三星台菜食堂 (新城市廣場一期) (已結業)

近期三星牛肉麵好出名，當然要潮聖下！Lunch time去到好多人等位中，好彩醒目用app拎定位，行到過去即刻入座！午餐，小食+主食+飲品，$80-90左右，真心係商場黎講叫合理～主食點了麻辣牛肉牛筋冬粉～小食要滷水豆腐。麻辣湯唔算好辣但味濃唔嗆喉，牛肉軟熟無渣，牛筋彈牙煙韌，最正冬粉吸哂湯汁，但如果冬粉可以轉用寬身點或粗點滑點，有咬口會仲正，以家太幼，浸太耐會無口感。小食滷水豆腐有三粒，餐的小食都不會有期望，正正常常！雖然話超吸好食就算唔上，中規中矩啦！！但都會再幫襯！

早就知道，「三星台食飯堂」老闆娘是良心藝人傅佩嘉。雖然店面沒有任何反送中文宣，但傅佩嘉多次在個人社交平台發文，支持手足。今晚，我和閨蜜好友決定回餽支持她。傅佩嘉是台灣人妻，由她一手主理的台食，無論是牛肉麵或魯肉飯，都寧啥正宗好味！肉鬆皮蛋豆腐（$52）豆腐好似水咁滑，淡淡然的味道夾肉鬆的惹味，正！第一鹽酥雞（$58）大部分都是嫩滑髀肉，細細塊，更多表面佈滿鹽酥味，yummy！紅燒牛肉麵（$76）牛肉選用牛腱，跟其他台食店相比，牛肉較結實但絕對唔靱，易咬易入口，必食！櫻花蝦魯肉飯（$72）嘩！餸多過飯！櫻花蝦的清新中和了魯肉的濃味，好夾！最後埋單，每人$177，侍應還送了個印上香港加油的口罩套呢！

由前歌手傅珮嘉同台灣人老公開既台菜一直都好想食，今次終於有機會一個人又趕時間，所以只係叫左一碗招牌 (牛腱、牛筋、牛肚)簡單一碗台式牛肉麵其實唔容易整，因為好多材料湯底: 叫左紅燒湯底，可能係食過最香甜既湯底，香味唔會太濃無藥材味，最後飲哂牛腱: 煙韌得黎容易咬，唔駛鬥牙力，肉味清甜牛筋﹕好冧好入味，而且全部軟筋無硬筋好好食牛肚﹕一個字「爽」，略嫌唔夠入味麵﹕叫左粗麵，其實唔算好粗，易咬，同個湯好夾仲有自家製酸菜，食左好開胃

由傅珮嘉同台籍老公開設嘅三星台菜食堂，主打正宗台灣牛肉麵，有三間分店，分別係銅鑼灣、沙田及大角咀。⁣這間屬於 #黃店系列 老闆娘私人FB有表明立場。⁣⁣🔸珍寶紅燒三星麵 $148⁣意想不到真的份量十足，應該超過正常份量的兩倍，材料有牛肚、牛腩、牛根再配上蔥花和酸菜，湯底味道濃而不膩，麵質軟硬適中。⁣⁣🔸蕃茄三星麵 $82⁣蕃茄味不算太濃，中規中矩正常份量。⁣⁣🔸第一鹽酥雞 $58⁣份量大碟，即叫即炸，皮薄肉嫩，配有蒜蓉。⁣

這間位於新城市的台式餐廳早有聽閒過係好食的但見擺設左一大塊布寫上牛肉麵因為友人唔食牛的關係所以一直沒有特別留意直至最近在沙田搵野食係疫情嚴重下都冇得去旅行所以想搵一些台式餐廳懷念一下台式味道細看餐牌才發現原來除左牛肉麵之外竟然有滷肉飯平時好多台式餐廳都係肉燥飯多滷肉飯真係好少見因為真係愛滷肉多過牛肉所以即使呢間係以牛肉麵為主打都冇問題我地最後都係揀滷肉飯鹽酥雞排滷肉飯一上菜雙眼直頭發光你可以睇到上面係有幾多滷肉絕對足料味道亦都夠入味雞排新鮮熱辣又多汁都係滷肉飯，不過係配豬排飯同雞排係一樣豬排都新鮮熱辣但比起雞排會覺得咸左d蒜泥白肉果陣蒜味好遠道聞到如果好似我咁唔係好食得辣既話依食果陣記得掃咁d蒜泥如果唔係超辣估唔到主打牛肉麵既餐廳原來隱藏在咁好食既滷肉飯即使唔食牛既人都可以感受到果份台灣味道

