信得過 (已結業)

十月下旬•晴以前靠得住，今日信得過，雖然店子開在沒有那麼旺的謝斐道，但老饕也自然懂得摸上來。約了水貨王，她從東洋回來，想吃一些港式食物，想起要試這裡。先來的是豬肺湯，豬肺非常鮮嫩，相當不錯。湯鮮美，清潤，不愧為招牌菜，要一試；白灼豬潤也是這裡另一味名菜，質地爽脆甘腴，湯底似是胡椒豬肚湯的味道，也很好；蝴蝶腩併豬腰也不錯，廋肉不韌，筋膜鬆化，值得一試；白灼豬腰大大片界了花，是用上很新鮮的豬腰。口水雞是辣醬汁跟雞分開上的，真的又辣又麻，也是推薦的一味；吃了好幾味食物，也要吃點澱粉質，要了米粉、烏冬及即食麵各一碗。看過這裡的食評，有批評這裡的服務的，但就是日所見，又真的十分好。有禮貌之餘，也會對食物有所建議，值得一讚。埋單每人九十，不算便宜，但食物新鮮，也美味，物有所值，也值得一試。想看所有的食物相片，及足本食評，請參考下列網誌：http://gourmetkc.blogspot.com/2009/12/blog-post_10.html

灣仔克街一向"黑",在此街開食店,大多做不長.而"靠得住"開了數年,仍然企得住,如今主理人在同區的謝斐道開設另一間食店,名字叫"信得過",兩個名字六字不夾,但有相同意思.有別"靠得住"以粥品為住,"信得過"就向豬埋手,向大家唱著:We are the pigs!主打有生腸,黃沙潤,蝴蝶腩,杏汁白肺湯等以豬為本的味道.一個人胃口有限,實在吃不到那麼多招牌,是夜只能試其杏汁白肺湯,同白灼黃沙潤.喝過最好的杏汁白肺湯,當然是在陸羽.信得過的白肺湯是一人前,湯底用金華火腿,雞肉,再加磨碎的杏仁煲出來,加上主角豬肺.賣$38一碗.陸羽做出來的味道,很濃烈的杏仁香,但是信得過的杏汁味不夠明顯,反而金華火腿味道較為出位.有些人想喝但又怕,因為受不了太強的杏仁味,相信此個白肺湯會合乎這些人口味.湯內的豬肺,軟綿綿的,咬落去帶點彈性,內裏極為軟稔,味道鮮美.一點異味都沒有,是處理得宜的效果.再點一些醬油吃,味道更加突出.白灼黃沙潤實在做得很好,厚切的豬潤,非常爽口,內裏油潤帶甘香.佐以同碟的特製醬油,鮮味無窮.就算賣五十幾一客,也是覺得物有所值.膽固醇過高?美食當前,已統統將這個問題一早拋諸腦後.

今天與妹子慕名而去試. 一坐下, 店主 Peter 哥立刻提議每人一碗杏汁豬肺湯, 一碟黃沙豬潤+蝴蝶腩雙併, 再加兩碗米線. 當然照辦. 結果:1. 豬肺湯 - 杏仁味太重, 完工嘗不出豬肺湯味. 杏仁渣滓又隔不清, 我們一邊飲, 喉嚨一邊痕2. 豬潤 - 沒有驚喜, 很多地方都做到. 豬潤不夠爽, 我覺得靠得住比他們好.3. 蝴蝶腩 - 最失望, 完全沒有肉味, 很懷疑是雪藏貨兩個人花了25分鐘吃完. 埋單$151. 以食物素質來說, 不值得.唯一可取是食完後不覺口渴, 可能真的沒有(或很少) 味精.沒有興趣再去了.

灣仔克街靠得住的老闆 Peter 哥近月轉戰謝斐道, 寶號名字同樣擲地有聲, 曰「信得過」, 仍舊是信心爆棚。早知這裡有兩寶: 杏汁白肺湯和黃沙豬膶。到店一看餐牌, 何只兩寶, 原來全隻豬, 外至手腳, 內至腰腸, 統統都是寶, 所以 Peter 哥才夠膽叫自己做極品「豬」賣店喇。雖然我都頗肚餓, 但也不要吃得太放肆啦, 始終內臟膽固醇高嘛。一於就要我一心想吃的兩寶:杏汁白肺湯 ($38) 這裡用的湯底是火膧老雞濃湯, 相信白肺湯也是用了它; 所以湯是有濃重的火腿肉味, 沒想像中白肺湯應有的清鮮和濃郁的杏仁香, 有少許美中不足。倒是豬肺處理得不錯, 啤水啤得夠白身, 食落也軟腍。豬膶的部份則要了黃沙豬膶湯麵 ($33), 本來的麵是出前一丁麵, 我轉了新竹米粉。一碗慷慨地下了五大件豬膶, 果然起沙, 爽滑肥美兼無筋, 好一個放肆的美味! 但其中有一件太厚了, 還有血水, 不大敢吃下去了。米粉是透明的像粉絲, 索盡火朣雞湯之精華, 這樣的配搭就對了。吃得很是滿足, 吃完剛好是時候去看看新鮮出爐晒好的照片了。

