二號廚房

营业中

休息中

一家大細團年飯！ 14人 一張大枱都坐得哂！見人多，終於可以叫多啲餸！ 叫左幾款小食，樣樣都唔錯。乾鍋d料唔夠入味。雜菜煲好鮮味。酥炸珍珠蠔，次次黎都有叫，大大碟，送酒一流！啫啫芥蘭煲都係好野味。豉油王炒麵有少少失望，唔係我鐘意個隻麵，同埋唔夠乾身。蓮藕餅- 香脆，送飯唔錯咕嚕肉/欖角骨- 正常魚雲煲 - 味道唔錯，但魚雲唔多，不過價錢唔貴都算係咁薯仔牛柳粒，薯仔好香甜脆口，牛肉夠霖！ 好好味😋啫啫豬潤滑雞煲，豬潤好甘香，又係好野味。黃金鮮魷，好邪惡，咸蛋都多，但唔夠牛油香。蠔仔泡飯，好味，有炸米係面。埋單先二千幾，好抵食！

第二次惠顅「二號廚房」1. 交通方便，佐敦站寶靈街出口行過去6-8分鐘左右2. 環境 ok, 枱不算太密，有兩小、兩大 VIP 房(好似 8人以上可入房，最低消費 $300/@）3. 厠所算 ok 乾淨 👍🏽加分不過啲筷子有啲「立」希望可以改善 😅今日一行7人(6 女1男）都叫咗好幾個特式菜1. 酥炸生蠔仔 (送啤酒一流，keep 住有水準👍🏽）2. 辣子豬大腸 (我吾食，不過啲朋友話脆口，ok 好味）份量亦不少3. 小炒皇 （👌🏽可以，足料、同埋夠乾身吾油）4. 老乾媽茄子四季豆 (野味但油咗少少）5. 海蝦🦐煎米粉 👍🏽👍🏽 絕對值得叫，啲中蝦🦐好新鮮，估吾到有成 8隻、米粉煎得好香脆、個汁亦調得好好6. 薑蔥鯇魚腩煲 (好野味多蔥）7. 豉油皇炒麵(見枱枱都叫，我哋又叫 🤭） 加咗雞蛋及鼓油味都好香濃，就係份量少咗啲 😅哎呀！乜原來我哋叫咗7個餸喎 🤣 百無禁忌 🤫總括嚟港係味濃嘅，如果你想食「清、淡」就千祈唔好黎 ，我怕你會失望 😂想搵幾個小菜送啤酒就－流其實重有脆豬手、油浸筍殼魚都想叫，不過女士多大家冇肚食，下次….今晚每人 $140 有找 🤗

呢間就快變我食堂🤩🤩食左兩次已不能自拔❤️❤️第一次食佢個酸菜烤魚已心中一再回味烤魚外皮酥脆， 酸辣味夠今次試佢椒鹽炸大腸，鍋燒夜菜花，土匪豬人仲幸福真係好味都暈🖖🖖我未食過咁好食既大腸，外面鬆脆。入面仲係好juicy, 唔係乾柴架，唔會韌都咬唔開🔥土肥豬潤都出色既，味濃但唔重手，不過下次要叫佢落多啲配菜炒🤣因為我同朋友都勁愛食佢啲料頭😎椰菜花對我個人咸左少少不過都係好食既最正係呢啲小菜送大啤一支（一碟一支🤣）簡直係畫龍點睛，身心靈甦醒😎

港式小炒最緊要有鑊氣，今次呢間餐廳係樓上鋪，同大排檔差唔多，座位就闊落得多，坐得都算幾舒服！菜式選擇多而且價錢親民，大部份菜式都唔使$100一碟，好抵食！佢有傳統嘅港式小炒，仲有雞煲、烤魚、乾鍋呢啲川菜可以叫㗎～平日夜晚個場都幾爆，如果多人嚟食嘅話，可以book間房，咁就唔使等位又可以有多少少私人空間！------------------------------🐖◖冰梅欖角骨+啤酒◗ $88+$20有六塊一字排骨，大大塊啖啖肉，用咗梅汁同黑欖角調味，梅汁好濃稠，排骨表面沾滿晒汁，味道酸酸甜甜，加埋欖角碎香味好特別！佢呢個菜式仲可以加多$20轉啤酒套餐，叫埋支大藍妹啤酒啤一啤佢！🍻🦪◖酥炸珍珠蠔◗ $88 珍珠蠔肉唔會好細粒，外皮炸得好酥脆，食得到蠔肉嘅鮮味，點埋個香醋，令蠔肉鮮味更出，亦可以去除油膩感！🐟◖薑蔥魚腩煲◗ $78魚腩大大塊唔會好多骨，份量都唔少，魚肉好嫩滑，外皮稍微煎過幾香脆，魚肉經過薑同蔥爆香過，再搭埋蔥一齊食，好香好惹味！🌶️◖土匪豬肝◗ $88呢個土匪有勁多辣椒乾同蔥，有啲似辣子雞嘅感覺，食落都幾辣，豬肝係粉肝，口感偏軟綿，唔係爽脆口感，切得幾厚幾大塊，豬肝預先腌制過

