三清洞摩西 (已結業)

韓流燒不盡，韓風吹又生!呢個世界已經無野可以阻到韓流襲港。繼韓燒韓冰之後，主打韓國年糕同小食既三清洞摩西帶埋一班「喔巴」係銅鑼灣駐陣。店內位置多，有6人8人位亦都有卡位，每張台一個爐，不用怕和別人逼。而且每個年糕鍋都只是＄78，非常抵食。店內職員有一半是又帥又高的韓國人，操一口流利的韓文和英文。不過不用怕語言不通，因為都有香港職員。今次試了雙拼，牛肉拼芝士🧀年糕鍋，牛肉份量很多，面層一大堆芝士，湯底酸酸辣辣非常開胃。另外，額外加配了韓國魚糕、紫菜炸飯卷、午餐肉和韓式餃子等等。而且，可樂會附上檸檬冰底，十分貼心。年糕質地有少少硬，半融的芝士做成拉絲的狀態，非常吸引。韓國魚糕非常彈牙，魚味香濃。餃子抵食餡料多，塞滿半肥瘦豬肉。紫菜卷是另外碟上，建議浸一浸湯加熱再食。整個鍋的精粹是拉麵，韓國的拉麵非常彈和Q，吸收了年糕鍋的湯，甜甜辣辣十分惹味，一定要搭配牛肉和午餐肉一齊食。不夠飽？另外＋＄35元便可以加配香噴噴的韓國芝士炒飯，配料有芝士、粟米、紫菜等等，用鐵盤直接送上，只要用匙羹輕輕炒拌已經見到芝士絲，份量足夠兩人食用。 

近排真係食多了韓式嘢食, 之前食了焗雞, 今次就去食部隊鍋, 這是位於銅鑼灣的三清洞摩西.這裡只食部隊鍋, 可以話是專門店, 在香港相對較少.店內裝修以簡約為主.枱上放了餐單, 跟着指示點菜便可以.首先選擇喜歡的年糕, 我地兩個人, 點了其中兩款, 包括海鮮和牛肉.而麵就選了拉麵, 配料選擇幾多款也可以, 我地加了紫菜卷, 雞蛋和芝士.食完年糕會有炒飯奉上, 我地點了芝士炒飯.由於我唔多食得辣, 所以落單時同店員講部隊鍋湯底要唔辣, 但佢地話本身個湯底有辣, 最多只有少些辣. 部隊鍋上枱, 對於我來講還是偏向辣, 所以我就叫店員俾碗水我, 加入湯中.幸好有酸蘿白, 可以用來中和辣味.部隊鍋裡的海鮮材料有墨魚, 青口和魚餅. 當中最愛食墨魚, 因為入口幾爽口.牛肉口感也不錯, 尚算腍身, 不會過硬.年糕幾煙煙韌韌, 而且吸收晒湯的精華, 所以特別惹味.拉麵的麵質, 我自己鍾意軟身, 所以這個質感啱我口味.紫菜卷是另上, 只需要放入鍋一陣便可以食, 這樣紫菜不會過軟. 略覺得一份的芝士份量較少, 多一點會更好.食完部隊鍋, 就是我期待的芝士炒飯上枱.炒飯材料簡單, 基本上只是芝士混合紫菜,

炒年糕二部曲之年糕鍋篇 .一人價錢$78+25+18 未計炒飯但冇加一.其實想食左哩間好耐 終於開係我主場銅鑼灣實在太感動😍店入面會有韓國服務員 好韓呢.首先揀年糕鍋 哩個就規定幾多人叫幾多個鍋 咁我就叫左芝士同烤肉既😌好正 勁多芝士痴住對筷子 烤肉都食得出係烤過既 成個鍋配料唔少架 有好多泡菜年糕等等！同出面唔同既係佢用普通gas爐同埋甜甜地辣辣地湯地😌幾特別啦 雖然未到超級好食.之後第二部就係揀麵底 雖然成$25 但我想講份量係唔少架 當然識揀一定揀韓國拉麵啦 打邊爐一流👍🏻.最後就係揀配料 $18 我就揀左炸餃子既 三隻大大隻放係鍋面好霸氣❗️個皮夠un浸左好耐都唔爛 味道ok.總括黎講我覺得哩間以價錢取勝 味道更加係唔算差 雖然係環境迫d 我一定會再幫襯架 如果口痕想食部隊鍋

