人和月雞煲火鍋店 (已結業)

今日行過海防道，貪心啲食番個120分鐘精選牛肉吃到飽A餐@$298，頭盤四選一：招牌麻辣雞煲，老檯酸菜魚，味鮮卜卜蜆，韓式芝士雞+八選一的火鍋湯底，話明貪心啲，一定加錢轉時限主菜：原創酥皮麻辣芝士雞煲，酥皮焗得又香又脆覆蓋整個麻辣雞煲，店員細心為我們𠝹開酥皮將拉絲芝士撈勻雞件，睇住已經流口水🤤雞件嫩滑，芝士香，正😍😍另外每枱更送上彈牙的冰鎮鮑魚及清甜涼拌茄子🍆小吃，好窩心😘😘食完鷄煲再轉火鍋放題，胡椒豬肚湯，湯底用料十足，超多爽脆豬肚，每枱先送上好靚的**嚴選美國高級牛肉（一客)**嚴選美國牛下肩*美國牛板腱*特級美國牛胸爽*高級美國雪花肥牛**.40 多款火鍋配料：嫩滑院魚片，日本黑豚肉，日本黑豚肉五花片，家鄉墨魚滑 ，鮮打蟹籽蝦滑式，海蝦，台式鴨血……..勁多野食，每樣食一次已經飽到上心口🤣🤣我最鍾意自家製飲品：洛神花茶，蜂蜜菊花露，桂花烏龍茶冷泡茶，玫瑰茉莉冷泡茶，健康又唔甜，汽水啤酒🍻任飲😘😘雪糕🍦台式甜品🍮一見到芋圓就心心眼啦，椰果，西瓜🍉仙草，紅豆🫘爆爆珠，豆腐花，食完真係大滿足😍😍

今次係第三次食呢間高質抵食嘅任食邊爐！一入餐廳背景音樂係咁播Mirror，仲要周圍掛晒教主同埋jer嘅廣告，miro嚟食一定好高興😂坐低叫咗頭盤之後當然立刻係去拎佢哋嘅自家製嘢飲🫢洛神花茶入口有啲酸好開胃唔會太甜，打邊爐啱晒蜂蜜菊花露好清甜，唔飲甜嘢嘅話桂花烏龍都茶味好香👍🏻 佢地連啤酒都任飲真係冇得輸醬料區 炸蒜芫荽芝麻醬係基本，值得一提係佢哋用咗新鮮辣椒粒，唔係擺耐左嗰啲，所以落少少就可以好辣麻辣雞煲我地叫左小辣，份量作為頭盤嚟講都幾大！骨唔算好多，配料超級多個味好出，麻嘅後勁都幾勁，如果食得辣嘅辣度可以叫勁啲，因為個醬偏甜～麻辣湯底好有麻香，大辣越煲越辣🫠🫠🫠唔係太食辣嘅我就加左$30叫左個椰青香茅青檸湯底，好有椰香同香茅味，抵讚嘅係食到最後一刻加埋湯都仲係好清新仲有嗰陣椰同香茅味！我哋個餐跟嘅有幾款牛牛下肩肉嘅質感幾稔，幾吸到個湯底嘅味牛板腱就比牛下肩仲稔同滑，仲要係可以喺佢個QR code度任點超正！牛爽肉就質感好特別，鍾意食爽口質感嘅一定要試😀通常食肉啲人都係鍾意食辣嗰邊，因為個味道比較重，但日本豚肉就算落落去椰青果個湯底都好香椰子味！蒿荀都係新鮮，因為冇渣黑椒馬蹄貢丸都好

經朋友介紹後星期日嚟咗尖沙咀依間火鍋放題店食午市，餐廳同尖沙咀地鐵站好近，行幾分鐘就到☺️估唔到星期日嘅午市都會有午市套餐 我同朋友三個人首先揀咗係火鍋放題比較少見嘅烤魚 非常有驚喜🤩🤩本人本身唔太鍾意食魚因為怕有骨🐟但係呢條魚真係好少骨 完全可以放心食用 仲要調味非常好 可以接受到嘅辣度😋記得喺火鍋自助吧拎埋火鍋粉同萵筍 配埋一齊食會更加豐富入味 食完烤魚之後就開始打邊爐 揀咗兩個湯底 1）鮮茄粟米甘筍濃湯🍅 2）藥膳養生牛奶湯🥛 兩個湯底比較下鮮茄粟米甘筍濃湯🍅會出色啲 火鍋放題佢一開頭會上一大盤牛 清晰寫返係乜嘢牛黎 等我哋可以知道食緊啲乜🤪 牛嘅質感不錯 特別鍾意食高級雪花肥牛🐮飲品自助吧嘅選擇都幾多 有普通同低糖可樂，自家製泡茶，OOHA等等 餐廳嘅員工服務態度好好 職員好詳細咁介紹同推介啲嘢食 同埋好貼心可見到我哋有啲凍 主動黎問我哋使唔使調返個冷氣氣溫 食材同埋餐廳環境乾淨 整體黎講性價比都好高🥰值得一試！

