再來一煲 (好順景大廈1座)

营业中

休息中

2021年10月18日 晴連續兩日入元朗, 今次就去食雞煲餐廳位置比較隱蔽, 揾左一陣先見到基本火鍋配料都有, 芫茜, 蔥, 炸蒜 辣椒必落 招牌雞煲 - 半隻 bb 辣 $198朋友唔食得辣所以叫左bb 辣, 但佢都係覺得辣, 唔食得辣ge 朋友要留意下雞煲好香, 炒完雞肉都嫩, 好味椒鹽鴨舌 $78好好食啊 上面兩支炸到好脆,下面就淋淋地, 而且好多炸蒜, 好香口,  正即叫即炸脆響鈴 $38炸到脆卜卜, 打邊爐必點之一0.03紙豆腐 $28呢個平時好少見, 幾特別。個豆腐真係好薄, 成張紙咁。放落去一秒就淋曬, arm 曬連響鈴都要淥到淋曬ge 我不過食落就唔算好有驚喜, 正正常常la 手切本地牛 - 例$188牛肉食落有dd筋, 但幾好咬口而且牛味好足, 好食爆汁牛筋丸 - 半份$48真係會爆汁, 彈牙得黎仲好多汁, 好味瀑布芝心牛丸 - 半份$48相比之下芝心牛丸就比較失色, 冇牛筋丸咁出色, 但都唔錯牛柏葉 $48份量好多, 正嫩鴨血 $48食落好滑, 而且大大舊, 好食仲叫左好多餸, 食到超飽, 下次再入元朗都可以再食多次

元朗雞地啲餐廳我都可以話食過晒😆今次就係冷巷嗰度見到間裝修望落都幾舒服嘅餐廳，見入面當有啲人喺度食，相信都應該唔錯🤫🤫呢度就主要食烤魚煲或者雞煲，之後就嗌餸打邊爐，我哋就叫咗招牌雞煲（一隻）$288，之後仲追加咗鴨舌 魚鰾 鮮鮑魚😝😝 雞煲上枱後都要再煮下，不過店員會全面handle，所以我哋都係等佢搞一陣就可以食得🙇🏻‍♂️ 呢個雞煲份量真係唔少，啱晒我哋四個人食，味道方面就醬汁香濃，啲雞又啖啖肉，食得好滋味😆 而呢個雞煲都有一個特別嘅地方，就係佢加咗啲檸檬葉，所以食落都感覺到清新，冇咗肥膩感👍🏻👍🏻而我哋就揀啲配料都非常對版，鴨舌夠多仲要係原隻嗰款，魚鰾雖然本身冇味道，但佢可以慢慢索啲汁，而且佢口感軟糯，值得一試😝食雞煲嘅同時，亦都叫咗碟蜜糖薯仔牛柳粒做小食，蜜糖包住牛柳粒同薯仔，非常香甜，而且佢炸到兩樣嘢都外脆內軟😋火鍋配料質素唔錯，尤其係佢個牛魔王拼盤，有多款牛肉款式，試勻晒都夠哂喉了，不過個別款式就切得比較細塊，所以食落都唔夠暢快😗 但佢個蝦滑絕對值得一試，爽滑彈牙，蝦味濃郁，好少喺街有咁嘅質素，一定要嗌😍😍 而佢都有啲過癮野，就係0.03豆腐，望落就好似蛋卷咁，佢大概同響鈴差

我同朋友嚟到元朗附近想搵雞煲食，咁啱就嚟到呢間再來一煲，舖頭係小巷入面，跟住Google map搵用咗啲時間😂一開始叫咗招牌雞煲半隻，我哋叫咗小辣，裡邊有好多配料，特別中意佢哋落咗好多紫洋蔥、雲耳、豆卜，煮腍咗索晒啲雞煲汁幾好食！啲雞肉幾有麻辣味，肉質幾滑。可以追加魚鰾，幾有鮮味，唔會有腥味，又厚身又好有口感，之後加湯打邊爐啦！打邊爐點可以冇炸響鈴，呢到係即叫即炸，索晒啲雞煲汁好好味😋推薦手工韮菜餃，入面勁爆多韮菜；手打蝦滑幾彈牙爽口；鴨血味道都唔錯打邊爐必叫！新鮮滑牛啲肉好滑嫩；封門柳肉嘅肉味夠晒濃，推薦呢到啲肉都唔錯。凍檸茶$38夠晒大杯，夠飲足成餐飯！整體來講呢間係元朗嘅小店，麻辣雞煲味道係唔錯，特別鍾意佢哋啲呢到嘅魚鰾，真係幾好食好有口感，平時都係加花睇多，試吓新嘢都唔錯。同埋啲牛肉都好新鮮，下次經過都會試多次。

