上海姥姥 (建隆樓)

营业中

休息中

Waited 30 minutes while watching someone else eat. Even when staff alerted to missing food (they did not, of course, notice themselves) the response was slow. Noodle soup delivered to my counterpart no problem. My soup never appeared. Cancelled my lunch. No discount, no apology. I'd give NA for taste but not an option on the Ap.

心血來潮想食上海菜，就去左昵間。環境裝修唔錯，擔擔麵，上海粗炒，雞絲粉皮，另外仲有最喜愛既上海小龍包，好juicy好好味呀！！正心覺得唔錯，還會再食...😋😋😋

又係我，老老實實，我都怕人地話我係打手，上次見到連續兩次既惡意食評(擺明就同一枱客)我已經考慮要係到出多一篇，不過左諗右諗都係算，點知今朝又有一篇唔符合現實既食評出現，我真係睇唔過眼啦，要為小籠包平反下先得！！自從四月中出過一篇呢間上海姥姥分店既食評開始，我都有一星期食三四次呢到，話哂都係食堂，比起啲‘第一、二次’食既客人，我諗我都算有資格可以評論呢到啲食物！當中以我食咁多次，我點過:拉麵: 擔擔麵、排骨拉麵、蔥油開洋拌麵一貫水準，無令我失望過，麵既質地彈牙，軟硬適中，果然手製係唔同，拉麵師傅好野！拌麵有驚喜，唔會好dry，仲有木魚係上面點心: 生煎包、炸銀絲卷、白菜鮮肉煎餃(個名唔肯定?忘了)當然唔少得我至至愛既小籠包嬲到要出呢篇平反既食評，最主要原因係:成日都睇到食評其他客人話小籠包一夾就穿我想講，係咪你地用錯方法，唔識夾…？我可以夠膽講，呢間分店既小籠包我 一 隻 都 無 試 過 夾 穿 過我仲特登影相證明添丫，有圖有真相…所以，睇到其他人咁講 我真係唔明究竟有咩居心…講返食物先: 小籠包係我既每次必點，無一例外，皮薄，多湯，夠熱(以前係第二間集團食過唔熱、仲要中間係凍的…)外觀

堅地冇乜同類菜館，食過機場嗰檔，收貨，反正只是常餐。七時到，五分鐘内有位。裝修有心思，但好窄。柯打如下：三小碟-鷄粉皮，海蜇，燻蛋小籠包酸辣湯麵上海炒年糕乾煸四季豆柯打完未夠兩分鐘，小籠包上枱。完全夾唔起，四隻穿三隻，明顯唔知蒸咗幾耐，啲皮俾入面啲汁浸爛，一提即穿。肉，好過酒樓交貨嗰啲，但唔算好鮮。小籠包上枱之後一分鐘(第一粒未食完)四季豆到堅唔明點可以咁快煮好，仲要全部過熱。又係預先整好哂。味道唔錯。三小碟鷄皮及海蜇一般，冇讚冇彈燻蛋就嚇死人，有燻味，冇蛋味但有少少怪味。耐何全半隻蛋已入哂口，呑埋佢當冇嘢。酸辣湯麵經典，成舊麵硬到膠咁，麵味奇怪。同埋係浸湯狂攪都唔散開。湯質同味都ok。年糕又一經典，奇樂膠年糕，質地味道都唔似上海年糕。年糕本身冇味係正常，但佢唔知加咗啲乜令我覺得有泥膠嗰啲人做味。最後剩係食完炒年糕啲菜，留返哂啲年糕。找數走人，永不回頭。以上全部菜式外觀跟餐牌相片有九成相近，但有外表都要有內涵啩？金玉其外都要諗下啲食物要放得入口！

