京滬佳餚 (The LOHAS康城) (已結業)

一直以嚟將軍澳日出康城，除咗樓盤就係樓盤，我哋亦無朋友仔住喺嗰頭，所以一直以嚟都無去日出康城嘅衝動，直到佢嘅商場落成開幕，終於吸引到A姐嘅垂青。今日我哋就去到The LOHAS行新商場，至於晚餐就選擇咗主打京滬菜嘅京滬佳餚。京滬酥香烤鴨北京菜又點少得片皮鴨呢？呢度嘅片皮鴨係必食推介！份量超多，仲有埋隻鴨髀仔，價錢唔貴又好好味。鴨皮燒得均勻又香脆，脂肪部份唔多，食起上嚟唔會油淋淋；至於鴨肉嫩滑，肉味非常香濃。食片皮鴨嘅配料有六款：糖、甜醬、京蔥、青瓜、蘿蔔同蒜蓉，配搭起上嚟好有層次。最後，餅皮薄得嚟又唔易爛，實在好考大廚功夫。招牌小籠包上海菜又點少得小籠包呢？呢度嘅小籠包係必食推介！皮薄餡多，仲要充滿濃郁嘅肉汁，好滿足。京滬香蔥煎餅香蔥煎餅嘅皮好香脆，但重點係爆多蔥，而且蔥香十足，啖啖都係濃香嘅蔥油味，鍾意食蔥嘅你真係必點。外婆紅燒肉講到上海菜，又點少得紅燒肉呢？一層肥一層瘦，成舊擺晒落口就最滿足。欣賞佢唔會太油膩，脂肪部份成啫喱狀，唔會太有罪惡感。干煸四季豆四季豆炒得好有鑊氣，肉碎份量多，鹹香十足，加埋個白飯就最match啦。京滬擔擔麵呢度嘅擔擔麵唔係川菜，所以唔會有麻辣嘅感覺，反而能

之前上網睇到有介紹話日出康城新開左片皮鴨嘅舖頭 禮拜日去開康城 當然唔可以錯過大概12點幾1點左右去到 門口等位嘅人唔算多 佢一樣可以用手機網上攞飛方便快捷 佢有分室內定室外 如果通常室外都會快啲唔駛點等等咗大概15分鐘可以入座 但係枱與枱個距離好近 喺呢個疫情期間食飯會有啲驚我哋兩個人唔食得多 只係叫咗雞絲粉皮 小籠包 一客酸辣湯同埋重點嘅片皮鴨例牌等咗一陣有得食 不過佢啲餐具就唔係好乾淨 要自己再清潔 雞絲粉皮普通唔算太出色 酸辣湯比較辣 但係唔夠酸 小籠包就做得出色皮薄餡靚有肉汁 熱食好好食 主角片皮鴨最尾先出場 果皮真係非常之脆 好好食 但唯獨是包住嗰塊皮 都唔係好熱只係微暖 有啲失望 雖然佢係例牌但係份量都唔少 大概有10至15塊皮 尚可接受結帳大概$500 正常價錢唔算太貴唯一要改善就係個餐具清潔度同埋啲膳食真係需要熱d 凍左真係扣晒分

今日Lunch time到康城站附近The Logan’s 一間京滬菜食。招牌小籠包新鮮出爐每一個小籠包都充滿咗湯汁😋熱辣辣皮薄餡正👍👍爆汁牛肉煎餅熱辣辣香噴噴，咬落去啲汁多到流出黎😋好想牛肉味😋川麻牛肉麵湯底有麻麻辣辣嘅味道很開胃，牛肉煮得很淋身👍外婆紅燒肉紅燒肉入口即溶一啲都唔覺得肥膩，完全唔覺得自己食緊一層肥膏，味道岩岩好👍好好味😋京滬酥香烤鴨（半例）有六種配料（白糖，甜面醬，京蔥，青瓜，蘿蔔，蒜蓉）可以用嚟包烤鴨，烤鴨嘅份量都很多兩至三個人都夠食，除咗香脆鴨皮之外仲有好多嘅鴨肉👍👍

作為一個片皮鴨愛好者，喺 社交平台見到推介呢一間餐廳，即刻狗衝入康城試下！星期三嘅晚上，7:00 冇book到位，都即刻有得入。入到去啲侍應好熱情咁招呼我哋！首先上咗個配菜，係涼拌花生雲耳青瓜。酸酸辣辣超級好食！再嗌左半分片皮鴨，啲鴨皮薄得來油脂分布剛剛好！再配上厚度剛好嘅皮，真係好食到一流！片皮鴨嘅份量十足！10塊皮淨係食到半份，要再加一籠皮先至食得晒！美中不足就係配料青瓜食晒，要另外再加錢先至可以有。同埋叫咗小籠包，$68有六粒，性價比都唔錯，質素都幾高，同坊間專做小籠包嘅舖頭拍得住！侍應服務態度亦都非常良好，同客人沒有講又笑。不過可能因為越晏越多人，啲侍應就冇主動幫我哋加水，但係叫到佢哋，佢哋都好熱心咁即刻幫我哋加返！今次總括嚟講，體驗十分良好，不久嘅將來必定會再去試！

