五匠六釜

营业中

休息中

北京填鴨 半隻（$168）份量多，有皮有肉，皮微脆，肉OK嫩（係胸位無咁嫩）。餅皮講明有20塊，薄身，但偏糊，較難搣開，好易兩三塊痴埋一齊。青瓜條及京蔥稍為少咗啲。二食：青紅椒炒鴨架（$60）份量超多，而且唔係得啲骨，好多肉痴住。味濃，惹味，但差少少鑊氣。醉雞（$78）花雕酒酒香微甜，雞肉嫩，都叫做入味，食到少少酒味。京燒羊肉（$138）香脆，肉有羊騷味（咁先似食緊羊），肥膏唔多，味道不錯。清炒萵荀（$78）份量足，清爽。PS：用餐時間90分鐘。另收加一服務費。

今晚晚餐選址啟德港鐵站上蓋的新商場Airside，食京川滬菜《五匠六釜》，6樓平台花園對出就係，地方算寬敞吾迫狹。揀咗醉雞、蔥爆牛肉、鮮椒紫蘇田雞鍋和甜品脆炸鮮奶。差唔多每枱都叫嘅招牌菜醉雞，份量足夠而且入味好食，雞肉彈牙爽滑有酒香，淨食都吾會太咸。蔥爆牛肉味濃肉香，每塊牛肉和京蔥均勻地沾滿了醬汁，送飯一流。田雞鍋選用肥美田雞配同青紅兩色椒絲爆香，又脆又嫩。甜品嘅脆炸鮮奶好香奶味，外面炸得很金黃但不油膩，味道不會太甜，就算吃得飽但都食得落！順帶一提，餐廳有出特飲，主打嘅鴨屎香檸檬茶值得一試。

同朋友放左工行下啟德新商場airside，揀左間中餐廳食，八點半去到竟然都仲係座無虛席，好有人氣!醉雞 $78叫左個前菜開開胃，份量好足，有一半都係雞脾! 雞肉嫩滑，酒香但係無太濃，味道啱啱好!北京填鴨（半隻）（包一份摩摩皮) $168 份量都係好足，兩個人食足夠有餘! 半隻鴨肉飽滿，皮脆肉嫩，有水準! 摩摩皮都夠薄，包埋啲肉同配菜食好正! 蝦皇娃娃菜 $98 菜譜見到有鮮蝦所以決定嗌佢，都不負所望! 鮮蝦肥美，娃娃菜吸收曬鮮醇濃郁的湯汁，回味無窮 !整體黎講菜式份量十足，又有好多選擇，值得推薦👍📍五匠六釜啟德協調道2號 Airside 6 樓 602 號舖

今日假期同老公去啟德Airside商場行街，呢個新商場都幾多野行，食店都好多選擇，最終揀左五匠六釜食晚餐。假日關係，全場爆滿，拎左飛後仲要逛陣商場，先有得食。環境企理乾淨，食物質素非常不錯，不過餐廳食客比較多，所以上菜比較慢，不過難得假期唔緊要，可以慢慢食，傾下閒計，過了一個愉快的週末原本打算叫鴨屎香檸檬茶解解渴，點知售罄了，下次有機會一定要試涼拌木耳 $48涼拌木耳爽口微辣，開胃涼菜地三鮮 $78炒薯、青椒、茄子三款都是我喜歡的蔬菜類，好入味辣子雞丁 $86辣子雞丁炒得好有鍋氣，個人覺得比較辣，鍾意食辣嘅人一定好鍾意家常豆腐 $78豆腐口感幼滑，帶點微辣，味道惹味，送飯一流白飯 $12

