三清洞摩西 (已結業)

一行七人食部隊鍋，餐廳有5款年糕鍋底（芝士/海鮮/烤肉/部隊/蔬菜），鍋底係跟人頭點既，之後先揀麵同額外既toppings。 我地有兩個gas爐喺枱，所以點左一個芝士+海鮮+蔬菜，配拉麵；另一個爐點左烤肉+部隊+蔬菜，配韓式粉絲，再加左芝士。 就咁睇兩個係差唔多樣，只係入面啲料唔同。 個人認為食部隊鍋最重要既係個湯底，呢間既湯底同喺韓國三清洞食果個係《 一。模。一。樣》！湯底濃郁，口味偏甜，中意食辣野既你可能要失望喇，因為佢只帶好微好微說不上辣嘅辣，岩岩上枱果時可以飲啖湯底試左味先，因為啲芝士粒溶得好快！佢會令個湯愈煮愈邪惡，將啲半溶芝士捲著魚糕同拉麵食就更加令人停唔到落黎！ 呢度講下啲料先：午餐肉：走唔甩一定會叫，呢度喺薄片上，所以更入味，又好快食得，而且追加份量好多，一班人食必點。魚糕：好淋好淋好淋，者係好入味！烤肉：牛肉會煮得老，要趁早食。炸餃子：一份三粒，幾大隻不過味道一般，肉質鬆散。炸紫菜卷：一般，唔夠脆。拉麵：點幾多都可以撈湯食晒，一個字，正。芝士：mozzarella cheese,勁好拉絲，見到都開心，如同畫龍點睛，追加既分量都好多下，夠兩個鍋分黎用。最

以年糕鍋起家的三清洞摩西，在銅鑼灣開了分店，今晚我同哈韓芝士狂友人來此開餐，入座時間未夠七點，但七點後就開始要等位了！落單是每人各叫一個年糕鍋湯底，可以選不同口味但會撈埋一鍋上，主食可韓式揀粉絲，即食麵，烏冬，拉麵等（各加25元），再加年糕，炸餃子及韓式紫菜卷等配料！餐牌簡潔，午市人均更便宜，大概只需百元左右。每枱都放上Gas 爐可能今日係Happy Thusday, 所以都幾爆場，呢個係二人份嚟！我地就揀左芝士加部隊鍋，另加了豬肉餃子，魚餅及紫菜卷，上枱都幾大鑊，以差不多十寸的鍋子盛載著年糕鍋呀！如果人多個鍋會再大啲！因為加左芝士，可以瘋狂拉絲，好邪惡！部隊鍋是一堆沒有營養的食物炒埋一碟，所以好味與否明顯就在醬汁那裡，這店特製的醬汁味道甜甜辣辣好惹味，令到本來不甚好吃的配料都變了天。豬肉餃子浸了醬汁，甜甜辣辣比想像中好吃。另加的韓式紫菜卷，炸得金黄的外表，令人垂涎三尺。開邊的紫菜卷包著粉絲，不過入口時是冷冰冰的，外皮亦不夠脆身，點部隊鍋吃還好，單食的話實在搞唔掂，本人覺得中伏了！其實食到呢度已經好飽，但仲未完，因為仲有芝士炒飯等緊我地！芝士炒飯（加35元）係用左紫菜粟米芝士炒成，用鑊

去過韓國都知呢間三清洞摩西有好多分店，黎到銅鑼灣都見到分店，即刻入去試下先入面店員全部都係韓國人，佢地好nice好親切呢道主要係食部隊鍋，如果想食其他韓國小食就暫時未有 選擇了芝士牛肉和海鮮mix 埋一鍋，再另外加點了紫菜卷，午餐肉和拉麵作配料 個鍋非常足料，有小小辣味，芝士味唔太濃，但所有配料都非常入味，炸餃子食落外面仲脆卜卜，最後拉麵同年糕都吸收哂湯汁，酸酸辣辣，食唔夠喉 炸紫菜卷，入面原來係包住韓式粉絲，浸落個湯到5秒再食，好香脆惹味 最後芝士炒飯混合埋勁多既紫菜，感覺有小小次食緊韓國泡菜炒飯，但呢個味道更香濃，簡單得黎又好食睇見都覺得非常邪惡

