人和月雞煲火鍋店 (已結業)

呢餐飯我會比💛💛💛💛💛滿分💛店員超有禮貌，給力！💛食材超新鮮，牛靚海鮮鮮💛雞煲好食～💛食物份量按人頭，咁就唔會浪費嘞～💛適合三五成群，尤其食得嘅男生😆地方唔算好大，簡單舒服嘅環境，適合朋友聚會我地揀咗C餐 SRF極黑黃牛海鮮大滿貫酥皮麻辣芝士雞煲，今期免費送冰鎮鮑魚掛住傾偈，影唔到佢脹卜卜個樣😑影完相～店員會幫你用刀𠝹開佢～我唔客氣嘞！揀咗小麻小辣，下次可以升級😆啲蝦仲郁㗎！所有食材都新鮮勁好食囉！蜆甜無沙！扇貝不得了！好靚呀啲牛～～～雪花❄️分飛日本廣島蠔！必食！自助吧選擇都唔少飲品款式多，仲有玻璃樽可樂😎同埋教主OOHA~~❤️食咁多嘢梗係要飲返杯洛神花茶，酸味味～開胃消滯👏🏻仲有麵食～～飽到試唔到個火鍋粉😆呢個甜品conner，有豆腐花，有芋圓，涼粉，紅豆，蒟蒻等等食得是福，唔好浪費，自整一碗迷你台式甜品😋仲有好多嘢未試～飽飽～

發育時期嘅小朋友係最食得, 今晚嘗試帶表弟仔去食雞煲+任食火鍋, test下佢嘅食量。呢間餐廳鄰近尖沙咀地鐵站, 交通方便, 入座起計限時120分鐘。餐廳環境企理乾淨, 設有部份卡位坐得舒服。另一邊設自助區, 有丸類、蔬菜火鍋類、飲品、甜品、醬料區, 擺放整潔企理。先選擇第一round, 揀咗韓式芝士雞煲雞件已為8,9 成熟, 被大量芝士碎堆住, 上檯稍為加熱將芝士熱熔, 一夾起雞件可以拉起長長芝士絲, 每件雞件有炸皮包住, 表面平均沾上微辣甜醬汁, 雞件冇骨, 芝士口感綿綿, 有淡淡芝士香, 跟微辣甜醬汁很match, 雞件冇骨, 肉質札實, 再配有韓式年糕, 食完呢round其實都飽咗一半。之後再揀火鍋湯底, 轉第二round打邊爐, 揀咗胡椒豬肚湯胡椒味很重, 有胡椒嘅辣辣地, 好惹味, 豬肚份量都好多, 質地爽火鍋套餐我地揀咗最平果款 ---- 美國極品牛肉set先送上一盤齊哂嘅美國牛, 包括牛下肩、牛板腱、金錢、牛胸爽、雪花肥牛雪花肥牛脂肪紋理多, 比較嫩口; 最中意食牛胸爽嘅爽口感;任食嘅另外再點咗豚肉、海蝦、蟹籽蝦滑、鴨血,蝦肉鮮甜彈牙, 唔係死蝦質素; 海鮮類其實仲有自

要揀聚會餐廳, 近年應該都係雞煲加任食火鍋最受歡迎鍾意食咩自己揀, 又唔怕唔夠飽, 不過同類餐廳咁多, 質素參差就唔駛講啦今日黎食左呢一間, 係正正尖沙咀, 好方便鋪頭新開, 好乾淨, 樓面們都好勤力咁同我地介紹, 感受到氣氛好好聽完推介, 我地揀左個新款試試酥皮芝士雞煲底層雞煲係鋪頭招牌, 上次加層厚厚既芝士, 最面層係好大好大既酥皮好香, 有層次得黎唔會太厚, 唔驚好飽 加埋雞煲本身個醬好好食食完雞煲, 揀個湯底會轉個煲上呢個係胡椒豬肚, 超級多豬肚, 個湯好好飲, 駛唔駛咁足料呀老細XD另外呢到都有好多特別好食既配料, 我重點推介芝士牛丸, 超正!! 岩晒我芝士狂魚片, 完全冇骨, 勁滑墨魚滑, 味濃, 超彈牙, 一個人食左2條出面仲有好大個櫃夾野食仲有一樣大家好關注既!!  甜品~呢到竟然有芋圓!!!  我最愛呀~ 真係好食, 唔係搵D冰鮮野呃你, 仲有齊配料鍾意加豆花又得, 加雪糕都得!!

