中華小館

营业中

休息中

今日係灣仔中華小館試一試炒菜 。入面燈光明亮，室內設計一派中華氣息，加上一幅幅璧畫更顯風味。脆皮鳳梨咕嚕肉外皮鬆脆，祼滿酸甜汁，調味適中，唔會過鹹，梅頭豬肉鬆軟，香味十足。送飯一流。大班兩味蒜蓉蒸斑頭腩蒸得香甜軟熟，但龍躉膠質的特有煙韌性仍然保留。浸滿蒸魚豉油，滿滿魚油膠質淋在白飯上，可謂最佳食法。翡翠炒斑球魚球唔會炒到過淋，肉質仍然有彈性，加上煎過魚皮，使斑球更加香濃，西蘭花更吸滿魚油，更加香甜。啫啫芥蘭上菜時渣渣聲，芬香撲鼻，鍋子仍留在餘溫。使蝦米與豬肉碎的香味滲在芥蘭上，又是一個偷飯小菜。

今日來到灣仔，在附近找了間中菜館食晚飯，無論店舖名稱，還是店內裝潢，都有濃濃的中國色彩，店內座位非常舒適。紫砂功夫燉湯用紫砂茶壺來盛載燉湯，賣相夠吸引，壺內的湯熱辣辣，用料充足，味道非常好味。椒鹽白飯魚白飯魚非常大條而且新鮮，外面炸得脆卜卜，上面灑了椒鹽粉，做小吃很好。脆皮鳳梨咕嚕肉咕嚕肉炸得鬆脆，味道很好，啖啖肉，再加鳳梨咕嚕汁，酸酸甜甜，味道剛剛好。上湯蒜子浸菜苗新鮮的白菜苗，配合清甜的上湯及香軟的蒜子，好好味。

又到晚飯時間,去到灣仔就選這間。青瓜雲耳小食,青瓜脆口,酸酸辣辣使人食慾大增。淮山翠玉瓜核桃百合蝦仁,百合炒得爽脆鮮甜,淮山切得厚薄適中,翠玉瓜爽甜,蝦仁是新鮮貨色,核桃甜甜脆脆味道不錯。XO醬遼參四季豆,四季豆切得細細粒也去了根,吃得方便味道帶有XO醬的辣味,遼參也切得細細粒很爽彈充滿膠質。芝麻鹽焗雞,雞皮的芝麻又香又脆,怕雞皮油膩的我也吃不停,肉質嫩滑,味道很有芝麻香味。脆皮鳳梨咕嚕肉,大廚做到有拉絲的效果,咕嚕肉外脆內,酸甜的平衡做得恰當,鳳梨清甜沒有渣。味道: 可以一試環境: 寬敞衛生: 整潔服務: 尚可價錢: 跟食物質素成正比

晏晝食飯嗰陣聽到人哋已經講緊去邊度玩，而我都仲係留港食晚飯。坐低之後，店員送上小食有青瓜雲耳。🌷芝麻鹽焗雞半隻雞有髀又有翼，雞皮薄身微脆，雞肉冇雪味又唔會乾身。點點醬汁，味道有啲似泰式辣醬。🌷脆皮鳳梨咕嚕肉咕嚕肉的醬汁偏甜，唔太覺得有酸味。咕嚕肉半肥瘦，入口有啲爽。🌷XO醬遼參四季豆驟眼睇以為只有四季豆，其實裏面有粒粒的遼參，遼參軟腍入味，四季豆偏油，味道幾辣。🌷淮山百合核桃炒蝦仁淮山和翠玉瓜爽口；核桃微脆；百合清甜；蝦隻爽身。一碗白飯配幾個小菜，簡簡單單又一餐。

媽咪指定要食中菜，於是聽朋友介紹，就去咗灣仔呢間中華小館，品嚐他們的特色菜品。士多啤梨蝦球士多啤梨蝦球外皮金黃色的，未食已經讓人垂涎欲滴。咬下去的瞬間，外脆內嫩的口感令人驚喜。士多啤梨汁味道清甜，鮮蝦大大隻，口感彈牙，真的令人一口接一口。瑤柱櫻花蝦炒飯炒飯色澤誘人，香氣四溢。米飯粒粒分明，炒得恰到好處。瑤柱同櫻花蝦都有好多，配合些許蔬菜，咬落的層次感非常豐富。最後，都想讚吓呢度嘅茶，鐵觀音好香好濃，回甘持久。既然連茶都咁講究，所以小菜質素就更加唔使講。

平時成日經過呢間中華小館，今日下午茶嚟同朋友一齊食！入面裝修都幾懷舊feel，還有樓上及廂房。下午茶原來可以叫一人雙拼燒味飯套餐。我就叫咗個🌟至尊燒鵝配瀨粉🌟啲燒鵝好Juicy，勁好味。我朋友就叫咗個滋潤午餐🌟脆皮咕嚕肉🌟超級脆口嘅咕嚕肉,酸酸甜甜再加上菠蘿，滋味滿分。🚩兩個套餐都包燉湯🍲係蟲草雞燉湯啊♥️上菜時好特別好似茶壺咁.一揭開非常足料!我覺得佢哋下午茶比較抵食🤭喺灣仔區嚟講算係唔錯.性價比高的中菜。當然他們還有其他小食，款式都多！

