何車車仔麵 (界限街) (已結業)

成日經開太子見到有人排隊食車仔麵，我就非常之討厭排隊所以我就唔會試。。。但係今日有啲想食車仔麵，於是就去咗依一間舖頭試吓，舖頭細細不過唔緊要因為六點後都冇得堂食去到佢擺咗啲筆童子喺度可以自己揀， 不過見唔係好多人就直接拎住張紙入去同佢落order費事畫一張紙又浪費入到係個後生仔好有禮貌，仲要見到間舖頭嘅報紙係黃店添所以就試咗如圖上嘅兩個車仔麵，價錢都算合理等候時間都唔太耐再主動問你使唔使要走聰走芫荽易啲味道都好好食，真係值得下次再試下，叫咗個中立係辣嘅不過都可以接受

雖然舖仔細細，但選擇非常多，仲有习鑚麵款同材料揀。今日試咗香蒜蝦子撈粗，仲加咗麻辣，香蒜汁幾香，驚太乾仲可以叫店主加碗湯，麻辣就夠麻夠辣。餸揀左牛舌芯同腩肉，牛舌夠腍，驚喜係腩肉，加咗孜然粉，好香。仲叫咗關東煮，個湯幾清甜，$12好多款食物。黑松露薯條即叫即炸，醉炸雞翼好特別，未試過醉雞翼係炸，但比較細隻。店主態度好好，我不停叫佢加湯加麻辣都好有禮貌。一定會再幫襯，但舖頭比較細，同得一個人serve, 所以可能要等。

何車車仔麵我最鐘意食既係麻辣撈粗，大大碗，仲要賣緊$15，我每次都會額外加何車雞翼尖、陳皮魚蛋。除左撈粗，佢當然仲有其他湯類既車仔麵，佢啲粉麵都係大大碗，唔夠食仲可以加底。小店車仔麵，大家不仿支持下。註： 舖面不大，只能容納幾個人。

新式車仔麵店～ 鋪面幾靚但較細，座位好少，繁忙時間要等得耐啲。有超多餸揀😯👍🏻仲要係唔常見嘅車仔麵餸，例如有關東煮、手撕雞、牛舌芯等等。🍜細何五餸麵大推蘿蔔！超級甜同入味！豬紅超正，水魷爽口👍🏻🍜蒜油蝦子撈麵 + 牛舌芯+媽媽水餃蒜油好香呀😍 蝦子份量都唔少，成碗麵都好香口😋 不過蒜油有少少蓋過蝦子麵嘅味道～ 牛舌芯質感爽脆，不過我鍾意質地較厚又爽口嗰隻多啲～ 媽媽水餃足料好味👍🏻

繼續揾食揾到大角咀，地點都唔算方便，不過遠遠都揾到個招牌都算容易揾入面環境唔大，目測6-7個位小店幾有心機佈置，因為臨近中秋，店內都見到連豬燈籠裝飾店內係有連豬產品賣嘅，即使忍唔住買咗隻！而且店員都幾有禮貌同搞笑，抵讚👍🏻講返嘢食物，揀咗個蒜香麻辣撈粗，食落都唔算細份，一個女仔食完都夠飽，有配埋菜做餸。唯一挑剔係，雖然個撈汁都幾好味，但撈咗之後黏唔到係餸或者麵上，所以食變咗汁同食物好似分得好開咁。不過整體嚟講都食得滿意，下次會想返嚟食個車仔麵湯底！