用芝士燒下大家先係韓國勁hit嘅三清洞mukshidonna泥左香港係旺角都勁hit，經常性大排長龍，依家銅鑼灣開左新分店都未算好多人，六點半去到都仲有位，簡直係奇蹟。點叫野食呢，一人揀個炒年糕就得啦，午餐同晚餐價錢伯有D唔同，lunch $58，dinner $78年糕有D咩選擇呢，有芝士/海鮮/烤肉/部隊/雜菜，同朋友去可以叫幾種年糕，一鍋有唔同料都幾正。想多D料嘅可以再加錢。加左芝士，份量都幾慷慨。勁多芝士鋪係面等溶，陣間就可以拉絲啦!年糕湯底好香，但都幾辣。而且D料都幾豐富。紫菜卷炸左都幾香脆係年糕鍋到浸一下，吸番D汁，趁住仲脆快D食!芝士好引誘AH!!!仲可以加拉麵/韓式粉絲/烏冬/細麵$25，建議兩個人一份已經夠啦😂唔夠仲可以加配料食完個年糕梗係要加翻個【芝士炒飯】$35😎兩個人加一個都夠望住啲芝士拉絲咁勁，仲需要解釋咩所以就算晚餐都係每個人一百蚊左右搞店😁成班Friend去勁岩，Snappy搵食戰友話要提大家：記住著背心熱褲去食😂因為會㷫烚烚

這店剛來香港的時候，在旺角店吃過一次，這次分店開到銅鑼灣，位置方便之餘剛剛開人流沒那麼多，決意來吃多次兩人選了牛肉及蔬菜年糕鍋，加了炸餃子，這個要先吃，以免外皮會變腍過了兩三分鐘便可以吃韓國麵了，每條麵都掛上了芝士的味道，讓本身湯底的辣抵消了，相當惹味吃畢年糕鍋便能用湯底炒芝士炒飯，飯、芝士、紫菜三者撈在一起，芝士的拉絲瘋狂地出現，作為一個芝士迷瘋了，很吸引！味道吃下去有微微的辣湯味，紫菜突出，有點紫菜包飯的感覺，當然少不了芝士的香。飲品選了韓式飲品，有提子及梨汁。

韓風吹不斷，近日的新寵「太陽的後裔」令小編又想吃韓食😁😁 今次來到新開不久的三清洞摩西的銅鑼灣分店，來自韓國的過江龍，主食韓式年糕鍋餐牌一張紙兩面看完，點餐指示有點不清晰，向店員查詢後才明白以下步驟： 1 選擇年糕鍋中的主要食材，每款$58(lunch) / $78(dinner)，無論你點多少款，都會放左同一個鍋裡上菜2 選擇喜歡的麵食種類，每一款主食包一款麵食3 加錢可加其他配料，可加可不加4 加錢可加炒飯，放心是另上的另外，星期一至五午餐時段，有套餐組合小編與媽媽二人點了1 海鮮+烤肉為主材2 烏冬3 芝士+豬肉餃子海鮮算新鮮，記得魷魚要快吃，不然煮得過熟；烤肉即是牛肉，肉質嫩滑 年糕、烏冬和餃子吸收了甜甜辣辣的湯汁，很入味；加上芝士的拉絲，連相機都會滿足當吃得七七八八時，發現未夠飽？放心！隨時可加配料，小編追加了炸餃子、紫菜卷和粉絲粉絲配這醬汁超好食，但份量確實很多；而炸餃子和紫菜卷本身都經油炸，小編覺得直接吃較好最後雖然有點飽，但還是點了芝士炒飯，因為知道份量不大，大概一碗飯左右，鐵板上，炒飯滿是紫菜和芝士，想不到芝士炒飯會這麼惹味，值得一試！星期六晚上七時入座時，還未有

