中華小館

营业中

休息中

今次同屋企去灣仔食晚餐，粵菜嚟講真係唔錯。前菜有青瓜同木耳，清爽開胃。我哋先叫咗蜜汁厚切叉燒皇，個樣好吸引，食落果然冇令人失望。叉燒肥瘦分佈均勻，脂肪入口即溶。加埋蜜汁，每一啖都係享受，令人回味無窮。再嚟係香芒大蝦球，蝦球大大粒，搭配蘆筍同青瓜，口感好好，清新又唔膩。蒜蓉炒豆苗，翠綠又爽口，健康又好食，適合老人家。雜菌炆伊麵，伊麵吸收哂所有精華，食落去雜菌味香氣四溢。甜品有紅豆沙湯丸，餐廳用咗我至愛嘅芝麻湯圓，紅豆沙亦有好重陳皮味，仲加咗白果，誠意十足，我哋食到好滿意。仲有木糖醇水蜜桃，清甜可口，食完令人好滿足，適合收尾。

同朋友中華小館，餐廳環境舒適，服務員好友善，讓人一入去就覺得好放鬆。青瓜木耳，$20簡單但味道非常清新。醬汁清爽，特別適合開胃。椒鹽白飯魚，$88白飯魚炸得金黃酥脆，撒上椒鹽好香口。魚肉鮮嫩，食落完全唔油膩。脆皮鳳梨咕嚕肉，$188咕嚕肉嘅外皮微脆，裡面肉質嫩滑，配上甜酸嘅醬汁，鳳梨嘅香甜同咕嚕肉嘅咸香形成完美平衡，可減去肉嘅膩感。蒜茸炒白菜仔，$108蒜茸炒得香氣四溢，白菜仔清脆，完全保留咗新鮮感，係一個健康嘅選擇。

灣仔呢間中菜館的裝修頗漂亮，很有氣派，很適合請客食飯或者家人朋友聚餐，魚缸有好多新鮮靚海鮮，好多選擇，餐廳內裡的樓底很高，不會有焗促的感覺，而且陳設都很漂亮，牆上的掛畫亦有畫龍點睛的感覺，座位寬敞舒適，餐桌和餐具均乾淨整齊，黑松露海鮮蛋白炒飯份量很多，一大碟，一上桌已經聞到濃郁的黑松露香味，而且炒飯夠乾身，粒粒分明，配有滑嫰的蛋白和彈牙的蝦仁，配料還有菜和洋蔥，炒得很有水準。侍應招呼殷勤有禮，茗茶亦水滾茶靚。

中華小館前菜餐廳安排嘅前菜係青瓜同木耳，搭配清新爽口，木耳脆口，青瓜清甜，前菜都已經令人開胃到停唔到口。蜜汁厚切叉燒皇蜜汁厚切叉燒皇肉質鮮嫩，一層脂肪令叉燒更滋潤多汁。蜜汁嘅甜味恰到好處，外層烤至微脆，非常巧手，有層次感，令人一口接一口。香芒大蝦球香芒大蝦球令視覺同味覺都得到雙重享受，以包住一層芥末嘅蝦球，放上一片青綠嘅青瓜，再以一條蘆筍放上面點綴。口感外脆內嫩，搭配香甜嘅芒果醬，令人食指大動。蒜蓉炒時蔬蒜蓉炒時蔬，我哋揀咗豆苗，蒜香撲鼻，保持咗蔬菜吧口感，簡單，健康又美味。雜菌炆伊麵雜菌炆伊麵嘅雜菌香氣濃郁，各種菇類口感彈牙，而伊麵質感滑潤，滋味深厚。糖水係紅豆沙湯丸，芝麻湯圓柔軟，紅豆沙甜度適中，當中陳皮味突出，令人心滿意足。甜品木糖醇水蜜桃，清新可口，水蜜桃自然甜味搭配冰涼口感，既可作為飯後果，又可作為甜品。中華小館佈置充滿特色，食材講究，展現咗廚師嘅創意，餐廳經營嘅用心。