半年前開始聽到好多朋友仔都去人和月打邊爐 今日自己終於去試試 原來有午市火鍋套餐☺️ 抵食啲！但就當然少啲食物款式 得90分鐘時間 首先午市已經比較抵食 三款set <$300 ，第2&3款先有得配頭盤 咁我地見2&3 差80蚊 食物款又唔係多好多 🤔就揀左第2款set ($218) ⭐️頭盤本身都有4款㨂 四個人加$88就有得揀烤魚/芝士酥皮雞煲 再有得送4隻冰鎮鮑魚！ 因為我地3個人都好少食烤魚！全枱只係需要加$88 就㨂左烤魚！ （冇收錢真實感想 見佢唔多生意想認真寫好啲！）1️⃣麻辣烤魚 （小辣）👍🏻魚肉好滑好嫩👍🏻少骨多肉👍🏻小辣對我黎講剛好 （平時三哥食開5小） 👍🏻麻辣夠香👍🏻有得加寬粉！！！好重要！ 👍🏻份量夠多！！ 👍🏻豆卜入味 （😕但午市得90分鐘 食完冰鎮鮑魚 食條魚 食寛粉都用左60分鐘…. 食完60分鐘個手機app就停左冇得落單 ）不過！ 超好人嘅老闆娘🤩🥳因為果日午市唔多人 比我地照口頭落單😍比我地坐左120分鐘！ 但其實真係極唔好意思 但真係食頭盤食左60分鐘… 冇理由食完條魚就走.. （如果午餐個餐貴多~$40-50 可以坐120分鐘就好了 可接

喺尖沙咀海防道嘅一間樓上鋪可以先帶一個頭盤然後再打邊爐我地就叫左個韓式芝士雞份量超級大份 芝士超多仲可以玩拉絲 兩個人食咗一半就要打包了 留肚食後面既邊爐麻然後叫咗個鴛鴦湯底 湯底材料都豐富 濃濃既藥膳牛奶湯白雪雪好靚 雖然冇咩牛奶味 藥膳味就好突出 會先上1份海鮮拼盤同埋牛肉拼盤 海鮮尚算新鮮 海蝦超生猛係到腳郁郁牛肉亦好全面有約8款 好靚好新鮮 後加既肉質仍然能夠保持 其他配料款式亦都好齊 最值得推介芝心牛丸 少見而且好好味 飲品有幾款自製茶品 見到新野ooha有氣水都幾驚喜 落足本呀下 仲有好開心嘅自選台式燒仙草甜品 有齊芋圓珍珠紅豆薏米等等 整體味道很可以 店員好有禮服務態度十分好

打風對香港人嚟講都無咩所謂，有車搭就照出街今晚嚟上吓人和月雞煲放題。但係因為太耐無食酸菜魚，所以頭盤都無揀雞煲，酸菜魚賣相ok,但肉質太淋，無彈性，同埋太油，有d失望。主打湯底胡椒豬肚湯底打邊爐，落咗勁多胡椒，胡椒味濃，豬肚夠淋，反而有驚喜。牛肉就推介牛下肩，唔會太肥，肉味濃，夠大片，起碼有咬口，唔係濕濕碎碎嘅感覺。當晚打風嘅關係，無仙草到，所以無試甜品，但有食綠茶雪糕，感覺夠滑，但太甜。值得一讚嘅係員工服務態度極好，亦無因快掛8號波，就趕客快d走嘅感覺。

之前食過人和月雞煲火鍋店嘅外賣雞煲質素唔錯 一直諗住開返堂食再黎過今次帶埋朋友黎食晚市精選牛肉吃到飽A ($298)另外再加$58 upgrade埋四選一頭盤有得揀酥皮麻辣芝士雞煲同幾款烤魚朋友唔食辣野 所以揀咗椰青香茅青檸烤魚升級頭盤仲送每人半隻芝士焗龍蝦龍蝦夠哂新鮮 肉質爽口彈牙 幾高質落單後侍應送上免費小食麻辣魚皮同埋一盤排得好整齊嘅牛肉 靚到忍唔住打卡有牛下肩 雪花肥牛 牛板鍵 牛胸爽等等 頭盤烤魚份量十足 魚肉鮮嫩好少骨食到差不多就可以轉個湯底打邊爐我地揀咗芫茜皮蛋湯 湯底好濃味自助區有不少丸類 蔬菜 菇類 響鈴亦可以用QR code落肉類同海鮮等等最後再整個芋圓豆腐花做甜品 非常滿足

