住家菜 (已結業)

尋晚同個好耐無見既朋友約左出去食飯, 由於事出突然,我個朋友話好似利舞台有間"住家菜", 就是但去食, 我本人6:30pm 就去到, 都係得一, 兩成入座率, 咪同佢講訂左兩位, 跟住佢問我另外果個幾時到, 我都唔知架, 又見有咁多吉枱 , 咁都要等齊人, 咪打比個朋友,出面又鬼咁大雨, 同佢講我朋友已經係樓下, 咁佢先好似好為難又唔願意咁比我入去坐住先,跟住我見到我個朋友到左, 但要行左去toilet, 因為實在太大雨當時我先見到門口貼左張紙, 寫住"全日繁忙時間, 人齊方可入座" 原來呢間餐廳得一兩成入座率都叫做繁忙時間.然後D 侍應就不斷係你面前行來行去, 有一個仲要走過黎話,"使唔使叫住個湯, 飲住等先"點知個朋友到左又無比多個Menu,最攪笑係個侍應sell個阿雞, 話好出名, 咁我就要啦, 然後佢問我仲想食咩, 我答佢都無咩特別想食, 佢就話唔係雞就牛呀, 豬呀, 菜呀, 魚呀,海鮮咁啦. 心諗都"廢話"唔通係度食鮑參翅肚咩? 佢又勁叫我地蒸條斤幾重既魚, 兩個女仔點食呀?? 一家人就話啫 .跟住都是但叫d 野, 每放低一碟餸 就問一次要唔要兩碗白飯或者湯呀, 問足三次,

星期六臨時飯局, 地點朋友選阿嬚雞- 入口只覺鹹而食唔到其他味, 不過雞肉尚算滑沙拉骨- 豬扒幾嫩滑, 肉醃得幾入味, 酸酸地幾醒胃魚湯浸雜菜- 普通鹹魚蒸肉餅- 係呢度鹹蛋蒸肉餅就食得多, 用鹹魚蒸就第一次食, 因鹹魚只係放係中間, 所以食邊位係無鹹魚味, 而肉餅蒸得剛好, 腍腍地, 幾好送飯鴛鴦飯- 試左鮮茄個邊, 肉絲份量幾多, 個汁D味幾濃蒸鱸魚- 蒸得肉唔夠滑炒翠肉瓜- 普通西洋菜湯- 西洋菜味好濃, 好飲同行朋友覺得D食送D味太濃, 而我都認同比前重味左, 雖然係咁不過都欣賞佢D食送依然保持到唔油埋單每人$60, 抵食度有4

2007年7月26日星期四訂了兩位，晚上七時四十五分到達，被安排坐門外的檯，由於等位的人就在這裡等候，我不想被人圍觀，所以我們再等下一張檯才入座，不久便有位了。例湯($35/煲、$12/碗)：一碗足夠兩個人飲，味道一般！阿麻雞($45/例、$80/半隻、$150/隻)：雞沒鮮味，只靠醬汁調味，如果這是招牌菜，必定是一個拆招牌的招牌菜！黑椒西蘭花牛柳粒($48)：牛柳好淋，不錯。魚湯什菜煲($40)：材料有什菜、粉絲、蝦乾、草姑等，味道一般！送糖水：煲燶了的綠豆沙！其他：環境一般，有兩三張檯的位置在門外，感覺如同坐街邊大排檔，地方很細、擠迫，一點住家感覺都無，何謂住家菜！伙計好勤力！落單快、起菜快、收碟快！其實以這樣的價錢大可以找一間環境較舒適的食肆，坐得舒舒服服慢慢食。免茶價，飯$8/碗。加一服務收費。