去啟德Airside出完job 又攰又肚餓 決定嚟一個平靚正簡約晚餐 安撫一下五臟六腑😜 -🎋亁煸四季豆呢個小菜係我嘅all-time-favorite 豆條乾身而且翠綠爽口 肉碎吸收醬汁 味濃不過唔鹹 撈飯🍚食好正-🥓回鍋肉紅油望落好多其實肥膩度非常ok 豬腩肉片少少肥少少辣 鹹香耐嚼 配爽口椰菜🥬燈籠椒🫑紅椒🌶️ 味道豐富-🍎拔絲蘋果實在好耐冇食拔絲甜品‼️ 竟然有兩款揀😍 夾嘅時候有些少黐住隻碟 正正因為咁樣 將拔絲蘋果放喺冰水🧊嗰種儀式感 更係唔少得😁 冰糖脆片甜絲絲 蘋果開胃有助消化-📍五匠六釜啟德協調道2號 Airside 6 樓 602 號舖

聽好多講話啟德商場好靚，有好多好好食既餐又有平台可以打卡。今次帶媽媽黎試下先，見呢間餐廳出面排曬長隊😆入面雖然好大但都唔夠坐，個裝修比較優雅，以奶油色為主，以簡約為主，覺得好舒服。排左一段時間終於入到去就簡係快快脆脆叫下d食物先啦，估唔到上菜都幾快下，不過物有所值。不過呢度d侍應真係好忙，可能好多人捧場太忙，要叫多1-2次先得，係情有可原既。我見佢地個menu有新推出既特飲--雅屎香檸檬茶🍋見都幾大杯，下次黎幫親要試下先🌟京燒羊肉 $138個分量都好多，上面想整到脆脆卜既羊皮，入面既羊香好香，唔會有好大既羊騷味，d羊肉燒到岩岩好，鹹香鹹香又帶點辣🌟燒茄子 $75我一直都好重意食茄子🍆今次見隔離台都有叫茄子見個樣好好食，特登叫黎試下先，d茄子撈左d豬肉碎炒咪係好香口，仲要裹滿d醬汁，送飯真係一流，超樂惹味🌟秘製牛奔麵 $58比上面既牛奔嚇親，好足料，有牛腩，牛筋等🍜煮到好淋而d牛筋就彈牙可口，個面嗦曬d湯汁，又香又煙韌🌟西米椰汁流心球 $32出面係好脆又糯，上面仲有炸左既西米，入面係流心，好濃郁既椰汁同咪西米🥥唔會好甜，椰香味濃

之前岩岩開Airside嘅時候嚟無咩嘢行，朋友話而家Airside多左好多餐廳‼️好欣賞呢度嘅平台，好舒服，完全冇壓迫感雖然而家天氣咁熱，但係airside平台stay完全唔覺得好熱見到呢間「五匠六釜」坐滿人，相信質素很不錯‼️果然係係嚟錯❤️ 每碟野食好大碟又好食先講下「北京填鴨」本身仲考慮緊要唔要見到隔籬枱果碟鴨好靚，又唔會有太多肥膏，二話不說即刻order，片皮鴨塊皮有啲微脆，塊摩摩皮係我有史以來見過最薄的入口唔會好厚，完全食到鴨肉嘅香+鴨皮嘅脆重點係最鍾意佢一啲都唔油膩❤️「大盤花菜」雖然Menu上面寫有兩隻辣椒，但唔會好辣，只係有辣椒香呢個花菜炒得非常入味，一放上檯已經feel到鑊氣十足兩個人真係食唔到太多嘢，食埋個甜品就啱啱好‼️「四川糍粑」新鮮熱辣外層係鬆有脆度的，一咬有拉絲嗰種煙韌度，好好食✨其實有好多野都仲想食，下次要再嚟食～～

