住家菜 (已結業)

同男友第二次黎食. 電話預訂左個阿麻雞.book左位都要等一陣先有位.我地要左:果皮蒸桂花魚- 條魚都ok大條(我諗係街市買既話, 應該$20到啦), 係游水魚黎既, 幾好食!冬菇粒馬蹄粒蒸肉餅(唔記得exactly個名) - 呢個好味呀! 唔錯唔錯!期待已久的阿麻雞- um... 有d失望, 我覺得好普通, 唔會再食. 但男友話個汁好食.兩碗湯- 汲取上次考訓, 我地唔要一煲湯, 變左兩碗湯. 成煲湯實在太多啦, 飲唔晒! 今晚係蕃茄黃豆煲豬骨, 都ok呀.糖水- 紅豆沙, 幾好喎, 唔甜, 我鍾意!埋單$201.雖然table之間係冇乜位, 隔離table d人講咩我地都會聽到...但我地會再來! 因為好味同ok抵食. 下次會試佢地個南瓜排骨.

13 February 2007 (Tue) - 晩飯舊同學生日，我book咗位黎呢度食，記得呢度勁多人黎排隊，所以我決定book位先，而且佢亦話要齊人至比人座，所以我下旨叫全人類不得遲到！少有地成班同學都冇遲到，我好感動！我已唔記得叫咗啲乜，但係訂位時就book埋個唔知咩雞半隻同南瓜排骨，聽講係招牌貨，所以我都唔執輸！坐低後同學老公發板，所以完全唔知佢叫咗啲乜，直至黎到先知，樣樣嘢都好啱胃口，我哋亦清晒我哋所ordered既八樣餸，未計湯，我哋先七個人都叫成九樣樣嘢，真係嚇死人，但係絕無冷場，所以食物都落入我哋肚中，記得係生日嗰個同學指定想黎呢度一試，而佢亦食得非常開心，佢覺得呢度好味指數係爆燈咁滯！確實，除咗特別order嗰樣，同埋個竹筒飯之外，我都唔太記得食過啲乜，只係知道樣樣都好好味！最正係啲服務係一絕！成日都走埋黎同我哋講下笑，睇下我哋要啲乜咁！到最後埋單大家都覺得抵到笑大人個口，每人都只係夾$95，已經係請咗生日嗰個，個個都話要再黎食過！今次既生日兼gathering真係好開心呀！

呢間野真係好多人, 星期一來買外賣都有好多人排隊等開餐, 犀利粟米斑塊($48) - 粟米蓉分開裝, 個汁賣相同食味都同粟米羹無分別, 但味道就好淡, 係淡到好似無落調味咁. 而班塊係薄薄一塊, 拎到返去變腍都預左, 而魚身無魚味, 麻麻雜菇扒豆腐($48) - 冬菇, 草菇,磨菇同瑤柱絲加埋蠔油獻淋係豆腐面, 賣相對辨, 而獻汁味道本身唔濃, 撈埋無味既豆腐同吃就會覺得太淡例湯($12)白飯($8)之前食過幾次都覺唔錯, 但今次兩個食送都唔太對路, 雖則清淡小菜都唔等如無味, 或者下次都係叫番蒸肉餅穩陣D

食物好食,好有屋企感覺,彌補我永遠無住家飯食既缺陷.我朋友生日,有令我朋友仔好開心既壽包送,個服務員仲係咁主動要幫我地楂機影相.我覺得好值得去食woh,並唔係大家講得咁壞招牌雞同南瓜排骨都幾好食,我d朋友仲食晒個南瓜,我負責食排骨: )

我同個FD約好左6點半之後我到左先就坐左入去不過後來我個FD打俾我話塞車趕緊黎我就想等埋佢先落單不過可能我坐太耐門口帶位個個阿姐係咁叫D伙計黎叫我落單真係好煩呀個個阿姐D眼神呀單單打打咁好似我再唔落單唔俾我食咁樣過左5分鐘我個FD黎左我都好識做即刻落哂單跟住我同個FD講返件事佢都好唔開心所以我地食完飯之後一定唔會再去食不過有個男侍應好好係咁同返我講唔好意思不過佢又冇追我落單又冇趕我走相反其他個D人都冇過過來因為我鬧佢地唔好係咁叫我寫單掛食物味道麻麻可能成吐氣掛食龍肉都冇味早知係咁就係隔離個間果一道又唔洗等食得舒服D