尋晚同2位朋友大約9點幾去食, 都仲有好多等緊位, 門口位小姐叫我地3個字後先返來, 咁就差唔多食得啦.坐底時個朋友一早order晒幾味菜, 所以我就乖乖地等開餐, 等左大約個零字就有菜上, 都算幾快手:例湯- 朋友話冇味精, 我自己就覺得一般啦, 唔覺得特別好味但又唔覺難飲, 但覺得唔夠熱唔夠滾, 始終飲湯要滾先好飲嘛阿麻雞- 朋友極力推介好好食, 味道似沙薑雞, 肉唔算太鞋, 但叫ok入味, 算不上真係好好味蛋白翠玉瓜班片- 好多蛋白, 翠玉瓜都幾爽口, 班片食左一塊, 覺得怪怪的, 好難咬開, 同埋有陣味, 但又唔似係雪味, 總之唔係好左好多啖蜜餞鐵板豬柳- 熱呼呼的送來, 香味同個樣都好吸引, 豬柳有蜜味而且真係幾入味, 又唔鞋, 好淋, 算幾好食3個人再叫左一人一個白飯, 可能我地都細食, 所以都食唔晒D野, 飯後送來糖水, 但個樣都幾可怕, 一眼望落都唔想飲.要講一講服務真係好麻麻, 一開始門口位小姐冇咩禮貌, 全程食左個零鐘又冇人fill水, 食到差不多之時佢見有客等緊位, 眼望望就走過來叫我地埋單先好唔好, 咁講法即係趕客要我地走啦...想坐耐少少傾下計都唔得. 今次朋

同好姊妹行街街兼食飯,佢知我性格,同人食飯一定唔會做決定的,所以佢都一早諗定食咩,仲訂定位,時間一到就去原來好姊妹係呢度常客,都見有d職員同佢打招呼,可能係咁,所以又無其他食客說的態度差,仲幾好漆喎點菜方面當然交給好姊妹,由佢點菜我一向好放心,佢知我喜惡,點的都會啱我食叫左阿嫲雞半隻~咦,都唔平喎,但係幾好食,好滑呀,連雞胸都係,平時怕鞋唔食雞胸的都食左幾件粟米魚肚羹~唔叫例湯,因為好姊妹都知我成日有住家湯飲,唔會在外面飲例湯,所以叫呢個,唔太杰幾好,都有唔少魚肚,魚肚淋滑,粟米清甜,呢個羹唔錯蛋白蚧肉西蘭花~一向愛食西蘭花,呢度炒得翠綠爽口,加上蛋白蚧肉,好味咸魚茸煎肉餅~蒸的就食得多,原來煎的係咁好味,好香咸魚味,外面煎得脆口,正麻婆豆腐~港式口味,唔會好辣,不過好味,豆腐好滑,連平時唔太食飯的我都叫左碗來撈食真係食到好飽呀,好在佢d份量唔大,可以食多幾種,不過我同好姊妹都唔係大食,所以都食淨唔少,好想食埋佢,但真在太飽,好姊妹的確無介紹錯,同佢食飯最開心,因為一定有好野食

我地4個人九點幾黎e度食, d食物坦白講係唔錯, 個湯亦都唔錯. 但d服務員就真係係度趕客, d餸都未食完,就話要收碟, 喂!!!有冇搞錯呀!!!個陣時有冇人等位,間餐廳有唔係滿曬,駛唔駛咁快收d碟????想坐耐d都唔得, 唉....真係食都食得唔開心

I totally agreed. This is one of the most bad experience I came across from a restaurant. Bad treated and simply not worth with the price they charge. Standard food with no service.!!!There are certainly a lot better restaurant outside in CWB. Guys...please go and seek another option.

我與C君到不過是6.30pm,守門的女伙計一個攔截,義正詞嚴地說: “我o地要人齊才可入坐”。當時還有爸媽二人未到, 但見食店內根本有好多空檯, 我便問: “店內有好多空檯喎”, 又問她可否先入坐,因其他人很快就到。她便自打咀巴, 話而家唔係繁忙時間,可以坐住先（好似特赦我o地咁）,但咄咄逼問其餘2人幾點鐘到! 嘩,依家好似法庭要見證人, 個law clerk見證人未到，猛問證人exactly要幾時到咁…逼於無奈答了個確實時間: “6.45pm”好在爸媽真的搭正6.45pm到, 但在6.45pm前，其他伙計不斷在我們的檯附近走來走去，又望住我ｏ地，又望住他們放在我們檯上的餐牌，示意我們要落order叫菜，十分有壓迫感，便在人齊前逼住叫了2道菜，4個人齊人後又叫多2道。吃完了飯，伙計上甜品（糖水），媽媽便同時拿出專程帶給我吃的飯後果（因為小妹已嫁人，跟父母沒再一起住），甫拿出來，吃了一口，那守門口女人又衝將過來，大大聲大大件事咁話：呢度唔可以帶ｏ野入ｏ黎食！嘩，今次輪到警察拉人？！（最糟的是水果是果王durian (在supermarket買的散件裝中的一塊),給她一個更大的也文也武的理