食得日式西式多，有時都想食下中菜😂今次去呢間朋友介紹既樓上中菜館食返幾個小菜先😋想講佢真係勁有鑊氣！▫️燒汁薯仔牛柳粒係我食中菜必叫既菜式🐮先講薯仔超出色，炸得金黃香酥，外脆內軟，蜜糖燒汁平均地掛汁，牛柳切粒大小適中，熟成度岩岩好，醬汁惹味，送飯一流！▫️薑蔥焗美國桶蠔佢有薑蔥焗、酥炸、砵酒同避風塘既煮法，我地揀咗薑蔥焗，自己中意大大隻既蠔，嚟到果然分量十足，仲要有好多隻😍蠔外皮烤得酥脆，然後咬落蠔汁鮮味必晒出黎，非常肥美，加埋薑蔥炮製鑊氣滿分💯▫️地道小炒王配料相當豐富，當中有韮菜花、蝦乾、蝦仁、鮮魷和腰果等，炒得相當有鑊氣👍🏻▫️瑤柱蛋白炒飯食完咁多邪惡既野，又唔想淨係叫白飯有啲餡，可以叫呢個，清新而不膩，炒得粒粒分明👍🏻除左小菜，個日食食下見到隔離枱叫左烤魚勁香🥺原來openrice有埋明爐烤魚2人同4人晚餐既優惠，下次要再試下先🤣

1. 八味豆腐粒（$48）90/100外脆內嫩，高質，而且抵食。2. 涼拌豬肚絲（$48）88/100都幾辣下，但好惹味，豬肚夠淋。3. 紅燒bb鴿（$52）88/100熱辣辣出爐，好惹味，唔點椒鹽都夠味。4. 拔絲咕嚕肉（$88）88/100豬肉夠淋，入味，而且有豬味，不過冇拔絲嘅效果，但都好好食。5. 湘味金錢肚（$108）88/100份量好多，金錢肚好入味，但我覺得可以再淋小小會仲好食！6. 地道小炒王（$98）95/100好多魚仔，蝦乾，好夠鑊氣，夠惹味，必食推介！

今日同好朋友行街shopping，買完嘢餓死了。之前同屋企人嚟過一次，咁啱又喺附近，決定同朋友仔再食過。 粵菜小炒店，喜歡掛滿裝飾嘅紅燈籠，感覺很熱鬧。佈置及小菜都好有大排檔嘅感覺，不過座位十分寬敞，比大排檔好坐得多。 餐廳細細間，但人流也很多，好彩我地早少少入座，啱啱有位，跟喺後面嘅朋友就要等一等喇🤭。如果人多、又唔想等位，呢度仲有房間可以訂，咁就可以放心，唔洗驚一大班人嚟到要喺度等位啦 。今晚決定全選炒炸等香口食物(佐酒必選，襯返呢度氣氛)。酥炸珍珠蠔🦪($88)呢碟小菜可以話係全晚Number one菜色，份量足、又做到外脆內嫩；不論熱食或冷食，都十分脆口，唔會有油膩感，係小食嘅好選擇。 地道小炒王🥘 ($98)鑊氣足、粒粒分明，大火爆炒，師傅手慢d，就會燒焦，食唔出食物嘅原味道。 香煎順德蓮藕餅🫚($68)有六大塊，蓮藕有咬口，令肉餅多了一個層次，配埋白飯食，極易送飯。 黃金鮮魷🦑($108)作為邪惡之夜，當然唔可以無鹹蛋黃，所以越多、越濃，就越吸引。魷魚火喉啱啱好，唔會變橡筋。 叫到一枱煎炸嘢，都係為左同朋友飲返杯啤酒，chur 一 chur，叫埋Horgandan，正！

為預祝好友週六見工成功，一起去食餐好，朋友愛香口食物所以決定炸炸炸。。。首選了酥炸珍珠蠔，真係估唔到咁多，仲做到外脆內嫩，不油膩，我們做了好選擇。 地道小炒王：有少少辣，鑊氣足，有腰果，蝦干，魷魚，韮菜，樣樣都有好味道。朋友要成功呀，咁我們就是同事了。

