丼吉日式吉列豬排專門店 (The ONE)

营业中

休息中

平常也有吃丼吉，今天大約六時半打算入座，眼見不多人，但門口一位女職員，短頭髮很沒禮貌，沒招呼還叫我們到門口取票，還說只有outdoor可坐，那不是，但沒人等位的情況下，他也是愛理不理的叫我們取票，然後就再沒安排我們入座，結果當然是走了，不想貼錢買難受

蔡瀾先生推介開啲野本來肥豹就麻麻地😂🦭不過呢間真係英雄所見略同🦭呢間鋪仲要白飯、椰菜任裝😋🦭直接一句：「鬆而不膩，脆而不乾」。今次肥豹試左🦭1. 吉列豬扒、豬柳、大蝦定食所有野都炸得好好👍🏻鬆脆得黎又唔油（就算油隔網隔起左都冇油滴），邊件炸物都係咁正👍🏻講個秘密比大家聽🦭啲豬柳好食過豬扒，係再juicy同嫩身啲。白飯用珍珠米，任裝唔嬲🦭係食之前會比碗芝麻你慢慢磨🦭鮮磨芝麻真係香到不得了😋🦭成個定食真係好高質🦭2. 吉列生蠔蠔黎講真係嫩得黎又juicy👍🏻配埋他他醬同埋檸檬，每次食定食一定要加埋🦭豹言豹語:食日本野除左食新鮮外，其實服務同儀式感都好緊要❗️有別於其他餐廳，肥豹好享受佢將啲炸物🦭一舊一舊咁放係個油隔網上面，就好似食懷石料理咁👍🏻佢仲有好多醬去簡，肥豹最中意就係佢個隻厚身豬扒汁🦭你試過就知😋不過有樣野可惜既係🥲見唔返佢個咖哩飯，如果唔係真係食佢個飯都食窮佢間餐廳😂

今日帶左家姐來食呢間美味炸物餐廳，美食要同至愛人來食，更加享受。一入門口，職員安排一張大卡位比我，服務態度非常好，有禮貌同友善，我夜晚7點幾到，餐廳大約已坐滿2/3人，之後都不停有人進入，我同家姐叫左個2人餐，豬扒，豬柳同炸帶子。落單後，大約5分鐘，職員會送上芝麻，要自己磨，好香同好脆，都玩左一陣😆主菜終於到啦，職員送上麵豉湯同日本珍珠米飯，見到炸物，口水都流埋🤤🤤職員仲細心提醒，帶子要快食，因為會出水，我地影左陣相再食，真係有少少出水情況，所以大家無學我地相機食先😂😂一上菜要即食，炸豬扒一如以往甘高質，炸豬柳比較嫩同有肉汁，配咪新鮮爽脆日本椰菜絲食，好滿足，我同家姐都食得好開心，希望下次再來食啦!

今日Lunch試下食呢間，不錯👍🏻👍🏻吉列豬扒口感唔會太硬，啱啱好，配合埋個椰菜感覺冇咁油膩，一個定食嘅份量啱啱好，夠飽肚。而侍應服務service都好好，好有禮貌。

叫咗一份二人餐😋已經包括左1塊豬扒+2舊豬柳+2舊蠔🫶🏻豬柳比豬扒好食好多😆豬柳保留到啲肉汁🫶🏻🫶🏻入口鬆化不油膩吉列蠔超出色🦪入口爆汁，無腥味豬扒相對就有一點點失色🥲有啲啲太乾身，無晒肉汁整體都好滿意因為手磨芝麻加燒汁好香點黎食令味道好豐富加上椰菜都係無限refill變相食到有啲膩果時有椰菜中和返加上成日出街都小食菜咁就可以乘機食多啲菜😆👍🏻建議大家滴幾滴燒汁響菜到食味道得到大幅度提升