麻辣雞煲食得多🍲 酥皮湯都飲得多🥣 真係冇諗過可以將呢兩樣風馬牛不相及嘅食物擺埋一齊💥 仲要加埋拉絲芝士🧀 之後仲可以打埋邊爐⁉️🫕真係夠晒邪惡吖😈‼️˜”*°•Set A 精選牛肉吃到飽($298)•°*”˜打邊爐之前可以upgrade主菜 分別有四款可以選擇：酥皮麻辣芝士雞煲🧀🐔 椰汁香茅青檸烤魚🥥🐟 青滕椒烤魚🫑🐟 同埋麻辣烤魚🌶️🐟當然要試下夠晒gimmick又夠邪惡嘅酥皮芝士麻辣雞煲啦🔥 一上枱已經聞到好香好香嘅酥皮味道 雞煲可以選擇辣度🌶️ 中辣麻辣程度溫和 再辣啲更好 芝士拉絲效果強勁🧀 雞件掛汁 雞肉都幾夠嫩滑🐔 不過吸左醬汁嘅酥皮就油膩左啲食完雞煲當然係打邊爐環節 選擇左最平嗰個set 任食牛肉方面選擇都幾多 有美國牛下肩 牛板腱 牛胸爽 金錢𦟌同雪花肥牛 價錢反映質素 推介牛胸爽 唔係周圍都有得食另外仲有自助區嘅丸類 蔬菜 甜品 汽水 同埋用 QR code 無限添加肉類同鮮打蟹子蝦滑等 甜品方面推介自家制豆腐花 豆腐超級滑溜有驚喜⭕️ 人和月雞煲火鍋店 (尖沙咀)尖沙咀海防道38-40號中達大廈3樓

極黑和牛海鮮大滿貫，🤩好中意當中嘅牛胸爽同雪花肥牛！🐮美國牛胸爽火鍋片就最啱用黎打邊爐，等湯底滾起之後，再夾起牛胸爽放入鍋中，輕輕燙上8至10秒就食得，🥢口感香且滑；如果你想再加強口感，更加可以用一片牛胸爽同時夾著牛肉片滾熟，兩片一齊食🤤口感層次，都會加倍提升。無限量添加方面，我推薦🐔花雕醉鷄件同 家鄉墨魚滑。鷄件吸收了濃郁花雕香，非常嫩滑。墨魚滑夠足料😋濃厚鮮味之餘，都好彈牙。主食食完之後，都可以試下甜品，🍨芋圓同雪糕好豐富。

尖沙咀發現滋味新菜式！🥰全港首創酥皮芝士麻辣雞煲，麻辣雞煲再加上熱辣辣的香脆酥皮，創新值得一試打卡！🧀煲中更有拉絲芝士，超邪惡，好香滑。食完雞煲，🥘更加可以換成湯底打邊爐，dinner time推薦$398 SRF 極黑和牛海鮮大滿貫，120分鐘放題，🥩任食多款配料同和牛，超高質牛肉，食肉獸一定會滿意！海鮮方面，🤓更加會有拼盤提供，大連鮑魚，日本扇貝，鮮海蝦，多款貝類，同friend 開心食，令人滋味滿足。🥳 

早排去咗尖沙咀人和月雞煲火鍋店試咗最新推出嘅酥皮芝士麻辣雞煲，食完再揀湯底打邊爐放題，真係大滿足呀！ ~酥皮芝士麻辣雞煲 【升級+$58 2人份量】雞件夠嫩滑，好入味，2人份量大概有半隻雞左右，雞煲配料亦好足，紫洋蔥好甜呀！麻辣度可以揀，點咗小辣，唔知係咪因為有芝士，所以中和咗辣度，而不得不說係沾咗麻辣汁嘅酥皮，出乎意料咁夾，比想像中好食。 ～野菌冬瓜湯火鍋湯底有8款，全部都好吸引。呢個野菌冬瓜湯底勁足料，一大舊冬瓜肉配上海量雜菌，湯底幾清甜。 今次揀咗每位$298 套餐A，套餐包咗4款美國牛肉如牛板腱、牛胸爽等都可以任食，而另一款美國牛下肩只會上一次，個人比較喜歡牛板腱，幾嫩同肉味夠，另外餐廳好細心，上牛肉時會有牌仔表示部位，一目了然！ 其他火鍋配料可以係QR code落單或者餐廳自助區選取。丸類都幾特別，有芋泥包心貢丸同馬蹄黑椒貢丸，而蔬菜雜菌都大路，有10款左右。墨魚滑味道唔錯，整體食材幾新鮮。 飲品方面款式算多，有樽裝汽水及自家制特飲，洛神花蜜幾好飲。甜品區亦好有特色，有豆腐花、芋圓、渣咋等，豆腐花味道唔錯，豆味幾濃，真係食到好飽呀！ 整體用餐體驗唔錯，餐廳夠光猛，同時幾新淨企

