中村藤吉 (已結業)

閒日放假一早就去The One排隊，10點去到𨋢大堂，已經圍起部分位置排隊，前面有5個人，大約10點半有職員落派籌，每人再派粒抹茶朱古力，即刻開來食，味道好好，好濃抹茶味！之後搭𨋢上18樓，大家依籌號排隊，等到開門再入門口按機取票，然後坐低再等叫號碼，逐個籌帶入去，時間依香港人標準係慢，但我唸學茶道文化嘅人要識慢活啩！終於等到我哋，店員安排我們坐靠窗二人枱，一排窗非常光猛，淺木傢私，最吸引係場中嘅茶道台！枱櫈唔迫！好舒服！入場前店員會由頭籌問每一位要唔要預約每日限量16份嘅蕨餅，我哋當然唔會放過呢個機會！要了一份，另外再要了份食家推介嘅京之精選！蕨餅（$88）擺盤好靚，和式餐具，6片蕨餅，沾滿抹茶粉，旁邊放咗黑糖漿同抹茶糖漿！蕨餅軟軟的，質感好似 糯米糍有韌性，淨食微甘，黑糖太甜，抹茶糖漿又太甘，我就兩樣都沾一啲，自己調製到啱自己口味啦！好好味！京之精選（$98）擺盤好靚，乜都有啲，抹茶雪榚微甘好滑，有兩款蛋榚，抹茶同黑糖，兩款都好鬆軟！不過抹茶味唔夠蕨餅強，黑糖味微甜，紅豆好甜糯，栗子較硬！紅桑子未解凍咁！酸酸地較硬！忌廉無乜味，純粹增加滑溜感！整體好味！茶錢（$20）店員提醒好熱！

厥餅わらびもち每天從京都直送香港，全人手製造，排隊時，員工會問要不要限量的蕨餅！等一次去中村藤吉，當然要一試啦😀有兩種醬汁口味可以點，分別是抹茶和黑蜜醬汁！首先咩都唔點，試下原味先，抹茶粉均勻地鋪在蕨餅表面，吃到滿囗抹茶粉😝抹茶味不是太濃，口感似麻薯！煙煙靭靭，把厥餅輕輕沾上黑蜜，味道有點腥，好奇怪😅反之抹茶漿令厥餅的抹茶味更突出！可以一試但不是必試！提示🌟聽說每天限量十份，要吃就要早過營業時間排隊了！抹茶烏冬（冷）一朝早唔想吃只吃甜點，所以叫了凍鳥冬平衡一下！烏冬也是他們自家制！烏冬質地好煙靭，口感彈牙！不錯。可是完全吃不出抹茶味😅付上的牛蒡，有點渣，味道似魚乾哈哈提示🌟如果叫定食會多一碗白飯同抹茶啫喱伴紅豆和玉子，會無咁DRY「秋栗丸十芭菲」芭菲以粟子生忌廉作頂，好似食緊栗子蛋糕咁，粟子味超濃！而中村藤吉的十字商標係由茶粉灑上😍內裏有抹茶軟雪糕、寒天、紅豆蓉、脆米、白玉和粟子和紅桑，層次分明👍在折光的反射下，好漂亮啊！芭菲果然是這裡的名物，芭菲不但用料十足，而且每吃一層都有不同感覺！每一層都有不同特色👍超正！提示🌟秋栗丸十芭菲供應期為10月1日至12月31日。要吃快手啊！

