八沢 (已結業)

呢排大食咗，我又著唔落25腰牛仔褲喇，但我哋始終係為食之人，絕食同食少啲對我哋嚟講真係好困難，所以同M佬的起心肝去做Gym，做Gym之前當然要食少少少少少少嘢啦，一於簡簡單單食碗拉麵烏冬，再上Gym room努力狂跑啦！呢間位於上環新紀元廣場嘅拉麵小店八沢 Hachi Sawa，好味到令我哋又唔覺意食多咗喇。黑松露忌廉海鮮烏冬：Creamy嘅烏冬真係罪大惡極，配合埋黑松露，我投降喇！烏冬完美地索晒啲汁，好彈牙又滑嘟嘟呀！海鮮方面有大量三文魚同帶子，份量十足。黑蒜炙燒極濃黑豚肉拉麵：至於M佬嘅選擇就係重口味嘅黑蒜油拉麵，原煲上枱，碗都洗少隻！豬骨湯底好濃郁呀，加埋大量炸蒜粒，蒜香味十足！溏心蛋夠晒鮮滑，時間掌握得啱啱好！至於4片嘅灸燒極濃黑豚肉，燒得燶燶哋，唔油膩。明太子雞翼：雞翼去骨再釀入大量明太子，一啖咬落去，明太子就咇晒出嚟，微辣嘅明太子配脆卜卜嘅雞翼，惹味又啖啖肉。厚燒牛舌串燒：牛舌厚切，香口又彈牙！串燒雞腎：雞腎燒到乾身，有咬口又夠腍！

平時好少行到過嚟上環食晏，今日OT到七點幾，飢腸轆轆，又唔想喺番公司附近食，於是行多兩步，過咗嚟上環。八沢係間小店，的的式式，裝修簡潔。坐低之後，就見到呢隻柴犬同我say hi👋🏻隻狗狗畫得好靚呀！餐牌雖然得兩頁紙，但其實食物嘅選擇唔少。先來一杯八沢特飲，好似揀咗桃味。冰凍嘅特飲酸酸甜甜，入面有一粒粒嘅蘆薈，消暑解渴一流！侍應推介黑松露忌廉海鮮烏冬，果然係招牌菜，冇令人失望。烏冬一拎上枱已經聞到好香嘅松露味。烏冬份量好多，配料都好多，有好幾隻帶子同埋三文魚，而且個汁都幾creamy，食咗一半已經好飽海鮮配料用料新鮮，同忌廉汁非常搭配烏冬軟滑有咬囗，掛湯力強，吸哂湯汁嘅精華老公個碗拉麵都唔錯，黑蒜油湯底味道濃郁，但拉麵略嫌煮得太腍 (如果落單時可以揀拉麵嘅軟硬度就更理想啦) !燒香了的半肥瘦嘅黑豚肉味道突出，沒有豬肉的腥臭味，而且口感不俗！最後再點了厚切牛舌串燒，師傅控制火候得宜，外面焦香，入面啱啱熟，味道一流臨走見到bar枱位置放左唔少酒，下次可以一路食麵一路飲sake

放工後同朋友一齊去左上環，試左已經開左幾間分店的八沢。店子位置方便，就在新紀元廣場一樓，位置便利。店內佈置非常日風🐶有秋田犬的牆壁，整個環境猶如置身於日本一樣。 餐牌上的食物種類不算多，但招牌烏冬、拉麵、串燒、小食有齊。先點了串燒類：（2串起燒） 🐟鹽燒白鱔🔥（$45） 白鱔肥美肉厚，鱔皮燒至金黃色，香脆又好味。魚肉富豐富魚汁，肉質肥厚。 🔥🍯牛油蒜茸燒扇貝🐚（$62/2隻） 牛油蒜茸味道非常香口，扇貝新鮮肥厚，肉質鮮嫩，燒得非常美味。 🍄🐟黑松露忌廉海鮮烏冬🍼🍜（$88） 烏冬是店內招牌，忌廉味道不算很濃郁，但非常creamy，烏冬煙韌彈牙，掛汁力高，配上不同海鮮如帶子、三文魚等非常濃郁美味。 🐷🍜黑蒜灸燒極濃黑豚肉拉麵🍴（$78） 另外拉麵也是店內招牌，黑蒜味道濃郁惹味，黑豚肉微微燒香，非常香口。拉麵爽滑美味，碗內的糖心蛋非常流心，還有鳴門卷，好吃！

