三田製麵所 (K11購物藝術館)

营业中

休息中

令人失望。。。首先 講吓碗麵先，叉燒唔夠入味啦，個湯底好鹹啦，叉燒又得一片啦。。。真係好失望。。。再嚟 係個小食炸雞，好多粉又唔夠脆，完全唔係平時出面食開嘅日式炸雞嘅感覺。。。由於太失望，冇食完就已經埋單走人！

星期五放假下午2點來到，見冇人等便，望入去又有幾張吉枱諗住唔洗等，便入去。門口侍應婆婆叫我等陣，等咗成分鐘，原來要等清咗2人枱比我。入座後不斷催我落單。叫咗一碗熱中沾麵，匙羹入口邊緣是爛的，換另一隻也是一樣，又爛又舊。食物水準以下，進很其間不斷有蚊滋滋擾，女侍應一係玩手機，一係睇指甲，反而要廚房男提佢有客叫佢，仲要收10%，冇嘢令人再光顧。

之前成日行過K11見佢都好多人食，同埋好似都開咗咁多年諗住冇伏啦，點知一入到去被安排坐吧枱最後面隔籬就係廚房門口，坐低嗰陣傳來一浸浸霉味好難頂，又見到廚房衛生欠佳，最後要request坐返普通枱，叫咗一份半熟蛋麵，點知一食個湯鹹到一個點，剩係得個咸字冇鮮味，我要加水先勉強食落口，麵都好難食，啲叉燒又唔新鮮，仲要食完個肚搞吓搞吓唔舒服，賣$96一碗真係貼錢買難受，咁嘅食物質素咁嘅衛生環境真係再冇下次～

*每次行過K11 Artmall都會經過呢間拉麵鋪，今次我地就特登去試翻次～ 入面空間非常寬敞，有別於其他拉麵店，如果鍾意食拉麵，又想坐得舒服d，可以考慮黎食吓呢間！菜單選項也非常多，有不同口味嘅常設款拉麵、各款小食、拉麵以外嘅主食，連期間限定菜單都有啊～［ (❄️)鯛魚沾麵 $98 ］· ✴️ 5 /5 ✴️🐟鯛魚湯望落顏色淡，但係味道非常濃郁鮮甜，入面更加有紫菜、香菜，以及柚子皮💛，食落好清爽清新，非常有夏日風味啊！麵我哋選擇咗凍嘅版本，麵體粗身彈牙，非常吸湯汁～✨配料有半隻糖心蛋、數片叉燒 、筍。叉燒係我鍾意嘅款，軟身又入味。［ (❄️) 味增沾麵🔴 $95 ］· ✴️ 5 /5 ✴️味噌湯底用上了北海道產嘅味噌，味道非常濃郁。湯汁非常厚身，點麵嗰陣掛曬上麵身，一啖食曬超級滿足啊！麵都係粗身麵，而配料方面，整體同鯛魚沾麵一樣，但係呢款麵多咗d雜菜～［ 明太子飯 $35 ］· ✴️ 5 /5 ✴️超爆鍾意明太子😭😭呢度竟然有明太子飯食！！！白飯面配有兩塊紫菜和明太子，放埋佢地一齊食點會唔好食呀！ヽ(；▽；)ノ❤️

一間好食嘅沾麵好難搵 湯要夠熱 麵要夠粗身有咬口掛到湯 🫣 我對食係幾麻煩 真心 (´▽｀) 因為自己識煮嘢食 唔想成日出街俾智商費😩 同埋一餐好唔好食都會好影響到全日心情我覺得俾錢食係食好味 🤤 但當然都有機會同價錢掛鉤啦～ 我個人認為錢都唔係咩太問題 最緊要對得起個價錢 有啲都唔值仲要收加一 真係幾好笑同埋唔會有回頭🫨🫨🫨 😂講返主題 個麵底係做到哂我想要嘅 叫做真係掛到啲啲湯😂 湯係鏗魚湯 幾濃厚 但湯可以再熱啲就好當然以上都係個人認為

