五勺

营业中

休息中

唔係唔好食嘅，但係覺得比人呃左之前都有幫襯過呢間餐廳，覺得個牛舌好出色，其他嘢食都唔錯。當然係想飲下清酒。咁見無得經openrice訂座就上網搵佢個網頁睇下有無得online或者whatsapp book咁上個網站循例都會碌上碌落睇下嘢食，睇下推介，咁碌碌下就睇到話星期一清酒買一送一，又無寫幾時優惠期，個post幾時上傳咁就滿心歡喜去食。去到問啲店員，首先有個店員就話無喎，你係咪睇左舊website呀？轉頭多幾個人埋嚟話呢個post好耐架喇喎，依家無架喇，總公司未update呢樣個樣。大佬，你又無寫到幾時，又無寫原來已經唔適用，但係仲擺响官網，去到又話唔係嘅，咁覺得你唔老實，呃顧客都好合理。最尾都食咗嘅，係覺得比間餐廳呃左啫，唔係唔好食，不過無下次架喇 2021年11月8日官網截圖

約埋一班以前team的同事食飯，同桌有個真。食家由佢發辦食咩，結果食既速度完全跟唔上上餐速度，張枱都放唔哂XD當晚氣氛熱鬧，有部分食完都唔太記得味道點了兩條原條刺身魚，有一條是池魚，另一條我都唔知係咩魚~池魚分切片及切粒，配酸汁；而另一條就火炙過，兩條個Presentation都好正，亦好新鮮。食完刺身後條骨仲可以拎返入廚房酥炸，食到連骨都無淨額外刺身仲點咗甜蝦&赤貝，同樣鮮甜。劍魚腩超厚切，不過個人就麻麻地劍魚腩的厚實。熱食都熱辣辣香噴噴上枱，其中雞皮餃子必食，雞外皮脆卜卜而唔厚；蛋捲滑嫩，捲著大大塊明太子配合得洽到好處；黑豚蘆筍卷食完都唔覺太膩。清酒容器別具特色，打卡一流~叫太多野實在post唔哂咁多相

第一次寫食評，獻給了這間充滿日式情懷嘅居酒屋！由於最近愛上了飲sake，所以開始四出尋找有sake飲嘅好地方，今次就來到這間朋友推介話有好多清酒嘅居酒屋試試！聞說這間經常爆場，前一個禮拜嘗試早兩日book平日過來都full，所以今次特地早一星期訂座！7點放工碌過嚟，已經有唔少人入座！呢度環境真係好chill好日本，置身這裏的確有去咗旅行嘅感覺，讓人可以暫時將工作煩惱拋諸腦後～來這裏嘅主要目的就是為了清酒🍶 呢度嘅清酒類型之多係足以放滿晒入門口嘅幾排大雪櫃，令人好有衝動試勻晒佢！而呢度嘅好處係清酒可以以「五勺」(約一個清酒杯)或「一合」(180ml)嘅單位去order，雖然價錢會相對貴，但order 四合先等於平時一支720ml嘅份量，咁一晚就可以試多幾款唔同嘅口味唔駛淨係飲一隻味咁dry! 全晚先後order了四款清酒品嚐，呢度仲有唎酒師駐場介紹適合配襯唔同食物嘅酒。可惜全場好似只有一個唎酒師，所以到後來佢太忙唔得閒應酬我哋，只能自己碰運氣盲選一些想試嘅清酒再叫其他staff上酒……亦因為咁我哋留意到唎酒師同其他staff斟酒習慣係有所不同，唎酒師係會按傳統將酒樽斟滿（好似聽過喺日本咁

✨雞卷 中間夾雜著紅蘿蔔和露筍味道有點韓式，雞肉夠滑，醬汁很開胃✨鹿兒島A4和牛肉質嫩滑無筋🤤部分油脂會較多 份量大✨單骨芝麻雞翼大部份居酒屋的雞翼只屬一般水準 我大多會形容為味道正常.. 但這個好味啊！炸粉超級薄👍🏼✨蟹肉甲羅燒配多士印象中不錯，似fusion的食法總括料理很有水準啊！食物做法/賣相都很有誠意～最特別之處：這間居酒屋有種令人放鬆/recharge的能力！很神奇😳題外話 本來以為諾士佛臺只有MK風的bar&restaurant🤣 想不到竟然有由裝修到食物+sake都吸引的日本居酒屋！！原來這幢大廈還有其他出名的餐廳。

