串王之王 - 正宗成都串串火鍋 (已結業)

經友人介紹黎左串不之王食晚餐🤡食物選擇上都算手多而且湯底都好正宗好夠味。味道上都好滿意而且食物會不定時放出黎價錢上都合理，食到咁既食物品質都覺得OK🤡服務都有頭小半自助既形式適合中意自己揀食物既朋友

$198兩小時串串火鍋放題，配料選擇都幾多，有各式丸類、蔬菜、肉同海鮮。七個人開左兩個爐，湯底一邊係麻辣加菇，另一邊係沙嗲加藥膳，我主攻後者，沙嗲湯底唔夠濃，藥膳材料就好豐富，而且冇咁油。 配料之中，魚同魷魚都唔錯，仲有黑色嘅墨魚腸，口感都得意。一串串咁淥都幾有趣，由於一串得一舊配料，不知不覺就食左好多串

這家店是以90分鐘收費的，店員不斷催促落湯底，下了單後 足足遲了20分鐘才上了湯底 ，即我們還有60分鐘去享用晚餐，服務員沒有為服務延誤補償相應時間給客人用膳，是很不應該的。其間服務員態度不好，反應慢，沒有主要介紹食物位置及形式。我們只吃了一輪的食物，已經要求我們埋單，而埋單時還有15分鐘，10分鐘催一次，5分鐘又催一次，連最後撩牙齒時還催一次。整個過程是不享受的，地方亦坐得不舒服，食物質素普通，只是一般打邊爐的食品，連肥牛亦沒有提供。但收費需要接近300多一位，小食 酥肉是需要另外收費的。

近排係youtube 見到有得任食串串，於是就同朋友一齊。依家串串鋪，有很多唔同嘅食物比你選擇，每一串都是少少的，可以食到不同嘅食物，鍾意食幾多就攞幾多。麻辣湯底方面，都幾夠味，夠麻，對於我中意食麻辣來說，都叫不錯。而且我哋仲叫咗一個酥肉，非常好吃，夠脆夠熱。必定要試！環境都舒適，員工的服務都唔錯有禮。

其實之前去深圳已經見過很多地方吃串串！因為以前在香港未見過，所以特別感好奇！之後巧合見到尖沙咀都有串串鍋，便約朋友來試試！串王之王晚上是$248放題任食任飲，一班人來烚下串下的確不錯！有搞笑濕紙巾和紙巾提供！餐具和環境都很有復古風！湯底有5款可選，可鴛鴦湯底！我們選了藥膳和沙嗲，藥膳湯養生，沙嗲很惹味！每枱都有托盤，拿出去在雪櫃自取食物！各式各樣的串串，有肉類、海鮮類、腸類、丸類等等。上層有各種蔬菜和粉面。最下層有不同的小碟例如炸魚皮、魷魚、青口、鴨血、牛栢葉等，不過是限時的！醬料也有很多，很有成都風味！店員推介成都特式的香菜配牛肉！這裡的串串牛肉都經過醃製，很稔，起初以為會好辣，竟然沒有，是香料味比較重！我之前已經好想試的風琴豆腐，這裡也有！吸湯一流！飲品種類也不少，有盒裝、罐裝，也有一jar jar的！也有椰汁雪燕做甜點，清甜解膩！

一直都好愛麻辣火鍋，有聽過成都有特別嘅食法，就係串好曬啲火鍋料。估唔到香港都有得玩了。我同朋友揀咗麻辣湯同蕃茄，嘩一黎就好大陣味，係牛油個種。湯嚟嘅時候，會送一份前菜。涼拌青瓜，係我鐘意帶酸個種😭趁個湯未滾，我地就衝去拎野食。估唔到又幾多款。同埋係少見嘅。有老闆娘蛋餃-食落好特別，入面有啲爽碎嘅菜，都幾好食。仲有海鮮-大大粒扇貝肉小群肝，雖然唔知係咩黎嘅，但值得一試。最開心，有王老吉飲，真係好似返咗大陸咁。

It was my second visit and I am really disappointed.. Food looks from yesterday.Basically all food was old and not fresh. they are selling this food $288 per person for all you can eat. I can say food and quality worth $100-120. Very overpriced and I felt there is no consideration for customers. I won’t go there anymore and I wonder how long this restaurant will last with this deceitful deals.

