令和鍋物酒場

营业中

休息中

放工同朋友食晚餐，揀左尖沙咀呢間居酒屋，位置好方便，就喺厚福街，出地鐵行幾分鐘就到。呢到環境好舒服，2個人都有卡位坐，好岩傾計談心，又唔會嘈！我地點左 8寸長燒海老，嘩真係好大隻！食落啖啖肉而且好爽口彈牙！仲有叫左啲串燒一齊share，當中最愛鹽燒牛舌好爽口，充滿彈性，真係燒得唔錯。仲有鹽燒白鱔好新鮮，估唔到滑得嚟又係好彈牙，正呀！鵝肝乳酪最中餅 幾得意個配搭，鵝肝味道好香，又細滑，配埋乳酪酸咪咪，最中餅又脆卜卜，層次感十足。仲有叫左空運直送時令刺身拼盤，啲刺身好新鮮，食得好放心！仲有叫左炙燒左口魚裙邊油香十足，魚肉勁滑，唔錯！牛油果吞拿魚他他，呢個配搭又係好夾，好清新！整體用餐體驗都好好，推介！

今次同辣姊妹終於唔再係食台式打邊爐啦🤣我哋去咗尖沙咀一間充滿日本居酒屋風格嘅地方食飯🏮一入到餐廳掛滿好多日式燈籠，牆上亦貼滿唔同嘅清酒招紙，好有特色。嚟到點可以唔飲酒？我叫咗一杯打咭度滿分嘅檸檬威士忌梳打，超級大杯!!!仲有以超過20片檸檬嘅檸檬山配襯🍋大家見到都嘩一聲🤣札幌蟹味味噌湯鍋一定要試 🦀 超濃郁嘅蟹味湯底基本上你擺乜嘢落去煮都好好食!!! 我哋仲特別叫一碟日本A4和牛，油脂雪花❄️分佈超靚😍簡單淥一淥就食得，係入口即溶嘅幸福滋味🥰石板燒澳洲M6和牛 🥩 呢個會有專人埋枱燒，高享受😆每片牛肉厚度十足，燒到七分熟剛剛好，好有牛肉味，只需要加特製燒汁或鹽已經好好食炙燒和牛粒炒飯 🍚 炒飯粒粒分明而且夠乾身，和牛粒一啲都唔馬虎，一夾上手已經聞到有油脂嘅香味。想尋回日本居酒屋感覺嘅朋友，約朋友嚟一定唔會令你失望

❤️ 超打卡able嘅日式居酒屋 📸令和居酒屋有2間店舖，今次我去咗尖沙嘴店 😊地方好大，座位都多，有卡位同梳化位，多人嘅話仲可以訂廂房添 😊 佈置又靚，充滿濃厚嘅日式風情 🤩🇯🇵可能店員知我鍾意打卡，所以安排咗個打卡位俾我坐 😁👍好正呀！成幅好可愛嘅卡通牆喺正我隔離，我冇理由唔影架嘛？😆🥗 霜降和牛洋蔥沙律真心推介🔥霜降和牛油花細密均勻，肉質嫰口多汁 😋偏向薄切，以及半生熟，夾埋新鮮爽口沙律菜一齊放入口，令你咀嚼嘅時候，一邊嚐到清新，同時嚐到鮮和牛肉味 ❤️車厘茄好清甜，再加埋醃洋蔥 😃 想講呢度嘅洋蔥冇我想像中咁嗆鼻喉，仲帶點甜添！因為平時食沙律都幾怕食太多生洋蔥，因為食完個口係成陣味 😵 但呢度冇啊！配埋車厘茄同黑醋食，酸酸甜甜好開胃呢 🥳🦪 燒廣島生蠔 (2本)自己本身唔食生蠔，好怕佢嘅味同生食嘅質感 😅呢度係用千島醬汁去燒蠔 😮 對於我有點驚喜，因為用千島醬，一來可以蓋咗少少我怕嘅蠔味，二來千島醬同蠔都幾夾喎！蠔肉肥美，夾埋千島醬汁去燒好香，食落多汁滋味！不錯 🤩🐐 鹽燒羊鞍 (2本)聞同食落口完全唔覺有羶味 😃👍燒得好香，鹽都冇落過多，鹹度剛好，羊鞍好juicy啊 🤩🤤 肉好嫰