超級抵食高質素嘅片皮鴨❤️（原例$368）老實講本身對香港嘅片皮鴨都唔抱太大嘅期望😂（有時都唔知自己食緊燒鴨定係片皮鴨你懂的）但係呢間片嘅方法同埋個肉質都做到十分之出色，加埋超薄嘅餅皮，新穎嘅配料，超級推介大家去試吓雖然遠咗啲😂小籠包個皮真係薄到數一數二，入面超級多湯汁，一定要試！另外個頭盤鮑魚都做得超級出色，用咗70度慢煮，又軟又入味，加埋酸酸地嘅汁，十分開胃☺️另外仲食咗燻蛋，牛肉煎餅，小羊排，蘿蔔絲餅，滕椒魚片加辣全部都十分滿意我地仲試晒呢度全部嘅cockatail...有中國feel既cocktail非常特別😂

四人餐非常抵食，出眾片皮鴨，砂鍋雲吞雞， 糖醋排骨，炸蝦球 必食😋😋😋環境舒適，服務員非常有禮貌👍👍最特別是餐廳不停播放潮流歌曲，氣氛一流只有一缺點，等位較耐

以前康城比我嘅感覺就好似一個荒島今年開咗個新商場The LOHAS新開咗唔少餐廳-見到呢間主打烤鴨既京滬菜門面幾靚去到時間未夠六點店員同我哋講準備開門唔使等位就入去試吓-裝修見到細節位好用心擋板全部融合餐廳設計每一張枱都會隔開有私人空間得來唔會影響外觀枱面仲有口罩套提供見到好多細節都同鴨有關店員有特別介紹呢度嘅飲品係配合中菜口味調配用茶製成Cocktail好特別因為揸車所以叫咗mocktail-👇🏻鐵觀音（$48）味道好清新有種去咗泰國做spa嘅感覺味道唔會太甜帶有淡淡香茅同薑嘅味道👇🏻柚子冰茶個杯好有熱帶風情味道相對比較甜係帶有香桃同熱情果味嘅茉莉花茶👇🏻京滬雲吞鴨肉湯（$68/位）-極力推介👍🏻第一啖飲落去好有驚喜從未試過飲到咁好飲嘅鴨湯味道濃郁帶鴨嘅甜味鴨肉帶有油香一試回味👇🏻京滬酥香烤鴨（$188/半例）份量大方仲有一隻鴨髀仔外皮烤得色澤均勻口感鬆脆入口即化鴨肉帶有獨特香味而且非常嫩滑係我喺香港食到最好食嘅烤鴨-餅皮做得很薄可以透光口感煙韌唔容易爛即使直到最尾都唔會覺得變硬-半例有配六款配料白糖、甜面醬、京蔥、青瓜較特別有心內美蘿蔔和蒜蓉第一次食烤鴨配搭蒜蓉原來味道好夾會令烤鴨

We went to try their Peking duck on a Saturday night (4 ppl). It was very crowded and we had to wait about 45mn to get a table but after the meal we all agreed it was worth the wait. We had the duck 3 ways. The wonton soup was exceptional, the duck rack extremely flavorful and the main dish did not disappoint in any way. One of our friend who is from northern China but has been in HK for over a decade decided it was the best Peking duck she ever had in HK! The pricing is really reasonable too an

餐廳限聚令放寬至六人，感覺吃飯的氣氛會完全不同，又可與多二名知己，聚一聚嘻哈大笑吃個飯了。同學住將軍澳的也不少，今晚就趁大家都還沒去過最近才落成的日出康城商場，相約一齊入内逛逛，順便在商場裡找吃。我提議今晚去一間叫京滬佳餚，吃吃北京烤鴨，各人沒意見，菜單今晚就由我發辦好了。這家-京滬佳餚，是一家主打新派的摩登京滬菜，菜式除了招牌片皮鴨之外，原來還有精緻的甜品等。今晚必點的是京滬酥香烤鴨，師傅選鴨也講究，選的是金星鴨業北京白羽鴨，並採用了特別既處理方法，令到那烤鴨酥香而又不油膩，與其他店的北京填鴨不同，傳統的鴨皮總帶著一小層肥膏，吃多了總是膩。這店值得推薦的，出來的效果是酥香又兼不肥膩，這樣吃多點也沒存在罪惡感了。烤鴨一上桌，店員走過來，教我們嘗試新的吃法，就是將酥香的鴨皮，只點砂糖，嘗嘗那入口即溶的口感，確又是另一種吃填鴨的感受。我們也點了店員的推介 - 脆皮牛肋骨條，價錢可能貴了點，但沒問題吧，特別的菜色，總要去試一試。這條牛肋骨，外脆和不韌，因帶著點肥脂，燒完已沒肥膩感覺，再配以蘇梅醬來吃，有水準好吃，配以生啤相信更好。再來一味很少在家裡煮的 - 孜然小羊扒，一碟足足有六七件之多，