於筲箕灣十分有名的日式料理店- 八沢，於東大街可算是無人不曉。最近擴充業務到上環，在住宅區來到上環這個商業的小社區，希望將他們出色的日本料理，與中上環一眾打工仔分享。今日和男朋友在附近，特此拜會。八沢的新分店位於上環的新紀元廣場，門口雖然有d難搵，不過只要認住呢條樓梯，行上去之後轉左就會見到！上環地鐵行出黎5分鐘左右！都算係幾方便。小店裝修充滿和風，收銀處旁邊的柴犬畫維肖維妙。而且因為小店也有串燒提供，裝修都好似像一個居酒屋的模樣，與白天可能有格格不入的感覺，但是相信到夜晚別有一番風味，唔知係咪都有酒飲呢。門面不太大，大概提供20多個座位。知道平日的下午時間，一定充滿着人潮了。大熱天時，黎一定要整返一杯咸檸七！認真梳乎！除咗一般的汽水之外，也有幾款特飲，下次再試。小店已烏冬和全消為主，主打的黑松露忌廉湯烏冬深得一班食客所歡迎。另外廣島蠔肉碎烏冬也在不同的社交媒體上曝光。不過因為天氣太熱的緣故，胃口也減少了。所以今次已有打算點掛烏冬為主。芥末果醋帶子冷烏冬將平時好嗆鼻的芥末加入果醋當中，酸酸甜甜好開胃。而有三隻，只是簡單弄熟加上香草調味，另外有新鮮的蔬菜和番茄，清新呀！重點來了，個烏冬掛

今日自己一個食晏，已經係第二次來呢間餐廳了，今日叫左安格斯肉眼牛扒掛烏冬，同埋叫咗兩款串燒，一串三文魚腩串，兩串雞軟骨串🤗講下串燒先丫，個三文魚腩串唔錯，不過唔係好厚，但係質素都高嘅，皮燒得好脆，肉都keep到有油，同埋都係嫩滑嘅👍🏻至於雞軟骨串中規中矩啦佢都算大粒，軟骨之餘帶啲肉，冇燒到好柴，仲有帶住雞油嘅香味🤗最後當然要講下個烏冬啊，牛扒算多不過我覺得唔夠軟，佢烏冬嘅份量都幾多同埋係用稻庭烏冬我真係好鍾意食架因為口感我好鍾意。。講下點解話係叫"掛"烏冬先，佢都係熱烏冬來的，不過冇湯然後有啲汁少少醋嘅感覺，酸酸地噤，For點烏冬食，我覺得好夾感覺冇咁漏，真係唔錯配搭😉仲有一點就係啲服務員態度都好好因為我叫飲品佢主動拎左杯暖水來☺️☺️

食拉麵通常都習慣用大大個拉麵碗，因為這屬於食拉麵的一部分。用其他碗食拉麵又如何？晚上來到上環的分店，細小的拉麵店有著巨型的狗仔圖案於牆身，雖然和餐廳的大小成反比，但就夠晒特色。餐牌上的拉麵選擇多，還有飯，串燒和小食。黑蒜炙燒極濃黑豚肉拉麵 $78見到大大個有手柄的拉麵碗(金屬製)的確很特別，和平時食拉麵的感覺很不同，別有一番風味，而且感覺很地道。拉麵的黑蒜味道不過份。豚肉薄薄地反而不會感到韌，加上的肥瘦得宜，令豚肉有舒服的口感。除此之外，還有半隻流心蛋和大量湯配料。而拉麵的感覺不似傳統日式拉麵，是港日fusion版，麵身頗滑，少腍。牛油金菇包 $37牛油金菇包即叫即做，打開錫紙仍是熱辣辣。金菇包的份量都幾多，由金黃色的汁已經感到其豐富蒜蓉牛油味，金菇爽口多汁。之前食拉麵都是清一色的拉麵碗，在香港云云拉麵店中，用有手柄拉麵碗食拉麵的確自成一格。