本身係想encore上次間Slow Cow，點知去到被人包咗場🥲 喺K11周圍搵嘢食之際，見到地下間三田製麵所有張和牛嘅相都幾吸引😂 正中下懷，即刻入去試吓先！！#日本和牛沾麵 $178Menu寫係 #北海道產 和牛，嚟到賣相都幾好😆麵可以揀小、中、大size，我揀咗中，仲要凍麵～ 要凍麵感覺好似彈牙啲～呢間係我鍾意嘅粗麵，麵質唔錯👍個牛好淋，好有肉味好正～牛份量都OK，肉肉人表示滿足嘅～紅色一粒粒應該係花椒，加埋落牛食都幾得意～ 落咗啲檸檬汁，清新解漏～最尾食晒成個麵🤭

黎到尖沙咀，一定要食依間日式沾麵店，撞岩今日人流唔算多，唔洗點排隊就已經可以入店。今次冇叫沾麵，反而點左期間限定 ：柚子鯛魚拉麵 同埋一客炸雞，拉麵味道好出色，每一啖入口都有微微袖子味，好清新好有大自然感覺，個人覺得比教適合夏天食。炸雞更加唔洗講，一如既往出色，雞皮鬆脆雞肉嫩口，每次黎依到都一定要食，大力推薦！

今日喺尖沙咀行街，行到咁上下就去咗呢度食晚餐～-以前間唔中都會嚟幫襯吓，因為我個人都幾鍾意食粗麵，而宜家嘅拉麵舖多數都係幼麵，所以我間唔中都會嚟食🤔今日就叫咗個$121嘅一人套餐，另外單點咗個沾麵我揀咗個基本嘅魚介湯底沾麵，死唔蝕底嗌咗大size嘅面🤣個沾麵湯汁比以前鹹咗，頭半碗麵都覺得真係有啲太鹹，要keep住飲水或者飲烏龍茶，食到後面開始就好啲。小食就嗌咗個炸雞，一人餐嘅話炸雞就剩係得三嚿，炸雞就中等水準😗-總結：比起以前嚟講，而家好似冇以前咁好食，不過又未去到難食嘅，如果想食沾麵嘅話，我覺得呢度嘅套餐都OK嘅。

夜晚大概9點2人入座，店舖基本上冇咩人唔洗排隊。坐位唔太舒服，明明冇人都唔安排我地坐卡位。叫咗2個一人set，沾麵/拉麵+小食+飲品，300蚊賣單，唔算平。凍沾麵幾岀色，麵底用粗麵，份量可選擇小中大，麵夠彈牙，食落唔會黐牙，醬汁夠濃夠熱，配凍沾麵溫度啱啱好中和返。小食蟹餅外脆內軟，炸粉唔會太厚，唯獨餡料冇乜蟹味。拉麵湯底濃郁，麵都相對彈牙，配溫泉蛋一流。整體食物質素幾好，位置亦好方便，k11行岀門就見到，會再幫襯。

這間店多年都是路經從未入去食過 今晚9:40左右入座前問店員說食到10:30咁就入咗去堂食一試今晚每人一碗拉麵及叫小食再另加一份叉燒拉麵湯底夠濃味 叫左一碗辛辣湯底（都唔太辣味）另一碗三田湯底雞翼有少少炸粉 （我本身麻麻炸粉）炸忌廉蟹餅（是蟹柳肉啊）店內有一大壺檸檬水提供但今晚叫左店員推薦既柚子果汁$39/2枝（但其實係柚子梳打）不過唔夠冰凍差少少是晚用餐埋單後發現最近呢個K-11商場做緊推廣，而這間是其中一間參與既食店指定星期五及星期六晚（有限特定時段）張單最少夠$300記住埋單用電子消費再用商場app登記先拎到優惠後記：差唔多埋單走時仲有客人問可以食嗎？聽到店員回應是10:30 last order 收23:00我同朋友即時回帶 明明剛才說收10:30😂😂不過聽到後就唔駛食得咁趕，成日怕阻人收工咁希望店內加強冷氣就好了 座門口位只感受到風扇的涼風平時原來入座後有限時一個鐘食嘢咁夜而家唔太多人最近又多個消夜地點食嘢啦

