八沢 (已結業)

兩位七月之月將於八月出發遊日本, 同一日子出發, 亦同一日子回港, 但並非同一起去, 哈! 而大家亦未能安排在日本相見, 連一頓飯也就不到, 故在出發前先在香港吃頓飯互相慶祝生日, 還專登揀吃日本菜, 扮大家在日本相見, 真無聊, 但有趣!小店位置雖較隱蔽, 但不難找, 它位於新紀元廣場, 只要一出上環站, 對正便見到大大座新紀元廣場。入口處外兩邊還鑲了兩塊銅招牌, 不過要細心觀察才能發現。店子地方小小, 設有一張坐三人的高枱、三四張二至四人枱和一張六人張, 再走進 “小屋”還有三張四人枱連沙發座。地方雖不大, 但裝潢富心思, 牆上畫了可愛的小狗、翩翩起舞的蝴蝶和嬌艷的日本女人, 店頂掛上木枝、枱上放滿不同種類的日本酒, 設計成日本的居酒屋般。看看餐牌, 亦即是下單牌, 客人在些畫上所需便可, 而且可循環再用, 就環保, 讚! 餐牌分前後兩版, 除了有店子主打的烏冬拉麵外, 還有串燒、炸物、小食、鍋物和飲品, 店子雖少, 但選擇都不算少。******************************天氣炎熱, 最適合吃冷烏冬, 揀了一客芥末果醋帶子冷烏冬 Scallop Cold Udo

這款黑松露忌廉海鮮烏冬非常美味，大大粒帶子十分新鮮，而且烏冬岩岩好唔太淋好爽口，非常彈牙，加埋忌廉湯底濃郁，簡直一流，海鮮尚算新鮮，黑松露味很重，每食一口都包含濃濃的黑松露味，海鮮有三文魚、帶子，十分足料，三文魚好滑好軟熟再加上忌廉完美配搭 ，午餐食呢碗麵，係不錯既選擇。巨峰特飲很適合夏天飲透心涼，味道方面不會太甜，所以多飲也不怕肥。自家製薑飲係用新鮮薑制，同平時出面飲嘅沖濟分別好大，健康又美味，推介！

今日放工之後同同事附近搵野食知道上環新開左間日式烏冬拉麵店而且所有野食款式都好特別加上裝修好有日本小店感覺一於入去食個晚餐！樣樣都好想試，今次試食烏冬 😊同事叫左碗"極鮮牛肉雜菌湯烏冬"真係無改錯名，啲湯係極鮮！同事讚不絕口，我都忍唔住試左兩啖，係非常鮮味！而且啲烏冬好彈牙，食到唔停口我就叫左個鮮什菌松露芝士烏冬，賣相好吸引！芝士同松露既配搭好夾，食落雖然濃味但絕對唔覺得膩呢個龍蝦沙律好有驚喜，雖然唔算好大碟但食落啖啖龍蝦肉，$48係絕對物有所值用啲菜包住食非常好味，我地兩個人，每人食到兩大舊$48，食到咁多龍蝦肉😍😍😍有驚喜！兩杯野飲都係睇得又飲得上面果杯係八沢特飲--提子味一飲落去，勁多提子肉，而且加左梳打👍推介另一杯係熱朱古力，上面加左好多棉花糖，我趁佢未溶之前食晒😬叫左咁多野食，每人都係$140有找同老闆傾左幾句，原來好多烏冬款式都係佢地自創架，所以出面係試唔到架

近排極度繁忙，OT O到咀都O埋，難得今晚可以早少少走人，正所謂搞掂食碗麵，今晚一於捉埋同事過去上環嘆返碗日式拉麵。 八沢主打新派日本拉麵，拉麵選擇好多，淨係拉麵烏冬都已經有差唔多二十款，而且每款拉麵烏冬既用料都幾多元化，今晚我地就食左黑松露忌廉海鮮烏冬同埋黑蒜炙燒極濃黑豚肉拉麵。 黑松露忌廉海鮮烏冬。一上枱已經散發出香濃既黑松露味，雖然黑松露香味好強，但係並非所有嘅焦點，因為湯底係用左忌廉，兩者係幾配合既，再加上海鮮既鮮味，烏冬既牽煙韌，無論口感，味蕾，甚至嗅覺都能夠滿足得到。 黑蒜炙燒極濃黑豚肉拉麵。另一款拉麵都係濃味之選，黑蒜帶甜味，有一抹蒜油鋪喺面頭，以鐵煲上枱出煙熱辣辣，拉麵有蛋味又彈牙，黑豚肉厚切有嚼勁，配上青蔥同熟蒜非常惹味。串燒最低消費叫兩串，燒鱔好肥美，魚皮焦脆。燒牛舌同平常的不同，並非全熟，咬下去較嫩和淋身，調味不錯👍。

