九份飽 (蜆殼街) (已搬遷) 新店位置

已經太耐冇得去旅行，實在係好掛住台灣啲野食，所以同朋友揾左間好似好地道既台灣餐廳食飯，呢間店好似連店員都係台妹～哈。因為肺炎關係大家都要探左熱先可以入舖，餐具都叫左包起左，減少污染既機會。呢到其實空間唔算太大，食物既選擇都有限，不過如果係想食台灣既味道，都已經好足夠，最基本個個都識既蛋餅、牛肉麵、鹽酥雞、魯肉飯都有～而且價錢都好親民，本黎以為呢個價錢會係好細份比你過下口癮既size，點知都幾大份，就咁都可以當一個正餐食。因為價錢實在太親民，我地又有四個人，所以叫左好多野食，咩都想試下。係咁多食物入面我最中意就係台灣香腸同埋鹽酥雞，呢兩款真係非常地道，係其他地方食過都唔係呢隻味，覺得好滿足。鹽酥雞非常香脆，味道少少偏甜；台灣香腸仲有配埋蒜片，讚。其他食物都唔差的，牛肉麵、蛋餅呢啲就走唔甩嫁啦，食台灣野又點少得呢。最後叫左個滷水拼盤，幾入味，唔錯！

今日去左北角做野，見到有間台灣餐廳門口好多人排隊，我同朋友又見到今日Lunch time 時間又比較長時間就一於去試一試佢，好彩最後排左15分鐘就有位了食物份量吾算太大，但係價錢都比較中位，人多重可以叫多幾款食物我本身就係台灣牛肉麵既愛好者，難得依到有得試，半肉半筋既牛腩幾香口，我覺得幾淋，但湯底有少少偏鹹，食完有少少頸渴，麵條都算幾彈牙。另外我叫左炸花枝丸，最鍾意就係有椒鹽嘅味道。最後點左個芋圓糖水，為依餐lunch做左個點綴

疫情之下，冇辦法去台灣，唯有食去食台灣菜。呢碟涼伴豬耳咬落去好爽口，唔算辣。愈食愈開胃至於個綜合湯，白魚蛋好彈牙，配合埋紫菜，好香。成個湯飲完唔會口渴，相信入面冇落味精。有雞排同魯肉，一個飯滿足兩個慾望，雞排外層炸得好脆，食落去入面肉質結實，同係台灣食嘅差不多。大腸包小腸，本來以為好似台灣食咁大條，原來係細細條，可以一啖擺落口，配合蒜、酸菜、花生，好香。蔬菜肉鬆手抓餅，用生菜圍住蕃茄、肉鬆同蛋，外面再包手抓餅。留意要立即食，食第二舊擺耐咗，結果手抓餅變硬。今次食完當自己去咗台灣旅行。希望疫情快啲好返。

《九份飽☺️十分滿足》———————————————-#九份飽😋之前己經黎過呢間台式餐廳食過幾次，一如其名，細細間既鋪頭以九份為主題，水準一直都好唔錯。雖然小店裝飾好有台灣feel ，但最近疫情嚴重，就唔堂食啦，不過外賣自取優惠計落條數真係好抵！🤑-魯肉飯一定係必點，五花腩肉肥瘦參半，唔會好膩。滷汁亦相當入味，鹹中帶甜。雞扒食得出係即炸，無油腥味，十分脆口。每次去台灣早餐都一定會食蛋餅，可惜香港無咩地方有賣，呢間既蛋餅完全可以令我過下口癮，複製左個份經典台式風味出黎！今次叫了左個海苔培根蛋餅，餅皮好薄，非常推薦，就算外賣凍左少少都無影響佢既味道～-⭐ 參考價錢︰香酥雞扒魯肉飯配冬瓜茶︰$45海苔培根蛋餅︰$25-🍌 抵deal 指數：9/10💰人均消費：$35