之前0黎過一次, 今晚帶一家人0黎開餐, 由於母親節關係, 要人齊先可以入坐, 不過個waitress 都好好, 見到地差一個先齊人都比我地入去坐底等, 讚!6個人叫左呢0的餸~咕嚕蝦球: 好味, 有0的生果加埋一齊, 夠酸甜開胃, 0的蝦都夠爽口三杯雞:因為叫唔到阿嫲雞，所以先叫呢個，一般啦炸腰果骨: 腰果夠脆夠香口, 排骨都炸得鬆化, 幾好豆豉鯪魚油麥菜: 好足料, 唔會得幾粒鯪魚, 好味蘭花石斑片: 一般啦時菜豆腐扒雙菇: 味道幾清哈蜜瓜翅骨排骨湯: 是晚例湯, 都幾清甜海皇羹: 豆腐好滑, 好多料, 幾好味呢間舖價錢都幾合理, 味道都唔錯, 所以越0黎越多人0黎幫襯, 但就唔係太岩一大班朋友0黎呢度gathering, 真係唔好意思霸住個位咁耐~

星期二同肥b拍拖仔,行完街,大約800上去搵位食飯,諗住好多人,好彩都唔哂等好耐,大約5分鐘就有位,我叫蜜糖蒜子雞煲,好香蜜糖味,雞滑,但碎d,鮮生炒骨, 生好新鮮+趣趣生炒骨, 好開胃又好味,另叫西蘭花炒魚片,呢個就普通d,但都ok,我唔食魚都食得,起碼無骨,價錢肥B話唔算貴,仲有糖水送,肥B話起碼下次都會食!

唔好以為多人等位就係好野....味道一般兼且細碟.最唔得係待應態度,愈高級態度愈差,黑口黑面之餘又要趕人走.原全唔識講唔該或者多謝之類.原全冇禮貌.有生意唔想做就摺埋佢,唔好整衰香港飲食業!

臨做完GYM 20分鐘打去落ORDER, 去到就可以拎夠晒方便豆豉鯪魚油麥菜($40) - 豆豉好多, 但鯪魚就好少, 油麥菜莖位好爽口, 但可能係炒豆豉鯪魚既關係, 所以都幾油下, 平時好少食呢味所以唔係好知第二道整成點, 但朋友仔話唔好食白飯($8) - 幾錦, 唔硬例湯($12) - 無飲

之前朋友推介過這店, 是位於謝斐道那間, 而這較就腳, 所以到這裡試試. 點了蒜香牛肉粒, 豆腐班腩煲和西蘭花炒班片. 亞姐不斷叫我們先點湯, 心想我家常常有湯喝, 而是日的西洋菜湯不是我那杯茶…當然不要了. 但原來湯是這裡的招牌貨…或者下次試試吧! 如果還有下次…食物ok, 算少油和少味精, 不常吃住家飯的, 確是好去處! 但服務真的不是太好. 老是催迫你快點點菜, 找人加茶也有點難度. 而當我們吃得差不多時, 即有服務員問我們的碟是否可收, 可否上甜品? 遠處的老闆娘還問我們這張枱叫了上甜品沒有…實在有點讓人不悅…我估下次我會幫襯另一店, 至少沒有壓迫感…我估?!

好呀!! 食過幾次. 唔錯! D湯真係無味精; 南瓜\"中\"(個名可能記錯)\"送\"飯食最好; 有個腐竹浸住D菜都好得,有D蝦干仔...... 總體里講係掂既. 不過改錯名, 又話住家菜, 邊有人係屋企食飯會俾人\"吹\"快D走架!?...

A popular Cantonese Restaurant. Been there for 2 times. In general, the dishes are good for that price. The signature dishes - 阿嫲鸡-is good. 南瓜煲is just average, not recommended. The bad thing about this restaurant is table sharing. I don't mind table sharing, but they are pushing to the extreme. 3 of us have to share a rectangular table with another 3 people, even when we ask if we can wait for another one. They can simpley leave that 6 people table to the 3 poor sods and two other people, no nee