但馬鉄板燒 (已結業)

Menu 有十多款拉麵，但係無拉麵.Menu 有海膽炒飯，但係無海膽等咗超過20分鐘，連炒烏冬都出唔到，仲要追問先發現無落單我地話走，唔食了. 人地話是但你啦.  咁樣既服務，你咁都忍受到就不如去澳牛啦. 起碼平靚正

聽表弟講山林道好多出色餐廳,今晚佢BOOK左師傅鐵板燒一齊食,有位師傅會係你面前直接表演燒物,睇住佢地燒, 衛生一定唔會太差吧~分別係三文魚, 鱆紅魚同北寄貝,肉質不算肥美, 幸好還算新鮮,但鮮味程度只及一般中下級放題遠處的虎蝦調味出色,不過件頭不大,嚼勁不夠,可能是因為雪藏的貨色吧?同樣嬌小的鵝肝,雖然油份很高, 但非常惹味,日本花菇跟普通冬菇分別不大,但菇香很濃, 還是值得一試的安格斯牛薄燒一如放題夾上了一些蔥, 牛味濃郁調味得當,吃下去鬆軟無比, 一咬即開,只是...份量不多炒飯則中規中矩,沒有什麼特別的還說什麼任食北海道布丁?奶味很重卻沒有特色...

朋友女兒生日，約好響呢間食（全因朋友認識個老細），我都係第一次黎，鋪頭細細冇乜裝修諗住是但啦，有朋友介紹應該ok, 響道食飯好似坐過山車咁，由期待到失望再到憤怒.是咁的，由於朋友既朋友識間野，所以由老細發版，間鋪所有員工都好好禮貌同招呼，見到鐵板位好似都ok,廚房所有人都係女廚師，都不以為然。期待位：由於成餐都係老細發版，所以完全唔知有咩食，亦唔知幾錢....頭2碟出現勒👏賣相都ok,老細好熱情話頭盆黎既，有鮑魚同茄子同魚同翠玉瓜，第一啖食茄子😨冇味既，可能咁岩，食個魚正常有咸味，但覺得食超市平時自己買既雪藏魚咁，翠玉瓜又係冇味，好彩個鮑魚粒都叫好少少，比罐頭果d有味，食完呢2碟我都仲諗，咁岩啫，可能之後好d之後就係唔知係蝦定龍蝦加一pat好似嘔既汁，老細即時行埋黎話係本店招牌，我食第一啖就咁既樣😰響當時我唔知果pat係咩汁，望一望隔離果位，見大家都o左咀，就知咩事，後尾上黎open rice先知係咩酒芝士汁，我肯定我完全食唔出食芝士汁，唔好講話有冇酒味，當刻只覺得個味好怪，唉。好啦轉食帶子😒唔新鮮既海鮮味，一間賣到咁貴既鐵版燒用料用到咁，不如算把啦。薑汁豬肉，鞋過我對鞋，得洋蔥好食，

食過好多次團購都係有D失望但最近呢2次都感覺唔錯包括上次金鐘果間四洲日本料理同埋呢次鐵板燒可以親眼睇住廚師烹調食物煮好之後第一時間放到面前品嚐既新鮮又熱辣好味調味夠香口不太鹹奉送o既飲品梳打水好彩不太甜但如果件蛋糕可以改做雪糕就perfect

柚子汁醋的沙律，那些菜麻麻。燒物有：細小的鮑魚，味道可以，但油；細片而薄的比目魚，乾，硬和油。大虎蝦是唯一一個算是亮點，肉身夠爽，建議食清酒芝士汁，因普通鹽燒個隻無咩味和特色。飲了巨峰soda 和乳酸soda, 好「水」炒飯：不是珍珠米，好散和無質感，也不彈牙，相比其他鐵板店差。甜品有一片好似在屋邨餅店買回來而不好食的芝士味蛋糕。環境，店鋪的氣味，餐具都不是一般的鐵板燒店。整體感覺：中伏了！團購呀⋯唉！

假期前一日又同公司同事齊齊出去食LUNCH, 今次就去「豪一豪」食個鐵板燒呢間鐵板燒午市既選擇其實都唔少, 除左大路既豬牛雞之外仲有平時晚市少有既鐵板炒公仔面, 真係起你面前用鐵板炒比你, 不過最後我都叫左一個58蚊SET, 包2個自選主菜, 白飯,野飲,沙律,湯鐵板安格斯牛柳粒+帆立貝鐵板燒定食鐵板安格斯牛柳粒: 食得出安格斯牛既味, 有濃厚既牛肉香同佢既脂肪香味, 蒜片味都好勁, 可惜因為午市大量製作, 同埋坐得唔夠近吧枱, 所以食落唔夠熱 (小記:上左枱之後以為份量好細, 點知佢話分漏左幾粒比我, 另外用碟再上, 真係「粒粒皆辛苦」)帆立貝: 食到牛油香, 可惜凍左, 食落有D硬白飯: 份量對男士唔多夠沙律:用左柚子沙律汁, 酸酸地幾開胃總括而言, 用五十幾蚊起午市歎到鐵板燒都唔錯既, 但食物質素同價錢成正比

