伊賀日本燒肉料理 (已結業)

今晚一行人行過附近，接到傳單，知道4人同行送海鮮，九點後每位都係$258，仲送$100現金優惠卷下次再用，一行人經過商議後決定一試。侍應一開始就教我們用平板電腦落單，另外仲解釋飲品及啤酒任飲，需要另外加$30及$50，因為我們唔想飲汽水和啤酒，而我們飲了檯面上已經擺好的茶水。我們仲諗緊叫甚麼時，已經送上了4人同行的海鮮，係一條黑䲞魚刺身和象拔蚌刺身，估唔到出手闊綽喎👍👍👍，𩶘魚肉好爽甜，而象拔蚌好新鮮美味😋😋😋😋，我諗如果淨係叫呢盤刺身都唔平👍👍我們另外再叫三文魚、劍魚、帶子、甜蝦刺身，而三文魚和帶子好新鲜美味，我們之後再叫咗兩次👍👍而肉類就要了帶骨牛筋肉、五花叉燒、一口牛、牛小排、五花肉、𥚃肌肉、海鮮醬豬頸肉、一口豬。另外海鮮就叫了虎蝦、QQ蟶子、帆立貝。開始唔識燒，將肉類放在中間，而個火開太大，就出好多煙，另外抽氣個罩掛得太高，就是抽煙冇咁好。好彩侍應看到過來教路，之後就好好多了😅😅😅，原來燒烤肉需要耐性和技巧的。🤔🤔🤔大部分的肉類沒有餣過，所以如果喜歡濃味，可以用平板電腦點其他醬汁，我們就喜歡唔點太多醬汁，因為可以吃到肉的味道。太太喜歡帶骨牛筋肉和牛小排，因為牛肉味濃。而我就喜歡

之前聞說不錯, 所以約朋友一早訂位, 點知上到去無人等位,食物一般, 只是雪糕比較吸引,兩個女仔限時限刻趕住食,  食得又唔多, 抽風麻麻, 好焗好熱, 我哋已坐近門口位了.............

今天約了一班朋友來一個日本燒肉放題，朋友介紹去尖咀的伊賀，因為只要喺四月內四個人光顧，就……就……就會送原條活魚刺身。而且每人加30蚊，就非酒精飲品任飲，選擇也有十多款。條魚上枱時，個魚鰭仲識動，証明真係百份百活魚。魚肉爽口，鮮甜，二百蚊左右，又放題、又活魚，我都唔知可以再要求啲乜喇。我們坐下時，餐廳就說會為我們先安排一個刺身拼盤。有三文魚、三文魚腩、北寄貝、蝦、螺、蟹鉗、魷魚，份量好足，差啲飽到燒肉未食，就要舉白旗。伊賀盛合拼盤，餐廳唔駛等你點菜，就先安排了一個拼盤，有雞翼、五花腩、牛柳粒、牛小扒、肩肉，用料不錯，而大家亦可選擇用鹽燒或用烤汁調味。仲有好多燒烤的選擇，本人推薦牛舌、香草龍脷同羊肉。雖然話係烤肉放題，不過都有唔少壽司俾你揀，最特別係特級蟹盛軍艦，蟹肉配上蟹膏，香港小有的選擇，推！推！推！鰻魚玉子燒，在眾多的選擇中，呢道都可算是有驚喜。簡簡單單的器皿內放了鰻魚和蛋液，普通的不過，可是燒好之後，鰻魚的油香已佈滿在每一口的玉子燒。榴彈炸彈，意外的收穫，竟然有榴槤製品，外層脆口，內里爆好榴槤味。Movenpick 雪糕，如果都可以任食，就完美。唔好諗多，一人限一杯。