今日叫咗兩個定食，一個係吉列豬扒定食，另外一個係吉列黃牛炸蝦定食呢度個豬扒不嬲都好食，炸漿係好蓬鬆同好鬆脆，無論炸豬扒、炸蝦定係其他都係高水準吉列豬扒唔會揸得太硬，蝦好大隻，有蝦味，值得講一講嘅係講吉列和牛，本來諗住係吉列和牛，會炸到好老，點知呢度個和牛粒揸到入邊係粉紅色，非常鮮嫩，仲要好重牛肉味，一食就知道冇叫錯至於椰菜同白飯係任食嘅，最鍾意係佢個紫菜醬汁食完定食之後，店員仲會送上西瓜，解一解熱氣，呢啲就係日本餐廳的細心之處

沙律菜好好味，仲有兩種自家製沙律汁🥗,有別其他店。吉列豬排好好味，外脆內軟，飯都好好味，沙律和白飯🍚任添,好滿足😋我叫了二人前,有豬扒,豬柳和炸蠔,滿足了等一次食的慾望👍🏼

丼吉日式吉列豬排專門店地址：尖沙咀彌敦道100號The ONE 4樓L401舖自從屋企人N年前帶我食過之後就愛上咗呢間餐廳啦😘，呢㗎疫情關係太太太耐無去日本旅行🇯🇵，突然好掛住日本美食，一於又再去幫襯，嘆番個邪惡吉列豬扒先😈！鹿兒島特等厚切豚肉定食🐷🍱$338作為鹿兒島豚頂級豚肉之一，呢到嘅吉列豬扒真係還原日本味道！吉列豬扒真係做得好好好好好食😍， 豬扒唔單止好大塊，肥瘦比例好平均，而且炸粉炸外脆內軟，咬落口啖啖都有油脂味，肉質唔鞋好重肉味好Juicy🥰，無論係豬控肉控嘅朋友一定會勁鍾意❤️～如果再蘸埋自己磨嘅芝麻粉同醬汁一齊食，酸酸甜甜口感會仲更強更香更豐富細膩，好開胃，正🥳！吉列大蝦豬柳定食🍤🐷🍱 $308豬柳厚身，肉質鮮嫩鬆化啖啖肉好Juicy😚，雖然係炸但完全唔覺得油膩，炸粉炸到件件啲金黃色大蝦豬柳薄脆超鬆化，加上蝦肉大大隻紮實彈牙蝦味濃郁😎，啖啖都食得出係真材實料，連蝦殼都炸得好香口，正🤩！

期待已久 著名日本吉列豬扒店🤩🤩一路以黎都見香港有唔少丼吉嘅分店🤨一路印象就係好鬼貴嘅吉列豬扒😂😂我本身就唔太鍾意食炸豬扒 😥因為通常都好乾好鞋好熱氣🤨🤨但知道呢間野咁出名 都好想試下佢有幾特別😆究竟可唔可以改變我對吉列豬扒🐷嘅睇法！ 因為身邊有個丼吉常客嘅朋友（佢對於我從來冇食過 表示超級驚訝😥是咪太大鄉里）佢終於帶我去食吓貴價野🤣佢地餐牌主要分為 兩大類定食1️⃣吉列豬扒 2️⃣吉列豬柳。咁1️⃣&2️⃣可以配其他炸物（eg 炸帶子/炸蠔） 我地3個人去， 叫左個豬扒豬柳炸蠔二人套餐 &豬柳一人餐老實講😂😂我真係唔係好識分吉列豬扒同豬柳分別🤔 豬柳係圓形細細件 豬扒一大塊略為油份多啲 🤔一咬鬆化 唔鞋 唔熱氣 但唔係太過驚艷🤣冇話好juicy 冇話好有豬味 冇話好淋滑 始終佢價錢貴 expectation係高啲架🥲炸蠔好味😋炸得剛好 半熟！ 新鮮唔腥！ 另外值得一提 碟上的沙律菜係任食 食完可叫店員添加☺️ 自己加上枱面的醬汁 混成自己喜歡口味嘅沙律 👍🏻👍🏻另外店員服務很好 不時斟水 加菜 👍🏻privacy 高 有卡位

Had very high expectations on Tonkichi Tonkatsu as this chain has been opened since 1995. High ceiling, nice decor. The seats were very comfy. I went there around 2pm and there were no other customers. Ordered their 上級ロースカツ定食 Premium Pork Loin $228. The batter was very crispy and attached to the meat, which was good, but the meat was too dry! Totally not worth this price for such quality.