星期日中午同阿女喺附近學完嘢，發現附近有一間裝修好得意嘅車仔麵店！門口最吸引我嘅係有繁多嘅食物種類揀，同埋超級抵食嘅價錢！ 入去嘅時候應該係啱啱開舖嘅時間，好彩行快一步可以同囡囡唔使等位就有位坐低，即刻就order咗兩碗麵同埋一個小食，同2支飲品… 5樣嘢加起上嚟都只係一百二十幾蚊❣️❣️❣️ 我自己order嘅係 「b仔雞翼尖陳皮魚蛋配麻辣撈麵加菜心」，麻辣麵本身都好爽滑， 同辣醬好夾！雞翼尖炆得好入味，陳皮魚蛋彈牙香口，唔好睇影相咁細碗，如果打鬆曬成個面， 其實已經好大碗，食lunch嚟講已經好夠飽！囡囡自己叫嘅 係「菜心獅子狗拉麵」，湯底本身味道好清甜，冇味精，味道都好特別， 另外仲有個黑松露薯條，松露醬味道好突出，但薯條略嫌有少少唔夠熱，不過$15嚟講已經好抵，都OK la😊👌！最緊要佢地係💛💛💛💛💛💛💛💛！！！點可以5支持先🤩🤩🤩🤩🌈🌈🌈？！！！

位於「九龍」「太子」段的「界限街」旁邊，有一檔實際面積不算非常大，只能夠容納不到十張餐櫈的小型港式車仔麵食店，食店的名稱叫做「何車車仔麵」。我最初以為光顧像「何車車仔麵」的新派港式車仔麵餐廳，食客在所難免地需要先付款購票，然後等候「何車車仔麵」廚房製作「車仔麵」食品，結果「何車車仔麵」收費方式有點教我出乎意料之外。因為「何車車仔麵」店主容許食客先寫自助點餐紙，然後遞交自助點餐紙給店員當作點餐，直至食店製作完成和送上食品，食客享用所有食品完畢之後，才正式付款結賬埋單也不遲。另一方面，「何車車仔麵」自助點餐紙裡面雖然沒有提供「車仔飯」或者「白飯」，但是卻有單獨製作和提供的「何車丼飯」，食客可以選擇「何車丼飯」，然後再在「何車丼飯」裡面再追加餸菜，變成另類版本「車仔飯」。於是我在「何車車仔麵」的自助點餐紙裡面，點了一客「飛天蘿蔔牛腩飯」，然後再在「加配」餸菜一欄裡面，選擇了「鹵水雞翼」跟「糖心蘿蔔」。雖然我曾經詢問過「何車車仔麵」看店店員，知道「飛天蘿蔔牛腩飯」裡面肯定也有「蘿蔔」，但是我始終放不下對「蘿蔔」的執著，還是選擇了再加「糖心蘿蔔」，進入「飛天蘿蔔牛腩飯」裡面。由於我已經在「界限街

週末夜晚係太子覓食，被呢間裝修貌似Coffee shop嘅💛車仔麵小店吸引咗我嘅目光。小店座位唔多，大概可以坐到3-4檯，但整體環境舒適潔淨。門外不時就會出現排隊堂食嘅人龍同買外賣嘅街坊。舖頭入面仲有好得意嘅連登豬賣！！-✨老何麵十餸： （材料有豬皮、豬腸、豬紅、蘿蔔、雞翼尖、雞翼、魚蛋、肥牛、何車水魷、燒豬頸肉）呢款10餸麵完全滿足左選擇困難症嘅朋友仔，豐富嘅材料令人食得非常滿足。不得不說，一開始本來係抱住支持本土小店嘅心態去食，點知味道卻非常有驚喜，一啲都唔輸好多出名嘅車仔麵店。燒豬頸肉外脆內嫩、肥牛牛味濃郁，蘿蔔香甜無渣、陳皮魚蛋扎實彈牙，係少有地，令B仔留下深刻印象嘅小店。另外，佢哋喺湯底亦落咗唔少心機，秘製湯底用咗大量天然香料熬製，一洗車仔麵湯底一貫嘅頹風，裡面嘅材料有八角、草果、桂皮、果皮、丁香、花椒、川芎等等，中意食辣嘅仲可以加辣汁、咖喱同麻辣。-✨餃子雞翼大大隻好足料，咬落去，入邊嘅明太子就爆曬出嚟，口感與味道俱佳。-✨黑松露撈麵材料自選，而我就揀選咗日式叉燒、魚腐、糖心蘿蔔、汁煮青菜、溫泉蛋同媽媽水餃。未食已經聞到濃濃嘅黑松露香氣，食落麵質爽口彈牙。叉燒肥美、魚腐軟