近日在網上留意到有一間燒肉放題推出二人或四人同行優惠，自問不是食肉獸的筆者也要為它瘋狂一下。湊巧有公司的同事升職，趁機和幾位好同事食餐飯賀喜一返，便早早致電book枱了。餐廳主要分為四至六人卡座，更有室內和室外之分，室內的一處設置近半圓形酒吧枱，可以邊吃放題邊看師傅切刺身的過程。不過眼見今晚天氣涼涼地，和朋友選擇了室外燒烤也很不錯。點菜以平板電腦落單，非常方便，也減少了對紙張的浪費，值得一讚。款式包括分為刺身、小食、燒物類、蔬菜類、海鮮類、炸物、壽司、飲品、酒精，什至連醬汁都有得叫。飲品款式是落單後最快送到來的，但選擇不多，只有可樂、無糖可樂、七喜、忌廉、有汽利賓納、菊花綠茶、芬達荔枝、蘋果紅茶、烏龍茶、蜜桃烏龍茶等等。當中特別推介粒粒菠蘿和粒粒芒果，真的有果肉在內，份量也多、挺有趣的。專程為活魚刺身而來的我們，連同其他刺身一拼送上。原價要$250一份活魚刺身，因為四人同行關係兼在Facebook打卡而免費送的，是今個放題之中最大的吸引之處。至於二人同行則送象拔蚌。賣相果然唔講得笑，將一半活魚切成刺身，把剩下的魚頭連接尾部的魚骨保留先作一個裝飾擺設。淡粉透白的活魚，擺設的部分仍不時因神

今日一行四人，有朋友要食日本菜，有朋友又話要食燒食，為左要滿足佢地的要求，我地今日就選左又有刺身、又要燒肉食的地方比朋友們喇！呢間店舖係以平板電腦點菜，唔洗下下都寫紙甘麻煩，方便又環保！活魚刺身 – 呢個活魚刺身係店舖送架！因為我地四位，所以就有優惠！這條活魚一點也不 hea，很新鮮，還見到魚尾還在震。震。震，刺身肉質很鮮味！壽司船三文魚刺身。豐富的油脂，肥美鮮味劍魚刺身。鮮甜、甘潤松葉蟹棒刺身。甘甜多汁北寄貝。肉質頗肥，厚身，組織堅挺，滑醇滋味帶子刺身。鮮味又爽甜甜蝦刺身。有彈性，新鮮甘甜，顏色鮮亮榮螺刺身。口感爽脆，處理得很乾淨，非常清爽總括刺身的種類都很多，頗新鮮！蟹籽沙律。蟹籽數量絶對不少，沙律醬又不會過多，成個沙律味道都好新鮮！胡麻蕃茄沙律。醬料份量剛剛，加入去新鮮的蔬菜都好配搭！味付螺肉。芝麻八爪魚。兩樣都係米仔的至愛，怎可能不點呢？迷你花之卷。花之戀大小剛剛好，一啖入口，沙律醬唔會過多，正！明太子琉璃蝦壽司。鮮味有彈性，新鮮！火炙三文魚壽司。油脂因為火炙了一陣而出來了，配合壽司飯，絶配！牛油粟米。粟米控的首選，慢慢燒，粟米吸收了牛油的味道，非常滋味！秋葵。很新鮮，不要燒得

是日同男朋友食飯，本身booking 8點半，但我真係太肚餓，所以諗住早d行去搏十有冇位。。。。點知入到去。。。。大把位。。。問下男朋友，佢話book位果時full book，要8點半。anyway，8點入得，反正我就餓死。但見到成陣煙，就知抽風唔得。都算，野食可搭救，但勁少款，而且未解凍，肉冇味。。我最欣賞係個和風沙律，而男友最欣賞係。。。。沙律醬。。。而咁既價錢，食物質質素不夠。肉就真係引唔起我食慾，但肚餓，叫左熱烏冬，雖然佢叫熱烏冬，但同熱拉唔上關係，一下放左好耐，一係室溫就係熱，係我誤會左最後服務，d碟又唔收，人多我都體諒你忙呀。而叫拎㝞茶，都唔知係聽到定聽唔到，冇應機，叫左2次截住果waiter先有。總之。。。我餓住肚去，但成餐太失望!

前幾日,食日本燒牛肉,直得一試!!比平時食開的燒烤不一樣,這裡主打燒牛肉,今天試了他們的燒肉放題,牛肉已經有好多款式,適合愛牛者一試。如果食牛腸要小心,有點搶火!!