平時比較少去揾地道啲既小菜食，今次就去到佐敦既「二號廚房」揾食。入去拎位之前以為平日會無咩人，入到去發覺都坐左成8/9成人，仲好熱鬧。食物既款式都非常之多，除左小菜，仲有雞煲同烤魚，但平時食得太密雞煲，所以今次就叫左幾款小菜試下。「酥炸珍珠蠔」($88): 份量絕對係物超所值，當你以為唔會太大碟既時候，上菜時見到有幾十隻珍珠蠔，兩個人食既話份量有啲多。而味道黎講，似平時食椒鹽鮮魷既味道，都幾香口，加埋珍珠蠔既鮮味，送酒一流。「啫啫芥蘭煲」($78): 啫啫煲平時都成日會食，今次依個啫啫芥蘭煲最吸引既地方係有比較大條既蝦乾，咸香味比平時食到既重。「上湯海中蝦配煎米粉底」($188): 海蝦醬汁既味道似係好濃既海鮮湯，配埋個煎米粉底，吸曬個汁既香味，個人就覺得中意海鮮既朋友仔就一定要叫。「黑椒脆皮鹹豬手」($138): 原本以為依個鹹豬手會似平時食到乾身果種，但佢地用左砂煲加左勁多黑椒汁黎煮，$138黎講CP值非常高，係一款非常用心設計既小菜。

鐘意食鑊氣小炒嘅我 今次同朋友去左二號廚房😉 除左價錢親民之外 食物質素都好高 環境仲好適合一大班人一齊食飯添🤣🍀黃金魚皮鹹蛋黃味道好濃郁 口感酥脆 同平時食到嘅魚皮比較 真係好吾同 好有驚喜🫣 🍀黑椒脆皮鹹豬手另一樣有驚喜嘅菜式 鹹豬手軟嫩嘅程度係一夾就拆得開 完全估吾到🤩 同時間肉質保持到一定口感 有嚼勁 軟硬口感恰到好處🥰🍀蒜片牛柳粒牛柳粒好軟嫩 烹調時間控制得好好👍🏽 食落有肉汁 牛肉味香濃 加上蒜片香味 食落更開胃🤤🍀酥炸珍珠蠔見到個下心入面諗左句 啲珍珠蠔係咪吾洗錢 點解可以多到咁😂 份量多到兩個人係食吾晒 可以大大啖咁放落口😋 蠔好酥脆 口感同味道都香口 配飯定係啤酒都好夾😍🍀沙嗲金菇肥牛煲沙嗲味道濃郁 粉絲份量超級多 吸晒沙嗲味道好香濃😉 肥牛嘅份量就吾算多 但有咁多好野食 少啲肥牛都冇所謂啦😤

二號廚房 有粵菜、小炒、四川料理，多款選擇。價錢夠哂親民。食物整叫即整，款款都好有「鑊氣」。我地星期五晚去好full，記得要book位。朋友唔算太好中菜都有讚冇彈，棒住肚走😋。咕嚕蝦球 $118咕嚕肉食得多，今次叫蝦球試下🤣!  脆皮咕嚕蝦球炸粉薄身唔油膩，蝦肉爽口彈牙。連埋菠蘿一齊食，酸酸甜甜，食唔停口。黃金鮮魷 $108呢款係咸蛋黃控必點！咸蛋煮到起哂沙，口感綿密厚實，蛋香撲鼻。我完全抗拒唔到脆卜卜又帶咸香既鮮魷。燒汁薯仔牛柳粒 $88薯仔炸得外脆內鬆化，仲要熱辣辣。牛柳粒炒得剛剛好，好軟嫩。每粒薯仔同牛柳粒滿怖蜜糖同埋燒汁，送飯一流。清炒通菜 $78最後當然要叫番碟菜中和一下，炒得顏色翠綠，爽脆清甜。

間唔中都會試吓啲小炒，呢間🌼二號廚房🌼都係第一次嚟，佢哋係川菜為主，呢度除左粤菜之外，仲有好多款川菜，例如酸菜魚，烤魚，毛血旺，水煮魚，乾鍋等，任君選擇，今晚試咗佢哋嘅小炒，應該超級有鑊氣😆🦆清宮樟茶鴨/半隻 $88 ：半隻既樟茶鴨三個人食啱啱好，佢嘅外皮超脆😆，果然係有樟茶鴨嘅風味，貨真價實，份量真係有足足半隻咁多，佢嘅味道非常獨特，好難形容出嚟，食落好似有茶葉嘅芳香，肉質嫩滑唔使加任何調味料都可以直接食，口感一流👍🏻🐸乾鍋田雞 $128 :干鍋類嘅小菜都係第一次食，呢一款干鍋田雞鑊氣認真夠晒霸氣，首先用生蒜頭，紅青辣椒爆香，再加芫荽吊味，將田雞肉切件，每一件都非常入味，佢有辣到可以揀，我哋就嗌咗Bb辣，覺得啱啱好，夠晒惹味😋🥬爆炒萵筍絲 $78 : 萵筍絲要夠新鮮同夠爽先至好食，呢一道爆炒萵筍絲加入辣椒，微微爆香，食落清清淡淡咁又有啲味😌，雖然睇落都比較多辣椒，但係其實食落都唔算好辣🥪香煎順德蓮藕餅 $68 :呢度伴酒小食又幾特別👍🏻，佢嘅賣相有少少似炸魚餅，外面煎到金黃色，食落香口，裏面有滿滿既蓮藕粒，再配肉粒，夠晒入味🤤🍰紅糖糍粑 $38 ：呢款甜品係當地傳統小食，裏面主要係糯