約埋好友共敍晚飯在交通便利的「中華小館」，飯館鄰近灣仔鐵路站。玄米茶~我喜歡玄米茶，呷一口茶味清新順滑的玄米茶，頓感疲勞盡消。涼菜~涼拌青瓜雲耳微辣爽脆，令胃口大胃。黃金鍋巴~很甘香酥脆的鍋巴。椒鹽魷魚鬚~咬開脆漿，是爽滑的魷魚鬚，一脆一腍滑，是很美妙的口感。咕嚕鳳梨黑毛豬肉~甜甜酸酸醬汁包裹鮮味嫩滑豬肉，味道好又醒胃。豉油王龍鬚炒麵~魷魚鬚彈牙，麵條爽滑與滿滿豉油王香味，是一道不折不扣的冶味炒麵。紫砂功夫燉湯~清香四溢的五指毛桃瘦肉，能清肝潤肺，四季佳宜飲用。香芋紫心丸~皮脆、軟心、香糯。

灣仔駱克道上的中華小館，以其獨特的風味和雅致的環境吸引著每一位食客。餐廳內部裝潢精緻，燈光柔和，為用餐增添了幾分浪漫氣息。服務員態度親切，細心照顧每位客人的需求。座下後，餐廳先送上小食，醋香云耳青瓜，酸爽口感中帶著青瓜的清脆，云耳脆嫩，開胃又健康，可以一邊作為小食一邊點菜。佛山燻蹄，面上灑有芝麻，皮帶點脆肉嫩，口感爽中帶軟，是一款美味的一道小食。脆皮鳳梨咕嚕肉，外皮酥脆，肥瘦適中，內肉多汁不鞋，味道酸酸甜甜，鳳梨新鮮帶酸甜，美味又剛好解去咕嚕肉的滯，整道菜非常惹味。碧綠雲耳淮山炒百合，口感層次豐富爽脆，百合清甜爽，淮山粉糯剛好熟，及帶著特有的軟嫩帶爽的口感，云耳和青紅椒的加入更是色彩繽紛，健康又美味。在中華小館，不僅是一個用餐的地方，更是一個讓人放鬆心情，享受美食的絕佳場所。

與友難得相聚，一於食好啲！來到灣仔呢間「中華小館」，一試精緻的中菜，確實無選擇錯！蜜汁厚切叉燒皇：叉燒色澤金黃，表面油亮，散發著蜜香和煙燻味。每片叉燒厚實多汁，肉質柔嫩，蜜汁的甜味與豬肉的鮮香相當融合，好吃得停不了口！翡翠炒帶子蝦仁：食材色彩配合得宜，令人食慾大增。帶子和蝦仁新鮮，口感彈牙。時令西芹爽甜，增添了清脆的口感。整道菜油而不膩，海鮮的鮮甜與蔬菜的清香相得益彰，感覺好清新！碧綠淮山雲耳炒百合：淮山的質地脆嫩，雲耳的滑順搭配百合的清香，帶來了豐富的口感層次。整道菜的味道清新，適合喜愛清淡飲食的人士，且營養價值高，顯得健康又美味。啫啫芥蘭煲：採用獨特的啫啫煲烹調技法，將鮮嫩的芥蘭在高熱下快速煮熟，保留了其脆嫩的口感，上菜時除會發出「啫啫」聲效外，惹味香氣撲鼻而來。整道菜的味道濃郁，搭配米飯，讓每一口都充滿了豐富的層次感，適合喜愛濃味的朋友一嚐。惹味酸菜魚：魚片嫩滑，酸菜帶來微酸的風味，與香辣的調味相結合，形成獨特的口感。湯底鮮香濃厚，窩內其他配菜吸收香甜濃湯，份外滋味。屬「廚師推介」這道酸菜魚，確實讓人能夠充分體驗魚的鮮美和酸菜的爽口，值得一試。醬烤欖角骨：外焦內嫩，醬料入味，肉質