最近嚐過幾家新放題，味道上都沒很中伏的感覺, 所以今晚繼續找尋潛力放題店。是晚"即興"上openrice找到了伊賀, 看見評價不錯, 於是立即致電詢問, 想不到還有檯給我們呢！真幸運！ (如果是坊間熱門的大x屋等, 多半可以改行程了！)未知食物質素, 但光是服務已很讚, 接線員的態度很好又熱情, 我們第一次惠顧, 對環境, 價目及食物種類都不熟悉, 對方都一一耐心解答, 不會急忙掛掉電話; 跟以往電話訂座經常遇到的無禮待遇截然不同! 餐廳位置稍微遠離人流多的街道, 而且時間較晚, 所以食客都比想像中少。是晚晚上9:30入座, 每位$258加一。我們讚好和分享了伊賀的帖子, 還即時有8折, 很優惠! 店內大部分是卡位座, 即使兩人吃飯仍可坐得舒適, 連一向挑剔的男友也很滿意呢！知道我們第一次來, 服務員簡單的教我們使用ipad點菜, 很貼心! 伊賀以燒肉為主, 燒海鮮和一般放題食物為輔。刺身刺身新鮮三文魚味道很鮮美; 蟹棒味鮮; 玉子不會太甜, 好味! 帶子更是超鮮甜在放題要吃到此等質素, 很不容易喔！我追加了好幾遍呢！壽司三文魚壽司: 三文魚雖薄, 但味道鮮美, 不錯迷你花之戀: 三文

天氣凍凍地除左係張床外，最好就係打邊爐或者韓燒，今晚我同小b就去左食韓燒~~~是夜去左呢間係尖咀既韓燒，店舖分室外同戶外區域，室內係電爐，戶外係炭爐，各有各好喇，我就怕凍就揀左室內坐低後就一輪旋風式點點點想健康就可以好似我咁，先食沙律菜，咁就無咁大罪惡感，呢度既沙律都算新鮮多汁，菜咬落好脆，口感好清新！個醬係日式芝麻醬黎，甜中帶微咸，好開胃緊隨就係主角開場時間，燒燒燒肉開始喇，燒羊架、牛舌就係我既最愛，放在爐上輕燒兩吓就食得，一陣後就已經滲出濃濃肉香；肉質鮮嫩，口感豐足，脂肪比例恰當，食在口中很是滋味~食過燒肉開左個胃後，就到食刺身時間，咩都鍾意食既我就揀左三文魚、八爪魚、帶子、北寄貝、甜蝦等，食在口中很是鮮味又爽甜後黎仲追加左伊賀盛盒拼盤，牛小排雪花分佈適中，每口都好juice，啖啖肉啖啖香！爆LIKE食海膽既我最後都係忍唔住叫左板海膽來食，份量正常，色澤金黃而有彈性，口感QQ又滑，用紫菜捲包著來食就是好享受~最尾再食埋Movenpick 雪糕真係大滿足呀~~~~~

再次嚟食當然有d期望！環境仍舊幾乾淨，唔會覺得好油煙，而且亦都唔算好嘈，感覺良好~好彩一早已BOOK位，唔係一定無位，有備而來係好d既坐定定後，又係好努力揀野食既時間，點點點點點後，侍應就立馬拎左隻刺身船黎，上面有齊我點既刺身~~三文魚、海膽、甜蝦、八爪魚、素鮑片、螺肉、希靈魚刺身都是我的最愛件件厚切無欺場，鮮嫩爽甜，啖啖都滋味無窮，口感飽滿。牛小排等肉類則肥瘦適宜，燒熟後香口之餘仲好有肉香，食到我同我個fd都係咁食完一片又一片~~另外我覺得燒粟米同菠蘿都好好味咩都唔使落，單係燒熟已食得出本身的清甜味道，加上又有益又有營養，食多幾件都唔怕，而且都唔係好細件，感覺好豐足喔！

近排凍凍地就特別想食熱食，除左邊爐外，我都好鍾意食燒肉放題，係朋友介紹下，今日就去左尖沙咀既呢間！店內環境都好大，雖然喺燒肉放題，不過都有吧檯嘅位置，好彩當晚嘅人流都唔算特別多，可以安排到座位，而且呢度仲分有室外同室內嘅位置，室內用嘅喺電爐相對安全啲，室外就係用炭爐，我就揀左室內坐坐低後點左一大堆食物，又刺身又燒肉咁~想特別講吓牛小扒同牛柳粒，皆因真係幾正，雪花分佈都均勻，而且肉質有咬口，唔係一般貸色，食得出唔係便宜貨！加埋少少醬汁下，就更是好食，所以我食完一輪又一輪，對酷牛既朋友真係唔可以錯過另外壽司方面都唔錯，用料十足，而且亦好新鮮，三文魚好肥美、蟹籽大大粒、鰻魚好入味唔腥，飯質軟香暖暖，唔會散又有口感，紫菜亦好脆，所以我同朋友都食左好多吓