與友人嘗試了這間食評認為好的歺㕔、以期待的心情但最終失望而回。我們叫了二人套歺、頭盤是雑菜沙律和刺身、刺身新鮮美味。接著來了麺豉湯、正常湯應該放在炒飯一斉上、但竟然這麼快只好飲先啦！嘗了一口、咸了一點、失分。鉄扳司傅在鉄板前開始表現、第一味是帶子, 司傳一面跟隔離坐的客人聊天–面妙帶子, 帶子overcook了, 比較硬, 第二味是嬈虎蝦配芝士汁, 蝦爽口彈牙, 芝士味如濃一点就比較好, 第三味是嬈牛肉, 這個要比dislikes啦, 因沒有牛肉味, 我想是一般貨色, 並不是menu所提及的安格斯, 還有份量比較小, 接下来是炒雜菜, 油淋淋感覺, 差! 最後是炒飯, 不過不失.

買咗團購$499 2人餐,Book 咗8點食飯,所以一去到唔使等就有位,我地座吧枱位,因為可以睇到廚師烹調美食,的確是一件賞心悅目嘅樂事,餐單連甜品應該有11道菜,我們等了10分鐘才有人拿頭盆给我們(野菜沙律),啊!!昆布海鮮湯不見了??吃完還有三色刺身,阿拉斯加皇帝蟹腳,這些不過不失吧,豚肉厚燒和法國鵝肝味道唔錯,可惜分量頗小呢!鵝肝一小片還要再一半2人分,鐵板燒日式配菜(南瓜/茄子/花菇/翠肉瓜)亦不知所蹤???海鮮烏冬和炒雜菜O.K啦,柚子蜜沒有了,點了一個水蜜桃梳打,好甜,還有甜品呢????也沒有給我們,真係慳水慳力,回家看回餐單才知道少了幾道菜,唉!!有點兒受騙!!!

已經係早前去食, 當時但馬仲未開分店, 仲有做團購.食既時間我已經覺得依間restaurant 可以做大D, 始終山林道依個舖位細咗少少, 又唔太多人識, 晒咗.當晚叫咗個鮑魚&虎蝦 set 同 帶子皇& 鵝肝set.同其他鉄板燒店一樣有sashimi & salad 做 starter. 鮑魚好fresh, size 都唔細. 師傅一邊煮,一邊就住位比我影相, 但都無影響佢既技術.虎蝦同帶子皇都好好食, 虎蝦夠彈, 特別係蝦膏既SAUCE, 可以帶返出蝦既味!!Foie Gras 我當然like 啦, 不過真係唔可以成日食, 太高膽固醇喇 >.<. 不過耐不耐食下都真係享受呢 ~ 鵝肝SIZE 都唔細啊, 師傅又比心機燒, 金黃色好靚, 又好香 !! 牛肉厚燒同薄燒都一樣好食, 不過我個人prefer 厚燒..hehe師傅真係好NICE, 我地不停煩住佢佢都仲好好笑容. 之後整個依個生日公仔比我地食完已經好夜, 不過依度D STAFF 都無趕我地走, 又幫我地影相.

早早已聽聞過但馬的威水史，話說有同時跟男友情人節吃晚飯，兩人要差不多 $1600 大元結賬。看到網上有團購，而且 menu 內的食物甚適合於這些特別節日慰勞父母和老公一番，二話不說就買下訂了鐵板桌。當晚訂了 7:00，店內已有數位客人坐於鐵板桌。店子比想像中少，鐵板桌有大概十多個座位。位與位之間十分狹窄，幸好在高椅下有位置讓客人放手袋。由於老公因為有事遲了，我跟父母就先坐下，店員體貼的立即端上熱茶。但我們才剛坐下數分鐘，而且還未齊人，店員已急不及待上刺身及 miso soup。Sashimi 很新鮮，而且很肥美。Miso Soup 正常貨色。當我們正品嚐 Sashimi 跟 Miso Soup，師傅又再急不及待立即替我們鐵板燒了!首先上的是馬來西亞老虎大蝦，隻隻都真是很大隻哦!! 但燒完的時候，size 小了一大半! 第二菜便是南非孔雀鮑魚。就是旁邊的 lively 郁郁郁 abalone 了! 他們真的在鐵板上"起舞"了 (說是起舞是美化了，我有點怕，所以沒有看著師傅燒，但我老爸就看得津津樂道... Abalone 出奇的軟，而且好彈牙，感覺上比到中國酒家吃的更好味。Portion

因為之前同過dept同事食birthday lunch, 覺得正先介紹其他同事一起再吃多次, 對上一次我食的是比目魚鐵板燒, 而今次食的是黑豚肉鐵板燒 個黑豚肉口感真係好香好正!我諗可能係有炸蒜同埋個醬配得好, 所以個黑豚肉好正!其實$58真係唔算貴, 有前菜, 湯, 鐵板燒炒什菜同埋一碗飯!最緊要係唔洗加一, 員工service唔錯, 不停加水同埋同customers笑笑口!大家可以一試!