今天晚上，我和姊姊到位於啟德C出口Airside商場內，啟德協調道2號Airside 6樓602號的五匠六釜食店吃晚餐。餐廳環境很舒服，食客很多等一陣就入到。我們點了北京填鴨半隻、韭菜猪肉餃配湯面和四川擔擔面。北京填鴨端上桌時，香氣撲鼻，色澤金黃誘人，肉質鮮嫩多汁，皮脆肉嫩，每一口都散發著濃濃的芳香。韭菜猪肉餃配湯面則是擁有豐富的餡料，韭菜的清香和豬肉的鮮美完美融合，配上一碗熱騰騰的湯面，入口幾乎化開。最後的四川擔擔面，辣味驚艷而不失風味，帶著濃厚的花生醬和麻辣湯汁，回味無窮。整個用餐過程，我們不僅享受到美味的食物，更感受到了中國美食的多樣風情。在這裡，我們不僅填飽了肚子，更填滿了對味蕾的滿足。五匠六釜食店的北京填鴨，的確是一種難以忘懷的好味道。

丫仔想食片皮鴨專登塔屯馬線過黎試下.估唔到十分失望。一去到無人招呼， 明明有三五張吉枱都無人理！ 去到話要BB櫈 ， 攪左勁耐先放底一張。 一見到胃口都無埋， 污糟到呢。 跟住收我$5茶位， 比壺不銹鋼保溫水壺茶我就算數。呢間野真係不可一試，以為airside 好高級，去冬菇亭食都好過去！D02北京填鴨（一隻）（包兩份摩摩皮）$318D 摩摩皮翻叮 成疊野又硬 最後就咁食鴨片D醬又死鹹G09蝦蛋炒飯$82一見到三色豆， 以為自己食緊food court E14花膠鮑魚紅燒肉煲$ 158D 肉又肥 又無切好 個煲仲凍上！ 垃圾！B06雞絲粉皮$68D 醬好難食E16泡椒肥腸（3辣）$98算係最正常

跟朋友來到Airside 6樓發現有間性價比幾高的京川滬菜 餐廳滿座好爆場店員都好忙碌不夠人手😅二人枱比較細同隔離枱好近會比較嘈 見到好多檯都有叫新推出的鴨屎香手打檸檬茶700ml夠大杯幾吸引🍋✨北京填鴨（半隻） $168半隻片皮鴨份量都幾 鴨肉的部份比較多而且幾瘦👍🏻配上青瓜京蔥蘸上甜醬 以薄薄的摩摩皮包起來味道不錯 如果摩摩皮可以保溫就更好了✨孜然大蔥羊肉 $96好足料大碟🐏羊肉肥瘦相間夠嫩滑 加入大蔥以孜然調味好惹味 味道不會羶但食到未都會有少少油膩✨脆炸鮮奶 $32炸得外脆內軟😍奶味香濃味道香香甜甜 攤凍左食都依然脆身 叫幾多件可以自己決定最少要叫四件📍五匠六釜 (九龍城)九龍城啓德協調道2號AIRSIDE 6樓L602號鋪

紅油炒手雲吞非常之大粒，入面有好滿的餡料，配上佢地的紅油，有好香的香料味，同時係唔會好辣😄乾煸四季豆同樣呢款四季豆都係唔係好辣的，四季豆表面有啲焦香，入面又好濕潤爽爽脆脆咁，好快我就清左碟四川擔擔麵擔擔面我見好多枱較有叫，果然係冇錯的😆湯底十分之濃郁，每一條面都俾個湯底包裹着😍糖醋里脊佢地的醬汁調教得幾好，唔會過酸或過甜🤤做到外脆內軟的口感，仲有好多不同的配菜，大大件菠蘿咁😋十分之清新五匠六釜 (九龍城)九龍城啟德協調道2號AIRSIDE 6樓L602號舖