我唔好拉麵但好鐘意食烏冬😋😋😋😋，今日午餐就黎左呢間食烏冬。呢個日本餐廳店仔係新開，之前好似係四川餐廳。其實幾有小店feel，細細間甘，設計得有特色。👍🏻👍🏻叫左個極鮮牛肉雜菌烏冬，送既熱飲都唔錯有冰糖紅棗雪梨蜜揀，好滋潤甘。烏冬同牛肉份量都算多，仲有金菇同本菇。但個湯底淡淡地甘無咩特別，烏冬麵質又林左d。整體黎講，我覺得好普通而且唔算平。最好係杯冰糖紅棗雪梨蜜，好潤。😂😂😂

呢間餐廳唔算大, 細細地, 和風日式~拉麵比較奇怪既係用鐵鍋去裝,唔用拉麵碗既? 豬骨湯比較濃, 帶小小清甜既感覺.黑豚肉係道菜既精華,比較鬆軟,有小小溶溶地既感覺.我自己比較中意食半熟蛋,所以加左隻, 半熟蛋中間心唔夠生, 熟左小小.安格斯牛肉質算不錯, 比較軟身同多汁,最好食既位係左下角既汁,我放佢入去麵到撈黎食,反而好正汁係小咸+甜,左上角有小小菜for健康!價錢唔算貴, 普通70-100一位到,服務算熱情!

今日係永安中心買完野，就決定近近地同朋友係附近試一間新開日本小店，仲要係專門食烏冬既雖然地方細細但見到菜單仲有好多其他小食選擇，一於就試下串燒啦首先我地叫左店員推介既特式黑松露芝士海鮮烏冬，個面身十分彈牙，而且個湯冇想象中咁"lau",又好香黑松露味十分有驚喜之後另一個就係岩夏天食，清爽既掛烏冬，雖然芥末味唔係好出，但係うどん以撈既方法食更彈牙，都值得試，帶子仲有4隻咁多明太子雞翼有少少油，但係入面明太子辣辣地，幾惹味串燒都有驚喜呀！！白鱔個皮好脆，牛利又好厚身同彈牙，比起專門食串燒既店仲好味

收工想揾個靜靜地既餐廳同朋友傾下心事，醒起左呢間八沢。係上環地鐵附近，位於大廈角落，屬於比較幽靜。係外面望入去已經好有日本風。一入去氣氛同日本餐廳差吾多，人客好細聲傾計，侍應亦只會有需要先出現，絕對吾會阻住我地傾計大計。首先叫杯白桃特飲，一上枱，濃郁香醇既白桃味勁正，仲要唔甜，岩曬我地女士。另加一碟芥辣八瓜魚，唔算太攻鼻，八瓜魚都新鮮爽脆，係份量比較少，我三幾啖已經ko左。至於雞泡魚乾，好有𡁻勁，魚味亦濃，如果點杯酒慢慢歎仲正。由於我中二濃味食物，所以點左黑蒜炙燒極濃黑豚肉拉麵。鋪頭反傳統，唔用大大隻碗，而係用左一個煲仔上拉麵，加左大量炸蒜，侍應教撈埋之後，試左個湯底先，香，濃係唯一感受，忍唔住飲多兩啖，有別於其他餐廳，個湯好奶白，應該煲左好多個鐘，先有呢種口感同味道。拉麵都算彈牙，份量適中，唔會浪費，值得一讚，加入好多切到好幼木耳，口感好爽，代替左野菜，效果反而更合襯。黑豚肉經過炙燒之後，去除左啲油，冇左肥膩感，而且趣卜卜，好過癮。朋友點左黑安格斯肉眼牛扒掛烏冬，掛即係撈既意思，汁另上，可以因應口味自己調配。試左幾條烏冬，好滑同彈牙，條條分明，不過牛扒比較淡。最後係鹽燒白鱔，認真慢工