今日上完瑜伽堂，一行十人叫午餐外賣。湯底超濃超好味！我叫咗豬大腸竹輪魚腐手撕雞米線，啲辣汁好惹味，大腸洗得好乾淨，竹輪係有芝士厚身嗰隻，魚腐就索晒啲湯，超正！一定會再幫襯！而且佢地服務非常好，又有交帶(我用whatsapp落單，佢地whatsapp有問必答，唔會唔覆機)10個讚但我唔記得影相，下次補返！

「何車」意指啱key/ fit哂，係一個幾老餅嘅字眼，估唔到店面都係年輕人。更令人想不到的是，店子小小，卻有大大驚喜！叫咗個蒜香麻辣撈粗配陳皮魚蛋、豬紅、溏心蘿蔔、何車水魷同滷水雞翼，樣樣餸都有心機煮。魚蛋彈牙，豬紅細細舊，唔腥，有真。豬紅嘅感覺（坊間好多都係雞紅），雖然唔知佢嘅成份點，但起碼俾到真正豬紅嘅口感你。蘿蔔好甜，入味，無渣，水魷爽、切法好、一口一件唔癡牙，女仔食都全程keep 住lady💃🏻。滷水雞翼調味唔單調、有酒香。成碗麵不過咸，唔口乾，我一定會encore❗️

中午路過太子，見到何車車仔麵店 ，見到門面清新文青feel設計，～即刻決定同c6入去食碗車仔麵！車仔麵一直感覺係經典食物，但估唔到可以放係文青裝潢中出奇地襯！見佢除左車仔麵仲有好多炸物小食，食物款式都多😍😍叫左何車推介何媽餃子，竹笙，雞翼米粉加麻辣。估唔到車仔都都有配菜，上枱時有芫茜，蒜蓉，乾蒜未食都覺得香，加左麻辣湯底都好清好香口，唔油膩，餃子薄皮餡多！果然係推介，不過雞翼未夠入味，可以再浸耐d!c6叫左老何十餸車仔麵，咩都有🤩有魚蛋，雞翼，豬大腸，魷魚，雞翼尖，蘿蔔，肥牛，豬扒，豬皮！ 樣樣小小但完全滿足車仔麵想食既餸，魷魚爽口，豬扒用左孜然粉先炸，好香脆可口！ 蘿蔔鮮甜無渣，唔錯！美中不足係今日無左水吧，無凍0茶，飲可樂！估唔到可樂係冰底上枱！正

用心做嘅車仔麵。本身十分鍾意食蘿蔔，佢地嘅蘿蔔好入味，又稔。魚蛋係陳皮魚蛋，唔係浸到會發漲嗰種 👍🏼 要比個like。上次坐低食雖然等得比其他店耐，但明顯係落order 先做，食得出嘅新鮮。可以加生蒜（或炸蒜）、芫茜嘅車仔麵店更少之又少，有新意得嚟又真心正！由年輕人經營嘅，比好多老店出色，更有特色。應該支持。相中嘅麵唔係幾靚，因為自備外賣盒去，但佢哋都唔嫌我煩，幫我裝晒入盒 👍🏼#我哋真係好鍾意香港