抗疫都要開飯。平時見九份飽甘多人排隊，今日難得早出去食晏（11點零）見佢唔洗排隊，就去食佢啦。度完體溫，店員安排左牆角既位比我地，枱面有支洗手液，好貼心。點餐就自己係點心紙度畫。香酥排骨米粉($42)：熱辣辣炸起上枱，炸粉唔會好厚肉，不過沾滿孜然粉，鍾意孜然粉味嘅朋友會好鍾意。米粉係幼身爽口個隻，有半隻蛋加兩條生菜，湯底略淡。香酥雞扒肉燥面($45)：一樣既湯加半隻蛋同兩條菜，比起米粉多左肉燥。雞扒就冇孜然粉，但一樣香口。玉米起司蛋餅($30)：好味，薄薄既餅皮包住芝士同粟米，雖然拉唔到絲，不過芝士味都濃。正！😋蜂蜜檸檬(跟餐加$10)：嗌左走冰，飲落有少少蜂蜜味，仲有淡淡檸檬既澀味，消暑一流。珍珠奶茶($23)：正常啦

未有得去台灣旅行，唯有搵一間夠晒地道嘅台灣菜去解下渴‼️ 九份飽嘅味道同埋裝修，甚至員工都帶到一種濃濃既台灣味道！.1️⃣ 肉鬆起司蛋餅 $32蛋餅係台灣嘅一種小食，簡單地包着肉鬆同埋芝士，味道好傳統～另外有配上辣醬，添少少咁食味道都好出色～～.2️⃣ 紅燒牛肉麵 $46呢個牛肉麵真係精粹！佢用嘅牛肉係真係牛腱個種～而唔係腩肉，食落有咬口好多，而且個湯底好濃好香‼️會忍唔住想飲埋個汁.@fatpet_natalie

疫情持續，對於香港人而言不能去旅行等於失去了精神食糧小弟也非常想念台灣的食物於是便來個台式飯聚慰藉一下心靈懐舊魯肉飯（大）$40 白飯粒粒分明，被魯汁包裹魯肉是半肥瘦肉，味道適中覺得大份足夠女生二人分享雙層起司蛋餅 $30一客有四大件，四人抑或兩人分享都剛剛好蛋餅是小弟其中一樣最愛的台食蛋皮煎得脆脆，雙層起司食得有拉絲效果非常滋味鹽酥雞 $35炸得很香脆，炸衣厚薄剛好調味鹹鹹甜甜，不會很濃味覺得小食最讚是這個了台灣香腸 $35香腸炸得很香，附上大量生蒜片伴食小弟沒有特別喜愛生蒜片覺得單食已經很好吃潮味拼盤 $32拼盤有滷雞翼、豬耳、滷豆腐、雞蛋和牛腱每款少量，一次過滿足晒眼闊肚窄的食客全部滷得入味，不錯芋圓仙草豆奶 $39對於腸胃敏感不飲奶的人士豆奶的配搭可謂十分好而且豆奶不會很甜，芋圓口感相當煙韌芋圓量也不少，是很讚的甜品蜜桃紅茶 $10可以選擇0、３、5、８分糖小弟選了無糖也不會淡而無味是有陣陣清新的桃味茶總括而言，以港島而言這個價錢這個份量這個質素真是抵食又好味，難怪晚餐時段一直人龍不段

呢排好鍾意去搵啲小店食嘢，覺得佢哋嘅性價比通常都高啲，好過啲連鎖店，今日就係炮台山搵到間唔錯嘅台灣菜，食完都想寫返篇食評講吓。呢間食肆嘅衛生意識很好，每一張枱都有消毒洗手液，係呢個環境底下值得加分。你個滷肉飯啲肉肥瘦啱啱好，唔會太油膩亦都好有肉香。紅燒牛肉麵湯底好濃郁，不過咸咗少少，佢啲牛肉非常彈牙。另外仲叫咗一個滷水拼盤，不過不失，份量非常充足。當然要叫間餐廳嘅名菜，個個人去呢度都會叫蛋捲，果然不負所望！杯飲品都OK。可以下次再嚟呢間小店食。