今日同個朋友慶祝生日 帶佢嚟到尖沙咀嘅呢間人和月雞煲火鍋店度食晚餐 餐廳位於尖沙咀海防道地點十分方便開始時候我哋就揀咗芝士雞煲 佢係用韓式嘅煮法去做 落咗甜辣醬非常惹味 上面加咗海量嘅奶芝芝士 真係勁邪惡呀之後就可以揀湯底打邊爐啦叫咗個SRF極黑和牛海鮮大滿貫 首先會有一個預設拼盤 入邊 已經有八款唔同嘅牛肉部位可以品嚐 有部分可以再點有部分就唔得啦 澳洲和牛入口即溶肥瘦適中超正呀頂級美國封門柳 呢個部位比較瘦 勝在牛肉味濃郁而且肉質軟淋海鮮都係唔錯嘅質素 包括有非常新鮮嘅海蝦 元貝 蜆 青口 鮑魚等等當然仲有好多嘅打邊爐配料同埋飲品係任飲任食啦 必食芝士牛丸真係爆漿超正最後仲可以自助調配一碗台式仙草凍 大滿足呀

估唔到尖沙咀都有一間咁高質嘅放題火鍋🍲以前同朋友食開嘅放題火鍋，都唔係太令我滿意，今次依間嘅火鍋店絕對令我對放題改觀😛💓 首先依度嘅座位環境都好舒服，加上店員好有禮貌同埋熱情，每樣餸菜都同我哋講解，仲會得閒同我哋吹吓水咁，勁有人情味🥳 而且嘢食超級高質，每一樣都睇得出廚師嘅用心，絕對係抵食同埋食得過💓😆首先我哋嗌嘅係和牛海鮮火鍋放題，除咗食放題之外，仲可以揀一樣前菜，有雞煲、韓式雞同埋卜卜蜆簡，三選一，我哋就揀咗卜卜蜆，真心依度嘅軒係超級鮮甜🥰 唔知點解放題都可以做到咁高質，同平時餐廳幾百蚊食到嘅質素係一樣，每隻蜆嘅肉質都好飽滿，超鮮超鮮🥹❤️另外依度嘅黃和牛都係必食推介，好香牛味同埋入口即溶😚 一定會以後再嚟幫襯！

平時喺尖沙咀行街行到攰，唔知有咩嘢食又好味又坐得耐，今次俾我哋無意間搵到依間叫做人和月雞煲，任飲任食兩個鐘，估唔到嘢食嘅質素超級高😆首先一入到嚟，依度嘅環境好闊落，所以坐得好舒服，重點係嘢食超級高質，而且勁抵食，除咗你嗌嘅火鍋之外，出邊仲有好多嘢食可以任拎，只要你食得晒嘅都可以隨便食🥳 種類仲要好多元化，包括有甜品🍮飲品同埋角色嘅蔬菜、丸等等，最令我驚喜嘅係居然有台灣嘅甜品，例如芋丸同埋涼粉，係我嘅最愛💗😛我哋叫咗一個和牛海鮮雞煲，必食推介！首先依度嘅和牛種類都好多元化，特別推介嘅係牛肩肉，肉質好鮮嫩，食落去超香嘅牛味，另外雪花肥牛都係另一樣嘅必食推介🥳仲有仲有！呢度嘅海鮮都好高質，雖然係放題，但係餐廳絕對唔會敷衍你，尤其是係鮑魚同埋蜆，味道好鮮甜✌🏻

聚會唔錯，雞煲好好味，D雞好嫩。我哋係夜晚去，係放題。會先上雞煲，再上打邊爐嘅鍋。揀B餐唔划算，因為和牛果d只會上一次，份量唔多。其他可以refill果d同A餐一樣。所以一係揀A餐，或者C餐，有海鮮。飲品都多選擇嘅。

同事生日，難得咁啱開返晚市堂食，一於約埋去食返餐，同事book 左尖沙咀人和月雞煲火鍋店，餐廳是樓上鋪，座位寬敞舒適。餐廳火鍋放題 任食120分鐘，價錢分五種，視乎客人喜好！設有自助區，有火鍋配料例如蔬菜、丸類、菇類和麵食，飲品和甜品等都係任食。入座後會送上每位客人一隻燒蝦。頭盤係四選一，有雞有魚有蜆，有辣有唔辣，我哋揀咗韓式芝士雞，雞煲上檯時已經舖滿芝士碎，雞件已經煮熟, 並加上辣汁，待加熱到芝士全部溶解就食得。雞肉冇骨啖啖肉，沾上芝士超惹味又可拉絲！味道帶少許辣味道更佳。食完芝士雞會換上火鍋湯底，湯底都有多款不同口味供客人選擇。懷舊沙嗲濃湯：沙嗲香濃帶椰香味，惹味非常！送上一盆嚴選美國特級牛肉，有嚴選牛板腱、嚴選牛下肩、高級雪花肥牛，特級牛胸爽、精選金錢展。味道和口感各有特色,有的爽口，有得的嫩滑。食完有部份可以無限再追加，有部份就需要加錢才能追加。除咗自助區有火煱配料任食，重可以 經QR code落單叫魚、蝦、肉類等，食物都好新鮮，上枱都好快。日本黑豚五花片鮮嫩，海蝦和蟹籽蝦滑亦彈牙，魚肉鮮嫩滑溜又冇骨！最後就一定係甜品，其中豆腐花超滑，重有雪糕涼粉等任君選擇，真係名符其實滿足吃