難得遇到個岩傾既同事，但佢要quit la仲同我裸辭😢😢今餐就當同你踐行，希望你快啲搵到份好工，帶埋我走🤣__________________________食成都串串湯底緊係要麻辣，不過有時食菜唔想咁辣就叫左個麻辣／藥膳鴛鴦湯底叫左小辣，但覺得唔多夠辣，比較偏咸.食成都火鍋，一定要有油碟同干碟油碟係好香既芝麻油，干碟係干辣椒碎油碟可降溫解辣，可以一淥完就食得，而且更香，之後再蘸少少干碟就perfect 啦佢地個油碟係一瓶瓶包裝好的，感覺好衛生.食物款式有超多款式，大部份已經串好喺雪櫃任攞唔適合串起既食材放喺最下面，全部會定時補新款式有別於一般火鍋，但好岩配麻辣鍋例如有鵝腸，鴨血，牛肉韮菜卷，米糕，黃喉，黑牛栢葉，蛋餃，台灣墨魚腸等等，實在太多啦!!.食串串最開心就係啲野熟既時候，拎起支串串就可以一件不少咁食晒佢平時打邊爐啲料成日一去無回頭，都唔知係沈左底定畀人偷食左，真係灰到爆！.餐牌上其實重有啲特色小食可以叫，好似解辣冰粉，串王酥肉，紅糖糍粑等等，不過要另外收費我就食到好飽剩係試左個糍粑，都幾煙靭，大食既朋友推薦食！

上次睇youtube介紹串串火鍋幾吸引，今次終於來試下。$248 放題任食點了鴛鴦湯底，分別時麻辣小辣及番茄湯底然後店員會提供托盤出去拿食物，大部分是一串串，少部份放在碟，有紫薯寬粉很有趣。飲品種類都好齊全。拿了午餐肉、豬頸肉、金菇肥牛、冬菇、風琴豆腐等等，材料都算新鮮。更有限時的響鈴，魷魚、蓮藕等。廚房會有限定配料，手快有手慢無，大蝦就是其中一樣，響鈴也是。一串串放在火鍋裡很有趣，麻辣有香辣，而番茄湯底幾香濃。有美味的芝士腸、芝士豆腐、芋頭、冬菇味道也相當不錯。而蝦的質素也很高，爽甜彈牙。

第一次來食今次係午餐時間，人流唔多，坐得舒服叫左 鴛鴦湯， 蕃茄 湯夠濃，好食，麻辣夠味，正食物款式都好多，味道都好好，不過忘記影相服務態度好，今次真係值得一讚！下次有機會會再來食過

早前見到YAHOO做團購又見到大家對呢間既評價甘好 都忍唔住叫同學一齊試新野 舊年去完成都同重慶後返到香港非常想重溫成都既辣 好在呢間冇失望 同我你成都食既口味差唔多 我覺得佢地小辣係成都既微辣 鐘意食辣又鐘意挑戰既可以試下中辣 萬一真係太辣就加麻油去中和下 所以都唔駛擔心會唔會叫錯食物方面種類唔算太多 可能係因為人手同埋盤唔太夠啦 所以好多野都食唔到 呢道就有少少失望 希望下次去有改善啦任飲野飲除左有基本野外 我仲見到有佢地既自己整既花茶 如果唔鐘意飲可樂之類 係絕對可以諗諗

上網見到呢間串串火鍋店，覺得好特別，放工就同friend黎左試下。呢到係放題形式的。首先會有個青瓜小菜。呢個小菜都有啲辣架。跟住店員叫你選擇湯底，可以揀一種湯底或者鴛鴦鍋，咁我地就揀左麻辣同藥膳湯。只係叫左微辣湯底已經好辣，唔算太識得辣嘅人可以揀呢個。麻辣湯底好香，而藥膳湯底味道都好濃郁。基本上就咁擺喺湯入面錄熟啲食物已經好夠味。呢到有啲食物係其他地方較為少見，例如牛肉包芫茜，牛肉包韭菜，都頗特別。呢到幾乎每樣野食都係一串串咁樣，可以拎住支竹籤直接食，風味十足。最後，呢到有正宗嘅青花椒油，可以取代醬油，點青花椒油食又有獨特嘅風味，個人覺得可以令食物味道更加突出，不過就較為油膩。