住東區嘅朋友知道拉麵店「八沢」晌上環開咗分店，屬小店經營，叫我不妨試吓。老實講，東區就真喺唔多會入去，但上環離公司算近，即管試試友人嘅推介，睇睇喺咪咁正。所以，就順便約埋個親友聚聚食餐「麵」講吓近況。講明喺小店，地方就梗喺唔太大，基本上，裝修簡約，但餐廳尾化身成懷舊日式木屋，可見店主都花咗啲心思。此外，親友本身都畫開畫，所以，牆上嘅彩繪就最吸引佢眼球，影完相再打量，睇吓喺咪手繪，佢話畫得幾靚。坐低後，店員會放上一大張餐牌，可以直接寫晌上面點餐。前頁喺一系列烏冬、拉麵、串燒及炸物；另一面就喺小食、鍋物及飲品。溫提一句，餐廳設最低消費$60，不過，基本嚟食碗麵都一定過。此外，有10%服務費，亦有收開瓶及切餅費，但就無講幾多錢，唔知會唔會實質執行，但以小店而言，呢啲小費予人感覺唔太好。心諗，應該都好少人嚟拉麵店慶生帶蛋糕嚟切。明太子雞翼 $30 / 2隻、牛乳忌廉餅 $28明太子雞翼又喺友人叫我必試，我哋就再加一客 牛乳忌廉餅。明顯前者抵食啲，雞翼去咗上截骨位，釀入滿滿嘅明太子，一口咬落去，啱啱炸起嘅雞翼非常香脆，鹹辣嘅明太子令雞翼更惹味，又啖啖肉，食得夠晒暢快。而牛乳忌廉餅炸得甘金唔油膩，

我呢個人呢  過海食夜晚飯少之有少   極其量都係去銅鑼灣個頭食  更唔好話係上環個頭始終覺得個頭物價高  食個麵都會貴過人不過食完今晚呢餐飯  又有少少自打咀巴既感覺  價錢公道之餘仲要好好食店舖位置唔算太顯眼  以為係間細細地既舖   入到去又覺得其實幾多位睇下我地今晚食咩喇!!黑松露忌廉海鮮冬烏冬類似既忌廉烏冬之前係其他食店食過唔少不過今次呢碗特別之處在於 忌廉烏冬　ｘ　累松露黑松露真係百搭咁濟　　今晚又食多種配合黑松露既食品　食落非常ｍａｔｃｈ呀！另外三文魚肉同埋帶子份量足　　烏冬彈牙唔似一般係超市買既普通烏冬呀！黑蒜灸燒極濃黑豚肉拉麵而我自己緊係簡我既最愛拉麵喇！結果都冇令我失望　　　湯底非常濃郁　黑蒜味非常夠　配合少少炸蒜嘩　成碗拉麵簡直係一絕　　每片黑豚肉既油脂比例非常好　　絕對係上盛既食材飲啖湯　食啖拉麵　再咬啖黑豚肉　　　真係不得了（直得一提係　　自問我都唔係細食既人　　但係拉麵份量非常足！）明太子雞翼　＋　吉列豬扒另外我地分別叫左兩個小食　　兩者間我較鐘意明太子雞翼　表皮微脆　咬落去有少少辣　不過以我係一個唔食得辣既人黎講 辣既程度尚可接受　放心！啖啖肉感覺好爽！正

Cozy Japanese restaurant – The Geisha and Hachiko wall art are gorgeously painted. So I thought it would be pretty gimmicky using them to attract eaters but to my surprise, the superb quality and at a price that won't burn a hole in yr pocket.  I ordered the Char Siew Ramen and oh my gosh the 3 pieces of Char Siew were well-grilled and tender in the mouth. The soup is heavenly made – Pork flavour with a hint of milk and pretty how they presented it. I mean if a Japanese can do well in their Rame