今日7點半到，好彩地落雨唔使等位，但呢句說話遲5分鐘講就要排隊🤣一嚟就揀好個招牌雞煲bb辣加配魚標、鴨吞同鮮鮑魚，鮑魚真無得輸 $12就有一隻大大隻，好爽口彈牙唔會韌👍🏻👍🏻 另外，見到個變態辣 辣指數好高，唔個有無人真係敢挑戰呢🙊🙊魚標好重膠質，啖啖都會痴住個口，我就好鍾意呢個感覺，但同行朋友就唔鍾意，睇個人口味😀唔記得講，一揀好雞煲就會有6格調味俾你溝醬汁，左上角似係自家製xo 醬，偏辣野飲試咗特飲，jumbo真係好jumbo，上枱大到嚇咗嚇 係一杯巨大牌檸樂🤪🤪食完雞煲就轉打邊爐，加叫咗鴨血、腐竹、0.03紙豆腐、牛魔王拼盤、本地牛胸爽同蝦滑😋😋牛魔王拼盤好抵食，有成7款牛嘅唔同部位，個人最鍾意牛胸爽，廚師厚薄控制得好好，淥大概10秒就有爽口嘅感覺😚 忍唔住單點多一碟😬蝦滑由粒粒蝦打到起膠，有啲仲係原粒，食起有幾重口感，推介鴨血好似啫喱咁，唔會硬到咬唔開，Live Photo 可以見到彈下彈下🤣 0.03紙豆腐真係簿到一張紙咁，望落似蛋卷，食落似腐竹，會吸曬啲湯，所以建議湯清啲嗰陣食，感覺無咁肥🥳🥳叫咗咁多餸，驚太飽只叫多一個小食，揀咗蜜椒薯仔牛柳粒，實在揀得太啱😆 牛柳粒加

今日去了元朗找朋友吃晚飯，她是元朗人一定識得帶我去吃好嘢啦！大家很久都沒有吃火鍋了，所以她推薦了一間吃雞煲小店，可以一邊吃雞煲一邊吃火鍋一舉兩得。再來一煲為於元朗鳳群徑的一條小行裏面，小店地方不算大但坐位都舒服。小店有兩款鎮店之寶，胡椒豬肚雞煲和招牌雞煲選擇，因朋友不吃得太辣所以今次點了，胡椒豬肚雞煲（半隻雞）做湯底。餐前小食點了一份～～椒鹽粟米椒鹽粟米灑了炸蒜粒很惹味，椒鹽味道突出又香濃，帶點微辣相當刺激，粟米外層乾爽，裏面保持水份。胡椒豬肚雞煲老闆話佢地湯底是用雞件熬製而成，當湯煲滾了頭淡湯一定要試試味道，胡椒香四溢, 湯底清甜又濃香, 材料豐富, 更有不同的味蕾刺激。雞肉滑溜，除了口感嫩中帶彈性外，也非常厚實，與爽滑的豬肚一起越煮越入溜味，越吃越上癮。原味品嘗完後，我們就可以開始加入菇類、蔬菜、丸餃類與其他肉類，享受不同食材與湯底的搭配。精選雜丸類拼盤（一份）可以試不同口味的丸類。白菜餃裏盛載著滿滿的白菜碎，口感爽口之餘也非常豐富。 蘿蔔味道很鮮甜，基本上胡椒湯底拿來涮黑毛豬肉片也很對味，吸附湯之後不沾醬就很好吃。小店所有火鍋配料都很新鮮。珍寶檸水很有份量。今餐大家都吃到肚子滿滿

朋友生日 ，同愛好雞煲既佢慶生，又小店食品一般會比大型連鎖店更特色驚喜，就來了一試。入座後，店員殷勤介紹菜式，又仔細建議食法。原來除咗招牌雞煲外，更有較少食店有供應嘅魚煲。壽星心血來潮想試，就揀咗魚煲。魚煲以原條鉗魚製作，肉質細滑，少骨。鋪滿酸菜、芽菜等伴菜，味覺視覺豐富。特別推介蝦滑，超爽口彈牙，仲真係好有 粒。粒 蝦肉在內!鮮味口感極佳，必點之選!其次係台灣大甲芋頭，粉絲必點!真正台灣產的大甲芋頭 ，愛好台灣美食又暫未能親嘗，正好解解饞。仲有新鮮鱔片，肉質鮮嫩，無細骨，完全不遜色於主角菜式。反倒有啲變“全魚宴”，有啲意外驚喜。最後係飲品，有“King size”既杯裝飲品，基本上可以“一杯到尾”，唔使慳，全程“豪飲”，食完整餐煲煲火鍋後都夠飲。