去尖沙咀行街行到餓餓地經過三田製麵所，聽說係專門提供沾麵的日本拉麵店，位於尖沙咀K11購物藝術館地下，位置十分方便🙂我今次去試了兩款招牌沾麵，分別是濃厚海老沾麵和濃香豚骨魚介沾麵，整體來說我覺得味道不錯，但麵質有點硬，平日晚上都要排隊呢😉濃厚海老沾麵 $98是以大量的蝦頭和蝦殼熬製的湯底，味道十分濃郁，有著濃濃的海鮮甜味😋😋湯底上面還有一層櫻花蝦乾，增加了香氣和口感。沾麵的麵條是自家製的粗麵，口感煙韌有嚼勁，非常適合沾湯每碗沾麵還配有兩片叉燒、一隻溫泉蛋和一些青菜叉燒肉質嫩滑多汁，溫泉蛋剛好半熟，鍾意飲蝦湯的朋友，我也非常推薦🫶🏻🫶🏻濃香豚骨魚介沾麵$84是以豬骨和魚介熬製的湯底，味道也很濃厚，但不會太油膩，湯底帶有一點點辣味，可以刺激味蕾。這款沾麵的麵條是細麵，比較柔軟，但也很有彈性。配料方面，有三片叉燒、一隻溫泉蛋、一些筍和木耳絲。叉燒比較肥美，啱哂我朋友，他喜歡吃肥叉燒🤭🤭總括而言，三田製麵所是一間值得推薦的沾麵店，湯底和麵條都很出色，沾麵的份量可以選擇小、中、大，而且價錢不變，非常抵食😬😬不過，這間店也有一些不足之處。首先，由於人氣頗高，所以平時要排隊等候很久才能入座。其次，店

麵就ok,但舖頭無冷氣,有蚊叮,食到大汗疊細汗,真係好難頂。環境凌亂,服務好一般,此外,員工培訓不足,服務不到位,有待改善。在無冷氣情況下,應考慮免收加一服務費,以表誠意。

♡♡♡📍三田製麵所 (K11購物藝術館) (尖沙咀)尖沙咀河內道18號K11購物藝術館地下G21-G22號舖位置好方便，就係K11正中間嘅位置所以吸引到唔少嘅朋友去食😚！上菜嘅速度好快，好似唔夠5分鐘就已經有得食🤣🤣！🍽️濃厚海老沾麵呢款季節限定嘅Menu🤤🤭🤭！咁就梗係要試吓佢唔～而且價錢都唔貴😹，仲比平時出邊食嘅拉麵店仲平啲添～濃厚海老沾麵真係有超濃厚嘅蝦味😝😝，估唔到又會幾夾！在加埋拉麵真係絕配🥳～🍽️濃香豚骨魚介沾麵有好香嘅豬骨味，覺得呢款應該都係舖頭嘅招牌🤩🤩～沾麵煙煙韌韌好鍾意呢個口感，而且麵嘅份量大中細既價錢都係一樣嘅🤣，咁就可以按返自己嘅食量去選擇😝，咁就唔怕浪費啦🥰！呢個湯頭都好濃郁，而且每一條面都掛上龍口嘅湯真係超好食🤤，而且佢嘅叉燒亦都幾厚肉，係我鍾意嗰種感覺😚😚。

太厚了，可能会让你的喉咙干燥😜😜如果你想吃正宗的沾面，就去三田清面所吧！下次我想尝尝辣的😝唯一遗憾的是店员态度不好😭如果能改进的话，这将是一家很棒的商店🍽️ 我想再来一次🏃🏃🏃

成日經過K11呢間拉麵店，今次就入左去食晚餐🙆🏻‍♀️ 我地叫左一人一碗拉麵，分別係🍜三田特製拉麵(中)同🍜半熟蛋拉麵.兩碗拉麵既分別係一碗有蛋一碗無蛋🤣 湯底十分濃香，麵質好爽而且彈牙，豚肉大大片好軟熟！半熟蛋真係好好味😋 呢度既拉麵可揀size，我地都係中size，仲有大size可揀.我地另外仲叫左碟炸牛肉薯餅，薯餅質地正正係日本地道既口味！香港食開既薯餅都係比較西式，即香脆既口感，而日本薯餅既質地係比較粉，呢度係即炸熱辣辣，醬汁是靈魂，撈埋一齊食，風味十足！