銅鑼灣終於都有分店！一直聽朋友講三清洞幾好食，終於有機會黎試下。一入去餐廳即刻有韓國老闆熱情招待，經老闆推薦下，我地簡左海鮮部隊鍋，主要係海鮮，我地再加配料，午餐肉加雞蛋加紫菜卷加豬肉餃同炸餃子，每樣$18。部隊鍋最不可能少既係加芝士$25，面就選左老闆熱烈推薦既拉麵。。整個鍋都唔算太辣，唔食得辣既朋友都可以一試， 老闆叫我地食完部隊鍋先上芝士炒飯，又係最愛既芝士阿，，黎到後要立即食，因為係煎pan方式上菜，等耐左除左會凍，同埋會起飯焦，乾曬。 最後熱情既老闆仲送上卡片，方便我地推薦朋友再來，好貼心！

平時去韓國餐廳，我同朋友都好想好想食部隊鍋，但明明入面只係即食麵，午餐肉呢D唔值錢既野，D餐廳都要索價二百幾至三百幾一鍋，所以成日都唔捨得食!但朋友突然同我講有間來自韓國既辣炒年糕鍋專門店開左響銅鑼灣，好方便我呢個港島工作既打工仔放工黎試試!我同朋友分別揀左海鮮+烤肉年糕, 每份$78, 另外追加拉麵($25)，芝士($25), 午餐肉($18), 紫菜卷($18), 魚餅($18)同豬肉餃子($18)，決心要一次過食曬恨左好耐既部隊鍋配料!部隊鍋一到既時候其實食物已經煮熟曬可以食，不過我地等左一陣令佢更加熱先動手食!部隊鍋湯底香濃帶微辣，即使煮得好耐都唔會變得好辣好辣。.<半溶芝士>芝士味道唔算濃郁，但好煙軔.<年糕>真心要讚呢度既年糕，煮得好林，唔需要花好大力氣去咀嚼，我個人比較鐘意呢種口感既年糕，但如果你係鐘意偏硬好咬D既，建議你落單時同侍應講聲唔好煮太耐.<魚餅>魚餅簡直係韓國代表食物，一路食既時間會令人掛住韓國街頭上既魚串+湯.<青口>青口煮到好入味,不過size有D細.紫菜卷($18)店家非常細心，因為紫菜卷係

前之排成日食炸雞，但又想食韓國野，朋友就建議不如去食部隊鍋，所以我地就去左呢間去食！上到去都有唔少人排隊，我地都等左20分鐘左右。入面唔算太大，不過坐位都唔會覺得迫夾。當我地坐低時，隠若聽到啲Staff都係用韓文溝通，所以有唔少都係正宗嘅韓國人黎 店員話我地知一人要揀一個口味嘅年糕鍋，咁我地兩個人去，所以就要左雜菜同海鮮口味 正當我地揀緊要咩麵時，就有一個Oppa過黎介紹我地點拉麵(HK$25) 之後仲話我地知點咩配料好！由於我地好肚餓，所以都點左雞蛋(HK$18)、紫菜卷(HK$18)、豬肉餃子(HK$18)同炸餃子(HK$18)。而且愛好芝士(HK$25)嘅我地，梗係追加埋，真係豐富到痴左線 送到黎時，所有配料都鋪咩係面！而且仲有好多好多芝士 店員有提我地要食左拉面先，唔係就好腍哂同痴底。我地將拉面同芝士撈混，就快快手夾起食！拉面撈左芝士會變得滑身少少，但口感都係爽口彈牙，沾上鍋嘅辣湯，果然無介紹錯 至於咁多種配料，我最中意係紫菜卷，外邊係炸皮，而入面就係紫菜包住粉絲，感覺有少少似響鈴！而兩款餃子都比較普通，無咩太大特別。不過紫菜卷同炸餃子都係要快手啲食，唔係就會