通常最受歡迎的廚師特色菜通常是日本料理中的刺身與其他菜式。而今天我在一家居酒屋裡驚喜地發現了一道非常特別的廚師特色菜，其中使用了清酒。這道特別的廚師特色菜有五道菜，每道菜都與餐廳推薦的特別清酒搭配。包括有小食前菜、揚物、煮物和甜品。小食前菜方面，有五種不同的選擇，包括紋鯡魚肝、漬物、酒盜芝士、和牛他他其等。其中，鮟鱇魚乾非常特別，而且與芝士的濃郁口感搭配清酒更是非常特別。刺身的選擇包括空運活魚薄、机立貝和油甘魚等。每種刺身都非常新鮮，而且清酒還能提升魚肉的味道。揚物方面，有鰻魚野菜天婦羅、南蠻乳酪炸雞等選擇。沒想到鰻魚非常好吃，而且清酒還能使這種揚物更加清爽不油膩。最後的甜點是紅豆配綠茶草餅，非常甜美入心，完美地為今晚的餐點收尾。

餐廳好有日本居酒屋感覺，有門口嘅時候，職員會喺門口打鼓表示歡迎光臨，非常有氣氛。店內擺滿日本特色擺設，令人有置身日本嘅感覺。今日慕名而來試吓清酒生蠔，一啖入口，冇咗生蠔嘅海鮮味，變成酒味嘅生蠔，都幾特別。$28一杯大家可以試吓。牛肉壽喜燒 壽喜燒係佢哋自家製，牛肉嘅油脂分布好平均，睇落已經食指大動。店員會首先幫忙煮開壽喜燒汁，再教你點樣落啲配菜👍🏻👍🏻最後點咗少量嘅串燒，特別推薦燒菠蘿，菠蘿好香甜，表面搽咗少少焦糖，更加好食。飲品方面，點咗檸檬燒酎梳打，檸檬同埋梳打都好醒胃👍🏻

今日同個外國朋友慶祝生日見呢位外國朋友未食過日本嘢一於就帶佢去一間好有日本feel嘅「令和鍋物酒場」食個日本大餐 😋餐牌嘅選擇有好多，刺身、火鍋、串燒⋯基本上咩嘢日式嘢食都有得食最勁係過百款清酒任揀因為外國朋友第一次食日本嘢所以主要都係由我哋拍板我哋叫咗好多嘢食：山葵雜錦魚生沙律燒和牛他他：望落好似壽司，但其實下面嘅係酸洋蔥，上面嘅係好香嘅黑松露醬明太子厚揚串：厚揚即係面一層炸咗嘅豆腐，豆腐好滑，上面嘅明太子好惹味燒一口蕃薯仔燒秋葵燒冰火菠蘿田樂燒茄子鹽焗牛舌什錦天婦羅日本黑毛和牛鍋燒烏冬炙燒和牛粒炒飯：雖然叫和牛粒，但其實係和牛片，好大片好Juicy，一咬落去啲牛油出晒嚟，食到我同朋友都大讚Very Good甜品我哋叫咗燒日本紅豆年糕嘢飲就叫咗柚子乳酸梳打同菠蘿乳酸梳打，兩杯都好refreshing

今日收工同朋友係尖沙咀食飯book左厚福街嘅「令和鍋物酒場」開餐 之前食過呢間餐廳係旺角嘅分店印象好好今次食尖沙咀分店都冇令我失望 👍🏻餐廳位置係豪華閣地下基本上只要沿住厚福街行到差唔多盡頭就會見到餐廳入口好易搵到餐廳裝修得好有日本居酒屋feel最特別係門口附近有個鼓每次有客人黎到侍應都會敲兩下鼓歡迎客人幾有氣氛餐廳有好多清酒樽裝飾而原來餐廳有過百款清酒任揀愛清酒嘅朋友黎到一定好興奮！山葵雜錦魚生沙律沙律好大碟魚生份量又多調味都唔錯什錦天婦羅天婦羅嘅炸粉透薄而且有好多件唔同種類最正係有三件炸蝦！鹽焗牛舌好多件淋淋的～明太子厚揚串我本身好鍾意食明太子夾埋厚揚（即油豆腐）食好夾田樂燒茄子原條長茄子燒到好香日本黑毛和牛鍋燒烏冬和牛好香，一食就俾佢驚艷到！仲有個湯底甜甜地開胃！炙燒和牛粒炒飯和牛好多非常抵食！最後焦糖布甸同燒冰火菠蘿做甜品😍大家都好滿意！