超足料超大碗完全抗拒唔到的芋頭芋圓椰奶 $39！還有粒粒芋頭！芋圓比起一年前來吃時進步多了，質感非常到位，彈牙又不失嚼勁，大大粒很滿足呢！很久沒有吃過這麼有水準的芋圓了還有旁邊的芋頭牛奶 $29，因為非常足料所以很飽肚呢！香酥雞扒魯肉飯 $45雞扒揸得非常酥脆，也非常足料！一個人吃根本吃不完哈？手工湯水餃 $28 普普通通，感覺清淡一點的菜色！蔬菜肉鬆手抓餅 $39非常大份又足料的手抓餅！腐乳燙青菜 $16 清淡一點真不錯！希望清楚可以再大份一點呢！芋頭牛奶 $29 非常之足料的芋頭！微微加了一點糖不過還是保留原本的香甜，非常喜歡！冬瓜茶 $20 (主餐 +$10)

台灣菜真係人見人愛！平靚正已經不在話下，食完點止9份飽，簡直10分飽😛 香酥排骨飯 $42、香酥雞扒魯肉飯 ($45)都非常足料！大大碗夠晒喉！炸雞扒和炸排骨都非常香口、有夠厚身、啖啖肉！海苔肉鬆走司蛋餅 ($35)、蔬菜肉鬆手抓餅 ($39)也是絕不能錯過，邪惡又香口，非常適合happy share！當然仲有必點邪惡炸甜不辣 ($35)！十足台灣風味！香酥排骨飯 $42紅燒牛肉麵 $46海苔肉鬆芝士蛋餅 $35炸甜不辣 $35滷味拼盤 (豆腐、雞蛋、豬耳朵、雞翼、牛腱) $32

環境：👍👍👍👍服務：⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫➖➖➖➖➖➖➖➖➖➖➖➖➖➖➖冇得去「台灣」唯有去一轉「九份」🤣價錢貼地又充滿台灣地道風味吾怪得知經常都坐滿哂人😎.🔸香酥排骨飯 $42黎得「九份飽」當然要食佢鎮店三寶之一嘅「香酥排骨飯」🙆‍♀️滿滿嘅排骨飯，堆到成座小山咁🙈排骨分拆成4塊皮炸得酥脆，咬起黎又吾會好厚酥脆嘅口感配上鬆軟嘅肉質好有「台灣的味道」☺️PS. 記得加$10可以配埋蜂蜜綠茶～.🔸手工湯水餃 $28水餃係椰菜白菜豬肉餡皮薄餡多配上雜菜高湯食完餃子再飲埋湯，正💕.🔸涼拌小黃瓜 $20小黃瓜食落冰涼爽脆又帶陣陣麻辣香，確係一道開胃小菜呢🥳.🔸玉米起司蛋餅 $30卷餅煎至金黃色裡面係滿滿嘅芝士同粟米粒酥香鬆脆，芝香滿滿，大推呀！.🔸芋頭芋圓椰奶 $39食完台灣野，一定要嗌埋台灣最出名嘅甜品，芋圓呢配糖水餡料爆多🥳有芋頭粒，芋圓，珍珠，涼粉芋圓煙煙韌韌帶咬勁芋頭粒軟綿，涼粉Q彈配上椰香十足嘅椰奶，絕配呀😋.🔸鮮芒水果茶 $20甜度恰到好處，混合茶嘅甘香底部有好多新鮮芒果架！

特登係荃灣果邊走過黎北角試呢間台式野🙈都幾後悔山長水遠走過黎食🤣佢裝修其實幾得意，幾有趣的。不過野食我覺得就一般般。牛肉麵既牛展比較難咬，我覺得就太韌，湯底正常，成碗野都無乜特別驚喜，最後無食曬鹽酥雞個味道其實幾好，不過就太乾，唔juicy唔多汁，通街既連鎖店既鹽酥雞仲好食。肉鬆蛋餅係全晚最美味的無論係個皮，個醬，個蛋，個餡，都係好食的，大家都好夾，唔搶風頭。仙草既無糖茶，正常發揮芋圓質感好怪，味道一般，最後都食剩。仙草好似涼粉，唔夠嫩滑，珍珠幾煙韌。豆腐花都幾滑，有豆香味，整體一般般。