今晚突然可以騰出時間吃個快飯，於是臨急臨忙聯絡身邊老友，看看有誰可以出來見面。平時節目多多的好姊妹竟然得閒，那麽，地點就約在她辦公室附近。由她口述，教我這個路痴來到這間餐廳，其實舖頭位置十分便利，大家回家也很快捷。到達時間尚早，店內還未有顧客，可以任選座位，不過晚一點便越來越旺場，差點爆滿。餐廳的裝修恰似居酒屋，某幅牆壁繪上日本娃娃，另一邊則有卡通柴犬，富有特色。廚房外面擺滿各式酒瓶，整個氛圍充滿東洋風情。餐牌只有兩頁，主要分為小食、串燒、炸物、烏冬拉麵、鍋物及飲品。烏冬拉麵乃店家的主打，選擇不少，價錢由$58至$98不等。其中廣島蠔肉碎烏冬($78)、黑松露忌廉海鮮烏冬($88)及黑蒜灸燒極濃黑豚肉拉麵($78)均是餐廳的新出品。夏日炎炎，先來一客秋葵番茄沙律($68)。店員在落單時，細問我們喜歡麻醬或果醋，由於後者較為清新，不用多想就選這個。成品除了健康的秋葵和新鮮的番茄，還有爽脆的生菜和清甜的粟米，加上混入芥末的果醋，酸酸甜甜又帶微辣，十分醒胃。吃過沙律好像特別肚餓，趁主食還未送到，一於先品嚐串燒。店家供應的串燒共有16款，以海鮮和肉類為主，包括黑豚生蠔燒($64/2隻)、牛油蒜

我係為左呢個忌廉烏冬而來的🙆🏻黑松露忌廉海鮮烏冬 $88有三粒帶子同埋新鮮三文魚腩！😍 好足料呀！烏冬份量都多，夠腍夠入味，又creamy ,好正呀！ 果然冇令我失望😁濃湯雜菜 $48 ，好大碗菜呀😍 個湯又幾好飲！成碗飲晒都得呀😂 夠晒健康！大蔥雞肉 $38/2串 ，雞肉好入味，吾會痴牙😂 加上大蔥，特別香，好好食！燒鹽白鱔 $45, 好少見到串燒有得揀鱔肉，所以就叫左喇，燒得剛剛好，味道又足夠，鱔肉肥美，吾錯呢！咸檸7 $22 呢個天氣飲，爽yy自家製冰糖紅棗雪梨茶 $22， 好滋潤，好好飲！❤️

八沢，一間提供日式餐飲的小店，店內日糸佈置，還有靚靚壁畫！仿似置身日本餐廳。下午茶前來，得知有休閒輕食提供，叫了明太子雞翼胡麻冷烏冬，還有跟餐的熱龍眼茶。👆🏻天氣雖熱，但呷一口熱龍眼茶，好好味呀～👆🏻明太子雞翼胡麻冷烏冬，烏冬夠彈牙，配上胡麻醬一食，👍🏻，簡直夏日小清新！**不足一星期再次到訪，可惜店員告知沒有下午茶提供🤔，結果掃興離開。下次或者去食下lunch，嘗試其他熱食/鍋物。

友人住筲箕灣，曾向我推介東大街一間主打拉麵、烏冬和及燒物嘅日式居酒屋「八沢」，說店子雖然屬小本經營，但食物水準唔錯，而且食材大部分從日本入口，絕對值得一試。由於近排很少去筲箕灣，所以一直都無緣到訪。早兩天瀏覽食友網誌，得知原來店子喺新紀元廣場開咗新分店，所以趁這天要來上環辦點事，就因利乘便，拉埋在附近上班的老友過來試試。踏進店，餐廳地方不大，唔算寬敞，一眼睇囇。屈指一數，只有三十餘個座位，不過由於來到時已經過了午市繁忙時間，店內食客不多，感覺寧靜舒服。安坐後，再細心四看，室內裝潢充滿特色，布置成一間小木屋咁，配以牆身嘅奪目畫作，甚具懷舊風情。拿起店員送上的餐牌，Set Lunch  選擇不多，只有五款，以烏冬、拉麵和飯為主，定價由 $72-$88  不等，奉送自家製熱飲，以上環區來說，一點也不算貴。如果對這五款麵食無興趣的話，店子亦另備有一系列烏冬、拉麵、串燒、炸物、小食、鍋物和飲品等，供客人選擇。由於大家都想試試店裡的燒物，所以決定只點一款麵食，一於留肚吃串燒。記得之前友人曾推介過店裡的「黑蒜炙燒極濃黑豚肉拉麵」，本來很想一試，不過見近排天口㷫，熱辣辣，還是決定揀客煙燻鮭魚胡麻冷烏冬