近排成日見到人地推介三清洞摩西，睇相都幾吸引。今日一於約埋個老友黎試試。呢間餐廳位置都幾方便，就係美珍香後面條街。放工黎到大約七點鐘左右，時間尚早，唔洗等位。座位都幾闊落，坐得好舒服；店員小妹妹好熱心介紹每一款鍋物，值得一讚！三清洞摩西最出名係食年糕火鍋，一共有五款火鍋可以簡，每款都幾吸引 最後我地簡左海鮮，同埋烤肉! 其實初初我地以為係分開兩個鍋既，不過店員解釋其實兩個鍋係會倒埋一齊，所以簡火鍋既時候唔洗咁苦惱，加反D 無簡到既配料就得喇!等左十分鐘左右，個火鍋就到左喇。份量大到嘩左一聲，上面落左好多芝士條  非常邪惡!湯底辣度適中，過癮得黎唔會太辣口；因為加左好多芝士條既關係，所以湯底偏潔，啖啖芝士絲!!鍋麵我地簡左拉麵同埋韓式粉絲，個人認為拉麵比較襯呢個湯底，麵條幾有彈性，好好味; 建議粉絲同拉麵可以先撈起，以免發脹! 其實食完呢個大鍋已經爆到上心口，忘記左自己叫左芝士炒飯… 黎到既時候，真係 好彩飯係薄薄一層，都食得落。講反個飯，上面有紫菜，粟米粒，芝士。芝士又係多到可以拉絲，個飯落左d 醬汁一齊炒，微微既酸酸甜甜，加埋d 紫菜既reaction，好好味呀！！總括而言，

阿妹兩年之前和媽子去首爾自由行，行程主要是飲飲食食，回港後，她倆雀躍地跟我分享旅途中品嘗過的美食，當中她們最讚不絕口的就是三清洞摩西（먹쉬돈나， Mukshidonna) 的部隊鍋，還跟我說那邊會把部隊鍋的湯底煮成芝士炒飯，簡單而美味！媽子為了重拾那份味道，更在家自製部隊鍋，我覺得已經十分成功了，但她卻說韓國的好10條街自此，三清洞摩西在我心中留下了一個位置，我早已BOOKMARK了下次到首爾都必定去試試 。想不到，它最近竟然登陸香港！（只能夠說，香港確實是美食天堂，我們真的很幸福。）不過人氣店來港，自然人龍也不少，趁復活節，我和妹妹特地在中午來朝聖，幸好我們1PM到，不算多人據阿妹所講，香港店的餐牌，跟韓國總店有九成相似。入面只賣一款，就是著名的部隊鍋。點餐要按步驟 :1. 先選辣炒年糕鍋底：（5款選擇，LUNCH $58，DINNER $78）芝士、海鮮、烤肉、午餐肉、雜菜。這個需要按人數落單，換言之，2個人就需要選擇至少2款年糕。因為我們之後已經鎖定要瘋狂加芝士，因此我們放棄芝士鍋，選了另一人氣之選－海鮮年糕和午餐肉年糕。2. 選擇麵條：（4款選擇，$25）拉麵、韓式粉絲、烏冬、

行完街經過見到有間新韓國野，食年糕鍋～其實一直都未試過韓國d火鍋，所以諗都冇諗就上咗去了～這裡主打不同配料的火鍋，但也有芝士炒飯。 另外叫了平時較少見的飲品，薏米水。清清甜甜，仲有d薏米粒，幾易入口，配搭熱辣辣既部隊鍋真係完美組合，又下火，又解辣，不過細罐咗dd。 跟住就係期待已久的年糕部隊鍋！ 一來到就已經熟哂，可以即食。我地呢個有韓式粉絲餃，魚糕，韓式年糕，午餐肉，海鮮，韓式拉麵...先講味道，剛開始食時不太辣，愈食愈惹味，同埋開始辣。年糕超入味又軟綿綿，拉麵份量剛好，好中意食韓式拉麵因為又軟又彈牙。好好彩夾到幾塊午餐肉，食得出係韓國牌子果隻午餐肉，不過size切得太細好薄，同埋較少好難搵。另外魚糕也是超入味的，甜甜辣辣又爽口。 食完火鍋後，就來了芝士炒飯！外貌不太討好，但味道不錯！芝士也很足，但其實似撈飯，口感濕潤，香辣帶點甜，加了紫菜很香口，食落多咗層次。用熱鍋上，底部還有少少飯焦，卜卜脆。