365日都咁受歡迎嘅台灣餐廳！喺北角附近有一間以台灣地道為主題嘅餐廳，好受歡迎，一年四季都見有人排隊去食😂餐廳喺兩條街嘅轉角位，裝修係超具台灣風味嘅小檔模式，一眼就食得出呢間係食台灣野！😆佢入邊嘅Menu每一樣都係香港人去台灣必食嘅！🤪🤪滷肉飯、紅燒牛肉麵、酥脆炸雞、大腸包小腸、起司蛋卷，每樣都令人流晒口水。🤤仲有好多台式飲品，任君選擇。由於疫情，唔少人都隔咗一陣冇去台灣玩，所以今次就帶咗台灣舖頭最經典嘅菜式，回味一下！台式紅燒牛肉麵：濃郁牛味嘅湯底，但又唔會過咸，加上肉質彈牙嘅牛𦟌片，難怪咁多人嘅至愛！🤩不過麵條稍為淋身一點，未算好彈牙！酥炸鹽酥雞滷肉飯：雞塊炸得外脆內軟，肉汁完全保留，加上超重磅嘅滷肉汁，配上白飯，台灣嘅感覺返晒黎🤤肉鬆起司蛋卷： 唔使多講，肉鬆，蛋捲，芝士，夾埋就等於好味！！大腸包小腸：台灣食過返尋味嘅街頭小食入面，大腸包小腸一定榜上有名，雖然食落感覺係冇台灣夜市食咁有風味，味道硬係覺得差少少，未可以100%還原!🤭不過過過口癮都可以既！另外仲叫咗杯珍珠奶茶，味道絕對唔會比台式飲品店遜色！珍珠甜度啱啱好，奶茶亦都有香滑，俾個讚👍🏻👍🏻

以前在附近做兼職，一年多這邊開了很多新餐廳。這間外型很有台灣夜市的感覺，我們都二話不說想試一試。餐牌食物性價比都不錯，每款食物基本上幾十塊都可吃到，我們當然想試一試台灣代表菜—-魯肉飯和台灣牛肉麵，另外還點了小食海苔肉鬆起司蛋餅和鹽酥雞，飲品則點了百香果紅茶和木瓜牛奶。魯肉飯（大）魯肉肥瘦分明，香氣噴噴的油香配飯真是令人胃口大開。台灣牛肉麵份量相當充足，特別要讚牛肉，肉味香濃。小食海苔肉鬆起司蛋餅芝士控的人不能錯過！海苔肉鬆加蛋真是必勝組合。鹽酥雞炸得非常香脆，而且不會只有粉味，雞肉保持鮮嫩多汁。飲品要試試木瓜牛奶啊，木瓜味鮮甜，真材實料呢。

每當來到炮台山做野，都會想起這台灣美食 - 九份飽。這裡裝修佈置得活像台灣夜市般，近排無得飛到台灣，來吃一頓，當補償一下。 吃得台灣美食，當然有傳統的魯肉飯、起司蛋餅、紅燒牛腩麵等等...綜合湯當中有魚蛋、貢丸、紫菜，相當吸引。魚蛋、貢丸都質感彈牙，綜合湯喝下更有種清新氣味。懷舊魯肉飯(小) - $30魯肉飯細細碗，正適合我(可以食更多款野食)。而且當中散發陣陣芳香，非常吸引。半肥半瘦的魯肉細細粒，方便入口，吃起來又香又甜，加上當中的油脂慢慢滲入飯中，更是開胃的一選擇。紅燒牛肉米粉 - $46湯底香濃，米粉都吸滿了其湯底的精華，而且牛展半筋半肉，入口軟腍，牛味濃郁。肉鬆起司蛋餅 - $32蛋餅皮薄煙韌，內裡還有滿滿的肉鬆、芝士，吃起來惹味又香口，相當美味可口。黑糖珍珠奶茶來到台式店，當然要飲一下黑糖珍珠奶茶，飲落順口，珍珠煙韌，消暑一下。