可以放寬晚上出外食飯,急不及待約朋友飯局聚會,我一定想起去打邊爐,就來到人和月雞煲火鍋店,是任飲任食2小時 。店舖裝潢以白色為主,座位寬闊,清潔舒適。.我們選擇<美國極品牛肉餐>.出去自助區睇下先!店有自助區,分別有調味料、丸類、菜類、麵類飲品、自家製花茶、啤酒及甜品,都是任飲任食的。.頭盤 可四選一當然選擇招牌麻辣雞煲選微辣,雞件食起上來 肉質嫩滑不鞋, 辣來帶甜甜味道, 微麻麻感覺,而辣味富層次  惹味非常 I LIKE IT!.另外送來湯地, 選鴛鴦湯底<胡椒豬肚湯 + 芫荽皮蛋湯>點了鴛鴦鍋,分別有滋補樂膳養生生奶湯及清清地芫荽皮蛋湯。.首先送上不同部位美國牛肉,見到都流口水。.每款不同部位美國牛肉灼後味道也不錯。.不只有肉類,還有海鮮類有鮮蝦及脘魚片及墨魚滑, 仲有鴨血及丸類,等等。特別已encore幾次牛胸爽, 看似油膩灼後入口出奇地爽口,不油膩帶有豐富牛油香味。.當然少不了香脆魚皮及響鈴,仲有蔬菜及菇類。.食吓野,飲吓下酒,飲吓下火店自家製花茶,簡直人生一快樂事啦! .怎少不了飯後甜品及生果,這餐飯非常飽飽滿足呢! 

等左咁耐，終於可以約多2個friend一齊打邊爐喇！開心～朋友推介＂人和月雞煲火鍋＂～就試下佢係咪真係咁ok! 服務方面，店員都好好，又有禮貌，又介紹唔同套餐嘅分別。環境都光猛，乾淨，坐落都好舒適！諗來諗去，我地最後揀咗 SRF極黑和牛海鮮大滿貫($398/位)先講講個雞煲，小辣，想不到啲雞肉真係幾滑，有肉等嚟又唔係覺得好肥！ 個雞煲汁仲會愈食愈辣～ 我地仲用呢個汁加左燙打一陣邊爐先轉湯底！因為唔想又食辣，揀左胡椒豬肚湯底～味道香濃，胡椒又清香又辣辣地！ 幾好！真係勁多款和牛肉，可以一次試哂唔同部位嘅肉質，本人表示高興！而且食落口感都很好，有牛肉味，又有少少牛脂，肉質新鮮！幾好！除左牛仲有得手機點餐，份量剛好，鐘意食可以點完再點～唔會嘥野！海鮮亦很新鮮，啲蝦上枱到放左一段時間仲郁郁下，蝦肉又彈牙，真係食得出嘅新鮮～如果啲牛，海鮮，手機點餐都未夠喉，出面仲有好多野食比大家揀。汽水、茶都係無限飲～ 食到咁上下又有糖水，豆腐花，一次過滿足大家N個願望。下次要搵地打聚腳 又想打邊爐，可以考慮吓呢間！

堂食放寬返，梗係要約朋友出去飲飲食食！餓咗好耐嘅打邊爐同埋雞煲，喺呢一間餐廳就可以一次過滿足晒兩個願望啦～ 除咗雞煲仲可以四選一揀其他煲～我哋見過雞煲咁好味，忍唔住自己加咗湯打住邊爐先，又真係幾好味喎火鍋湯底我哋揀咗胡椒豬肚湯，胡椒味超濃郁，落親咩落去都會有胡椒香墨魚滑超好味，追加咗三次海鮮質素都唔錯，帶子出奇地大隻，抵食麵食全部都獨立包裝，方便又衛生另一樣嘢幾開心就係佢哋嘅飲品選擇好多，啤酒都有，而家唔係平時成日見到嘅韓式飲品，而係台灣入口嘅台式飲品，仲有冷泡花茶，啱晒鍾意養生嘅女仔最最最最大驚喜就係竟然有好多嘅台式甜品可以選擇，唔似以前好興嘅乳酪雪糕咁，其實都食到厭晒，同埋完全估唔到佢嘅台式甜品全部都勁高質，雖然我已經飽到反晒肚，但係我都追加咗三次，講真如果佢哋開一間台式甜品鋪我哋一定會支持！首推係芋圓，薏米，同埋仙草凍，一定要留肚食！！仲有其他任食選擇，配料唔算多，最緊要高質，一定會再幫襯！