韓國人氣年糕窩終於開到港島區~餐廳位於熙來攘往的渣甸街，不難找。但要排長龍等lift上去，要花點時間... 所以我們選擇走一層樓梯~餐廳佔地全層，寬敞舒適，拼棄了韓食店迫夾的氛圍。餐牌就是order紙，很詳細解釋點菜流程。中英韓文都有，user friendly 又方便。有lunch set，可惜只限閒日。我們二人點了2個窩 (烤肉+部隊窩)、1拉麵、2小食 (炸餃子+紫菜卷)、1芝士飯。2個窩底放在一起，非常大盤。店員捧來的時候已經全熟，只要輕輕煲滾就可以吃。煲滾了~ 要趕快吃拉麵，不然就稔了。小妹喜歡韓國拉麵煙煙韌韌~ 這個更吸收了年糕窩的大醬辣汁，非常惹味、辣得過癮。鋪在窩面的炸餃子可先沾一沾辣汁才吃。外表還有點脆，不太乾。餃子餡料不算多，味道不過不失。人氣果然是人氣！年糕軟熟又不太稔，煙韌得嚟又易咬，即使多煮一陣子也不會糊掉。紫菜卷炸得香口，內裏的粉絲條條分明、蠻爽口，不放在年糕窩中也夠好吃。把它輕輕浸在窩中，粉絲把辣汁完完全全地吸收，變得又脆又juicy，辣味更突出。喜歡吃辣的朋友不妨叫一客來試試~最後來一盤飯，保證吃得飽飽。芝士炒飯已夠惹味，加入紫菜、粟米，口感爽脆。可以把

位於銅鑼灣F岀口附近的三清洞摩西 ，是一間以年糕鍋為主的韓國餐廳。在韓國吃過步隊鍋不算太喜歡，想不到是此年糕鍋令我十分滿意。 餐牌的食物不太多，簡單易明！想食正宗韓國年糕鍋，有4個步驟。1:選年糕鍋底2:選麵食3: 選配料4:選芝士炒飯年糕鍋大大鍋！熱辣辣上台！我選了海鮮和烤肉鍋，因為價錢一樣，感覺較掋食！海鮮$78包括魷魚和青口4隻，都爽口彈牙。烤肉$78是牛肉，牛肉的肉質嫩滑，切成條狀。我更加了拉麵$25，粉絲$25。 最愛韓國的拉面和粉絲，彈牙力强的面要趕快吃，不然會變得淋身。拉麵粉絲必叫，會把湯汁掛上，很美味。 配料選了紫菜卷$18， 魚餅$18，豬肉餃子$18。雖然很飽，但我也叫了芝士炒飯$35!芝士炒飯包括粟米，紫菜，芝士撈後進吃，帶小甜味，回味無窮！正！

近期韓國嘢好hit，朋友講左好耐話想食芝士鍋，但我又想食部隊鍋，所以去左呢間可以一次過滿足哂我地嘅三清洞摩西。因為約左九點幾係鑽石山睇戲，所以預早d食飯，六點度到餐廳，只有幾枱客人，環境唔錯，座位都闊落。餐廳好多韓國侍應，不過好彩佢地都識講英文，而且態度唔錯。前菜，有d似日本醃蘿蔔，酸酸地，好爽脆。睇睇menu其實呢間嘢都唔平，揀最平嘅組合都要約$170一位，不過好日唔食一次唔緊要喇。雖然話想食部隊鍋，但見到有咁多款揀又想試下新嘢，結果揀左烤肉海鮮鍋，不過其實佢味道同部隊鍋差唔多，係d料唔同。影相只見到一隻青口，其實係沉哂底，海鮮味道不過不失，青口細隻左d，魷魚無乜味，但烤肉好夠味，煲左好耐仲有香烤嘅味道。炸餃子同紫菜卷，不過兩樣入面都係粉絲…早知試午餐肉或者魚餅……無得傾，一定要食拉麵，仲要加芝士！朋友唔食餸，係咁食拉麵，結果搞到我唔夠食要叫多份。麵有咬口，唔會好易稔，好快好入味，不過加一個要$25，係貴左少少嘅。差唔多食完個煲先發現呢間嘅推介其實係年糕，不過無驚喜。口感同味道都同出面無乜分別，唔係軟綿綿，味道好淡。食完個煲，侍應會自動上炒飯，當然又係有芝士果隻，不過呢次嘅芝士味反而