康城新開高質素京滬菜！環境優美舒適、食物好味之餘，熱情好客的服務態度更值得一讚！入座先點左2杯豆漿（凍）$20貝勒爆炒羊 $118有少少辣，非常惹味，羊嘅份量十分多，配上芫荽覓菜炒，更是滋味得讓人啜指回味！招牌小籠包（6件）$68經理推介，必點之一，皮薄卻沒有別家因太薄而夾起就破爛的問題，湯汁與餡料是黄金一比一比例，要小心品嘗，一不小心就「爆汁」呢🤣（半例）京滙酥香烤鴨 $188半例牌已經好有份量呢！是目前在香港食過最好吃的片皮鴨😋皮酥脆肉嫩滑，即叫即整，非常花心機之作，採用白毛鴨，份外肥美且味濃，鴨甘繞繚舌尖，吃罷齒頰留香久久不散！強烈推薦！爆汁牛肉煎餅（2件）$48甫咬下就馬上流出鮮甜肉汁，惟嫌皮略厚偏硬，個人更喜薄皮牛肉餅。因吃得盡興，我們更點了兩杯mocktail配搭佳餚美食，尤其喜歡左邊這杯，熱情果味酸甜開胃，冰爽無比，餐廳用上特色杯子更顯心思。茗茶 每位$12 合理收費，總括食物質素均為水準以上且服務不俗，是回頭翻啅的不二之選。📍 京滬佳餚將軍澳康城路1號The LOHAS3樓333號舖

適逢放假，便好奇去新開的日出康城商場，看個究竟，很多商舖還在裝修中，京滬佳餚是其中一間已經開業的餐廳。看門口那個鴨子的招牌，便知道有鴨的菜色了。內裏的環境很精緻， 環境闊落而且有戶外座位。 京滬酥香烤鴨($188/半例)這個北京烤鴨是必點的，如菜式名一樣，皮脆酥香，咬下去有「咯」的一聲， 鴨肉肉質細嫩，皮下有一層薄薄的脂肪，小肥而不膩，絕對是外脆內嫩。用來包鴨的餅皮是薄身的， 六款配料有青瓜、京蔥、心內美、蒜蓉、砂糖和甜醬。 招牌小籠包($68/ 六件)這裏的小籠包做得出色， 外皮厚薄適中， 尖端的位置外皮皺摺工整， 能用筷子夾起， 底下薄而通透， 能用肉眼看得出餡料和湯汁， 肉餡份量適中，質感鬆化，亦有充盈的湯汁。 京滬擔擔麵($68)比起四川擔擔麵，這裹的擔擔麵的麻辣程度低很多，微辣但依然有濃厚的麻醬香味， 麵條煙韌，伴著豬肉碎和蔥花。 滋補潤喉羹($48)光聽名字，只知道它滋補潤喉， 內裏有什麼配料 ，卻吃第一口才知道， 第一種感覺是 味道很特別， 細問之下原來是啫喱粒粒混入打碎了的橙皮， 橙味不太突出，卻有濃濃的果皮味，加上梨肉和杞子， 的確十分滋潤。 山楂楊梅果($38)這裏

康城終於開新嘅餐廳，見到門口排晒長龍梗係要試吓。門口同事首先俾咗餐牌我哋睇一睇，見到門口LED推介嘅嘢食都好正例如有烤鴨、小籠包、宮保蝦球、小羊排、牛肋骨呢啲招牌菜式都好吸引。而且仲有新張優惠、啲相同埋食物都好似好吸引咁，經理同店員嘅服務亦都周到。我哋叫咗一份黃金鴨件，由於我哋五個人所以叫師傅加多左一件，而且配埋魚子醬可以自己控制份量非常用心。呢個部位聽店員介紹就係隻鴨最黃金最好味嘅位置，就好似鴨中拖羅。另外烤鴨亦都香酥而不膩，分量多而且皮脆肉滑。配料方面亦都會配上山楂、哈密瓜、京蔥、蒜蓉、等等配料。另外都點左啲點心，尤其是係佢啲小籠包湯汁非常豐滿，而且皮薄。入口果下真係要小心因為入邊超多湯汁而且又甜又新鮮好味。宮保蝦球嘅秘製醬汁條配得非常好食，而且每粒蝦都大大粒外皮非脆。而且我哋重點左松子魚個造型非常特別尾巴係曉起嘅，比起出邊食嘅松子魚都特別。另外椒鹽鴨㗎亦都非常嘢味好食。另外呢一個一品脆碎香超有驚喜，咬落爽口而且一啖過。整體來講食物有驚喜員工水準亦都訓練有素，舖頭嘅裝修同設計都好靚而且設有室外同埋包廂，應該會喺康城大熱！