地點 地鐵站b出口一出，過對面馬路就係，易搵裝修 食過咁多間上海野，哩間裝修都算幾特別，唔似傳統式，幾特別等候時間 星期六兩點去到，我地一行五人，都要等左二十分鐘先有位，咁都可以接受員工 見到客人都識打招呼，有笑容，哩d係基本野，都唔係好多待應做到，哩間店員工合格，見到你有bb車仲會安排邊位，都算細心.店內仲有透明玻璃可以見到廚房師傅工作，現在都好幾興哩種設計食物 小籠包係哩多樣最好食的一樣😍，皮薄多汁👍🏻，開頭叫左兩籠，唔夠喉，再加單兩籠蒸銀絲卷，正常，都鬆軟🍳糖心蛋，賣相已經好吸引，好好味，入口溶化五香牛肉拉麵，湯底就正正常常，但牛展口感不錯，拉麵都係有口感🍜 擔擔麵，未食都聞到香味酸辣湯，味道幾好，食到正宗味道生煎包，有驚喜，外脆內軟，竟然有咁多汁 素鵝，入口鬆化，脆脆的 口水雞，雞件都幾滑，辣辣地😣食晒d野先記得冇影相，哈哈，係加單時影番籠小籠包先整體來說 我和朋友們都好滿意，價錢大眾化，服務幾好，都會再去，推薦比大家^_^

六點半到咗餐廳門口，餐廳入面仲有好多位，兩個frds係路上都就要到，唔想係門口外面喂蚊，卻被告知一定要過半人數先可以入座。我話你地入面咁空，我d frds好快就到，唔會阻住你地浪費資源，但都被拒之門外，態度已經非常唔好，如果唔係其中既frd好想試下，都唔會去食添。等咗十分鐘，終於入到去，三個人被帶到兩個人既位，被告知如果想坐寬綽d既位都唔得，三個女仔拎住三個袋完全無位擺，後尾叫咗野食都擺唔落，逼著我地要快d食完一樣先可以再食下一樣。如果d野食好味，咁其實都ok既。講下食物，好可惜唔記得影相：a. 素鹅味道都可以，但分量真系太少，性價比好低b. 四川擔擔麵呢個正常c. 雲吞湯麵湯頭無味，食落太淡d. 醃篤鮮呢個先係重點，有無睇到menu上既圖片幾靚？好期待咁落咗單，上菜時揭開個煲蓋，全部人都O晒嘴，個煲度空liao liao，撈咗勁耐先撈到一小塊鮮筍。真係「以實物為準」，無得揮，我服咗妳！成煲野仲要98蚊，如果知道係咁既樣，收我50蚊我都唔會要。同d frds出街食飯本係一件好開心既事，但係呢d咁既餐廳，奉勸大家以後都係唔好去lu。

1. 服務極差，態度惡劣：1.1 到店的時候店裏空蕩蕩的只有一兩個人，想進去坐下休息一下，被告知未滿半數不能進店。1.2 進去的時候，店裏同樣沒有什麼人，我們提出想坐外面較寬敞的地方，卻被直接帶到最裡面，空間非常小的餐桌，連背包都沒有地方放，讓店員拿椅子放包，店員沒好氣的扔了一個非常小的椅子。1.3 吃到一半，有個服務員走過來很霸道的說要把我們放包的椅子給後面的客人用。當時我就想爆粗了，你店連一張多的椅子都沒有嗎？在此建議各位食客如果實在想來體驗惡劣服務態度的話，最好雙手空空，不要帶任何背包／手袋，因為這家店不會給你任何地方擺放。2. 東西難吃，貨不對版：2.1 看菜單上醃篤鮮的圖片非常驚艷，上桌之後也是非常驚艷的差。目不忍睹怕污染了我的手機所以沒有拍照。一鍋湯什麼都沒有，撈了半天才撈到一小塊竹筍。2.2 點了常規上海菜，擔擔麵，也是出奇的差。麵條沒有筋滑的口感，湯料喝起來也不新鮮，感覺就是一碗兌了水的花生醬，味道非常噁心。

呢間係西環新開上海嘢，裝潢幾靚下，估唔到759執咗會變咗食肆。無論咩時間門口好多人排隊，無論晴天陰天雨天都長到唔想排。可能因為太少枱啦，而且地點算係幾好，起碼地鐵一出就到。