中村藤吉，一個響噹噹的名字，不用說肯定大把人吃過。像這種日本的百年老店，基本上在海外吃到是天方夜談，因為眾老闆都對質素相當執著，情願少賺一點也不敢輕易放開。所以當傳出在香港開店的消息後，震驚了幾百萬香港人。（好似係）既然是名店，當然每日都大排長龍，我這種只有一天半休息的，要吃到並不容易，所以我和朋友辭工去吃（極大誤）。雖說是平日的上午，不知道何解可以一堆人排隊，有不少還穿著校服，明明是六月中要考試，香港果然多廢青啊…包括我。但我們還是成功爭取頭一輪入座，而且吃到限量的蕨餅，早起的鳥兒有蟲吃〜入座後見到店內沒有很滿，但外面是大排長龍，可能稍稍錯開一下時間避免店內太多單出現混亂吧？上次上茶道堂的地方，沒課堂時變成擺設。 枱頭的一壺茶，自然也用上宇治綠茶，高級貨故此要算十元一位的茶錢，既然有著甘淳的茶香，多喝幾杯攤分價錢就好了。中村藤吉主打抹茶，當然甜品會較亮眼，但其實也有好些主食提供，現場所見還是有少許顧客點選。抹茶和風甜品，看了就想吃。 如果是一個人去的話，抹茶蕎麥應該是不會點的，但兩個人分，加上一個甜點就剛剛好了。 吃麵前先食一下鹹酸菜…咳唔，醃菜清清口腔，這天遇上的是牛蒡，有益爽脆

食評：根據人類心理學分析，有些時候，越唔容易得到的東西，包括食物，原來會令人更加更加念念不忘渴望地想食到為止。唔容易食得到，可能是好珍貴，又可能真係好好食，什至可能只是商業營商策略。還記得兩星期前曾經嘗試過要等200個籌等位四小時仍無法等到枱的中村藤吉，而那時什至還未有晚市，六點前得唔到枱，就完了。自那天起，便更有想食的理由跟渴求。兩星期後的星期日再來到，連早午餐都沒有吃，為迎接這份期待作好準備，再次努力的等待，這次是80個籌，看著app顯示距離十多個籌，便即時前往18樓。huleluya! 坐到椅窗無敵海景的雙人座位，感覺很不真實，什至點好菜後，仍然是未出發先興奮的感覺，期待或者就是這麼的美。香港中村藤吉不大，還要有禮品店和茶藝角，因此只能容納50人，這難怪要等位咁耐。先吃咸野，腐皮抺茶蕎麥麵，味道剛好，沒有太重也沒有太淡，也許是肚餓，其實是好味，很快便吃光整碗麵。吃過咸點，主角便來了，數量限定抹茶果凍配抹茶雪糕、白玉子及紅豆蓉，再點了紅豆湯，雖然紅豆湯有點太甜，但這中村藤吉的甜點，對抹茶紅豆甜品控的我們，實在是大滿足！好幸福耶！來自日本京都中村藤吉，茶介每位HK$10的熱焙茶，只能

這天早上的3號波絕對沒有打沉我兩享受周末的心情。買了車後，便兩口子四處遊蕩。東走走西看看。養車開支頗大，外出泊車貴得誇張。算吧，要享受一下生活。我們兩沒有兒女，收入算是穩定，扣除日常開支還有少量儲蓄。算是不錯吧。因此，現在洗費也不會左算右算，想消費便去吧，哈哈。當然，女人價格的天性依然存在，能慳去一蚊幾毫的那種快感，只有女士們明白喔！今天，10：45左右上到去，已有一小條人龍。11：00開始派飛，我們是19。十分幸運地，我們順利於第一輪入座。只花了20分鐘左右，便安坐於開陽的中村藤吉食店喇！入座之前，門口的侍者會問有沒有興趣預留蕨餅。當！然！要！啦！上次下午到訪，要享用蕨餅絕對是妄想。今天當然要捉緊這個機會。蕨餅：早起的鳥兒才有蕨餅吃。早餐吃蕨餅太奢侈了吧。太太太漂亮了，抹茶綠色很吸睛喔！極速讓相機先吃，便拿起木筷子，夾起軟糯的蕨餅放入口中。雖然抹茶粉是加在外面的，但卻緊緊的黏著軟糯帶半透明的蕨餅。十分好吃！可沾上旁邊的黑糖醬或抹茶醬。黑糖醬太甜，抹茶的不太甜帶點甘。沾上抹茶醬較佳。但還是喜歡不沾任何醬汁，直接一口吃下蕨餅！絕對推介！抹茶烏冬（熱）單品：上次沒有試熱食，今次點了烏冬。