每逢星期六日唔知去邊，我哋就會去Airside冒險樂園夾公仔，五匠六釜係我喺Airside食過嘅第四間餐廳。我地六點到達餐廳既時候，餐廳外面已經好多人等緊位。入面裝潢行簡約路線，最特別係落地打玻璃，不過對面係工地，所以冇咩景色可言🤣- 螞蟻上樹其實係豬肉碎炒粉絲，味道香辣惹味，份量非常大，完全食唔晒🤣- 酸辣土豆絲呢個份量係我平時叫既一倍至兩倍，真係好誇張😱。即使咁多土豆絲一齊炒，土豆絲口感爽脆，而且非常開胃，令人食唔停口。- 北京填鴨薄餅皮保持濕潤，唔會咁易痴埋一舊。鴨皮酥脆，油份適中，肥瘦均勻。配料醬汁選擇唔算多，有甜麵醬、蔥絲同青瓜。- 鴨屎香檸檬茶估唔到中餐廳入面都有鴨屎香檸檬茶🤣，檸檬茶好大杯，入口清香，醇厚回甘。五匠六釜應該係Airside入面性價高既一間餐廳，無論食物飲品都好大份，「抵食」絕對係呢間餐廳嘅代名詞

每次經過五匠六釜，總是人頭湧湧，好耐冇食過北京填鴨，避免太多人要等位，今日6:30就嚟到，但食客都不少，呢度座位都算舒適寬敞，燈光明亮✨🌟北京填鴨半隻映入眼簾係酥脆誘人的鴨皮😍經過反覆烘烤至皮脆肉嫩，鴨皮金黃色，散發出陣陣香氣😋切開之後，裡面的鴨肉白嫩多汁，蘸上甜醬，與上大蔥和青瓜，包裹在摩摩皮內，好味🤤🌟四川擔擔麵擔擔麵麵條細韌有勁，能很好地吸附住醬汁，特色在於濃郁的麻辣醬料，這種醬料由芝麻醬、花椒粉、辣椒油等多種調味料混合而成，這種獨特的口感正是擔擔麵的靈魂所在👍🏻🌟京蔥羊肉餃子餃子餡料裡的羊肉鮮美多汁，沒有一點羶味，蘸上陳醋或辣椒醬，非常惹味✨

第一次行啟德airside新商場，真係好新好靚，又有空中花園發現有唔同種類嘅餐廳，唔淨係連鎖店亦都係一個寵物friendly商場，見到好多狗，成個感覺係好有活力同年輕五匠六釜喺商場6樓，專食北方菜，而隔離仲有台式湊湊火鍋✨北京填鴨（$168）鴨肉肥瘦均勻，鴨皮脆卜卜！片得都幾薄估唔到半隻嘅份量都咁多，兩至三人食係非常足夠～摩摩皮薄身，放上青瓜、大蔥，點埋醬料一啖咬落去有層次感，仲減輕左油膩感✨脆炸鮮奶($32)幾特別、好美味！面層酥脆、內層軟滑，唔算太甜，有微微奶香👍🏻✨秘製牛奔麵 ($58）牛份量多，牛筋炆得好腍又入味、麵爽口軟硬適中，呢個價錢黎講好有誠意✨肉三鮮水餃餃子皮太厚味道中規中矩一定要趁熱食凍咗個皮會變硬✨蒜蓉炒娃娃菜份量好大碟，但冇乜蒜蓉味，而且個味道太淡普普通通✨鴨屎香手打檸檬茶 ($28）近期大熱，估唔到呢度都有😹不過個人嚟講鍾意港式檸檬茶多啲

【啟德•五匠六釜】@ππππππππππππππππππππππππππππππ啟德airside性價比高既頂配北京填鴨北京填鴨（半隻）砂窩雲吞雞（半隻）四川擔擔麵片皮鴨是一道傳統的北京菜，通常是用作籃子烤或懸掛式烤製。它的皮脆，肉嫩多汁，是中國菜系中深受喜愛的一道名菜。砂窩雲吞雞是廣東菜系中的經典菜餚，口感清淡，清爽可口，深受人們喜愛。四川擔擔麵是一道極具特色的川菜，以調味濃重、口感麻辣鮮香而聞名，是四川地方的特色麵食之一。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 450✨✨✨✨✨✨✨✨✨✨✨✨✨#九龍城美食 #五匠六釜 #web3九龍城五匠六釜九龍城啟德協調道2號AIRSIDE 6樓L602號舖