將會港島東區搬家去西區，係時候研究西環邊到有好野食，聽朋友講西環剛開左上海姥姥新店，就去試試吧。位置好方便，不用搵路一出堅尼地城站B出口就望到門牌。 店內裝修特別，好有east meet west 風格，坐bar枱座位可見到師傅即製飽點，我最鍾意窗邊位大大玻璃外牆望到街境 。推介小籠包 ：皮簿好juicy 前菜冷拼combo : 可以任選三款小食$82，我㨂左小青瓜、烤麩和鷄絲粉皮，味道尚可。 素鵝：即制即煎，入口鬆脆 當日晤想食飯麵我點左生煎飽和葱油餅，好食不油膩。 最後埋單都係$220左右，收大眾化價錢坐得舒適，抵！總括來説，真心不錯！

見到有一家新餐廳，就去試下，等咗一分鐘就有位，都幾快，裝修都幾靚，但位置放得唔好，我叫咗一個鍋貼,小籠包和擔擔面，我加24元加叫咗一個豬排。等咗幾分鐘，終於有得吃了，鍋貼煎得幾好，肉料都好好味，小籠包皮好薄，肉料好好味，擔擔面湯不辣，又沒得豬排太油了，但食物味道都唔錯。食上海菜，我推介上海姥姥！

住西環咁耐，終於等到一間新既上海菜店，尋日得閒終於可以去試一試😋😋😋係門口等左一陣，都已經有好多人排緊隊，可能因為我得一個人，所以好快就安排到入座啦👍🏻👍🏻一坐低就即刻有侍應斟茶問左原來係鐵觀音泥同埋呢個位既view都幾好喎咁我點左一碗擔擔麵 加多一份小籠包大約8-10分鐘到啦，野食就到左，個人覺得都幾快1. 四川擔擔麵 8.5/10聞落去好香花生醬味阿，試左啖湯，辣味都好夠，再食落去，麵既質地爽口，真心覺得比起上海婆x更好食😍連湯我都飲埋！2. 小籠包 9/10一開左籠小籠包就已經睇到有好多湯汁咁，夾起: 皮薄、多湯、唔穿正阿，食小籠包真係好幸福😋食食下見到個侍應同隔泥枱好好傾好似幾nice咁喎 之後我都忍唔住搭嘴一齊傾一齊笑已經決定左以後呢到變成我既飯堂~日日都要過泥食小籠包阿!

之前見到轉角開左間上海餐廳，放假做完運動，落雨費事行咁遠就試下:環境: 睇落裝修唔錯，有d 懷舊，雖然位唔多但都有番咁上下空間食物: 款式都算多，一個人叫左兩樣1) 四川擔擔麵-麵質都算幾有口感 (話係手製拉麵)，湯底幾香唔會太辣，食完其實都幾夠飽，$46抵食 2) 生煎鍋貼-基本上去開上海餐廳都係食小籠包同鍋貼，依個咬落去都有肉汁，3件啱啱好服務: 之前見到好多人係出面排隊就無試，今日咁啱唔洗排隊就方便d; 免加一同茶錢服務都算係咁，出菜唔算等得耐同夠熱人均$100樓下，下次可以同多幾個人黎食，見幾多人叫前菜

同事話新開，門口好多人排隊，一齊去試下。3個人，叫左5樣食物。1) 醉雞 : 味道同白切雞一樣，雞一點酒香味也欠奉。我不甘心，喝了一口汁，是有酒味的。好明顯，醉雞係未浸夠時候！2) 菜肉雲吞麵 ： 麵放在檯上的一剎那，隔住也聞到陣陣鹼水味，不用說已知味道不是什麼好東西，果然，味道散發鹼水香味，口感也不是太好。湯底像是雞粉溝水般，小小咸，冇鮮味。3) 雪菜抄年糕 : 好咸呀！應該係D雪菜冇洗過!!! 4) 小籠飽 : 賣相OK。但4隻有2隻穿底，肉餡比較結實，味道一般。5) 蔥油餅 : 唯一有水準的食物。