元気寿司 (創紀之城五期(apm))

营业中

休息中

雖然唔知點解等個位都要三個鐘，好慘，好多人等，可能因為多小朋友。食物款式唔多，不過我鐘意食嘅都有得食燒左口魚壽司真係好正食物好快送到去你面前嘅感覺好開心Yeah💕

自從千両冇左筋子壽司之後我唯有食住元氣壽司 除左筋子壽司我仲大膽叫左池魚油甘魚壽司元氣壽司俾我一直印象唔好但係見佢裝修完又有新野玩所以先決定一試 點知真係中伏火炙魚背壽司有時燒得唔夠 有時燒得太耐燒得太耐燒魚背會熔哂燒得唔够耐就外熱内冷...今次就燒得ok葱吞拿魚腩蓉壽司做得唔錯 油甘魚壽司麻麻地新鮮又薄切呢個年代要搵好食嘅油甘魚真係好難囉仲要切到一忽忽手握壽司 真係握得好唔靚池魚壽司 簡直係大災難唔新鮮又乾下次都係淨係食嗰兩樣野算數同埋點解啲啲咁鬼污糟呢？如果懶得洗不如一次過擺幾件上去

為了食到列車上餐可以去到幾盡？由19:37攞飛（張飛766號，只叫到535號），行街街等！等到2130先可以入座！門口到我哋食完都勁多人排緊！門口勁窄！又企滿人，我就攞咗飛行開！去行下街！呢間店好開揚，繼續黃色加白色，好光鮮，除了列車上菜，仲有平板電腦點菜，不過比起另一間，個制式無咁貼心，又無得揀走芥辣同沙律醬！食物勁快由列車送到！有三層軌道！三架車都有唔同！肥髀極興奮！壽司：三文魚腩（$10）厚切好肥美唔腥！赤海蝦（$10）厚身爽口唔腥螺片（$10）最喜歡螺肉嘅咬口，好厚身爽脆！帆立貝（$16）雖然唔係珍寶級，好鮮嫩！香蔥吞拿魚腩（$12）粉紅色好靚！無紫菜圍邊無咁香！北寄貝（$16）比較硬！唔夠軟熟！無乜味！炙燒左口魚群邊（$24）左口魚一定要燒過啲油脂先出！油香滿咀！炸蝦卷（$20）蝦肉鮮，炸粉唔太厚，卜卜脆！軍艦：三文魚籽（$32）比較細粒，卜卜脆鮮味！海膽（$25）有少許溶化，幸好唔腥，仲甘香！即叫即做紫菜卜卜脆飛魚子（$16）卜卜脆，味道鹹香！紫菜好脆！小菜：蟹籽沙律（$18）蟹籽唔夠多！青瓜爽脆，沙律醬較水！芝麻八爪魚（$18）好多杰身醬，八爪魚大隻！食物保持水準，爆場到

一直都想嘗試，每次都第二百幾張飛。今日都不例外🙄，1833攞到飛，等2百幾張。因之後有plan到行下apm開倉活動同附近工業大廈既商店所以願意等下😪行左個幾鐘頭，反到上元氣都仲有5x張枱等緊，唯有行多陣🙁😕2030反到上去終於仲有4x張枱就決定企定定等。我唔相信其他人會等咁耐😂2100前入到座，謝天謝地🙏🏼🙈高速線元氣特別之處係有3條軌道比3架列車運送食物到客人面前，方便又吸引小朋友 而且仲設備了一部平板電腦來柯打食物。可自己選擇自己喜歡的不知道是否為了配合高速線，連食物也快速準備好。不需一分鐘d食物已經好快被送出🤔軟殼蟹手卷明明係其他分店食同朋友介紹既好食產品。但今日食既呢個軟殻蟹不但林到放左好耐，仲油冧冧 唯一有d沙律醬令到手卷有反d味道三文魚腩都多肥美，魚油甘香又滑同普通三文魚冇得比較炸蝦卷暖暖的，也爽口。蝦的味道炸完都仲香海鹽赤貝，個赤貝好厚肉，配小小海鹽更加鮮甜