記得有一段時間小妹個個星期都會食韓國野，但過咗個段日子後就好耐都無食嚕。最近有中同約我食飯，竟然想食韓國野！咁就由佢話事啦。中同帶咗我嚟呢個三清洞摩西，原來呢間係新開嘅分店！場入面有好多oppa呀，講哂韓文，唔講真係以為自己去咗韓國！原來老闆都係韓國人，個日仲見到佢親自落鋪呀。呢到落單有啲特別，要叫人頭數目嘅部隊鍋。有海鮮，芝士，烤肉，部隊同雜菜五個味選擇，我同朋友兩個人就叫咗芝士同海鮮。另外仲有配料同粉麵類可以加的，我地要咗拉麵麵同埋韓式粉絲。另外仲加咗雞蛋同餃子，千奇唔好睇小兩個女仔嘅食量！xd部隊鍋會先加上所有我地選好嘅配料，煮好一大鍋上枱，等我地可以一路熱住食。紅紅嘅一鍋，可能要就番香港人嘅口味，我覺得唔算太辣，仲帶點甜味。海鮮鍋有青口同魷魚，吸咗湯底嘅味道，而且帶小許彈牙。芝士則鋪咗係鍋上，上枱時仲未溶咖！我地望住啲芝士慢慢溶落鍋中，夾野食時芝士不斷拉線，真係心心眼哂即刻！無計啦，小妹係個芝士怪麻! 鍋中基本配料有魚糕，年糕同一啲菜。魚糕有啲似扁身嘅魚片，淋淋地吸咗辣嘅味道，好入味。年糕都好正，口感煙煙韌韌，唔會好硬，同芝士一齊食最適合不過。食拉麵同韓式粉絲都係部隊鍋嘅精髓呢

天氣咁凍 最啱食番d熱熱地又辣辣地既野 之前新開咁多人 梗係趁學校假期冇人先去潮下聖啦🏃我地兩個人叫左個二人lunch set~食物包括：-二人份量年糕鍋(任選兩款口味mix埋一齊)-麵x1 (加麵類每款$25)ｰ配料x1 (加配料每款$18)ｰ炒飯x1(如選芝士炒飯要加$10)年糕鍋我地揀左芝士+海鮮 一上枱就見到滿滿既芝士舖係面 邪惡萬分 爽口彈牙既麵條掛上熱溶既芝士同甜辣既韓式醬汁湯底 真係好好食同埋暖入心 麵類係有得選擇既 建議大家選擇拉麵 因為係最正宗同最掛麵年糕同蔬菜都特別索湯汁 食食下都會覺得辣 不過有附送既醃漬蘿蔔可以減減辣因為叫左海鮮鍋 所以入面仲有魚糕、青口、大量既魷魚八爪魚 青口質素一般 不過魷魚同八爪魚就真係好多 佢地細細粒 煮耐左都唔會好韌 材料份量都幾充足 如果中意芝士既話可以追加芝士($25) 咁會更添邪惡😈配料我地就揀左比較少見既紫菜卷 係炸粉包住紫菜再包住粉絲 然後拎去炸 味道一般 冇乜驚喜 好快就凍 令到外皮唔再脆 凍左之後想好食就係浸落湯到啦 份量亦得個幾粒 唔太抵食個年糕鍋食到咁上下 店員就會上埋個炒飯架啦 (芝士+$10) 炒飯既材料係只

這次來到韓國火鍋餐廳，鋪面跟一般中式火鍋店面差不多，但客人還是以年輕少年少女為主。有趣的是，店主跟不少店員似乎都是不諳粵語的韓國人，只有部分店員跟收銀櫃台的員工才會粵語，真的有種來到韓國餐廳的感覺。入正題，我跟朋友點了芝士年糕火鍋，主食方面選了拉面，配料則選了紫菜卷跟炸餃子，炒飯則選了芝士炒飯。火鍋一上來的時候，自然是一片片紅當當的，面上有上芝士條狀，還好湯底並不是太麻辣，口味適中正適合我，配料方面有菜有豬肉有牛肉，分量十足，剛好滿足到我跟朋友的食量。個人來說，對韓國菜沒有太大偏好，因為普遍來說，味道不夠其他菜式細緻和有層次，總是粗獷刺激和口味濃烈。而這間韓式火鍋正是這種感覺的代表，他們既能稍為調節，適應香港人口味，又能帶出跟韓國當地餐廳一樣的風味。想過過韓式口癮的，這間價錢合理的餐廳是很不錯的選擇。