朋友話好食,早成個星期訂位咁滯,真係誇。訂左仲要等,至憎!好在唔係等左好耐。訂位時留左半隻雞,仲有咩南瓜..我唔知咩名,但係黎到個南瓜係散開哂,見到人地果d係完整一個架!雞就講到好出名,但係..我覺得無咩特別。仲叫左一煲湯,都幾抵飲,個fd話35蚊,咁又好超值喎!而且都唔錯,幾好飲!仲有碟菜,普普通通咁啦...

約左朋友9點幾食飯, 同朋友仔有時間就行下CD鋪諗住買麥當娜隻新DVD, 不過行勻成條街都斷貨, 就去HMV睇一睇, $149貴過街邊$10, 買得過, 見朋友仔買到心頭好我比佢仲開心青紅蘿蔔湯- 夠清甜阿嫲雞- 叫了半隻, 雞肉幾嫩滑, 個汁好香, 好味黑椒牛柳- 黑椒味唔夠濃, 普通蛋白蟹肉西蘭花- 西蘭花夠嫩綠, 蛋白加上蟹肉做獻汁, 清清地既一道菜清蒸桂花魚- 肉質算滑, OK咸蛋蒸肉餅- 今次個肉餅好過上次, 肉質無上次咁腍, 肉有鮮味, 撈飯依然一流鴛鴦飯- 試了白汁個邊, 蝦夠爽口, 白汁味唔算濃, 但整體上都唔錯呢間店標榜健康小菜, 我都信係, 最根本應該係無落味精, 因食完返到屋企好耐都唔駛飲水, 有誠意小店, 值得支持

Lunch 夠平，好快，由落單至食完糖水也不過20分鐘。如果你非常趕就perfect，因$32有Basic Lunch set，味道不錯。不過，你想同同事講多兩句就死，不停??。吹咩日日夜夜都爆。我見意食lunch 多過晚飯。

食物味道一般! 人都末齊, 催人飲住湯先, 但湯唔夠熱,不過最唔LIKE佢都末食完,猛咁問D嘢仲要唔要,上糖水好唔好, 10分鐘內答過三個伙計話末食完唔上住,但她們不停在你面前擾攘想你快D走, 咁想做多幾轉,就唔好學人在利舞台開啦!

yesterday nite i have dinner at there.my fan need ot,so she will come after 10mins.than i sit & wait her at the restaurant.than terrible stuff is starting:THAT HOSTRESS GIVE ME A OUTSIDE SEAT,JUST LIKE SIT INSIDE THE SHOPPING MALL HV DINNER(BUT I HAVE RESERVE THE TABLE ALREADY)2 waitress ask me MANY TIMES"你朋友几時到呀?"問左不下4TIMES... I said she is coming,just 5 more mins...than they use very bad 態度看著我.咁我朋友坐下來不夠3mins, waitress ask us"可以落單?"waaa! my fan still not touch the menu!they dont give us time to

係樓上做完gym, 剛o岩架lift停係7樓, 諗起佢d湯就走去買個外賣走9點幾去到都仲要排隊, 呢間野都幾掂咸蛋蒸肉餅($40) - 份量都幾多, 但肉質太腍, 無口感, 另外淋左d豉油係到, 用來撈飯都唔錯例湯($12) - 羅漢果菜乾, 好香菜乾味, 但碗湯太多渣, 變相湯水比較少白飯($8) - 好軟身, 好有屋企飯既感覺因為蒸既關係要等得比較耐, 走既時間侍應會講唔好意思等, 感覺上服務唔錯

