八沢 (已結業)

八沢是我放進清單已久的食店之一，這次終於有機會來試試。餐廳位於新紀元廣場一樓，記得要從皇后大道中進入廣場，上幾級樓梯抬頭一看便是八沢。如果從德輔道中進入，則會如同迷宮一樣難找。晚上七點前，店裡客人不多。店裡是日式居酒屋風格，牆身畫上了幾幅充滿日本味的卡通畫，頗有情調。一向鍾情於黑松露的我，自然選擇了黑松露忌廉海鮮烏冬。配料主要是三文魚和帆立貝，三文魚非常嫩滑，而帆立貝大大粒但味道比較普通。湯底本身就已經有黑松露的香味，不膩，味道有點像某大品牌忌廉湯加入黑松露的味道，所以單以湯底來評價，分數不高，而敗筆在於加入了過多蔥白，吃到最後湯底的每一口都是蔥味，而口腔裡的蔥味也久久未能散去。烏冬幼身帶少許煙韌感，而烏冬吸收了湯底的精華，確實過癮。份量來說個人感覺剛剛好，但對男士來說可能偏少。雞翼外表脹卜卜，份量非常迷你，明太子味道不突出，可以不用一試。晚餐不包飲料，而且還需要收加一，以這個價錢來說，我會期待有更好的水準。餐牌：

返工之前就去咗，上環附近嘅八沢食個高級午餐先今次就帶咗午餐套餐裏雙重芝士豬扒飯俾大家睇。上到枱嘅時候已經擺位擺得非常之靚，炸豬扒完整排列，已經有預設嘅芝士醬林咗喺上邊，店都會附加多一碗白芝士俾我，到埋一齊咬入口非常之有風味亦都有拉絲效果，炸豬扒不會油膩，咬入口非常香口，香脆怡人。芝士同豬扒配合真係好都相信唔到㗎。

由新紀元行過去，差d搵唔到呢間小鋪。原來就係樓梯轉上黎果個位lol 中環食晏緊係要有人早d拎位🤭好彩今日有。因為轉個頭坐低就出面有人龍了。小店配日式裝修本身原意係食拉麵。但呢度烏冬出名喎lol揀來揀去 最後揀左個北海道帶子烏冬湯係忌廉唔係豬骨味。唔算太漏既只係同預期中有d唔同。木耳係酸的應該用醋浸過。烏冬滑滑的好味。朋友叫了個廣島蠔烏冬食左粒蠔，幾鮮味既。仲有個紫薯甘粟餅下次想試番個招牌黑蒜豚肉拉麵或者安格斯牛拉麵🤭

超級好味烏冬！不得不寫食評讚下佢今日lumch hour 黎食八沢可能因為係12點既關係都唔算好多人加上朋友本身都book 左枱所以都唔駛慢慢排隊忌廉芝士黑松露雜菌烏冬超好味！烏冬好滑，有咬口應該係用左稻庭烏冬湯底好creamy,配埋黑松露係絕配！雜菌亦好入味睇落冇肉好似好齋但其實唔駛要肉都好好味黎多張close up朋友食左冷烏冬係芥末果醋帶子冷烏冬個汁酸酸地好開胃芥末味唔重怕wasabi 既朋友應該都食到仲有3隻超大隻帶子！真係超大隻！帶子好厚肉 咬落口感超好呢個夏天食超正！再黎close up