今晚同朋友聚會，硬係搵間有質素嘅食肆，我哋就揀咗喺灣仔嘅中華小館啦！我哋一坐低，桌上的紫砂餐具🍽️，很有特色！前菜拍青瓜醒胃爽口，我哋就立即點咗幾個特色小菜來醫肚。 ‎蜜汁厚切叉燒皇😍賣相不俗，厚切的叉燒有咬口，肉質嫩滑，入口溶化，味道恰到好處！醬烤欖角骨顧名思義，醬汁包住大大件嘅排骨，炸粉一D都不厚，外面炸得金黃色，一咬落去先嘗到鬆脆多汁的炸粉，再咬，肉質嫩滑，味道一流，正😋😋極力推介👍啫啫芥蘭：一放上枱，即刻傳來陣陣香氣，用砂鍋裝住既傳氣又耐熱，芥蘭配以蝦乾肉末，真正夠曬鑊氣！翡翠炒帶子蝦仁不過不失，味道雖然清淡，但西芹炒得脆綠，蝦仁爽，帶子鮮甜！ ‎惹味酸菜魚大大鍋，裏面放了很多酸菜和魚，還有最惹味的花椒，味道帶點微辣，酸酸辣辣，確實令人食指大動🤣🤣 ‎中華小館不論環境、食物和服務都頗有水準，大家可以一試😄

上星期和朋友到灣仔食晚飯，他介紹我們去中華小館，說味道很不錯，我們幾個人就去試試，餐館不是很大，但人氣好旺。蜜汁厚切叉燒，燒得紅潤帶光澤，果然相當厚切，肉質緊緻香滑，口感很好，一點乾柴感都沒有，蜜香味濃郁，真的很好味，一定要試。翡翠帶子蝦仁，蝦仁夠大隻，好爽脆，帶子鮮味，芹菜新鮮脆口，整體食味配合得很好，調味也不錯。醬烤欖角骨，份量都幾多，看到都想即時起筷，醬烤十分香口，欖角味香濃，肉質軟滑，外面微脆，內面香軟，這個值得推介。啫啫芥蘭煲，熱辣辣香噴噴，有聲有畫，令人食慾大增，芥蘭乃十字花科植物好有益，蝦乾好香，又惹味，芥蘭菜鮮嫩，火喉剛好，不硬亦不會太軟，抵讚！惹味酸菜魚，好大盤，份量足，魚片嫩滑，酸中帶微微辣，相當惹味，加上菊花、蔥花鋪面色彩豐富吸引。中華海鮮炒麵，令人有點驚喜，沒想到是那麼多料，有蝦，有帶子，又有鮮魷等，炒麵底夠香脆。

之前在自媒體中看到這裏的介紹，心裏一直想到來這裏一試，今晚終於有機會。店內環境裝修非常有中國特色，座位雅緻。紅燒乳鴿$88，乳鴿的尺寸不算很大，是正宗的乳鴿，皮脆肉嫩， 滷水味道香濃，加些淮鹽可以增加味道層次，又可以帶起乳鴿的香味。淮山百合合桃炒蝦仁$198，蝦仁爽口彈牙，合桃香脆可口，百合清甜美味，淮山健脾，全部都是爽脆可口，清淡得宜。啫啫唐生菜$138，店員會先在客人面前撈勻醬料和生菜，因為鐵煲的緣故，可以令到生菜和蝦乾的味道更加均勻。蝦乾尺寸頗大，醬料香味十足，令到生菜的層次更加豐富，是健康蔬菜之選。

今日係灣仔中華小館試一試炒菜 。入面燈光明亮，室內設計一派中華氣息，加上一幅幅璧畫更顯風味。脆皮鳳梨咕嚕肉外皮鬆脆，祼滿酸甜汁，調味適中，唔會過鹹，梅頭豬肉鬆軟，香味十足。送飯一流。大班兩味蒜蓉蒸斑頭腩蒸得香甜軟熟，但龍躉膠質的特有煙韌性仍然保留。浸滿蒸魚豉油，滿滿魚油膠質淋在白飯上，可謂最佳食法。翡翠炒斑球魚球唔會炒到過淋，肉質仍然有彈性，加上煎過魚皮，使斑球更加香濃，西蘭花更吸滿魚油，更加香甜。啫啫芥蘭上菜時渣渣聲，芬香撲鼻，鍋子仍留在餘溫。使蝦米與豬肉碎的香味滲在芥蘭上，又是一個偷飯小菜。