我從來都唔打食評，今次真係唔打唔得！我個人就好簡單既，我只要求放假唔好食難食既野就可以啦！反工既日子普普通通啦，難食都唔會岀聲，最期待放假去街食野，唔好食都唔緊要，千祈唔好難食！我就好滿足，26/6(日)全日都ok,book左近期好多推介既火鍋店***人和月***一入到去爆埸，好多人！佢俾左中間好細好細既單邊位我地，我問佢可唔可以轉枱，佢地都好友善咁話未有位，仲有人等緊轉枱！一有位就轉俾我，ok 佢地既服務我接受既，頭盤方面我叫咗雞煲，等左10分鐘左右，算快既！本身我係好鍾意食雞煲既人又好鍾意食辣，呢度既招牌雞煲係人人推薦，講得招牌一定有一定嘅水準啦！佢嚟到嘅時候，唔香既，我叫咗中辣少麻，通常第一次食我都會叫中辣既，尼到之後無辣味，個雞煲好難食 我食左3舊，其他由朋友食，佢話拿拿聲食哂佢轉湯底好過啦！湯底我揀左冬瓜湯又係推薦既，尼到勁大件冬瓜，好多菇菌！好似好正咁，我唔記得講揀左咩餐 u周推薦298最平果，而我地又係十分細食既人，所以選擇298就可以啦！點知瀨晒嘢，勁少選擇！即時轉398果個餐，結果都係好少得揀😫送左2隻鮑魚，臭既，可以一讚係d蝦好新鮮 不停跳！跳左十幾分鐘，其他無咩可

第一次嬲到要寫食評，其實我第二次黎食，但冇諗過今次差到咁….首先我已經book左枱，亦要求坐卡位，同事都話ok，仲打多次電話confirm booking，好啦，咁我喺elements 睇完戲就飛的過去，去到又話d客未走要等一陣，等左15分鐘，之後就話冇卡位，安排張2人枱比我，又迫又窄，仲話食到一半如果有卡位就轉比我，重點，遲我哋去有4個人walk-in 反而比咗張卡位佢哋，算…咁我落雞煲啦，等咗20分鐘都未到，因為我哋張枱太細，佢又話比架車仔我地放食物，但行人既位置就窄左，因為其他客人會行嚟行去攞食物/飲品，不停有人刷身而過，嗰種壓迫感，不能形容，最後我頂唔順走人，佢就話幫我安排卡位，不過要等多半個鐘，講真冇位就唔好應承個客啦，confirm 完又做唔到，咁confirm booking 有乜意思？呢間野為咗做你生意咩都話得，以後都唔會再黎，冇下次

服務態度殷勤牛肉多種類及嫩滑，地方有D細，坐卡位還可，坐街邊位有d窄同麻煩，因為枱隔離會擺trolley放食物，飲品及甜品都有heart😘唯獨餐廳要求有D古怪🥲因我地分左兩枱兩張單，因有人食辣有人唔好辣(又有小朋友)，有d又唔食得貝類海鮮，因此一早分開枱做booking,只要求坐附近,但職員要求我地兩枱要order同set價錢🥲話驚我地會將食物傳來傳去🤪我地都O左。擺明就任食斷人頭收費，同點會差一佰幾十而將食物傳來傳去😅😅😅

人氣酥皮芝士麻辣雞煲夠特色🥰見到最新推出咗，全港首創嘅cheese麻辣雞煲！🔥係傳統熱辣辣雞煲上，更添上香脆酥皮，同埋拉絲濃郁芝士，望落超邪惡，確實打卡一流！😍酥皮芝士麻辣雞煲上邊，😋更加鋪上大大塊，金黃酥脆嘅酥皮，賣相超吸引🤤加上澎湃拉絲芝士和雞肉塊，香濃惹味。食完雞煲，更加可以打邊爐，🥢餐廳會提供120分鐘放題，可以任食超過40款配料、和牛，還可任食甜品：芋圓、雪糕，抵食性價比高！