今次巳是第四次離食,老公仲因為慶祝我生日而之前打电話離預訂鲷魚及刺生船三月後食過很多日本餐廳的菜,大多巳不及從前了食完刺身巳很溜所以就無叫set 啦之後我地再叫左到的招牌菜黄金芝士蝦洒煮蚧蛤,夠鮮甜聖子皇炒雞腎鐵板法國鵝肝炒雜菜食過幾次後的心得是預先一定要book枱,由其是鐵板位,試過book左都要等一陣,以前都有去食其它鐵板燒,但發覺原來是食環境及裝修!!食物質素keep唔住,lee到雖然裝修一般但都好有日本橫街食店feel!最重要是食物質素有一定的水準多謝老公幫我安排此生日飯!仲叫埋外父外母離tim是日晚餐盛惠$1520

睇到書介紹呢間鐵板燒就去試下，入到去唔係好大，要貼住坐，隔離嗰C拉重眼啤啤，第一次去唔知有咩好食，想問個師傅，個師傅忙到七彩，惟有問個侍應啦，講下問下，佢話試下呢樣試下那樣，我就話試下個六百零定係七百零嘅餐，佢就立即無左笑容令轉面，跟住拉長音話好，我心念洗唔洗呀，兩條友六、七舊零水都算係OK嘩！你間嘢咁up得，你估你係酒店咩，唔知係咪叫左呢個餐嘅問題，個師傅炒嘢比我地時都一路啤住我地，都唔重要，因為都唔會再有下一次，你有冇試過食鐵板燒D帶子、鮑魚無味嫁，只得咸味，隻蝦又細個頭又黑最重要係梅嫁，七舊幾食D咁嘅嘢，四舊都比多佢，好在無食佢介紹D嘢啫，不過佢地咁唔鍾意客人叫個平餐，不如唔好賣啦！炒乾牛河、炒腸粉啦。上尼睇過D留言都唔知堅定留，睇唔過眼先至留言。朋友們你夠姜就試下~~。

見食評不錯，雖然沒有期望，但還是有點失望。以下是點了的東西：雞腎：算是炒得嫩，但無乜味牛舌：味道ｏｋ，但有點韌鵝肝：份量足，但個人覺得煎得太過熟，搞到”鞋”晒，另撲少點粉更好。好喜歡的是每件多士都弄成小小四方一塊，用筷子都夾到。澳洲蠔：不過不失，但不覺得很新鮮，而且用廣島蠔會更好。（不知是因並非廣島蠔季節還是要謝絕所有日本食材，如果是後者建議還是用回廣島蠔因實在是較好味且廣島應該無事）安格斯牛扒：師父好有心機，用了好多時間把肥與瘦部份分開。瘦的加蒜片抄，肥的切細再煎。整個牛扒來說很一般，欠牛味，且我們本來要４成，上碟變了７成（似乎是師父聽錯或記錯了）。另外蒜片太韌也是敗筆。神戶牛薄切：牛肉個樣好靚，煎得也靚，真的４成上碟。但偏鹹，且一樣欠期望中的牛肉味。（或者有些人喜歡牛肉味不那麼重）雪糕：不知怎的我那個雪糕不是一個球那樣，而是一pet野那樣，真有點倒胃口，還請店方注意一下師父算是用心的，但樣樣弄出來都好像一個味，因為黑椒落得重了，加上是食材本身欠鮮味關係。另外太少蔬菜選擇。祝願店方會改進，畢竟這樣的小店也是難得的。

兩個人叫咗個set dinner $748要加一！餐有三文魚刺身、大蝦、鮑魚、和牛、菜、炒飯！蝦預咗係雪藏的！味道都ok！和牛同菜都好好食！但鮑魚不新鮮！超腥！比得咁嘅價錢食不新鮮的食材，作為一個廚師，你拎上手就知隻鮑魚是否活的，你明知不新鮮仍可煮比客食，不能接受！炒飯無味，自己落鼓油同七味粉撈飯！比錢時再同職員講鮑魚不新鮮，當聽唔到！