6點半黎到已經有唔少人排隊好彩一早用Online Apps攞咗飛去到7點門口更加人頭湧湧2個人叫左一個牛肉麵、兩個小食。份量夠大 2個人share 岩岩好！牛肉麵有牛筋、牛腩、牛肚，湯好飲，麵條有咬口。滷水大腸無腥味，軟軟地好易咬；滷肉青菜味道岩岩好，唔會太咸。下次再食想試魯肉飯😋係新城市入面呢間係幾好的選擇😍

五一2人隨意搵間新餐廳試吓，份量唔太大，食量大嘅人一定唔夠飽不過環境、同埋食物質素都有驚喜但係湯底偏甜。叫咗我最愛嘅牛柳，每日限額20份。早起的鳥兒有得食！響熱辣辣嘅石頭上面自己控制幾多成熟

#double👧🏽👧🏻吃在沙田-【🕒下午茶 x 台灣菜🍜】..#🥭👧🏻-▪️輕盈紅燒牛肉麵🍜 配 桂花烏龍茶🍵 ($52)<*另收加一服務費>麵質ok 有兩大件牛肉🥩 肉質都算鬆化 唔難咬🤪配料有酸菜 蔥 小棠菜 略嫌賣相爭啲😐套餐包埋飲品 價錢都唔算貴嘅~因為凍飲冇得走糖 所以👧🏻就揀咗熱飲///特別想講係佢嘅服務好一般🤧 問一句答一句👧🏻問下午茶份量係咪會細啲 店員只係答咗一句牛肉會少一件 要再追問先肯答其他嘢(...)環境方面 👧🏻俾水吧店員啲粗口疲勞轟炸😂都幾大聲下 感覺就唔係唔好😌(同埋 希望唔好再播抖音啲歌🤔😖..)－－－－－－－－－🍴食物：6/10🏝環境：5/10🛋服務：3/10💲價錢：6/10💥翻兜指數：4/10-🍴餐廳名稱：三星台菜食堂 (沙田店)📍地址：沙田沙田正街18號新城市廣場1樓128號舖-🔎菜式類別👉🏼#double_台灣菜🔎選擇口味👉🏼#double_咸-#double👧🏽👧🏻💛🍴#double_official #double_兩姐妹#🍋👧🏻#double_mango #double_apple #doubleig #doublefood

限聚令又再延期14日，社畜返工就要解決食飯呢件事，所以叫左三星既外賣。外賣盒關係，相冇可能靚架啦，而本身叫既野食都係炸物，都不抱太大期望，但意外地網上外賣平台黎到仲熱辣辣，外賣盒亦細心剪左角疏氣，如果滷肉飯咁有湯汁會再分裝，按個人喜好先撈飯，不過汁可以更多就好啦。我好奇試左焢肉刈包，刈包類似鬆軟既蒸饅頭，焢肉食落好似東坡肉，半舊都係肥膏既肥豬肉，入晒味又入口即溶，伴有甜酸菜，好適合做早餐。另外叫左個第一鹽酥雞，不枉佢自賣自誇，調味好食，粉薄，雞肉又嫩，好過好多其他台式店既鹽酥雞，欲罷不能，好快就食晒，仲有炸雞排都係超薄粉，酥脆而鎖住油雞汁，又係可以食唔停

開咗咁耐，住喺附近嘅我竟然仲未食過！今日約埋朋友一齊黎試吓！麻辣三星麵，勁香濃嘅味道！唔係話好辣，三個配料都超好食，重點加埋d酸菜，成個麵既味道都提升左！刀削麵又係勁彈牙！好味到我竟然可以食晒一碗！鹽酥雞，脆到不得了！炸大腸、炸甜不辣2樣都整得好好味！完全係台灣嘅味道！另外仲叫咗個清菜，加咗甜豉油特別正！下次一定會再去食過！