杏汁豬肺湯"正"！絕對是真材實料，奶白色的湯杏汁味濃，又有豬肺食，特別是豬肺是清潔得好乾淨，又不會煲到豬肺硬實實，食落軟淋淋絕無加味精其中一碗我配上烏冬都好吃鮮元貝雲吞湯配出前一丁果然是有元貝的，當然不是太大，但都有粒花生左右大，味道都好吃，配上出前一丁都完全不怪因為個湯底都做到好好。白灼豬心及豬膶都做得好好，不會灼到過火，嫩滑軟腍，原來他們是選用乳豬仔的內臟你菜式，所以入口特別好吃油菜果然有質素有良心的食肆，用料好、無放味精，特別是個杏汁豬肺湯，如果要自已煲就功夫多喇！信得過煲得有水準，一想飲就來這個地方飲就得啦！

又貴又不好吃我同我爸爸叫了： 豬肺湯 （x2) 什么豬脆脆米線 （$38）生腸 + 蝴蝶腩 （$70)油菜 （$12)蝴蝶腩。。。聽就好，其實沒有特別。只是豬肺旁邊的肉吧。。。 豬肺湯 ok, 沒有綠羽好吃。 杏味可以再濃一點。 唉。。。什么都沒有味道。 難道沒有msg 就可以沒味道？ 我媽媽做的菜比這家店好吃多。。一樣沒有MSG。 沒有MSG 就應該多加一點料， eg 豬湯就多加一點豬肉。。。味道差 （只有價錢特別貴）。 要去請三思！

在openrice 見到這間是灣仔食店十大排行榜之一, 原來是吃黃沙豬潤 (本人都幾喜歡吃). 去吃晚飯, 餐牌上大部份食物都是豬的內臟. 叫了黃沙豬潤米線, 花膠湯豬肉水餃米線, 辣咸菜炒肥腸 (豬腸).後加元貝鮮肉雲吞.黃沙豬潤真是唔錯, 好大件; 豬肉水餃和元貝鮮肉雲吞, 個饀好好吃, 真材實料; 是咸菜炒肥腸太辣, 辣椒太多.下次會去試下佢地杏汁豬肺湯, 我見每枱都有叫一盅,應該都唔錯.

忽然想吃清淡一點，想起了前陣子收到的一份剪報介紹，說這兒的黃沙豬潤及蝴蝶腩很不錯，連老菜館提供的杏汁白肺湯也有得喝。看來不試一下，好像不行了.....新店子，裝修得的的骰骰頗見企理，侍者態度也彬彬有禮。餐牌的選擇不太多，吃來吃去亦只是在那自家製的清雞湯之上配上各式的配料及粉麵，小菜類差不多是全然欠奉的。點了幾味之後心裡要有個打算，看來必定是要來個宵夜午夜場了....蝴蝶腩吃的通常是牛的部份，豬仔蝴蝶腩倒是第一次遇見。叫了新竹米粉與之相伴，想亦必應合襯吧。前段提過，湯底是以雞炮製的，味及色也極清，msg free應是頗肯定的。不過對一向愛味濃的我來說，味道是有些過份的淡口了，太座反而覺不錯。喝多兩口，隱隱然覺得湯是下了少許胡椒來僻去豬肉的腥氣。腩肉方面帶根部份頗有咬口，但肉不算很彈牙且偏韌，"牛"味亦欠奉，越吃越見失望；新竹米的QQ程度亦沒有預期般的厲害，感覺不像是平常吃開的"虎牌"出品的，再來一個失望，看來亦是少不免了.....太太的花膠鮮肉水餃湯反而挺不差 ---- 湯底同樣是那個清雞湯，但勝在水餃內的豬肉餡極新鮮，肉帶微紅之餘是吃出一口的鮮味，奄尖的如我兩口子也吃得大點吾頭，再加上

dec 04 , 09,ot完來dinner,叫咗 : 1) 時菜黃沙豬膶湯米線 (hk$40)-上枱時見都有成5片大大塊的豬膶,仲幾厚切添,比我想像中多-先飲個湯,無"押"味,唔鹹,調味自然,不過相對個米線就會無嘜味,呢餐後都無味精反應-咬落豬膶度,明顯爽口,有點脆添,絶對無煮老到,好滑-我唔知黃沙膶喺咪咁,但就肯定個豬膶好有質素,而個大廚嘅功力都唔差-有幾舊中間會有點筋..........不過應該喺正常的-1路食,1路諗.........如果豬膶之前可以比酒醃吓,增添份酒香會否更出色呢?

Unexpected good taste. Especially the pig lung soup. NO MSG, the pig lung is soft and the soup taste soooo good. Only the Udon a bit chewy. Service is good. Will visit there again.

