厚厚嘅蒜泥同辣油豉油，味道不得了啊🌟重點「片皮鵝 （ 兩食）🦆」好巨型❗️原隻燒鵝上枱再由師傅逐片片出鵝肉，然後用餅皮加黃瓜、京蔥同海鮮醬一齊食，真係好優秀🤤可以話係近期食過最最最好食嘅片皮鵝💃🏻「豉油王銀芽炒麵🍜」乾香可口，猛火快炒所以每一啖炒麵都好彈牙爽口☺️ 豉油鹹中帶甜，亮點一定係有銀芽同蔥段，絕對昇華咗成碟炒麵😋

好耐無去過飲茶，突然興起想食點心決定去三希樓。✨三希樓既點心都幾出色，而且環境又舒適。🏆招牌雪影叉燒包 (好味: 4/5)外貌同平時食既叉燒包有所不同，搣開叉燒包好有驚喜，熱辣辣的叉燒餡完全滿滿地塞爆，而且叉燒唔係好肥，唔會有油膩感。🌈🏆燒賣 (好味: 4/5)每粒都真材實料餡多又大粒，質地唔會好似出面既燒賣粉多過肉，⏲師父控制時間好好，唔會蒸過龍乾爭爭，餡料非常JUICY同彈牙。🏆鮮蝦腐皮卷 (好味: 5/5)呢個係咁多點心中最鍾意食的一款，腐皮卷炸到外皮好鬆脆，入面包住多好蝦粒的蝦膠，蝦粒爽口又彈牙，食到停唔到口。🔥

兩母女去了銅鑼灣二人晚餐，食物很好吃，侍應服態度完美。主食有青椒青香魚 ，超大份，仲要煲底還有麵，麵條軟硬適中！吸收魚汁湯汁，條魚仲要係好大條好新鮮，食落既魚肉嫩滑，全無❌❌❌腥味湯🥣我哋簡杏汁豬肺湯😍湯味道不錯，是食材的原味💮沒有加味精！杏味香，連瘦肉同煲好正好🉐，清清地的杏汁豬肺湯啱我同媽媽口味✅✅餸菜呢我哋有麻婆豆腐，麻麻香辣口感，豆腐很滑嫩，帶甜味，不會超麻辣🥵吃不完，比較溫和，很好下飯🍚兩母女食得好滿足，食物質素不錯，價格中等，環境舒適，岩曬親子外出用膳🤗

最鍾意就係食港式小炒同重口味嘢食🙈🙈所以今晚就嚟咗銅鑼灣🔺三希樓🔻晚餐，睇吓我哋食咗啲咩先👀👀✔️招牌咕嚕肉 $228➖ 咕嚕肉可以話係我最❤️嘅小炒，酸酸甜甜爆開胃👍🏼薄薄嘅炸漿炸完好香脆，皮脆肉嫩食多幾粒都唔會覺得油膩，醬汁調較得完美，出色嘅一碟咕嚕肉🫶🏻✔️蒜片牛仔肉粒 $138➖牛仔肉唔韌，走油後再加蒜片一齊快炒好有鑊氣🥘送酒食一流🍺✔️青椒青香魚 ( 大 ) $488➖唔太食得辣又想食少少辣嘅人可以叫🤣青椒嘅微辣好易入口，主要係麻嘅感覺多啲，湯底清澈飲完都唔會太大負擔💪🏼

知道爸爸好鐘意食片皮鵝🦆，又臨近佢生日🎂，所以book左位去三希樓同佢慶祝，我地一行4人一齊去👨‍👩‍👧‍👦 好彩有book位咋，門口大排長龍🤓➡️片皮鵝 （ 兩食） $888⬅️呢隻鵝超級大隻😚包左好多皮食，皮薄肉嫩，肉汁爆多，餐廳俾左好多醬，好正好好味呀～～重點佢有得兩食，好化算😎四個人食唔哂最後要打包😂➡️三希樓水煮魚 $498 大⬅️呢砵魚真係超大砵😍材料非常豐富，有超級多四川乾辣椒🌶️、蔥、胡椒同海量既魚肉🐠 魚肉肉質嫩滑好味😋仲好爽口添，辣味好足，令人精神爽利，爸爸都話頂瓜瓜呀😙爸爸👨🏾十分欣賞今次既生日飯，尤其片皮鵝兩食大讚💯👍🏿

今日放假，同媽媽去飲個下午茶🤣。知道銅鑼灣有間唔錯嘅酒樓。係網上面亦都有唔少人推介！所以今日就決定去試下😍去到就知冇揀錯。酒樓嘅環境同餐具都好乾淨，睇得出店長好用心經營！而食物方面都好出色👍🏻，每一樣嘅食物都好好味。以下呢幾樣係我特別鍾意🤩，推介俾大家！✔️春風香脆百花腸粉。口感有少少似炸兩。腸粉皮好滑溜，加埋香脆嘅油炸鬼同特色脆脆係入面。口感好豐富。😋好快就俾我哋食晒！✔️瑤柱XO醬炒腸粉 。份量都幾大碟。腸粉煎到少少燶🥘。加埋勁多嘅瑤柱XO醬去炒，令到每一條腸粉都沾滿XO醬係上面。十分香口，惹味十足！正😍😍✔️香辣鮮牛肚 。🐮牛肚口感好腍，一啲都唔韌。而且辣味滲哂入牛肚到。咬每一啖牛肚都辣辣地🌶。味道豐富！我勁鍾意😍😍✔️水晶鮮蝦餃。 呢個蝦餃超正，一籠有5粒，隻隻都好大粒。而且仲有勁鮮甜嘅蝦蝦味。食得出佢用料新鮮😍嚟到一定要食👍🏻