剛從外國出差回來，決定來一頓地道廣東菜古色古香的中華風裝修酒家，鄰近灣仔地鐵站，交通方便除了地舖外，還擴張至旁邊酒店一樓的空間，私隱度高，空間感十足木系裝潢，環境舒適，供應點心、燒味等傳統粵式料理融入現代烹調手法，製作新派中菜！茶位費每位$20 ，涼菜涼拌青瓜雲耳口感爽脆紫砂功夫燉湯湯頭濃郁順滑，材料豐富，暖笠笠明爐燒味芝麻鹽焗雞半隻外皮略帶焦脆，滿滿脆口芝麻特色小菜脆皮鳳梨咕嚕肉沾滿醬汁，非常醒胃

餐館裝潢走偏木系主題，環境充滿古色古香既風味，位置鄰近灣仔地鐵站，交通都算幾方便。餐廳有供應點心、燒味等傳統粵式料理，更有融入現代烹調手法既新派中菜。脆皮鳳梨咕嚕肉鳳梨酸酸甜甜令人十分開胃，咕嚕肉充成被芡汁包裹住，不會覺得「死酸」，有種回甜去中和，外皮酥脆口感豐富，梅頭豬肉甘香醇厚。大斑兩味經典海鮮菜式，以兩種不同方式烹煮龍躉。-蒜茸蒸斑頭腩浸泡係蒸魚豉油中，蒸煮方式下魚肉既肉質偏軟熟，入口即融，魚脂和油香味特別顯著。-翡翠炒斑球龍躉魚塊肉質鮮嫩，表面有經煎至金黃，啖啖肉，食落十分滿足。西蘭花在底下吸收到魚肉既肉汁和香氣，特別惹味。啫啫芥蘭一上碟香味四溢，熱鍋上菜一直保持溫度，蝦乾和豬肉粒鋪滿芥蘭底部，加上薑蔥蒜爆香既氣味，令芥蘭吸收到肉汁和香料既芳香，色澤吸晴同時味道濃郁可口。

💿📀喺阿女放學之後，我哋就去到左坐落於灣仔嘅中華小館，選擇喺呢度落實食晚餐。🕹乾逼拆蟹肉粉絲煲………當然要先點呢款特式菜，蟹肉搭配粉絲，鮮美到爆哂口，一嘗難忘。📀🖲 脆皮鳳梨咕嚕肉………💿雖然我唔係咁鍾意食甜嘅，但係啱啱好嘅甜度配上猪肉，整個口感係酸甜適中，畀佢有種獨特風味，好有特色。🕹口水雞📀………. 雞肉的味道鮮嫩，呼呼聲切嚟，一啖口水雞配粒飯，真系醒胃，真係一口口，一啖啖！👍🖲厚切叉燒皇………💿開頭都擔心嚟，怕佢會做得太膩，點剩呢個叉燒皇外脆內柔，取勁得嚟極脆，唔會膩人。其中一口食落口，即刻就有種想再黎一碟嘅衝動。🕹 翅裙邊湯 📀……..講真，未飲之前諗都冇諗過原來海鮮湯底可以燉得咁好飲，份量足劑，湯底味道夠足。食完之後📀📀，阿女食得好滿足，裏邊嘅環境好舒服，好適合家庭聚餐或者伙伴聚會嘅地方。再者，佢地嘅服務好細心，見到我哋有需要都會即刻過嚟幫忙。

📍中華小館😍灣仔高質素中菜👍～蜜汁叉燒皇（例牌）😛嚴選半肥瘦部位😘肉質鮮嫩👍調味亦都做得非常好🥳蜜糖味做得好好☺️～椒鹽魷魚鬚🥳唔講以為係椒鹽鮮魷😘小食嚟講勁大份👍炸得熱辣辣非常脆口😍內裏嘅魷魚酥亦都非常高質☺️～蒜片牛柳粒😍牛柳粒應該炒到七成熟🥳肉質非常之靚😍似安格斯牛肉😘調味亦都做得非常之好🤪勁適合配飯一齊食🤤順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍港鐵灣仔站C出口 步行約1分鐘中華小館 (灣仔)灣仔駱克道128號地舖及1樓

今日放工約左好友到灣仔駱克道中華小館吃晚餐。坐低後侍應就問我們飲咩茶，叫左個鐵觀音，飲住茶睇下食咩菜。今日叫左紫砂功夫燉湯，八味一口豆腐，得獎奶油蝦，紅燒乳鴿，脆皮鳳梨咕嚕肉。紫砂功夫燉湯：五指毛桃加上豬肉同雞炖出來，清甜可口。八味一口豆腐：豆腐炸得夠脆，八味粉更加好味。得獎奶油蝦：蝦肉實肉，奶油醬少少辣非常可口。味道好好。紅燒乳鴿：皮脆肉滑，熱辣辣非常可口。脆皮鳳梨咕嚕肉：甜酸汁醒胃可口，鳳梨鮮味可口。咕嚕肉加上甜酸汁更加可口。