11:45攞飛，12:30入座，三人枱會等耐少少，有Qcode可以用電話睇叫枱進度，所以我去行左一陣街。先講signature dish1. 生茶啫喱，綠茶雪糕，啫喱一般, 整體一般2. 丸十芭菲，材料豐富。3. 抹茶冷烏冬定食(跟小份的生茶啫喱同白飯)，抹茶烏冬本身係無味的，但勝在煙un。4. 腐皮抹茶烏冬，烏冬煙UN，湯底清徹但味濃，端上來時已經很香。服務，焙茶好飲！要減肥去個度食個麵最好。朋友好唔滿足，因為一點肉都冇。可惜我唔識分佢既綠茶同一般的有咩分別。整體尚可。 

雖然本人不是抹茶控, 但在大阪京都買過其正店的戚風蛋糕並分了3日食還保持蛋糕的鬆軟度 , 而返港後亦有品嚐過他們的茶, 其入喉後那甘香的餘味, 讓我一定把其香港分店列入我的揾食LIST中, 當然最後我終於找到了合適的時間去食了2次 分別吃過以下這幾種款式:蕎麥冷麵 - 爽口是爽口的, 但沒有吃出抹茶味, 而且食完後, 胃完全感覺不到曾進食的感覺抹茶芭菲 - 全靠它把我的胃填滿了 , 很喜歡其米脆層加強了入口的層次感, 而由於CREAM, 啫喱,丸子都是不太甜的, 所以即使紅豆都幾甜的情況下都沒有滯的感覺腐皮抹茶烏冬麵 - 上次已吃過一陣風的蕎麥麵, 所以第二次來到選了熱食, 熱食感覺良好很多, 但跟我預期的烏冬樣不是太相同, 不過都是爽口的, 但還是那句吃不出抹茶味, 而腐皮是預期中的水準, 不過不失我俗稱的雜錦 - 由於第二次去人多少少的關係, 相對甜品也可以叫多幾款, 而它就其中一款我們叫了甜品, 朋友評抹茶雪糕好RICH, 但如果有人去過銅記食過一間簡稱VT的甜品店, 那就會覺得這味道只是正常合理, 但不是太過出色之作, 而蛋糕仍舊跟我在京都食的那個一樣鬆軟 生茶啫喱-焙

久聞其名的中村滕吉，開了一段時間才去，星期一晚上7時多也不用排隊(感恩^^)。在進內之前，店員已跟我們說明軟雪糕及定食售罄，限時90分鐘，服務有禮。環境方面就不過不失，不是十分傳統的裝潢，空間還算可以，圍桌的設計是甜品店的敗筆。當天正好可以望窗(對牆自閉位HAHA)，下雨影響窗外的景色，一個很不錯的景觀，給雨水遮蓋，可惜。熱綠荼腐皮烏冬烏冬是沒有濃郁的綠茶味，加上湯也比較清淡，失敗之作。腐皮非常香甜，口感軟身，好味。(可否只叫腐皮XD) 凍抹茶歐蕾綠茶味遭到奶味蓋過，奶味香濃，但無法突出綠茶的甘香，喜愛奶的會喜歡，綠茶迷就可以省掉。 抹茶宇治金時餡蜜水果非常鮮甜及多汁，綠茶雪糕不夠滑，味道濃郁，餅方面非常香脆(食的時候是可以聽到聲的)，還有淡淡的餅香。紅豆就平平無奇的。整體而言，正餐的水平普通，綠茶味道出色，綠茶迷應該一食，不過要選對的食物才是好。(就是放棄正餐及飲品好了)總結評分味道:6.5/10 價錢:6/10 (120)1個人環境:7/10服務:7/10