同事強烈推薦三希樓的菜式，咁岩今日要去銅鑼灣順便去三希樓食埋晚飯。💯‼️同事話一定要食杏汁豬肺湯，一大鍋好足料毫不吝嗇，豬肺湯味道好香濃，😹飲完都已經有D飽飽地。真係超足料超出味，超級鍾意飲湯既我係忍唔住開始食飯之前就飲左3碗湯，超潤，中左covid之後可以當係補補肺！👍🏻有兩款菜式好推薦，分別係瓦𦉘焗胡椒海蝦同三希樓吊燒雞。瓦𦉘焗胡椒海蝦每隻蝦都好大隻，用胡椒煮頗有新鮮感同有另一番風味。三希樓吊燒雞外皮好香脆，😻雞肉juicy又嫩，調味岩岩好好正。👾👾菜式幾有驚喜，而且好扺食大大碟。

同男朋友仔媽咪lunch飲茶🫖緊係要做足功課research 下有邊間嘢性價比高又飲得舒舒服服啦😏三希樓係我今日陪家長嘅「首選」大家第☝🏻次吃到流出蛋黃油的極品流沙包，咬落蛋黃味香濃細滑，是味覺新享受，真材實料，實屬必點！♥️果然係會邊吃邊漏汁🤣仲有款鮮蝦腐皮卷🙊好耐都無食過，Auntie話呢度水準唔錯，腐皮鬆軟，內裏多款材料做餡，趁熱入口加埋喼汁一齊食都唔錯!男朋友就覺得荷葉飯最出色，因為真的是有荷葉香的，飯粒炒得好乾身，荷葉的香味慢慢滲透入飯內🤩色上得均勻而味道適中，料頭幼細，全都是功夫。仲有仲有‼️夫妻肺片‼️特別令我印象深刻牛舌肚均切薄片，味道香麻而不嗆，辣中帶有微甜，並不死辣🌶🌶所有點心都很出色，不管是環境還是服務都是一等一❤️ 👍我哋都覺得非常合我哋口味，加上上菜同服務都好有效率，會再返嚟試其他嘢食

同事話係公司附近既波斯富街，有間中菜叫<三希樓>川菜🇨🇳好好味，所以我地放工後一齊去食🙌🏻 好彩今日早左少少收工，六點三後開始好多人係門口排隊🔥大大份三希樓水煮魚：作為辣妹既我地，除左衣著辣辣，食得仲好火辣辣🔥如果大家喜歡辣肯定好喜歡呢個水煮魚🐟 材料好豐富，好多魚肉同辣椒🌶️。 好誇張！大份到四個人食都食唔哂🙀🙀🙀一大隻三希樓吊燒雞：吊燒雞燒得熱度好平均，成隻都燒得好均勻又脆皮👐🏻雞肉好幼嫩又多汁💦雞肉同雞皮之間既雞油，令到吊燒雞更好味😽😽大碗四川擔擔麵：麵質爽口，食到我同同事「索索」聲麻醬加辣醬既味道真好味。大碗又好味😈總括嚟講每款食物都大碗又大牒🍜，價格相宜，非常適合同一大班朋友嚟gathering 😎

今年Daddy生日，我哋特登book咗佢最鍾意食嘅三希樓同佢慶祝。之前我哋都係要去半山先食到，而家喺銅鑼灣開咗。就唔使再去到咁遠😍😍非常之好！🐔三希樓吊燒雞 $428 🐔Daddy話生日唔可以冇雞🤣呢度嘅吊燒雞勁好食。雞皮同脂肪都燒到脆卜卜，但雞肉就好嫩滑，咬開仲有好多雞汁流緊出嚟。而且🐔雞肉醃到好入味，但唔會太鹹。非常好食。🫑泡椒石鍋田雞 $268🐔賣相好吸引，石鍋入邊有勁多田雞。每一件都勁飽滿。肉質仲好彈牙，一啲都唔鞋口。加埋🫑泡椒一齊煮，令到田雞嘅味道更加鮮甜。Daddy勁鍾意😍🫑青椒青香魚 ( 大 ) $488🐟呢個菜名真係冇得彈。聞到已經流晒口水。成個窩都有好香嘅青椒味。🐟魚肉索哂青椒嘅精華，令到魚嘅味道更加鮮甜。🍜麵條爽口彈牙。加埋湯汁一齊食。滋味非常！呢餐真係大滿足！Daddy 食得勁開心！話希望下年生日再嚟多次😍

人越大越少去茶樓飲茶，適逢同今日晏就有少少時間，就決定去飲返個午茶，飲杯茶食件點心🌱鮑汁荷葉飯 $228糯米粒粒分明，每粒米都俾鮑汁包圍住，味道濃郁💥荷葉飯仲有臘腸、蝦米、冬菇等等材料，所以好香好惹味👃🏼份量好多，堂食完仲可以外賣一大半返屋企再食🌕麻蓉煎堆 $38小巧玲瓏嘅煎堆係細個飲茶一定要食嘅點心😚外脆入面軟糯，個人認為好食過細個食過嘅煎堆☀️燒賣果然係茶樓嘅燒賣最正💋豬肉肥瘦適中，調味唔會過鹹，絕對係今日嘅MVP🏆⚡️極品流沙包 $42叫得流沙包，奶黃餡一定要湧出嚟先合格😌依個流沙包一撕開，奶黃餡就好似泥石流咁流出，好正，無負極品流沙包依個名😍