同友好相約到中華小館食晚飯，去到朋友已經點好了鐵觀音可以邊飲邊等齊人再選擇食什麼。人齊後大家選擇了八味一口豆腐，紫砂功夫燉湯，紅燒乳鴿，脆皮鳳梨咕嚕肉，得獎奶油蝦。八味一口豆腐：豆腐外皮脆口，內部嫩滑熱辣辣豆腐加上味粉令到整體口感大十提升。紫砂功夫燉湯：五指毛桃燉湯除了料足夠將豬肉汁雞汁都燉出來。紫砂保溫能夠保持到湯溫度。紅燒乳鴿：外皮脆口，肉質鮮嫩還保留著肉汁。乳鴿唔會太乾，金喉控制都好。脆皮鳳梨咕嚕肉：咕嚕肉唔會過肥亦都唔會太難咬。鳳梨加上酸甜汁也很令人胃口大開。得獎奶油蝦：果然是得獎菜式，先講蝦。蝦肉爽口彈牙，肉質好，入口鮮甜海鮮味。奶油汁有著喇沙的影子。香口得來帶半點辣味。

朋友返到香港好想食中菜，想去到中華小館餐廳有2層，有升降機到2樓，入到店內中式典雅，有包箱適合一班朋友或同家人飯聚待應服務殷勤，好快送上前菜養生桂花淮山前菜有桂花淮山，淮山爽口配上撲鼻幽香桂花蜜紫砂功天燉湯用紫砂壺上湯，打開茶壺五指毛桃瘦肉，入口清甜甘香，慢慢倒落茶杯飲，好方便而且保溫燒味雙拼叉燒拼燒鵝，叉燒燒得香口juicy，入口蜜汁香濃，而燒鵝皮脆肉滑鵝肉無羶味，肉質唔會鬆散，燒鵝皮下脂肪唔多，入口唔會有油淋淋感覺，好食到停唔到口乾逼拆蟹肉粉絲煲粉絲煲未上枱香氣四散，粉絲粉得好乾身香口，配上鮮甜蟹肉一齊食，好惹味Overall 食物質素甚高，難怪朋友返到香港一定食中菜

今日約咗啲姊妹嚟呢度聚會。舖頭裝修係復古中式風格，可以品嚐到傳統酒樓嘅味道，店員服務態度好好，服務好貼心周到～功夫湯 用嘅係赤肉熬煮嘅，可以感受到店家用心熬煮咗幾個鐘嘅味道，湯底好濃郁，用料十足又鮮甜，每一啖都係精華。燒味雙拼叉燒同燒鵝。叉燒有燶邊超正，甜甜地，超級香口，肥瘦相間，忍唔住一舊接一舊🤤肉質好嫩，食完都唔會覺滯。燒鵝都好味啲皮燒到脆卜卜，入口濃香，鵝肉嫩滑，一吃就會愛上這味道🤭主菜我哋揀咗乾逼拆蟹肉粉絲煲。滿滿嘅蟹肉，真係份量十足！蟹🦀粉絲吸收咗煲底嘅精華，食落去每一口都係海鮮嘅鮮味，真係讓人食得意猶未盡😍最後仲加咗個燒汁木魚花茄子，茄子燒得外脆裡嫩，配上木魚花嘅鮮香，味道豐富，食落去回味無窮。家庭聚會或者同朋友聚餐都好啱。地方好大又乾淨企理，最緊要梗係啲嘢食好好食😋

幾個朋友聚會，我會較喜歡吃中菜，一來座位安排比較適合聊天，二來可以試多點美食，不過大家都有疑問，想吃特別的中菜小店，到底有什麼推介? 今晚和朋友試過後，就可以推介這間位於灣仔，很有水準的中菜餐廳了。爽脆泡椒魚皮$78用新鮮魚皮，經過特殊處理後變得爽脆，泡椒為其調味後，有一種肉眼看不出來的辛辣，和爽脆的口感十分夾。紫砂功夫燉湯$78和朋友一致讚賞這燉湯，放在紫砂壺內可以保熱很久，蟲草花燉豬肉，湯頭十分鮮甜濃郁，不油膩，份量也不少，一人足夠滿足。叉燒燒鵝雙拼$268可以自選兩款燒味雙拼，我們選了叉燒及燒鵝，喜歡燒味的朋友，真的要試，首推燒鵝，皮薄脆而鵝肉嫩香，十分出色，而叉燒亦肥瘦適中，加入適當蜜糖調味，不會太甜膩。乾逼拆蟹肉粉絲煲$248粉絲煲也有驚喜，粉絲爽口乾身，入口有豐富香味有鑊氣感，蟹肉不是一絲絲而是一塊塊，可見蟹肉本身肥美，口感更佳。燒汁木魚花茄子$98這也是一道高度推介的小菜，酥炸過的茄子，外層包著惹味的醬汁，及木魚片增加口感，而咬下去柔軟多汁，層次豐富，令平平無奇的茄子，有著創新的味道。平日晚上餐廳也滿座，可見它的品質高而受歡迎，建議來吃先訂位，尤其是大夥兒。