約朋友食飯有時大家想食唔同既野都幾麻煩今次我想食雞煲, 而佢就想打邊爐,雖然坊間有好多間都係雞煲同打邊爐係一齊食既但朋友就唔鐘意食完雞煲再放湯落去, 咁食會好肥喎好彩比佢搵到間係雞煲同邊爐係完全分開的, 所以我們就可以解決到煩惱啦!D間人和月位於海防道, 係TST MTR出左行幾步就到, 位置幾方便飲品係任飲櫃比客人自取仲有糖食任食, D配料仲有好多款可以揀入面環境都幾新淨, 而且衛生情況都好好, 坐得同食得都舒服首先黎到係雞煲, 我地叫BB辣, D個辣度岩晒我地, 淺嘗辣味能吊起整個味道就好, 味道層次感都豐富, 而雞肉都幾厚肉, 而且都係雞腿位黎, 可以啖啖肉, 食得特別滿足食完就黎左邊爐既胡椒豬肚湯底, 料都好充足, 有好多胡椒同豬肚, 但真係要比D時間胡椒出味, 初初食係好似唔夠胡椒味咁, 食食下胡椒出左味就越食越想食而邊爐必食既牛都有好多款, 唔同部位都有唔同牛味同埋口感, 而我地最鐘意就係牛胸爽, 口感特別, 少少爽得黎帶點油脂味, 出面真係唔多可以食到除左食牛外, 可以掃QR點可以任食既食物, QR code點到的我地最鐘意就係蝦同埋脘魚片蝦都幾新鮮, 幾彈牙而富有蝦味脘

晚市堂食終於解禁好耐冇打個邊爐啦，等待已久的堂食晚市火鍋當然約埋理朋朋友，首先食完雞煲再吃盡火鍋。餐廳以綠色做主調，有多個卡位，坐得好舒服。一盤美國極品級靚牛併盤如下：特級牛胸爽：質地超爽滑、唔油高級雪花肥牛：油脂比例最多、較為嫩口精選金錢展：油脂極少、但薄切令口感冇咁厚實鞋嚴選牛下肩、牛板腱：肉味較重飲品除了罐裝汽水、仲有養生自家飲品、ANSON LO新的COKE同紙板，咩口味都有，岩哂神徒打卡。甜品方面就有芋圓、小丸子等自行加配，其中熱辣辣豆腐花仲超滑。真係好滿足的一餐，會再返來！

太耐冇打過邊爐了！而家放寬返就拿拿林約friend食飯~最後去了＂人和月雞煲火鍋＂～職員很nice, 服務都好好，耐心向我地介紹不同套餐。最後我地選了C餐，SRF極黑和牛海鮮大滿貫($398/位)～呵呵呵一開始緊係食左雞煲先，我地叫左小辣，d雞肉好滑，又唔會淨係得雞骨，正呀～ 個汁仲會愈食愈辣!之後就打邊爐，揀左胡椒豬肚湯底～慣性飲左頭啖湯先淥野食！味道濃郁，微辣！和牛很多，肉質都不錯！真係食到飽手機點餐，點左好多野，特別係墨魚滑，encore 完再encore😂海鮮亦很新鮮，蝦很生猛，放左一段時間仲識郁，又易剝殼。出面仲有好多野比大家夾，飲品都係任飲！又有糖水，重要係好食～真係驚大家食唔飽😂 下次再來🤣

太耐冇打過邊爐了🥘！而家放寬返就拿拿林約friend食飯~最後去了＂人和月雞煲火鍋＂～職員很nice, 服務都好好，耐心向我地介紹不同套餐👍🏻。最後我地選了C餐，SRF極黑和牛海鮮大滿貫($398/位)～呵呵呵一開始緊係食左雞煲先，我地叫左小辣，d雞肉好滑，又唔會淨係得雞骨，正呀～ 個汁仲會愈食愈辣!之後就打邊爐，揀左胡椒豬肚湯底～慣性飲左頭啖湯先淥野食！味道濃郁，微辣！和牛很多，肉質都不錯！真係食到飽手機點餐，點左好多野，特別係墨魚滑，encore 完再encore😂海鮮亦很新鮮，蝦很生猛，放左一段時間仲識郁，又易剝殼。出面仲有好多野比大家夾，飲品都係任飲！又有糖水，重要係好食～真係驚大家食唔飽😂 下次再來🤣