當天我們在平日一時半左右到達, 大概半小時已被安排入坐, 十分滿意。抹茶凍烏東 - 顏色漂亮, 質感亦佳, 但其實抹茶味並不明顯。抹茶啫喱 - 抹茶啫哩本身是不甜的, 口感十分滑溜, 茶香豐富, 略帶回甘。抹茶雪糕帶奶香, 茶味香濃, 甜度適中且非常幼滑, 和早前在大阪店吃紙杯外賣裝的味道和質感非常相似。紅豆蓉香甜軟綿, 白玉丸子煙韌得來是偏向比較硬身的質感, 是傳統抹茶甜點不可或缺的部分。整體水準甚高, 對於抹茶迷絕對是一大享受! 下次到來必一定要試試焙茶版本!抹茶芭菲 - 是集合了忌廉、抹茶雪芳蛋糕、玄米脆脆、冰製覆盆子、抹茶雪糕、抹茶啫喱、紅豆蓉、原粒栗子及白玉小丸子於一身的甜品。抹茶雪芳蛋糕帶淡淡抹茶幽香, 輕盈鬆軟, 配上非常香滑的忌廉, 美秒的組合。抹茶雪糕和啫喱固然是預期般美味, 別有驚喜的是中間的原粒栗子相當軟身香甜, 連平常不太喜歡栗子的我亦十分欣賞! 這甜品層次感甚高, 相信沒有抹茶迷能夠抗拒! 不過個人認為白玉小丸子的份量略為偏多, 而冰感偏高的覆盆子似乎和其他材料並不協調, 可以省略。

星期六出外覓食, 12點出到尖沙咀, 諗住攞定飛食完個LUNCH返轉頭剛好, 12點拎張飛已經係11X號, 而宜家只係叫到2X幾.. 睇開飯見到話拎定飛之後去行個街返黎就啱,,果然..飛上面有QR CODE 只要掃描一下就知去到幾號, 唔使怕過左號碼, 呢個方法值得一讚 對於抹茶控黎講一間咁出名GE抹茶店點可以唔去朝聖呢? 食完LUNCH2點幾,掃一掃只去到8X,唯有去飲杯野HEA一陣. 3點再掃去到100應該差不多, 上到去等左20分鐘左右終於入得啦啦啦!!!!!!叫左個抹茶芭菲(HKD98), 入面有雪芳蛋糕、脆脆、小丸子、抹茶啫喱、抹茶CREAM, 一杯可以2-3個人SHARE, 抹茶味濃, 但越食越甜.. 另外叫左熱白玉紅豆湯(HKD78).. 都係一個字..甜! 但係白玉好味! 好Q! 整體感覺一般, 野食偏貴. 但勝在環境舒適! 每張枱有一定距離.. 不過就唔會再去啦! 當朝聖就算了.. 

係香港，但凡係新開的過江龍甜品店都必定排餐死，之前的Dazzling cafe係咁，近期的Lady M同中村藤吉都係咁。Lady M已經試左，排隊紀錄係1.5小時，點知一山還有一山高，中村藤吉竟然係2小時50分鐘！完全破晒我排隊紀錄。不過咁，佢有兩個好處，門口有頗多櫈，環境又舒服，又間唔中有人派茶，可以舒舒服服坐係度等，另外，攞左張飛之後，上面有QR code，scan一下可以顯示叫到幾多號，咁你又可以一邊shopping一邊等。都係唔想等咁耐？大約7-8點來吧，walkin應該可以即刻有位。裡面環境好寬敞，一邊賣甜品，一邊係教茶道的corner，其餘就係用餐位，對住大片落地玻璃，景觀係不錯的。講返呢度的甜品，有招牌的蕨餅（限量）、餡蜜、雪糕、芭菲、泡冰等等，我地點左其中兩款熱賣的。京之精選（$98）有抹茶雪糕、蛋糕、紅豆蓉、丸子等，老實講，幾樣嘢味道都好普通，食唔出有咩過人之處，可能我真係唔太熟悉甜品⋯啦。抹茶味的丸十芭菲（$98）有好多層，從頂數起：忌廉、蛋糕、脆米、紅豆、丸子、抹茶啫喱、栗子、紅桑子、濃抹茶，一杯有齊店內所有甜品元素，堪稱甜品版攞你命三千。味道同樣冇特別，只係勝在