幫襯住家菜差不多有2年了,因價錢實在太吸引及好味, 所以一星期總有一次在那裡吃午餐,最近半年到利舞臺分店吃多因比較舒適(都是很逼很快但比舊舖還是好的)在我來說他們最吸引我的是第1價錢第2是每日例湯, 其他菜式和一般小炒店沒多大分別.但$32一套午餐包煲了幾小時的老火湯不加1,有待應服務, 坐底就5分鐘有得食,如不計等的時間,半小時走得(吃過的都知道他們自有方法有禮貌地使你自願早些結賑),係銅鑼灣真係搵唔到,大家樂大快活分分鐘都未搵到位,$32真係通殺價. 晚上我放學(正在進修會計,人工不高用錢要審慎)後則幫襯大家樂, $35巳有套餐包我最愛的無味精老火湯(和住家菜一樣但後者晚餐貴得多) 寫這食評前看過其他評語,看都很多都說及味精,我本人就覺得焦點放錯了,如看他們的綱址,住家菜說的是他們的湯是無味精(大家樂也是這樣寫),其他有沒有,他們則巧妙地避過了,重要的是住家的感覺,另外說的清淡少油則見人見智(如多欸的咸魚/咸蛋菜式,有皮的馳名亞嫲雞,豉油蒸魚,鹽水雞翼,椒鹽豬扒,沙爹牛肉...) 這些都是我所喜愛的重味菜, 我才不會介意他們有用味精作調味平靚(好味)快是我幫襯的原因,但絕對不是拍拖

訂好了6 位7:15pm, 已預早到步, 但其帶位小姐態度囂張, 不齊人不準進入, 到齊了4 位亦不可?! 但明明是有吉枱的, 食住等都唔得! 餸菜亦沒有驚喜! 本人點了: ~ 例湯---> 沒味精, 味道可以, 但不夠熱!~ 阿麻雞---> 什麼招牌菜, 鹹得要命!~ 南瓜排骨---> 全餐飯唯一可以放得入口的, 夠特別!~ 三色菇炒西蘭花---> 太鹹, 我炒的比此更好!~ 豆鼓蒸魚云---> 份量其少, 魚云又少, 豆鼓又少, 鹹到勁飲水!~ 紫米露---> 送的, 像一啖啖的砂糖水放入口!未吃完服務員便趕著收枱, 離譜! 差勁!

上次同朋友試完，今次帶男朋友嚟食，兩個人點了：1.兩碗例湯-金銀菜乾煲豬骨- 上次第一次嚟食冇試到，原來例湯真係好住家feel，個湯冇味精，好足料，12蚊一大碗，勁抵2.西蘭花班片- 好味，同上次一樣，都係週街都食到嗰隻味道3.金針雲耳蒸雞- 我覺得呢味好差，我食咗兩舊就停手，雞細舊，多數仲係骨多過肉(我好衰，唔識lun骨，所以只愛食fillet)，又多油，好似油浸咁，話唔落味精啫，都唔係整到好鹹架4."鴛鴦"太極炒飯- 味道ok啦，一般出面都食到咁嘅水準，勝在夠大碟，大碟到唔夠位擺(張枱細嘛)5.清炒豆苗-好似鹹咗少少，又油咗少少，不過豆苗幾靚另送是晚糖水馬蹄露，仲要係我到暫時為止飲過至差嘅馬蹄露...冇料又冇味，十足一碗豆粉水加少少蛋花，上次送甜茶咪好好地囉。上次訂咗位都等咗一陣，今次walk in，等足四十五分鐘，都係俾帶位姐姐欺騙咗，本來話兩個人好快廿分鐘有枱，咁咪等囉，等到半個鐘問佢仲有幾耐，又話下一張到喇，咁又繼續等，等足四十五分鐘。味道係好(so far試過兩次，多過半數嘅餸都好味)，例湯就超級好，不過啲餸唔係好味到值得等成四十五分鐘，睇怕以後都唔會再咁傻去等咁耐，學男朋

光顧了住家菜四次, 對上一次的水準真係大不如前.無錯, 例湯一樣仲係咁好飲. 但是其他的小菜, 已經覺得退步了很多. 點了"阿麻雞", 南瓜排骨, 咕嚕肉同埋蝦醬炒飯. 個人覺得係"阿麻雞"仲有番咁上下水準, 其他小菜同埋個炒飯真係普通到不得了. 可能之前三次光顧俾我o既印象太好, 所以呢次令到我好失望.