三清洞摩西是韓國的名店，主打年糕鍋物菜式。餐廳開業於食肆臨立的渣甸中心，地方簡潔光猛，格局年輕。餐牌以小冊子形式送上，除了詳列所有美食選項外，更提供了點菜建議及煮食方法。一客二人餐，可挑選兩款年糕湯底。筆者選了海鮮及部隊口味，兩者皆以甜中帶微辣的泡菜湯作底，惹味可口得來不過火。海鮮鍋以青口、魷魚及魚餅作主要食材，款式比預期少了一點。部隊鍋以火腿及腸仔作餸料，現成食材質素也不俗。至於年糕，口感煙韌，掛上芝士及湯汁後是很好的主食代替品。麵食以拉麵作選擇，麵質似即食麵，因麵底經長時間浸煮，難免會隨時間變得軟身，但質感仍比一般麵食質優。而麵食的亮點，很明顯落在芝士配料身上。這款芝士柔韌性十足，經熱煮後慢慢溶化，輕輕一拉長長的芝士絲清𥇦可見，既邪惡又吸引！除芝士外，另外加了紫菜卷作配料，脆香炸品，即吃熱辣，但吸引度明顯不及芝士。吃畢鍋物，套餐還未完畢，店員再送上一份芝士炒飯。雖然芝士份量不及麵食多，但已足夠吸引，再加上大量紫菜及粟米，混合味道比預期佳！整體而言，筆者挺喜愛這兒的鍋品，熱辣 • 香口 • 味道佳，值得一試！

韓國既年糕鍋專門店mukshidonna上年係香港開左第一間分店小公主幾次想去食，但次次上到去都排哂隊不過而家佢地開左間大D既新分店係銅鑼灣所以我就襯佢新開張，未有咁多人既時候去左食喇餐廳本身定價都幾大眾化所以裝修都以簡單，舒服為主銅鑼灣店比旺角店大D可能唔想D人等得咁辛苦，所以枱就排得比較密坐定定就睇下食咩呢到主要有5種年糕鍋比你選擇，分別係:芝士、海鮮、烤肉、部隊同埋雜菜每個鍋都係一人份量，所以如果你2個人去就要叫2個，就算唔同味都可以架如果你覺得唔夠食，仲有D配料，例如拉麵，餃子可以加當晚我地3個人去食所以就叫左芝士、烤肉同埋雜菜鍋 (各$78)仲加左拉麵，烏冬，雞蛋，豬肉餃子同埋紫菜卷 (麵:$25，配料$18)落左單無幾耐就黎到喇見佢紅卜卜就梗係辣啦，不過食唔到辣既你都唔駛怕因為佢辣得黎係帶甜味既再加埋面頭D芝士中和下所以唔會愈食愈辣勁辛苦咁(見到呢D拉絲芝士就開心)講完個鍋再講下D配料年糕，魚餅，拉麵雖然係好Standard不過夾埋個紅色醬就真係幾好食如果有叫烏冬建議煮一陣就好食左先因為煮得耐好易淋/爛豬肉餃子可能太細隻無咩蔬菜既香，同埋又係好易就淋紫菜卷原來先炸過但個炸粉

香港島終於有第二家的三清洞摩西，是日和家人去了朝聖，因為還是新開，所以人不算太多，還有幸坐到卡位。整體店面十分光猛，令人舒服。年糕鍋是按人頭份量點的，有海鮮，芝士，部隊，烤肉，蔬菜選擇，再加配料和麵類，辣辣地，仲有芝士炒飯 ($35)。我們點了芝士、部隊及烤肉各一，店員都表示這三個是最受歡迎的。另外擔心不夠也追加了炸餃子, 索哂湯汁也十分滋味!因為是第一次食部隊鍋, 覺得口味也很適合香港人。不會太辛辣, 也不會嗆口食得好辛苦。反而這一個韓式的甜辣，我個人相當喜歡。而整體上鍋的材料也很多，烤肉相對的比較普通，而且份量也不是太多。正啊！我們同時點了韓式粉絲，還是拉麵好，點煮都仲有口感。不過提提大家，麵食是要一開始點的，因為點了餐就不能追加了。最後，食到尾oppa會奉上芝士炒飯 (+$35)，不是用餘下的部隊鍋的湯汁炒而是另上。不過個人覺得這個是必點的，要留肚食喎！因為份量很多的, 3人以上一定要叫的!飯看上去壓得好平, 不過不能睇少, 個獲很大, 絕對不會不夠食!芝士拉絲力十足，加上韓國的紫菜同粟米，飯甚有咬口，而且有麻油香味! 最後一個作為晚餐的總結, 不過份! 最值得一提就是，每人吃到