放假同朋友去食飯，點知朋友臨時不能來，唯有自己去食。已有一年沒來這餐廳，水準依舊，好味今次點了炸豬柳定食，非常回味。除了炸豬扒/豬柳，我本身都非常欣賞餐廳既生菜，每次來都會不停加菜，夠新鮮，不單止食落「索索聲」，菜還有甜味，加埋酸酸地既醬汁。最後還有西瓜做飯後果去油膩，好滿足。一定會再來！

第二次到訪 水準依舊 👍🏻香港正宗日式炸豬扒嘅舖頭不多呢間係其中一間性價比唔錯嘅店舖未去到旅行 可以暫時滿足下日本嘅味道🇯🇵🇯🇵🇯🇵🇯🇵🇯🇵OpenRice app預約時可remark坐卡位 十分舒適！

其實都想試丼吉好耐，今日放假就終於試到午市定食~~2個人每人叫左一個餐，分別係吉烈豬排+蝦+蠔定食同埋吉烈豬柳+蝦+蠔+三文魚刺身定食。個set上餐時覺得好大份😂炸物都夠熱，跟左碗湯，飯同好多椰菜😂炸物比預期中好食，炸粉唔太厚同唔太油，豬柳比豬扒淋小小，味道係一樣既，豬扒就會多幾舊。配埋個沙律醬食，唔覺意就食曬成碗飯😂之後仲有一杯西瓜送做飯後果，好甜。整體嚟講係幾好食，想食炸物嗰陣會再去😂平日午市set價錢就比較合理，晚市同週末就覺得偏貴了~

吉列豬扒、豬柳、大蝦定食-二人前想試呢間吉列豬扒好耐！一坐低有芝麻俾你磨成粉，超級香！吉列豬扒炸粉鬆脆，豬扒非常有口感，有唔同嘅醬汁俾你點吉列豬扒。大蝦就比較普通冇乜特別。連飯都好好食我哋仲㖭左一碗🤣下次要再嚟試吓其他菜式，吉列蠔都好出名好受歡迎🥰🥰二人餐 $508味道 | ❤️❤️❤️❤️❤️抵食 |❤️❤️❤️❤️環境 | ❤️❤️❤️❤️❤️服務 | ❤️❤️❤️❤️❤️推薦 | ❤️❤️❤️❤️5個❤️為滿分

從未食過丼吉，因為見外賣好抵所以試下，不過外賣炸物十居其九都唔會好食，但估唔到佢嘅炸物完全無呢個問題，仲要凍咗都超級好食，下次一定會再幫襯！🥢吉列豬扒定食⭐️⭐️⭐️⭐️⭐️定食非常豐富，有餐湯蜆肉麵豉湯、前菜椰菜絲、主菜豬扒+白飯同甜品西瓜，而醬料如豬扒汁、芝麻、紫菜汁、柚子汁、蔴醬都跟足，雖然係外賣但仍然有如堂食感覺，尤其主角豬扒，鬆化香脆程度唔似入過外賣盒，炸物品質有5粒星水準，就算豬扒凍咗仍然好好味，至於肉質軟熟juicy，厚切大大塊，必點！🥢吉列豬柳定食⭐️⭐️⭐️⭐️⭐️豬柳同豬扒同樣好食，但我略嫌呢個形狀咬落有啲拮口，如果好似豬扒咁切件會更完美，至於口感，我覺得同豬扒一樣腍身，分別不大，但份量就覺得豬扒多啲。二人共消費：$246