自從辭掉上一份工作以後，就沒有來過上環。以前來新紀元廣場也只是吃大家樂而已，想不到現在會新紀元廣場有這麼美味的拉麵店店內有一個架鑲起了很多清酒招紙，排得好漂亮呢！除了清酒招紙外，店內還擺放了不少清酒，竟然找到前陣子哥哥買回來的那瓶獺祭收銀贏貼上可愛的柴犬貼紙，柴柴𣊬間變成了招財狗，好搞笑。店員向我們用心講解各種烏冬/拉麵的特色，最後我們選了黑蒜灸燒極濃黑豚肉拉麵和廣島蠔肉碎烏冬。黑蒜灸燒極濃黑豚肉斯拉麵的湯底果然是餚製而成，而非味精湯，香味濃郁而完全會不覺得鹹，黑豚肉的份量頗多，而拉麵幼細，配著蔥花和蒜一起吃，大滿足廣島蠔肉碎烏冬味道較為清淡，烏冬夠爽滑，看似普通，其實它的重點是廣島蠔。蠔的份量好多，竟有5隻之多，肉質鮮美，非常飽滿。一咬開明太子雞翼，裡面蘸著明太子，非常惹味，明太子的味道不會太鹹，和雞翼是很好的配搭，啖啖肉，好推薦這個小吃厚切牛舌是我最愛的串燒每次吃串燒都是必吃！牛舌真的頗厚，肉質彈牙，好惹味！由於燒羊架是將生羊肉燒熟，所以等待的時間會長些。燒羊架散發著微微的羊羶味，教人回味無窮八沢特飲（桃味）帶有微微的酸甜果味，好解渴，消暑之選！就算在炎炎夏日，女生也不能天天喝凍飲

同朋友去上環食好西。店內裝潢好有置身日本的感覺，兩個人叫左好多野食。黑松露忌廉海鮮烏冬 $88黑松露味好香好濃，仲有配上新鮮又大粒嘅帶子同新鮮三文魚，忌廉好滑，煮出黎個汁濃稠度岩岩好，烏冬彈牙之餘，仲會掛到好多汁，好好食﹗不過一個人食哂嘅話可以會有少少膩，同人分享就perfect。黑蒜灸燒極濃黑豚肉拉面 $78黑豚肉彈牙，好濃肉味，仲帶少少油香。拉面有嚼勁，配埋大量蔥同木耳同埋超濃蒜味嘅湯底，好岩中意重口味嘅人食。明太子雞翼 2隻 $30雞翼燒得皮脆肉嫩，入面仲有塞到滿哂嘅明太子，少少辣，好惹味。厚燒牛舌 $96牛舌真係塊塊都好厚，啖啖肉，又似肉味超濃呀。黑豚生蠔燒 2隻 $64黑豚燒到好似煙肉咁，帶D煙薰味。入面隻生蠔好肥美，又熱辣辣，成舊野其實有D heavy，不過好食就咩都唔理了~白桃特飲$28巨峰特飲$28，感覺好似罐裝汽水咁，冇咩特別～Overall 環境幾有feel, 店員都好有禮貌。兩個人叫得太多野,好飽。 

收工路經新紀元廣場，饑腸轆轆的我見到呢度新開拉麵鋪，拉麵迷既我梗系即刻拉住友人沖入去試下.一坐低，來兩個開胃小菜先。番茄沙律&洋風汁帶子。新鮮番茄切片，口感爽脆，配上酸酸甜甜的日式醬汁，十分開胃。肥美凍帶子，爽脆的帶子裙邊，十分有咬口。個醬汁同番茄沙律一樣，不過多小許芥辣，突出海鮮甜味。 到主菜，有廣島蠔肉烏冬&黑蒜炙燒極濃黑豚肉拉麵。首先從淡口味食起。第一口要試下湯底，蠔的鮮甜配上了少許的黑豚肉碎，撒上小許蔥花和昆布，烏冬軟硬適中，有彈性，同湯底十分夾，清甜而不膩。 黑豚拉麵就完全唔一樣，濃郁肉香，豚肉入口嫩而不膩，夾埋脆口黑木耳絲及脆卜卜的炸黑蒜，非常香口。湯底有花生醬味，配菜有溫泉蛋，撒上黑蒜油。拉麵吸曬湯底，非常惹味。來到小食。9吋芝士大蝦，蝦肉結實，但稍乾身。為了唔浪費蝦殼上的芝士，我咬埋蝦殼，蝦頭有少許蝦膏，配上芝士真的好香。 另外有三文腩串，皮脆而肉嫩，帶魚油香。而大蔥雞肉，雞腎，則還可以，不過不失。最後有燒廣島蠔(必試！）薄薄黑豚肉，卷住肥蠔，烤到脆一脆，油香滲入蠔身，咬落去，熱辣辣蠔汁飆出來，好好食。服務生話個菜式是老闆親身研製。有心思！抵贊！ 食飽飽~飲下野先。店家