今日來到灣仔，在附近找了間中菜館食晚飯，無論店舖名稱，還是店內裝潢，都有濃濃的中國色彩，店內座位非常舒適。紫砂功夫燉湯用紫砂茶壺來盛載燉湯，賣相夠吸引，壺內的湯熱辣辣，用料充足，味道非常好味。椒鹽白飯魚白飯魚非常大條而且新鮮，外面炸得脆卜卜，上面灑了椒鹽粉，做小吃很好。脆皮鳳梨咕嚕肉咕嚕肉炸得鬆脆，味道很好，啖啖肉，再加鳳梨咕嚕汁，酸酸甜甜，味道剛剛好。上湯蒜子浸菜苗新鮮的白菜苗，配合清甜的上湯及香軟的蒜子，好好味。

又到晚飯時間,去到灣仔就選這間。青瓜雲耳小食,青瓜脆口,酸酸辣辣使人食慾大增。淮山翠玉瓜核桃百合蝦仁,百合炒得爽脆鮮甜,淮山切得厚薄適中,翠玉瓜爽甜,蝦仁是新鮮貨色,核桃甜甜脆脆味道不錯。XO醬遼參四季豆,四季豆切得細細粒也去了根,吃得方便味道帶有XO醬的辣味,遼參也切得細細粒很爽彈充滿膠質。芝麻鹽焗雞,雞皮的芝麻又香又脆,怕雞皮油膩的我也吃不停,肉質嫩滑,味道很有芝麻香味。脆皮鳳梨咕嚕肉,大廚做到有拉絲的效果,咕嚕肉外脆內,酸甜的平衡做得恰當,鳳梨清甜沒有渣。味道: 可以一試環境: 寬敞衛生: 整潔服務: 尚可價錢: 跟食物質素成正比

晏晝食飯嗰陣聽到人哋已經講緊去邊度玩，而我都仲係留港食晚飯。坐低之後，店員送上小食有青瓜雲耳。🌷芝麻鹽焗雞半隻雞有髀又有翼，雞皮薄身微脆，雞肉冇雪味又唔會乾身。點點醬汁，味道有啲似泰式辣醬。🌷脆皮鳳梨咕嚕肉咕嚕肉的醬汁偏甜，唔太覺得有酸味。咕嚕肉半肥瘦，入口有啲爽。🌷XO醬遼參四季豆驟眼睇以為只有四季豆，其實裏面有粒粒的遼參，遼參軟腍入味，四季豆偏油，味道幾辣。🌷淮山百合核桃炒蝦仁淮山和翠玉瓜爽口；核桃微脆；百合清甜；蝦隻爽身。一碗白飯配幾個小菜，簡簡單單又一餐。

媽咪指定要食中菜，於是聽朋友介紹，就去咗灣仔呢間中華小館，品嚐他們的特色菜品。士多啤梨蝦球士多啤梨蝦球外皮金黃色的，未食已經讓人垂涎欲滴。咬下去的瞬間，外脆內嫩的口感令人驚喜。士多啤梨汁味道清甜，鮮蝦大大隻，口感彈牙，真的令人一口接一口。瑤柱櫻花蝦炒飯炒飯色澤誘人，香氣四溢。米飯粒粒分明，炒得恰到好處。瑤柱同櫻花蝦都有好多，配合些許蔬菜，咬落的層次感非常豐富。最後，都想讚吓呢度嘅茶，鐵觀音好香好濃，回甘持久。既然連茶都咁講究，所以小菜質素就更加唔使講。