今日天氣好，心情更好，最緊要隔離仲有個伴嘅時候咁開心就梗係又係食韓燒喇是晚就去左我朋友介紹既這間燒肉店燒燒佢！！！這間燒肉店是用I Pad落單的，貪心既我就每樣叫少少，咁就可以試晒大部份食物喇~第一輪叫左牛小排、金沙骨、黑芝麻湯丸、魚片頭咁，心急的我就梗係一野過燒燒燒，先講牛小排既肉質係好香濃又有咬口，仲肥瘦適中，而金沙骨就醃得咸香適中，味道好BBQ，係我喜歡既味道~魚片頭就好爽口，加埋醬汁一齊食真係好GOOD另外黑芝麻湯丸我真係唔知原來都可以燒但原來燒完後好似年糕，QQ口感幾好食~~~~~~~~~~~~另外我仲加左錢要生蠔，因為我真係太鍾意食這裡的生蠔肉質好飽滿，燒嘅時候可以按照自己嘅需求去加醬汁，燒燒吓生蠔啲汁就會慢慢咁涌出嚟，味道鮮甜彈牙，很是新鮮；而雞肉就因為驚佢唔熟，所以喺最早放落去嘅，燒耐咗有好香嘅雞肉香味，肉與仲好有嚼感；接著仲燒埋帶著些少豬皮嘅豬肉，真係好好食，皆因豬皮實在太香，豬肉又夠入味，好食！之後仲食埋雪糕甜品後真係飽到爆炸，不過又食得好過癮，肥少少又如何

原本想同朋友試另一間較高次檔嘅燒肉放題，但見Open Rice推介呢一間而放題時間有兩個鐘，價錢差唔多同埋食評都唔錯於是試一試。一入到餐廳已經覺得有少少煙霧瀰漫嘅感覺但當時餐廳人流稀少一坐低即送上二人份刺身船及什錦燒肉一碟，刺身船質素勉強合格但燒肉比我預期想像差，安格斯牛肉紙咁薄因為同朋友都係牛魔王所以番點牛肉，其他炸物及小食一件起兩件止。芝士年糕、炸雪糕、榴槤炸彈、南瓜天婦羅等普普通通，最恐怖係蝦多士，未見過深啡色嘅蝦多士，重要嗰舊唔係蝦肉……點會叫做蝦多士呢食到中段對眼已經煙到有d痛，周圍煙霧瀰漫抽氣極差，可一不可再嘅經驗

平時在隔離按摩都會聞到這餐廳的燒肉味，所以之前有幾次已經心思思想試吓。今日上到黎，一黎到俾左刺身拼盤，不過不失。之後開始燒肉，但牛肉太韌，唔好食，食到牙都痛！認真！真係痛！啲野食質素好差，不值這個價錢。點多春魚上到枱啲春爆晒岀黎，睇到耂唔開胃，係佢係死魚，但都好樣啲，令人冇胃口啊大佬。仲有啲野食份量可以大舊啲，全部一淡一舊，我係女仔都覺唔夠，如果呢個價錢我會選擇去另一間放題食。唯一讚嘅係上菜好快同埋執野好快。完。

燒肉癮真係間唔中就會起一起🙈好開心揾到間質素幾高既燒肉放題😍一入座就會送個刺身頭盤同一碟燒肉拼盤燒肉拼盤係有少量唔同種類既肉 等你可以試下味 睇下中意食邊樣😝形式好自助化 係部pad度落單 燒肉選擇都算多牛都有QQ牛、伊賀一口牛、牛肋肉、牛小排等等揀😍 牛味好出 但記住燒時要小心控制 尤其係牛肩肉燒得太耐就會令到啲肉質粗糙 其他種類好似豬頸肉同豚肉片都值得一試👍🏻 另外帆立貝都好唔錯 夠大隻之餘仲有淡淡牛油香味刺身都好新鮮😍雖然壽司選擇唔算好多 但質素都唔錯 所以同朋友瘋狂叫三文魚壽司同花之戀😂 炸物都幾出色好似芝士年糕 榴蓮炸彈都好好味 夠哂煙韌👍🏻 想約班fd燒肉吹水 就不妨黎依度試下啦😝😝👅👅