💛💛💛尖沙咀呢間喺諾士佛台嘅居酒屋真係好啱大家放咗工同同事嚟chill下🤣先要讚讚佢哋嘅裝修同埋風格真係好地道日本feel😳🎌牆上面貼滿好多有關於清酒嘅poster 有一刻以為自己返咗鄉下🥺如果幾個人嚟仲可以坐喺他他咪房入邊自成一角 私隱度極高👍🏻🍶🍶黎到居酒屋必定要食魚刺身條魚好新鮮 食落超級鮮甜😍食完仲可以將魚骨炸咗佢用黎送清酒咁食👍🏻🍶🍶另外仲要介紹呢度嘅一大特色🤩如果大家飲清酒 而又想款款都試吓味道嘅話係可以一合一合咁order🥰一合係清酒嘅單位亦即係180ml平時一支清酒就等於720 mL 亦即係四合🙂而大家嗌咗清酒之後 侍應就會將啲酒倒入專門嘅容器入邊🤔飲嗰時將個杯放喺容器底部 再稍微用個杯頂一頂容器底部支棒棒就會斟到酒架喇🤣 方便又過癮😋🍶🍶餐廳食滿一個金額就會送金幣俾大家去玩夾公仔🥰放心比起出邊嘅夾公仔機呢度容易夾得多😂夾出嚟嘅獎品多數都係優惠券俾大家下次再嚟消費用㗎😍

今次想同朋友慢慢傾計食嘢，所以專登揀咗呢間唔限時嘅居酒屋見到有啲位係私隱度高啲嘅，有塊簾遮住～不過我地坐普通位都ok一坐低已經見到枱面放定清酒杯俾我地，可惜我地呢排唔飲得酒住，下次再試過！燒味醂雞泡魚乾：好食，好啱邊食邊傾明太子玉子燒：好多明太子，蛋都好味黑豚蘆筍卷&黑豚腩鹽燒：我比較鍾意黑豚蘆筍卷，有啲菜喺到感覺fresh啲，不過黑豚腩鹽燒都好食！牛舌海鹽燒：細細粒好易咬！唔洗點醬都得～好味！鐵板辣魷魚：本身諗住叫燒魷魚，但好似太普通，所以就揀咗呢個，好好食！辣辣地，仲有啲芽菜一齊食都好夾炸蟹肉餅：呢個就普通咗少少，不過都唔錯嘅～算多蟹肉吉列蠔配海膽醬：我地食唔出係海膽醬，不過甜甜地，同吉列蠔都好夾！好食免治雞肉棒：正常發揮～牛肉鍋：都好多牛肉同菜！印象中湯底係壽喜燒汁，唔錯清酒煮蜆：都多蜆肉，算大粒炸慢煮黑豚腩：呢個好好食！！一啲都唔難咬，出面脆卜卜，入面就好腍雞軟骨唐揚配辣蛋黃醬：炸得好食埋單仲會俾3個硬幣我地，夾公仔機入面有好多扭蛋，我地仲夾中咗2張優惠卷等下次用！今次係3個人嚟食，唔小心叫多咗嘢，食到好飽！臨走嗰陣我地已經好期待下次過嚟飲清酒

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝒽𝓇𝑒𝑒·• 白身魚薄切刺身 $108·• 海膽醬吉列蠔 $48·• 燒雞心x2 $42/1·• 野菜天婦羅 $78·• 高山味噌安格斯肉眼朴葉燒 $168 + 白飯 $30·• 汁燒鰻魚 $48·• 鹽燒鰻魚 $48·• 牛舌海鹽燒 $68·• 雞皮 $32·• 牛肉豆腐鍋 $88·• 蒜香牛肉粒炒飯 $98·• 味噌燒飯團 $34·• 醬油燒飯團 $34·• 雞軟骨唐揚 $48·• 純米吟釀 翠水 750ml $480💸 $1,673.1 (10% Charges)❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ有好日本味道嘅居酒屋，價錢合理，而且每一樣菜式都好滿意，食左咁多樣野一碟伏都冇，野食上得好快～餐廳有好多清酒收藏，staff會因應你嘅口味推介🍶。不過menu選擇相對比較少。食完之後仲有金幣出去夾波波抽醬，好似食滿$300有一個。重點係佢一啲都唔呃人！一夾啱個位佢就唔會鬆，我地5個幣都仲左4個獎🥳。 抽中左一個大醬送一枝值$580嘅清酒！食嘅野太多，寫啲feature先♡═━┈┈　