今日放工同男朋友喺上環文華里附近行街，見到一間門面極具日本特色嘅餐廳，原來係食拉麵同埋烏冬嘅～睇吓餐牌，原來有好多小食同埋飲品，所以我哋決定今晚就喺呢度食晚餐🥣佢嘅鋪面真係幾靚㗎 ，好有日本居酒屋嘅風格，我同男朋友坐喺最入面嘅角落頭位，可以望晒成間鋪頭，真係幾有風味佢哋啲飲品都算係中上水平，我叫咗一杯白桃特飲、而我男朋友就叫咗一杯咸檸7，都幾搞笑，有日本嘅飲品亦都有香港嘅飲品我男朋友叫咗個冷烏冬，比較清淡，有蟹柳、蕃茄、紫菜等，入口都幾算清新嘅我叫緊呢個拉麵就真係正到100分，黑蒜炙燒極濃豚肉拉麵，個湯底就真係極濃，黑蒜都燒得好香，成碗麵都只係$78，抵食過出面唔少成百蚊，重得幾款麵比你選擇既拉面店呢個牛乳忌廉餅都算唔錯，送到過嚟嘅時候仲係熱辣辣，味道都算中上成餐飯最值得讚賞嘅就係呢個燒銀鱈魚，啲魚皮入口即溶，啲魚肉仲好滑添，但個價錢就貴咗啲，要$118，但一是無妨

肥髀要去上環覆診，完成剛好1230，我哋都好肚餓，一出醫務所見上環白領大軍蜂擁上街，急急行去餐廳，可惜我哋在德輔道入大廈，轉幾轉都搵唔到，最後問詢問處先知我呢邊要上2樓再落一樓（門口向皇后大道）去到第三張枱，5分鐘內增至十幾人排隊等位了！等待⌛️期間，店員會比餐牌我哋，等一陣再落單先！店員會順序安排人入座，呢樣幾好，公平（我前面係4個人，即使有2人位空出都唔會插後面2人客上去）終於入座，店面不大，喜歡店家集大成嘅裝飾，懷舊西日合壁又帶啲可愛！地邊方細桌椅難免迫啲！我哋坐門口2人枱，本來會熱啲，好在店家有兩把大吊扇，所以唔會熱，要讚店員因爲風扇，佢將紙巾夾埋在收據皮夾上，以免吹走，幾細心，因為事先已落單，食物好快到！廣島蠔肉碎烏冬（$78）4隻廣島蠔，嫩滑鮮味，無沙無腥味！湯底大量青蔥、大蔥絲、海帶，夾蠔食好夾海鮮味，湯底清爽，肉碎就比較大團！我無食到！烏冬扁身煙韌彈牙！整體好夾好味！黑安格斯肉眼牛扒掛烏冬（$88)白桃特飲（$28）賣相靚，食咗一件牛扒，牛味重嫩滑多汁，點少少酸汁吊味好食！八沢特飲提子味（$32）飲咗一啖，提子味少藥水味！食物真係唔錯，唔怪得咁多人排隊！店員勤快，好有效率

一年前無意中係公司附近發現依間日本餐廳，細細哋，幾有家庭feel，男老闆還熱情招待，介紹餐廳招牌菜，試過後食過翻尋味，皆因好近公司，所以都嚟過7，8次。今晚三號風球，唔知食咩好，決定再嚟。點知今次唔見老闆，啲waiter唔同晒，唔緊要，繼續食我每次嚟必叫嘅招牌菜：廣島蠔肉碎烏冬。竟然唔駛5分鐘，碗烏冬嚟啦。但一望落個碗已經同平時好大分別：1) 以前啲肉碎多都食唔晒兼有咬口，今次淨係見到切唔斷嘅肥膏。。同埋啲肉碎變咗漿糊咁淋同埋得好少。。2) 烏冬以前都好有咬口，彈性。今次又係淋到漿糊咁。。3) 個湯底完全唔夠熱，以前熱到辣口。。還可以keep到之前水準嘅只有蠔嘅鮮甜味，可能入貨靚。其實真係有啲失望，因為嚟過7，8次啲水準都keep得好好。我男朋友話唔緊要，比多次機會嚟多次試吓，橫掂咁近公司。最後走之前男朋友都問個waitress，男老闆去咗邊，原來去咗新開張銅鑼灣舖頭，所以可能老闆去咗個邊幫手，令到中環依間水準大跌。下次可能會轉去銅鑼灣個邊食，雖然唔近公司，但都想支持下老闆💪🏼