這店在旺角剛開張時，我已經想試，但一直大排長龍，所以遲遲未有機會嘗到。最近，它在銅鑼灣開了分店，人流疏導了，這個週末下午，我終於可以跟朋友來感受它的威力。不說不知呢，原來這店是從韓國來的，因為位於韓國三清洞的小巷內，所以名字就有「三清洞」喇！香港店是特許經營模式呀，但食譜跟韓國的沒分別，我突然覺得很感動，因為不用飛到韓國都可以嘗到當地的人氣食物呢。這店是吃年糕鍋，下單時有數個步驟：1. 你喜歡的年糕（芝士 / 海鮮 / 烤肉 / 部隊（午餐肉）/ 雜菜）2. 年糕鍋裡的麵條+$25（拉麵 / 韓式粉絲 / 烏冬 / 細麵）3. 年糕的配料+$18（午餐肉 / 紫菜卷 / 雞蛋 / 豬肉餃子 / 炸餃子 / 魚餅 / 芝士（$25））4. 選擇炒飯，於品嚐年糕後奉上（炒飯 / 芝士炒飯）我跟朋友二人行，選擇了海鮮鍋配韓國拉麵、紫菜卷、炸餃子和芝士炒飯。海鮮年糕鍋內有青口、魷魚及魚餅，另外還有年糕。湯底是用了店家秘製的醬料製成，甜中帶辣。芝士份量不少，吃這個鍋最開心的一定是看到芝士在溶化……每次夾食材上來吃，都要先跟芝士拖拉一番XD不過，這就是樂趣！青口、魷魚和魚餅都吸收了湯底的精華，入味

自從在韓國試過年糕鍋後，Si對此一直念念不忘，得悉香港島出現了一家吃年糕鍋的店，就趕緊來回味一下！餐廳走簡約路線，沒什麼裝修，感覺有點像工廈裡面的快餐店，但反正年糕鍋都不是什麼貴價食品，隨意一點反而吃得更自在。餐牌的比較簡單，只是分了午餐或晚餐，幾款年糕、麵、配料和炒飯，店員都是韓國人吧？都是以簡單英語來溝通。最後Si點了部隊年糕和海鮮年糕，加了芝士。起初Si誤會了店員的意思，以為年糕鍋入面已包括了麵，所以沒有點麵，但鍋到了後才發現是沒有麵的！幸好可以後加。配料點了一份紫菜卷，吃法就好像響鈴一樣，輕輕滾一下就好，暖暖的加上微脆的皮，很好吃呢！份量看起來好像滿大的，但兩個人卻完全把它吃掉了！雖然餐牌沒有註明它是辣的，但卻是有點微辣的，不過吃完後卻吃不下炒飯啦，下次一定要試一下炒飯！店員的態度也很親切，還主動幫Si夾食物呢！

復活節假期當然要和朋友出去飲飲食食，放鬆一下。可能是本人不太嗜辣，所以一向對韓國料理不是太有好感。但朋友這此極力推薦，說這店是由韓國來的，而且價格實惠，抱著不好食也不會肉痛的心態，一於試試。我們比較早到的關係，就不用等位，但食到一半的時候，門外已出現人潮。店內裝修很新，但坐位比較迫，但還算舒服。我們叫了一個芝士鍋和部隊鍋，起初以為會很辣，但原來它的辣是偏甜的，而且不會太刺激，所以我都可以應付。另外芝士也中和了辣味，所以不太能吃辣的人，記得點芝士鍋。我們除了鍋之外亦加了烏冬。鍋內原來的配料很多，有年糕，魚餅，蔬菜和午餐肉，吃了很久都別不完，雖然配料很簡單，但質素也不錯，年糕煮得耐也不會爛。最後雖然已經很飽，但還是點了個芝士炒飯。炒飯不像港式的很乾身，但也很好吃。由其是芝士和紫菜的味道很配合，是簡單但美味的食物。別了很多東西，賣單每人都不用80，真的很抵，喜歡韓國食物的朋友一定要去試試。