介紹左好多人去食嘅一間餐廳，又抵食！質素又唔差！環境十足日本居酒屋一樣，暫時去唔到日本同朋友仔嚟下呢度都係唔錯選擇，食完飯仲可以去夾波波抽獎！嚟呢度一定重點係叫條魚，鐘意比較鮮甜嘅可以揀右口魚類，幾百蚊就有條新鮮魚吃👍另外當然係可以試佢過百款唔同嘅sake😍鐘意sake嘅朋友仔真心唔好錯過，可以叫唎酒師幫你揀😍其餘就係佐酒小食！thank you ken同gary請左幾種唔同酒我地飲😋仲有好好味海鹽雪糕🍦每次嚟都又食又拎😂

呢間野之前試左次 覺得幾好 一直想再試奈何呢間野係居酒屋既黃金日子(假期&假期前夕)難book到一個點提前兩三日都未必book到 最後我提早一星期終於有得食今次就兩人食 位置就一般啦 張台都唔係好大 所以唔建議一次叫太多 一樣樣慢慢叫慢慢食仲好呢間既最大好處就係佢完全唔限時 你鐘意既可以坐成晚都ok 呢d先係居酒屋 坐低慢慢食 飲下酒同朋友吹下水咁我好難接受香港好多居酒屋居然夠膽死玩限時 再好食既居酒屋一限時我就唔會去 得90分鐘真係純食野 完全唔係去居酒屋既目的返正題，因為想黎好耐 所以琴晚得兩條友都係放開黎叫 叫左好多野酒盜芝士 $48一直都想試試酒盜芝士 即係醃左既碎魚內臟+芝士粒 食落充滿咸香味同埋帶有陣陣魚香味 極好送酒 完全明白點解叫「酒盜」2. 生酒五勺最大特點係 你黎到呢到可以因應自己既口味同喜好請在場既唎酒師推介比你 而且每次叫都可以揀五勺/一合 份量大約係2杯/5杯 價錢因酒定而 今次推介左枝鬼滅聯名既生酒比我 飲落幾好 充滿果香 不過我個人其實好憎鬼滅 haha3. 炸慢煮黑豚豬腩肉 $78全晚第二好食就係呢個 先慢煮五花腩到好淋 然後再拎去炸 實行內脆外軟 而且

放左工當然約閨蜜們聚聚啦黎到諾士佛台傾計點可以唔點酒飲嫁入到去放滿好多酒 環境好似日本居酒屋有好多紅燈籠所以我地叫左支初吻柚子酒（飲落去好似柚子蜜咁 酒精濃度唔高）食物就叫左米崎生蠔 （生蠔有手掌咁大隻 味道可以）牛油果蟹子沙律雞軟骨唐門揚配辣蛋黃醬黑豚腩鹽燒（咸左少少）鰻魚炒飯鐵板辣味魷魚清酒煮蜆 （遲黎冇影到相）總括來說 呢間環境100分價錢都合理 野食唔錯 不過份量比較少大食既人可能唔夠食但係傾計好地方因為環境好舒服

座位舒適，每張枱都有個月球燈俾你打卡，我地叫左d送酒小食送清酒，串燒，沙律，炒菇菌，天婦羅同埋芝士年糕。小食開胃野味，串燒送都一流，炒菇菌好香，天婦羅同芝士年糕就普通啲，其他都推介，佢其實仲有魚生刺身，不過朋友唔好生既食物，所以我地冇點到，食完埋單個陣，侍應俾左三個代幣我地，俾我地係門口側邊個扭蛋機度扭蛋，會扭到唔同既免費野，俾你下次黎食，有得食有得玩。今次整體唔錯，不如果佢個燈光唔係紅色會更加好。