我對韓國情有獨鍾，喜歡韓國的風土人情、喜歡韓國人的親切友善。朋友介紹銅鑼灣有間專吃年糕鍋的商店，我當然要去試試。 餐廳選擇不多，只有年糕鍋和炒飯。 餐廳座位寬敞舒適，空間感非常大。 年糕鍋。海鮮、烤肉。額外加了芝士、紫菜卷、餃子、雞蛋。湯底濃香香辣，最初辣味濃郁，漸漸吃出甜甜的味道，湯底香濃而不膩，非常香口惹味。芝士拉絲得誘人，配上韓國拉麵，味道更是出色。 芝士炒飯。芝士份量非常多，拉絲度十足。泡菜、粟米炒飯，加上豐富芝士，味道惹味香口，咸香十足。我喜愛芝士，更不怕膩口。⋯大讚店員的服務和親切笑容，非常有禮友善，吃得開心舒服的晚餐。

得知銅鑼灣新開了專吃窩子的專門店，我也急不及待要先睹為快。炒年糕按人數落單Dinner $78/person有5款選擇，包括芝士、海鮮、烤肉、部隊（午餐肉）和雜菜。我選擇了芝士、海鮮、烤肉，另外加了麵類（$25/款）韓國粉絲、烏冬和小食（$18/款）午餐肉、紫菜卷、炸餃子。簡單來說，窩是按人數而自由添加窩內的口味，年糕份量亦會隨人數而有所增加，換言之，人數愈多，窩內的食物份量亦相應增加。味道就如一般的部隊鍋，芝士拉絲效果吸睛，醬汁濃稠惹味，配料吸收了醬汁，令各種食物變得更香，更美味。另外加了芝士炒飯（$35），份量唔算多，混合左芝士、紫菜、辣醬等焗成，飯粒煙韌，芝士味香剛好，唔會過濃，幾個人分每人少少就好了。最後再encore多次粉絲，吸收辣汁，味道真的很捧！ 

一直都好鍾意食部隊鍋大雜燴乜都有嘅，又想食辣辣地嘅嘢，咁啱行過呢度見到新開張所以上咗嚟～望下個餐牌點樣食法呢，午餐時間個鍋就＄58，晚餐時間就＄78；我哋兩個人就叫左烤肉同埋部隊鍋；烤肉主要係牛肉，部隊鍋就係火腿+腸仔+午餐肉；之後揀面我哋就揀咗拉麵，即係公仔麵就＄25，配料再加多個豬肉餃子＄18，另外就要多個芝士炒飯＄35～送到嚟個鍋都幾大，冇諗過有咁多牛肉/火腿/午餐肉/餃子/年糕，滿滿嘅好足料分量都幾多～個麵煮得啱啱好，唔太淋唔太硬；年糕好煙韌，我好鍾意～ 初初食都唔太辣，跟住可能越煲啲配料索哂味，所以就會越黎越辣～ 鍾意食辣嘅人就會覺得好開胃，越食越起勁～ 我不停喺度食晒啲牛肉/年糕/午餐肉，好鍾意呢啲酸酸地辣辣地嘅汁～ 其實一個鍋兩個人食到好飽好足夠～跟住之後個芝士炒飯送到嚟，初初送到黎嘅時候你可能會覺得太淋，但係慢慢凍左少少之後又會好好食，配埋啲粟米同紫菜好香～總括：食得好開心，覺得好好味，好適合一班朋友同一家人嚟食～