從迴轉壽司這樣轉型實在太有趣，很有新鮮感！lunch 同 dinner 實在太多人，選擇了看完戲4:30pm黎，即刻有位！食物中等，一般「元氣」水平，選擇都👌。每張檯有部平板點單，操作容易，🚝高速線直送壽司🍣好快就送到！剛巧坐正廚房出車卡位，每次見到列車送出返回都有莫名的興奮😆！取完壽司🍣，按亮著的元氣公仔按鈕，列車就會返去，超時會發出嗶嗶嗶聲提醒。這樣的轉型應該能大大提高運作效率、省人手、食材，又減少浪費食物（唔會再見到同一碟壽司轉N次都無生意）。對顧客黎講都好吸引，又唔會覺得格局忽然同迴轉唔同晒，唔會陌生，實現「體驗經濟」。非常好的體驗（除左覺得廚房應該每次出壽司前都應抹下列車，以免影響觀感）！D碟都換晒啊！完全match返「元氣」個意思！The transformation is amazing! Went there around 4:30pm & got seated right away, lunch and dinner time has crazy queue! Food is fair, the standard that u'd expect from any Ge

當信號燈亮起, 預告列車將要駛入月台, 不消一會, 列車”咧咧咧~” 的駛到我們的面前, 上面載著一碟一碟的壽司, 不止是小朋友, 電車男, 連一向不喜歡”逼地鐵”的我也覺得好新奇. 對於元氣的創意和進取度, 不得不直豎拇指!三文魚腩 ($10) (一件)外表油油亮亮, 而且帶有一點銀色的三文魚皮. 口感柔軟而豐腴, 比一般的三文魚好吃得多.蒲燒鰻魚 ($10) (一件)鰻魚有點”削”, 好薄身, 不夠肥美, 不過鰻魚汁也挺香濃.芝士煙肉烏冬 ($28)很喜歡來元氣點熱食呢, 因為很多時候都會有驚喜!而這個芝士煙肉烏冬沒有令我失望, 芝士味特濃, 而且不是芝士粉的味道, 而是片裝芝士再加熱溶化的味道, 我很喜歡. 而煙肉也絕不欺場, 食得出煙肉是有煎香過的, 好有誠意. 而烏冬則用上特別彈牙的手打烏冬.油甘魚 ($10) (一件)鮮甜而不腥, 富有油脂香.海膽軍艦 ($25) (一件)25元一件有點小貴. 而海膽亦好細瓣, 簡直不能跟我日前品嚐的加拿大海膽相提並論, 而味道亦帶點苦澀. 下次可以省回25大元.蟹膏松葉蟹棒出乎意料的好吃! 松葉蟹棒真的有少少”真 蟹肉”的香甜, 非一般

今日五點幾冇野做，同老公到觀塘apm走走看，醒起要儲分續會，就一早到舖頭按張票，遠遠觀看已經人頭擁擁，取票差不多要等一百張，但時間常早就照等也可!行完商場一圈回去仍要等20張，前後等了差不多兩個鐘，好彩仍是正常食飯時間!等候期間，發現好新奇，用平板電腦order,然後幹線列車送上你枱前，都幾得意!吸引了好多小朋友，家長都陪d細路試試新野!終於等到了，好彩有卡位坐，又唔駛搭枱，坐番夠本，但每次只能order4款食材，不到5min,do do do,列車送上你枱前，其實都好快，但好似往時一樣，湯烏冬，蒸蛋等就店員送上!整體li 間都幾'企理'壽司外觀不錯，一d都唔求其，唔會攔papa!我最喜愛的海膽，正!足料，口感豐富;蒸蛋好滑，燙燙的送進你口;甜蛋壽司，即整熱辣辣，列車到部仲出煙，你話幾新鮮!三文魚色澤鮮艷，代表夠fresh，食得安心又放心!埋尾來個軟壳蟹手卷，作結束，前後坐了一個鐘!