成日上深圳東門見到人拎住一杯杯超多的竹籤就覺得好爽好想試下. 但又驚衛生問題加埋拎住係街邊食好唔方便，所以始終冇試過. 呢日朋友生日有人就提議去食尖沙咀間串王之王-正宗成都串串火鍋，就去試下有幾正宗～間鋪唔係好大，但啲位就好寬敞，我地仲有幸坐到最近雪櫃張檯，所以好方便. 一坐低就每人分發一條圍裙上面印坐比堅尼好搞笑，對於我地粗心大意既朋友黎講圍裙係好有用～之後店員會教你係香料吧調香油碟/乾碟，有蠔油，蔥，蒜，辣椒等，仲有一罐罐獨立包裝嘅麻油比你拎 一啲都唔慳料.我地一行6人有2個鍋 可以揀4款湯底，我地就揀左必試麻辣，沙嗲，藥膳，菌王. 然後就可以自己出去拎野食～ 呢度係$248 120分鐘任飲任食放題，除左基本火鍋配料仲有好多出面少見啲既成都特式菜. 例如剝皮魚，鴨紅，粉耗子，香葉牛肉等. 特別推介一下剝皮魚！ 好滑冇骨唔腥好好食，我諗我一個人食左10串剝皮魚. 湯底全部都好濃唔洗點其他香料都已經好好食，因為我唔太好辣所以比較中意沙嗲同菌王湯底，其他朋友就堆晒係麻辣果邊，早知點兩個麻辣冇咁逼～ 咁一串串食真係幾方便，唔洗驚沉左底撈唔番，同堆望住一大堆食左既竹籤係前面真係好過癮好有滿

為好友慶生，選了她最喜歡的成都串串火鍋放題，有她最喜而香港少見的豬腦吃，不用返內地也可吃到地道風味~先選了番茄及藥膳湯底~再按個人喜好自調調味料，除了芫茜、花生、辣椒粉、蒜蓉、蔥花等，還有該店獨家的青花椒油及特製油碟，令食材更香口，生色不少~食材選擇繁多，眼見約有50多款可選~眾多食材中，大家最愛魚蛋年糕，外層口感彈牙，內層年糕有流心效果，煙韌軟糯，盡收湯底的鮮香味，口感味道極佳; 個人最愛黑椒脆皮腸，肉香甜美多汁，同時滲出黑椒的辛香，香口惹味; 朋友最愛豬腦，補腦益氣，嫩滑綿密，味道獨特，不感油膩!鴨血，口感細滑，味道香口; 生牛肉拌生雞蛋，醃得入味，肉香味濃，鹹辣惹味; 鴨舌，軟滑彈牙，鹹香味美; 墨魚腸，肉汁豐盈，墨魚鮮香味突出; 肥牛肉，盡索湯汁，份外惹味~墨魚，鮮爽彈滑，嚼勁十足~蔬菜，除了常見的娃娃菜、鮮冬菇、金菇、甜香多汁的粟米等，還有少見的帝王菜及秋葵，營養豐富，新鮮味美~ 獨特的食材加上自家製醬料，打造出別樹一幟的美食~ 朋友非常滿意這餐生日飯呢!P.S. 有圍裙提供，以防弄髒衣服~ 朋友剛好紥了孖辮，與印有紅領巾的圍裙很合襯~

今日黎到尖沙咀食串王，都係因為老虎🐯鍾意食麻辣同埋鴨血既原故。之前聽過佢係逐枝籤計錢，宜家轉左就係有任飲任食....計落就坻左好多。串串既由來都係黎自國內重慶，當然呢度一定無國內咁平，但係佢既食物都有啲似國內有果啲，而唔係一般港式打邊爐。好似有蛋餃、鴨血、窩蛋牛肉、羊肉、毛肚、鴨舌之類.....野飲都多元化，有解辣既椰汁、加多寶，汽水等等（全部任飲）食物水準可以，怕太辣佢都有啲麻油提供，聽講係用黎解辣。唯一要請下個環境，如果兩人黎坐細枱都幾辛苦，鍋又大，所以擺料既位好少。兩個人黎食就要考慮下。佢另外一啲要收錢既配菜都吸引...例如凍涼粉、炸芭滋配奶油、凍魚皮。餐廳限時2小時，都幾準時叫人走。宜家有早鳥優惠7時前走就2人同行1人半價，呢個優惠都幾吸引。