環境很舒服的居洒屋。 看看餐牌， 價錢也很實惠。 點了幾款試試。白雞湯配野菜豆腐鍋 很大很大的一盤， 實在超乎意料之內。雞肉，我相信是差不多一整隻，切好一件件排開，擺盤也很精美，雞肉鮮嫩一啲都唔鞋口。蔬菜盤，還有很多不同種類蔬菜，全部都新鮮爽脆。 只叫這款也足夠兩個女孩子飽餐了。 14天熟成美國牛小排油花均勻，入口即溶， 絕對可以媲美黃牛，入口油香四溢，非常可口 。雜錦天婦羅炸蝦有三大隻，天婦羅炸醬 又薄又脆， 蝦肉爽口彈牙。網燒魚乾

令和鍋物酒場有兩間分店，尖沙咀的店原來叔這麼大，裝修好有日本居酒屋味道，好岩朋友聚會首先，讓我們來品嚐一下主角——𝐀𝟒黑毛和牛壽喜燒。用了極高品質的黑毛和牛，肉質鮮嫩多汁，入口即化。壽喜燒的方式讓肉更加滋味，搭配上生蛋汁，讓人回味無窮。接下來是明太子厚揚串和柚子鹽黑豚串。明太子厚揚串使用了勁多明太子，外層炸得酥脆又有口感豐富的明太子，非常適合搭配啤酒。柚子鹽黑豚串則是使用了黑豚肉，口感韌實，搭配上柚子鹽的調味，讓人感受到清新的口感。燒薩摩半全翼。這道菜使用了大大隻全翼，烤至恰到好處，表皮酥脆，內裡肉質鮮嫩。烤制方式，能夠將肉汁完美地鎖住，讓每一口都充滿著肉香味，點上檸檬汁更佳。

位於厚福街嘅居酒屋，餐廳面積幾大，裝修有日本居酒屋嘅氣氛，好多燈籠好多清酒樽，坐窗邊卡位有私隱度，唔會見到其他枱，平日夜晚都幾熱鬧~🔘雜錦天婦羅除咗有大蝦，仲有茄子、秋葵、粟米仔、南瓜，炸粉夠薄，脆度熱度都夠，價錢唔貴幾抵食~🔘日式煎餃子都煎得幾靚，味道就正常唔算太特別～🔘串燒叫咗明太子厚揚串、明太子雞棒、雞肝、雞心同黑豚大腸串~ 兩款明太子串燒好得我歡心，厚揚串其實就係炸豆腐，特別鍾意食到有雞軟骨口感嘅雞棒，內臟就朋友食多，雞肝係佢嘅最愛!! 🔘汁燒日本大魷魚筒有成16吋咁長，非常爽口，個燒汁都好味，尤其鍾意魷魚鬚同魷魚嘴，要爭嚟食🤣🤣🔘日本黑毛和牛鍋燒烏冬食到最後決定叫個鍋物，牛肉片雪花都幾靚，烏冬幾滑偏腍身，湯底係清清地嘅昆布湯，食埋烏冬就飽晒!!🔘青檸梳打🔘巨峰提子乳酸梳打本來想叫檸檬highball，見人打卡好正，但最後都係叫咗無糖嘅青檸梳打，健康啲~

壽喜燒係正宗果款 要煎嘅 唔係打邊爐果款推薦食呢款其他串燒都好食可惜比佢果滙豐優惠混淆咗原來係7（？）點前離席先有75折（？）因為佢冇講明呢個point 我地食過龍 所以count 正價所以感覺不太好

同朋友慶祝生日，佢又中意食日本野、又想搵餐廳坐耐啲，就搵到呢間！石板燒美國安格斯扒 250g 呢款係有店員幫你燒埋，唔洗自己煩要燒幾耐！一開始見到塊生既牛扒色澤都幾靚，燒完係聞到好香同食落肉質結實啲。五目炒野菜 食得咁豐富，當然要叫個消解下。佢係炒椰菜，而且份量都好多，仲有啲三色椒。燒芝士年糕 岩岩燒完，感受到佢相當有溫度，咬開有芝士流心效果。櫻花蝦柚子味噌燒飯團 燒飯團🍙食得多，呢款口味係比較少見啲，柚子味相當清新。焦糖布甸 呢度都有好幾款既甜品選擇，為滿足朋友既胃口，先試下呢個。令和甜味手工啤 呢款係好有驚喜，罐裝包裝好靚，係荔枝口味，易入口。令和鍋物酒場 尖沙咀厚福街9號豪華閣地下-1樓