因為疫情一定要外賣，屋企太多外賣盒，我自己帶盒去，兩碗麵分開放。另外15樣餸，放一個大盒。兩個人，點解有15個餸呢🤪⋯因為老公叫招牌何車十餸麵$55，有陳皮魚蛋，豬皮，豬腸，豬紅，蘿蔔，牛柏葉，雞翼，水尤，腸仔，雞翼尖。真係樣樣都好入味👍🏻👍🏻👍🏻我自己就叫咗蒜香麻辣撈粗，加牛舌心，飛天牛腩，媽媽餃（即九菜餃）$60之後因為滿$40可以送一個小食，佢哋送左炸貢丸，同炸魚腐。真心樣樣都好好食，比起深水埗要排隊的，呢間竟然不用排隊🤪🤪價錢非常合理👍🏻👍🏻若果會去試吓嘅朋友，推薦蘿蔔，牛舌心，飛天牛腩，陳皮魚蛋，豬腸！😆

前幾晚上網碌碌下見到有間新開何車車仔麵，有個post話老闆有日試下用新製ge麻辣同乾蒜撈麵，食完即刻話：「嘩！咁_好食ge！」而我就係咁比佢吸引左去試。🍴蒜香麻辣撈粗 HK$15、飛天牛腩 HK$15、牛舌芯 HK$15、糖心蘿蔔 HK$8望到面頭d麻辣、生熟蒜、蔥、芫茜，唔洗聞都知有幾香，撈麵會跟埋碗清湯等你易撈d，湯帶微微藥材味，就咁飲都幾好飲。撈勻左之後，我即刻望住老闆話：「嘩！真係好__好食喎！」老闆：「好_好食呢？」料頭好香好惹味，粗麵夠爽彈。牛腩有肥有瘦，腍得黎彈牙。牛舌芯好似雞腎咁爽脆。蘿蔔又甜又無渣。🍴蝦子撈麵 HK$13、牛舌芯 HK$15、魚腐 HK$10、何車野菜 HK$13、竹笙HK$13蝦子足料，不過比其他配料香味蓋過，蝦子香味唔算突出，幼麵同樣爽彈。魚腐軟腍唔易爛。何車野菜有西蘭花、菜心、娃娃菜，夠新鮮，份量都多。竹笙就無乜特別，我覺得我朋友揀錯左，應該配湯麵先吸到湯味。🍴韭菜豬紅HK$15韭菜好脆嫩，應該有揀過。豬血有認真調過味，甜甜地鹹鹹地，又特別又好食，呢種味以前未試過，但又難以用文字表達，老闆見到可唔可以答下我用左咩料。🍴炸腐皮角HK$15打邊爐同B

車仔麵一向俾我好傳統同街坊既感覺，不過今次俾我食到一間好chill既車仔麵，就係位於太子既何車車仔麵，佢入面既裝潢真係好靚同有cafe既感覺❤️🔺老何麵十餸係店家既招牌黎，入面既材料都十分豐富有豬皮、豬腸、豬紅、蘿蔔、水魷、紅腸、牛筋、牛柏葉、雞翼、魚蛋，每一種都係十分受歡迎既材料，而且每種都好入味，當中我最鐘意既就係豬皮同魚蛋，佢用左咖喱汁，所以特別香，加埋口感都比較突出既，私心推薦👍🏼🔺呢度既淨餸都唔係話好貴我就嗌左：肥牛、飛天牛腩、金菇、紅燒肉、滷水雞翼同蘿蔔其中我最鍾意嘅係飛天牛腩同滷水雞翼，飛天牛腩嘅牛肉味好香濃，而且肉質啱啱好唔會好難咬😚而滷水雞翼嘅滷水汁好入味，雞肉好淋而且有離骨效果，抵讚😝🔺餃子雞翼熱辣辣，咬開脹卜卜嘅雞肉入面有滿滿嘅明太子好抵食😊🔺炸花枝丸入邊嘅墨魚肉好豐滿，炸到金黃色嘅花枝丸出邊加浸海鹽真係好好食🔺炸餃子材料好新鮮入邊嘅豬肉好香，加埋炸到卜卜脆嘅餃子皮咬落去真係索索聲，都係值得一試嘅🤟🏻🤟🏻🔺叫埋嘢飲都唔係好貴我今次就買咗烏龍茶同埋Coca Cola Plus食完之後真係大滿足呀。