一到埗日式居酒屋的氣氛撲面而來，店員帶我們到座位，旁邊是一排、根據產地放置的清酒，看得我一分興奮。侍酒師問我們想要dry d 定fruity d 嘅清酒，便請他推介一枝fruity的清酒，原來單位是一盒/五勺，真的長知識了。他們推介的清酒連平日不好酒精的朋友都話好飲易入口，真的要畀100分。下酒菜方面，點了明太子沙律。醬不多，明太子切成一粒粒，很有咬口。喜歡！一盒清酒！吞拿魚海膽他他米餅，新鮮，有誠意的菜式黃金燒蠔和燒魷魚。黃金燒蠔令人印象不深，燒魷魚則好好味。推薦大家點來試試。總括而言，五勺非常適合和朋友來happy hour。下酒菜好味，酒又多選擇，還可以選坐他他米。一定會找機會再來💖

走下一個又一個，輪到我地被farewell ，店長好好upgrade 比間房，超大隻生蠔鮮、甜、爽，原本得一個朋友柯打，一上枱成隻手掌咁大，個個人心諗早知叫啦，隔無耐終於忍唔住邊個食蠔舉手🤣 食完個個話正。刺身無得輸：新鮮、厚切、鮮甜，好食到連紫蘇葉食埋。梅酒勁好飲，入口甜香梅味、順喉，唔覺意飲多幾杯添。燒魷魚叫完又叫。天婦羅鬆脆，唯有隻蝦開始變質、唔爽。鰻魚炒飯好香口。安格斯燒牛肉juice 、滑、香口。樣樣都好食，服務又好，整間店職員好友善，負責我地枱既哥哥相當好人，雖然隔住口罩都feel到係笑住為我們服務，謝謝哥哥，好人一生平安🙏🏼

跟朋友慶祝生日，事先致電訂座，被安排坐tatami位，可以靜靜地聊天。點了一些串燒和燒牛肉作前菜，燒牛超級好味，有牛味又不會煮得過硬，剛剛好。人齊黎侍應知道我們想叫酒，就請了師傅來介紹，了解我們的喜好和口味，便介紹了鍋島，口感帶甜，如果怕酒精味太濃可以試這款。食物質素很高，份量也不少。甜品點了柚子雪芭和白桃雪芭，整個水果佢盆上，又可以打卡又能保持水果鮮味，必點！結帳後還有token可夾coupon，夾中了八折優惠，一定會再來。

想揾間氣氛地道啲嘅居酒屋，見呢度環境幾好就快手bk 咗，因為居酒屋好多都好full，抱住好大期望嚟，點知越食越唔對路😞總結下：- 唔算便而且份量超細- 味道好普通- 上菜好慢- 賣相一般- 職員唔夠專業首先佢菜式選擇唔算多。刺身方面offer 三款時令魚，但個staff 只係介紹咗第一隻就匆匆走咗，之後就冇咗件事。咁我哋都冇介意因為佢可能太忙，於是就咁叫咗第一款刺身。1. 三島虎魚刺身 👎有啲似河豚，但冇味，同埋肉質好霉。唔知係咪條魚本身就係咁？ 我下次都係會食返池魚。我影得大碟咗，真實size 只有一隻蛋糕碟大啲。佢加30蚊可以攞條魚骨煲麵豉湯，加20蚊可以炸條魚骨。我去過其他居酒屋，都係喺tst ，人哋就唔使加錢嘅。2. 魚骨麵豉湯 👎不論有冇魚骨麵豉湯都係賣30，但我覺得30蚊買呢碗野就太唔抵啦⋯⋯真係好平凡，加咗魚都咁普通，好難想像冇加魚都要30蚊碗（一人份3. 雞軟骨 👎平時街邊炸嗰啲更好，主要係完全冇味，個醬都係普通蛋黃醬。4. 牛舌 👍🏻呢個幾好食，不過真係好姑寒。好細兜仲要剪開一粒粒，夾埋都唔知有冇三塊。5. 清酒煮蜆👎實在唔明點解可以整到零酒味，啲蜆肉唔腥，亦都唔清甜