想食日本野，就認得呢間，晚餐同朋友慢慢吹水就岩哂！————————————————————————#明太子厚揚串 💰35 呢款係炸豆腐，上面加咗明太子，非常惹味！係好好食既豆腐！#燒冰火菠蘿 💰28 呢款係幫你切開咗一舊舊，食落好夠清甜，食落有焦糖既暖度再加菠蘿既爆汁，幾唔錯。#明太子雞棒 💰28叫親串燒都要叫呢款，呢度細細串岩哂同朋友可以試多啲唔同款式既野！#海膽海鮮炒飯 💰138 呢個炒飯相當足料！有齊海膽、青口、帆立貝、蝦仁，份量都好多。#燒秋葵 💰18 簡單既燒蔬菜，但都好食。#柚子鹽黑豚肉串 💰28 呢個五花肉，有返咁上下厚度。食落有啲柚子味可以解下膩。#青檸梳打 💰28 對住keep緊fit ，同時覺得食串燒一定要有杯凍飲先正，一定會叫呢杯野，因為無糖。#自家梅酒 💰38 呢款既自家梅酒俾咗大大粒既波波冰。夠曬冰凍。飲到係好重梅味！#鹽燒羊架 💰78 呢個有兩大件，熟度岩岩好，食落唔會好韌，同無騷味。————————————————————————📍 令和鍋物酒場 (尖沙咀)尖沙咀厚福街9號豪華閣地下-1樓

*💭令和鍋物酒場令和鍋物酒場有兩間分店，位於尖沙咀厚福街的分店想不到的大，裝修充滿日本居酒屋味道，有不少獨立卡位座，什有私隱度，適合朋友聚會😍►師傅發板二人刺身一共有七款魚料，油甘魚、三文魚、劍魚腩、帶子等，鮮甜厚切🫶🏻►𝐀𝟒黑毛和牛壽喜燒來到令和鍋物，顧名思義要點鍋😍點了一份有𝟐𝟎𝟎𝐠 的𝐀𝟒黑毛和牛的壽喜燒鍋，雪花超美，油脂分布均勻🥰放入鍋中輕輕一淥已可享用，入口牛味濃郁，非常軟腍，配上生蛋汁更見滑溜😋另外還有一大份野菌雜菜，份量相當豐富😍►明太子厚揚串🍢十分大讚，豆腐外脆內滑，豆味超濃，表層加上燒過的明太子，鹹香味十足🤤 ►柚子鹽黑豚串🐖豚肉肥瘦相間，不會過肥，帶有少少油脂🫶🏻►薩摩半全翼🐓雞皮香脆，點上檸檬汁，雞肉滑溜。►汁燒16寸日本大魷魚筒🦑上枱時有點嚇親，十分大隻😳肉質彈牙有咬口，醬汁又一流，超抵食🥰

之前已經光顧過，覺得尖沙咀分店坐得舒適，裝修充滿日本居酒屋味道，獨立卡位座更好適合朋友聚會。前菜點了鮟鱇魚肝，相當肥美。再點了幾款刺身，有三文魚、油甘魚、帶子、八爪魚、北寄貝等等，個種都好新鮮。餐廳主打鍋物，點了$328的壽喜燒，壽喜燒醬汁味道適中，神來之筆是生蛋汁，令牛肉更加滑溜。跟餐還有一大堆蔬菜，白菜、生菜、蔥、豆腐應有盡有，好飽肚。除了鍋物，餐廳還有一大堆竹肉雞肉豬肉串燒，眼花撩亂。必點明太子厚揚串，豆腐外脆內滑，表層燒明太子好惹味，豆腐又香豆味又滑。 另一必點明太子免治雞肉棒子，香噴噴的明太子配任何食物都是絕配。鹽燒牛舌，三大塊juicy厚切牛舌，再配上黃芥辣，十分適合配酒精。再來是重點推介，汁燒16寸日本大魷魚筒$98，十分大隻，肉質彈牙有咬口，醬汁又一流，好抵食。餐廳價錢均真，份量不少，絕對適合大伙光顧談天說地，夜晚更開到凌晨，不得了。