其實衣間食過幾次一直都想寫，因為真心覺得好食，直得推介～👍🏻，我自己本身食12點或1點嘅，其實食1點果日真係完全唔洗諗食到，12點半已經開始排隊，每次食12點，食完出來已經有長長嘅人龍（其實係咪人人都食2個鐘？點解可以排咁耐隊食lunch,係咪得我先食一個鐘😭）佢有lunch 同埋散叫揀，每次我都散叫（其實無嘢飲咁解），不過set lunch 嘢飲都要加幾蚊，係衣度覺得最唔抵。今次係想介紹衣個芥末蘋果醋帶子冷烏冬，真係好適合喺而家炎炎夏日食，有種消暑感覺，帶子三粒，唔好睇佢咁少但係大大隻完全唔覺得佢少，將芥末加入醋感覺好match,記得第一次食店完提醒芥末好辣要試左先好落，但是我食過幾次都ok 有味唔太辣，烏冬「煙煙un un」有咬口，浸一浸醋放落口，而家都想食其他同事食滑蛋叉燒飯同其他嘢食都話好ok 。大家經過中環都去試下👍🏻

Lee間鋪換左好多間食店,可能係位置太隱敝啦!但今次換左八沢我知唔會太差。是日坐吧枱,枱上放左各式各樣酒樽,冇特別!唯一引我注意係lee張畫-陳奐仁。未上菜時,我只係諗都係普通一碟碟頭飯啫,點知上枱係一煲噴緊煙的豚肉窩再有一碗白飯。好重豆乳味,好香滑,京葱好香,豚肉有3片,但肥瘦適中,白飯用左珍珠米。我試過一口白飯一口湯一片豚肉,好配合。又試過淋湯上白飯面再拌餸食又好味!牛肉燒得好香,我偷左個邊個塊食,唔韌唔黏牙,點埋右上角個汁好味呀!自家制龍眼桂圓茶好淡,冇咩味。

悠閒的中午，看到這拉麵店食評很不錯，特地去一試。挑了set lunch的黑蒜炙燒叉燒拉麵，看到拉麵端上桌時感覺很普通，但夾了一塊叉燒放入口時，味蕾立時驚艷，炙熱的叉燒有炭香味，半肥瘦很適中，加上黑蒜湯底非常香濃，拉麵彈牙，幾近完美的一碗拉麵，唯一挑剔的是覺得拉麵份量不夠，叉燒只有三塊，吃完還是不夠飽，很想加叉燒或加底但sorry no such option. 地點也不方便，希望日後會多開分店，吃完一直回味著。

同同事出開去中環做野, 佢介紹左我去呢間餐廳到食~佢話之前食過"黑松露忌廉海鮮烏冬"好食, 所以我諗左一陣就揀左呢個(其實有其他幾個都想試)。一黎到飲左啖湯先, 好香好濃郁!! 開頭見到個賣相驚會有D漏, 但係食落又唔覺。個烏冬都唔錯, 份量又OK, 另外其實我都仲叫左D小食, 不過冇影相。整體呢間可以再encore.

上環lunch hour一向都多人，要提早落去穩位，今日同事介紹黎左新紀元隔離的一間居酒屋的小店，呢間小店裝修好日式風格，細看餐牌原來呢間小店專賣日式烏冬，拉麵，串燒，炸物同井飯等等。由於呢間出名烏冬當然今次就要試下啦，我叫左一個廣島蠔肉碎湯烏冬，同事叫左一個黑松露海鮮忌廉湯烏冬。廣島蠔肉碎湯烏冬先講烏冬，烏冬一試就食得出係係日本製，堅稻庭烏冬，幼身麵質，但已經好彈牙，吸取湯的精華，令人再三回味。廣島蠔同樣係新鮮又充滿蠔味，十分肥美，配合肉碎，十分完美。黑松露海鮮忌廉湯烏冬烏冬同樣取用日本稻庭烏冬。呢碗的靈魂當然係湯底，採用忌廉湯，加上芝士烹調，好香忌廉味，而且唔漏喉。鍾意食黑松露既朋友當然唔好錯過。海鮮包括三文魚，帶子，蝦等等，十分鮮美。呢間小店值得再去食，希望下次可以試埋其他小食同更多口味既烏冬！