22-11-2009一直想試試呢度的湯水, 是日終於一個人來 early lunch 了. 叫了店員哥哥 (老闆?) 介紹的幾款招牌菜, 有杏汁白肺湯 (好似 $38), 白灼豬潤 (好似 $55); 加一碗清湯米線 ($5) 作填肚之用.杏汁白肺湯呈米白色, 聞落帶點杏仁香, 飲落亦有輕輕的杏仁味, 幾清, 不過好似唔多夠火喉, 又唔夠滑, 飲到最後仲有點粉末狀的渣, 係杏仁粉? 豬肺反而幾好食, 軟熟又帶點彈口, 處理得唔錯喎. 還不錯的一個湯, 但同 HKUAA (http://www.openrice.com/restaurant/commentdetail.htm?commentid=1891745) 比, 就當然差人好多條街啦 白灼豬膶面頭附上大量薑蔥, 仲有花生墊底, 可拌打邊爐豉油 (?) 食, 灼魚皮食法? 豬膶厚切, 呈「嘴唇」形, 灼得剛熟, 唔會有血水滲出, 但異常爽脆鮮甜, 蘸點豉油食, 正 好此道的, 值得試試.米線淥得稍腍身, 但好滑溜, 連 d 清湯都係無 MSG 又帶點胡椒香, 又不錯.食物做得認真, 環境就係光鮮乾淨的茶記格局;

又一港式的 "食字" 店, 一問之下原來與灣仔克街另一間 "食字" 粥品店「靠得住」同屬一個老闆Peter爸爸媽媽話想試一下這間店的豬肺湯, 昨晚一行三人吃晚飯‧招牌杏仁豬肺湯 ($38x3) , 聞落很像的杏仁糊的味道, 不似老火燉湯, 我相信是用了很多杏仁粉加入湯中, 扮用杏仁煲湯‧白酌豬潤($55) , 厚厚的, 味道還好‧豬手配新竹米粉($35) , 我沒有吃, 媽媽說豬手很硬, 還未煮林‧瑤柱雲吞配讚岐手打烏冬($35) , 珍珠瑤柱完全沒有味道, 相信一定是用來煲湯, 煲到沒有味道之後用來包雲吞, 師傅教落一物多用, 不要浪費啊!!!　至於烏冬, 自己一向對烏冬情有獨鍾, 那個烏冬還沒有煮林, 配上雲吞湯底, 完全唔夾, 烏冬吸收不到湯的味道, 很淡很硬完全沒有味道, 食畢之後有點胃頂頂的感覺(幸好沒有轉稻亭烏冬, 在一家港式茶餐廳要加 $25 轉稻亭烏冬, 值嗎?!)這店寫明沒有用味精, 但我離開這店後全晚舌頭都感到麻痺/喉嚨乾, 這是一直以黎我對味精的反應 ----------------------------------------------------

游完水由灣仔徙步銅鑼灣，正想著要吃甚麽；看見它門口寫着有杏汁白肺湯、黃沙豬膶麵、重要絕無味精！當然要試吓啦：剛坐下就見到大大個PETER哥推介xxxx，原來靠得住又攪多一間吃湯、粉麵店。白肺湯要$38.00，清清的杏仁香，未知是老火還是燉湯，說是無味精應該無錯，但我認為味道再濃一點才合乎這價格。豬膶麵$33.00，有5片爽脆彈口的主角，比起九龍那些招牌豬膶麵還好，湯和麵是屬大路貨式。有興趣的是那白灼花膠，留待下次吧。

都好耐無去灣仔食飯啦...今次機緣巧合,又返返黎。一入到去個伙計熱情得嚇人,仲要個個入黎都問係咪第一次黎.......呢個豬潤麵OK呀,D豬潤OK,好滑~唔同糖朝個種,糖朝個D豬潤係比較厚身同彈口,呢間D係比較薄同比較滑,但個湯底就無咩特別,佢係sale無味精信得過.....,應該都信得無味精,但唔特別好味。

聽同事話雜誌介紹呢間舖頭,,標明話冇味精,,出名食豬潤湯.豬肺湯...今日一行8人去試下菜,,,我地各自點左豬潤湯.豬肺湯,,果然名不虛傳, 豬肺湯加左杏汁,,好香口,,而豬潤好嫩口.,入口即溶..三個字可形容:正正正,,,湯味濃郁, 老闆話加左金華火腿,,唔怪知咁既味,,不過我覺得濃左D...另外加5蚊呢,,就可以有烏冬,米線等,,烏冬好滑,,,應用係手打既,,值得一試架.我地仲試過其他小菜:口水雞,,有D辣,好香口,,好滑!胡椒豬腳,,好入味,,好正,,唔知點形容,,呢個我極力推介...一定要試呀!!!! 佢仲可以是係雙拼,,我地拼左一個一個豬仔腸+蝴蝶腩..清清地,,都OK架,,,個度d menu好得意..話豬仔腸係"極罕有".,,可能因為好細條la<,,d waiter又好搞笑,,樣樣野都話一定要試,,有d hard sale,..haha..呢間野總括黎講都ok,,,可以再試架!