嚟到藍色新城市廣場，勁少黃店，雖然附近得呢一間要等位，但係反而覺得安慰，起碼同路人一齊撐住黃色經濟圈🌝我好鐘意點小食，麻辣蓮藕，爽脆少辣，開胃滷水大腸，大腸洗得好乾淨，好入味，好欣賞伴碟嘅蒜蓉，好有辣勁🥰 個滷水好正，係果種好正宗嘅台灣味道，冇得去台灣，食住呢個頂住先朋友點左鹽酥排骨飯，痴咗一舊排骨嚟食，外脆內軟，唔錯，不過我個鹽酥雞扒好食啲，因為我今日一心想食雞🤣兩個飯好似樣🤣皮薄喊靚，好食😋朋友話唔鐘意個滷肉肥咗d，但我鐘意播🥰咸魚青菜各有所愛我食食吓飯成支匙羹飛咗落地下，唔該曬侍應妹妹，好快手拎過一隻比我😊朋友話台灣人教黑糖奶茶走糖加珍珠紅豆，用紅豆甜味代替糖水張相又影到d手指好清楚😅不過由於我太飽了，都係唔好食咁多渣好啲，黑糖奶茶加珍珠，但其實我想飲黑糖鮮奶，不過冇🌚，好彩奶茶都好飲，重點係珍珠好食😋

🔎三星台菜食堂 (沙田) 💛#黃店系列📍沙田沙田正街18號新城市廣場1樓128號舖-💛老闆FB支持抗爭，悼念周周學🔹麻辣三星麵 《牛腱、牛筋、牛肚》$82大推！湯底夠濃 都算係有少少辣麵質都幾有口感 無論牛腱牛筋定牛肚 都好淋好入味仲有d酸菜，蔥同埋菜 絕對可以encore🔹台式雞排魯肉飯 $76魯肉都幾香 雞排幾香口炸粉亦唔厚正正常常basic野 仲有半隻溫泉蛋同菜🔹炸甜不辣 $58煙煙韌韌幾好味 係香港好少食到係有加蒜嘅呢樣真係堅加分！加左蒜真係好味好多🔹甜湯 $49 (For 2 ppl)有三色芋圓、仙草、珍珠及紅豆芋圓幾有咬口嘅 仙草都幾滑 不過最大嘅問題係太甜 個人黎講就唔太接受到給果食得甜嘅又鐘意芋圓嘅可以試下

今天中午來到三星台菜食堂吃午餐，這間餐廳是歌手傅珮嘉與她的丈夫開設的，所以想過來試試。我見網上的評價好壞參半，穩陣起見，我倆都點了牛肉麵。一碗是紅燒三星麵，另一碗是蕃茄牛肉麵。飲品方面，我們只點了一杯黑糖奶茶。紅燒三星麵 ～用料十足，有牛筋、牛𦟌和牛肚，牛肉麵上放了很多蔥花和酸菜。我非常喜歡這個湯底，湯汁很濃而不油膩，是真正的台灣味道。牛筋和牛肚都很腍和入味，而麵條的軟硬度適中，也很入味。蕃茄的牛肉麵～味道都相當不錯。

送她回家後, 苦榮依她吩咐, 在沙田求其食碗麵, 便早早打道回府, 不作流連. 猶如死城的新城市廣場, 食肆都像在掙扎求存. 三星台菜食堂, 小貓三兩隻, 明星效應又如何. 紅燒牛肉麵之湯底是敗筆, 毫不醇厚, 缺乏層次感. 牛鍵肉是強項, 大嚿得嚟鬆化, 彈牙. 黑糖奶茶用紙杯上, 可能是非常時期加強衛生. 很濃郁的茶味, 苦榮知道, 都是化學的東西, 多喝無益, 只是苦榮一向為食, 好難忍口.  

雖然沙田區有大量食店但原來黃店的數量並不太多最後決定試一試這三星台菜食堂雖然裝潢一般在餐廳較外圍的座位甚至有點像Foodcourt但是食物的價格卻並不「一般」牛肉麵索價$82小食也動輒要五六十元可算是台式餐廳中較為進取的紅燒三星麵質素不錯用料也相當豐富有三件牛筋牛腱、牛肚各兩大件牛根相當軟淋牛肚大件卻不會太韌味道也濃郁牛腱則不過不失發揮正常波浪型的麵條亦頗有特色軟硬度適中，口感不錯反倒是湯頭的味道略為普通過甜，牛味不足是整碗麵較為失色的地方櫻桃鴨胸飯飯的肉臊頗少忍不住問職員可否再多給一些肉臊幸好職員也願意添加添加係總算有回正常份量鴨胸的烹調吃得出是有略加心思的可惜受制於這類來貨鴨胸的先天質素味道、口感也只能說是普通總括而言麵類是值得一試的飲品也正常飯類個人就不大推薦了