平時放工經過留意到佢有$88安格斯牛扒lunch set，睇相好似幾好味，心入面mark咗間餐廳入to-eat-list！終於今次放工嚟食啦佢有少少難搵，其實由荷李活道入，上幾級樓梯就到。我同朋友經新紀元廣場入，上咗兩層扶手電梯又落埋樓梯先到！第一次唔識行，但食到咁好味嘅野，值得嘅，真係好好味啊💕當晚大約七半到，人唔算多，招呼我嘅係個後生女生，叫我地可以隨便坐店入面充滿日本風，一瓶瓶酒樽放喺廚房出菜位，仲有好可愛嘅柴犬畫喺牆上，成間店好治癒☺️唔係太肚餓，所以嗌咗個濃湯雜菜。湯底其實係濃湯寶咁嘅味，特別在啲雜菜，佢紫椰菜、椰菜、芽菜、金菇對鐘意食菜嘅女仔嚟講真係食得好滿足，連個湯都飲埋😍佢個湯無菜味，係分開煮嘅，如果鐘意飲忌廉湯嘅話多數都會自動飲埋碗湯😂牛扒好味必食🌟煎得岩岩好，唔靭好香牛味，加上啲香蔥牛扒啲油又滲少少落啲烏冬度，勁香！建議牛扒唔洗點汁，烏冬就要點底部係白桃啫喱配梳打汽水，偏甜燒野都好味一定會再嚟！健康又好味～臨走前女生待應話可以WhatsApp訂位食lunch，只要朝早11點前打去就可以訂即日食lunch，好方便💕#上環中價lunch之選

兩個人食，一人一個主食，再加三至四個串燒，份量剛剛好。點了一個黑松露忌廉烏冬，醬汁略為濃點澀點應該會更好，整體都有80分，海鮮，如圖，好大的凡立貝另一個是黑蒜炙燒極濃豚肉拉麵，果然極濃，蒜也夠香，豚肉不過肥，叻叻到厚燒牛舌同鹽燒海鰻，果然夠肥美厚肉，用料新鮮，調味料不過量，仍保留食物原有精華味道，燒得恰到好處。還有一個肥牛廣島蠔卷，廣島蠔好大隻，配上滋味肥牛，醬汁略少，多一些應該更美味的。但創意已經賺回不少分數嚕～

Ot完，離開辦公室的時候已經8點了。Ot也有它的好處啊！例如可以避開繁忙時間的洶湧人潮，悠閒的回家，還有...嗯......好像就只有這一個好處了。因為是無飯家庭，既然已經餓了，那就在這一區吃飽再回家吧！原本想隨便食個快餐就算了，但又想著要吃好一點好好慰勞一下自己。腦海中突然想起這間烏冬店，曾經有跟同事在那裡吃過一次午餐，當時對他們的烏冬已經留下深刻的印象。到餐廳的時候，已經8點15分了，店內只有三倆桌客人。店員對我說他們9點關門，8點半last order, 串燒類，因為制作需時，已經不能點了。沒關係，我只是想吃一個美味溫熱的烏冬而已。看了看餐牌，最後點了上次看別桌食得很滋味（隔離飯香）的安格斯牛排掛烏冬和總之很想吃的溏心蛋！溏心蛋 $15切開兩半上，能看見內裡金黃色的流心蛋黃，非常引起食慾。入口軟滑，而且醃得很入味，不錯。可是吃著吃著又覺得有點咸，應該是醃的時間太久，有點太入味了！黑安格斯肉眼牛扒掛烏冬 $88 意外的晚市跟午市的價錢基本上同價，我上次吃的時候，午市只是多了一杯免費飲品，價錢差不多。看樣子就覺得非常吸引人！小份新鮮沙律，醬汁，烤得8，9成熟的牛扒和白嫩的烏冬放在木制