摸過幾次門釘, 今次終於有幸嚐到有百多年歷史既中村藤吉香港店, 京都旅遊已經試過了, 今次帶埋屋企人黎, 我地下午5點左右黎拎籌, 先去食個早晚飯再回來, 剛好是最後一台入座, 不敢想像抹茶可以係食物上千變萬化, 有機會要試下他們甜品以外既東西, 四個人瘋狂地點咗5種甜品, 真係有啲過份, 聽說食材都係從京都運過來的, 食物水準一流, 完美咁複製京都既風味, 服務員態度友善, 等了又等都像都係值得! 蕨餅當然沽清冇得試, 唯有等待下次。

本身諗住同朋友去19樓食鐵板燒,無位,落下層人氣店中村藤吉碰碰運氣,拎左六十五號票,坐左十分鐘,還是叫到三十幾號,朋友肚餓,唔想等,想走嘅時候幸運之神突然出現,有位女仕手上拎住三十八號票話朋友要遲一小時先到,同我們交換票號,剛巧就叫到三十八,即時入得,超開心,命中注定有得食😁。室內環境十分舒服,地方闊,景觀開揚。一入座,茶就到,飲下茶慢慢揀下嘢食,揀選左腐皮抹茶蕎麥麵定食,宇治金時餡蜜(抹茶),靚景加好心情,食物又有水準,真係超開心,食飽飽還可以係店內買茶,蛋糕,各類綠茶產品回家😜

幾年前，表姐同姨甥女兩母女同遊京都，說去到宇治，阿女迫到佢三餐都抹茶，日日食既野都係綠色，差一點食到連痾返出黎舊屎都係綠色。當時，我仲笑說，抹茶 (綠茶)有乜野可以吸引到女生，或者是迷到女生。但，自從我去了京都，去了宇治一轉之後，我吃了一次最地道的抹茶宴，才真正明白到抹茶的吸引力，抹茶的特色同百搭的變化。當日，在宇治《中村藤吉本店》的抹茶下午茶，令我覺得，抹茶食品/飲品，是值得大家去迷戀的。前一陣子，有一個香港抹茶迷的大喜訊，就是《中村藤吉》在香港開設了他們首家海外分店。不過，我並沒有第一時間搶先報導，因為我是一個不太喜歡排隊的人。我同太太，待熱潮稍為冷卻了一點之後，便找了一個平日一早來到，要排就排，不用排就直入。結果都是要排，但我們拿到的，是8號籌。在樓下等了一小時左右，上樓也等了15分鐘。等待的時間長絕不是人多的關係，而是大家都在等開門。成功上到樓再正式攞等位紙，在等待的期間其實已經可以入店，可以在店內的外帶食品部選購一番。座位一準備好，便會在門口叫號碼。所以，還是留一人在外聽叫 number 好。入到來，全落地玻璃的大餐廳，有90度的好風景，而且整個用餐的空間完全無柱，感覺份外的

紅日Monday，和小夥伴來尖沙嘴逛吃見時間寬裕，我們決定去中村藤吉拔草之前看網評說取號都要排隊，所以當我們來到門口沒見到長龍時 已心存感激15:15時的號是109，而我們的號是229。到220號時，悠悠地從海港城走回The One，再等了十分鐘就輪到我們了，五點半左右入座。這個季節五點半左右入座是個很好的時間，飲啖茶食個甜品 望著窗外的景色從下午到日落到傍晚地變化總體而言，最驚喜的是環境和焙茶，茶味很濃，茶具也很有感覺。希望下次來可以坐窗邊位 並吃到最期待的蕨餅（一般上午就售罄）