雖然自己發佈的貼文都以日式或西式為主，但有時候與長輩們聚餐還是傾向以中菜為主呢。今次來到大排擋和中菜館遍地開花的佐敦上海街，路過都被巨大霓虹燈招牌所吸引，餐廳内部空閭都寬敞，坐得尚算舒服。　(\ (\ („• ֊ •„)　ꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀ.• ♥️ 脆皮牛肋條 $88好新穎的一道菜式，沒想到牛肋也可以炸，而且味道口感出乎意料地好，外脆内軟的同時肉質嫩滑。.• ♥️ 酸菜烤江團魚 $328見到有酸菜魚又挑起我的癮了，選擇了沒有細骨的江團魚品嚐。整條魚上盤很震撼，經烹調下，整條魚的肉質都有點結實而帶有嫩滑的感覺。底下有寬粉，酸菜魚配寬粉是絕配呢₍ᐢ⸝⸝› ̫ ‹⸝⸝ᐢ₎.• ♥️ 翡翠炒帶子蝦球 $168中菜館另外一道必食的名物，其實就是萵荀炒帶子蝦球。萵荀很脆很新鮮，而且細蝦球感覺很清脆，不過帶子份量偏少，性價比顯得不太高。˚ ༘ ♡ Rating • ๑美味滿足度　♥️♥️♥️♥️♥️♥️♥️♥️♡♡๑環境舒適度　♥️♥️♥️♥️♥️♥️♥️♡♡♡๑服務貼心度　♥️♥️♥️♥️♥️♥️♥️♥️♡♡๑價錢合適度　♥️♥️♥️♥️♥️♥️♥️♡♡♡๑打卡瘋狂度　♥️♥️♥️♥️♥️♥️♥️♡♡♡

我今晚同啲朋友去咗佐敦嘅二號廚房食川菜啊，真係食嘢食到好滿足！佢哋嘅雞煲真係好正，啲雞塊好嫩啊，啲辣椒仲好香口，令人食嘢食得好開心。仲有佢哋嘅酥炸珍珠蠔，脆身香口，仲有啲珍珠蠔肥美嘅味道，實在係一絕啊！啫啫芥蘭煲都好好食，啫啫芥蘭香甜脆口，湯底仲有啲鮮味，配上啲嫩豬肉，真係好開胃！啲花甲煲都好正啊，啲花甲新鮮嫩滑，配上啲辣椒同啲蒜蓉，真係一流啊！仲有佢哋嘅冰梅欖角骨，啲欖角肉質好韌身，啲湯底又酸又甜，令人咁啱啱食過嘅辣菜都可以迎刃而解啊！不過啲骨頭啲肉啲比例啱啱好，如果啲骨頭多啲啲就更好啦！

同學聚會😜搵咗間可以食小炒又可以啤啤佢嘅大排檔😌黃金海蝦 海蝦每隻都好大隻，口感非常爽口彈牙！而且處理得好好，好容易剝殼❣️鹹蛋黃煮到起晒沙，鮮味嘅海蝦更惹味🙆🏻‍♀️記得要食埋蝦頭啲蝦膏🤤燒汁薯仔牛柳粒炸薯仔外脆內軟，牛柳粒好軟腍😋燒汁嘅甜味配上黑椒&三色椒嘅清甜微辣🫶送飯一流✨拔絲咕嚕肉 咕嚕肉一食落口就超香果香味！原來用咗新鮮菠蘿🤩拔絲放到最後食都仲好脆卜卜😍咕嚕肉用咗肥瘦適中嘅肉排部份😚脆皮牛肋條牛肋條表面沾滿薄脆🥰牛魔王一定要食呢個，牛肉味超級濃郁🤩係一道好適合送酒嘅好菜式🍻八味豆腐粒一啖一口嘅炸豆腐粒，八味粉好香口😛裏面嘅豆腐夠晒滑嘟嘟😉二號廚房 (佐敦)佐敦上海街55號海景閣1樓