平時慣咗食完雞煲可以任食打邊爐，今日忽然興起不如食下逐碟計，見呢間嘅牛魔皇拼盤好似好正咁，一於試下。都要先講主菜嘅雞煲，兩個人食只係叫咗半隻雞，上菜時店員仲會幫手攪攬啲雞。雞望落去顏色都好靚，最重要嘅當然係肉質好滑，試過任食雞煲嘅雞真係「鞋」到唔想食。牛魔皇拼盤細份已經好抵食，先要講下佢有啲咩：牛吊龍、牛小排、牛胸油、牛臉頰、封門柳、牛筋丸、牛舌、滑蛋牛。個人最推介嘅係封門柳，上網搵過先知每隻牛得一條，因為係牛嘅橫膈膜肌肉，食起來又腍又有牛味，真係超級正﹗﹗﹗總結整個拼盤絕對物超所值，想知其他肉係點，最好都係自己來試就知幾正。今次試過蝦滑都係有滿滿嘅蝦肉，好彈牙，期待下次試試墨魚滑又點。冇得去旅行咁耐，特別係台灣，忍唔住都要叫份鴨血，唯有食咗當去咗啦：(兩個人加埋都係七百蚊埋單，但係已經飽到上心口。掂呀﹗

叫了個皮蛋芫荽湯底要$108 元，天價，以為有乜特別，完全冇，叫左個脆骨魭，好似三天前的賣剩，冇血色，叫左個韭菜餃，完全唔得，街市貨厚面皮，叫左個花膠，衰過豬皮，叫左個牛小排肉，衰過百街凍肉，冇牛咪。叫在個豬片，普通到去百街重好食，完全唔明點解甘多人比甘高分。坐又唔太舒服，小店一間，可惜太貴，貴唔緊要，我都系想搵好嘢食，但你比D而家通街都有既冷凍食材鋪既野，我使鬼來食.又貴又5好食，兩個人埋單7百幾元，都5知食過乜。

朋友食過介紹呢間位於元朗隱秘巷仔入邊嘅雞煲火鍋店，聽聞佢哋嘅選用嘅食材好高質。餐廳面積唔大，有10枱左右，而且負責人非常友善，勁有親切感。落單時見我哋花多眼亂，仲向我哋推介一啲必食之選。小食方面，呢個蜜椒薯仔牛柳粒勁勁勁好味！！！香濃既蜜糖同黑椒味包裹住薯仔同牛柳粒，牛柳粒有小小脂肪，食落更加香。椒鹽鴨舌外層炸至金黃色，鎖住Ｄ肉汁，鴨吞好Ｑ彈有口感。我哋揀咗中辣既招牌雞煲加鮑魚同埋魚鰾，當我哋話揀中辣嘅時候，負責人的溫馨提示過我地真係好辣，因為辣醬係佢哋自家製，但係朋友都好想試，最後辣到我食咗幾件雞頂唔順！呢間雞煲嘅味道同我以往食過嘅好唔同，唔會好咸，醬汁唔會掩蓋左雞嘅鮮味，而且雞肉非常嫩滑。魚鰾一啲腥味都冇，但因為太索味，太辣嘅關係，我只食咗一個。即刻叫左杯巨無霸凍檸茶解解辣，食得辣既真係要試下佢地既自家製辣醬，辣得黎又好香～叫朋友搞掂啲雞，我就夾起晒所有辣椒，終於可以加湯打邊爐。好彩加咗湯之後，即刻冇咁辣，可以盡情打邊爐。安格斯封門柳脂肪分佈好平均，肉質鬆軟，牛肉味較為濃郁。手切本地牛細細塊較厚，但入口軟腍。醉雞子好香花雕酒味，咬爆Ｄ汁泌晒出黎勁正！手打蝦滑、墨魚滑真係真材實料，墨

難得約齊人緊系要聚一聚啦，作為元朗地膽既我緊系簡番系元朗食啦！元朗多雞煲就系人都知架啦，但講到好食既雞煲...個人感受既話其實三隻手指數得哂！見依間餐廳新開業就黎試試佢先啦！ 一坐低點都要整番d小食食下啦！依到好多款吾同既小食提供，連我做為一個男人都覺得心大心細咩都想試下甘囉。 男人既浪漫，必然點 椒鹽鴨舌 ！！！鴨舌上面襯托好惹味既炸蒜，鹹鹹地又辣辣地味道適中呀，用黎送啤酒無得頂呀！ 之後店員推介必點 椒鹽粟米 ，嘿嘿.....果然冇推介錯呀！同鴨舌一樣有惹味既炸蒜，鹹鹹地又辣辣地，食落仲增加左一種清甜的風味！ 兄弟話想試下依個蜜椒薯仔牛柳粒，本身我就麻麻地用蜜糖整既野食既，但食落估佢吾到又同椒鹽甘鬼夾喎，牛柳粒又多汁入口即溶，依到d小食整得吾系求求其其架，廚師真系落足心機去煮，依樣野非常感受到用心製作既！ 黎到主角啦！依到既招牌雞煲仲可以自選加入鮑魚等其他鮮味材料，食雞煲仲有鮑魚食，緊系正啦！雞煲入味，第一食每件雞都吾會食到冰鮮味，第二就系吾似系出面食既雞煲甘入吾到d味落隻雞入面，依到既雞煲好入味喎，成班男人系甘夾..系甘食，仲一味嗌好味喎、好入味喎！提提你地呀！仲有呀！依到d雞件

再來一煲可能係新開，或者係我少留意，位於巷仔度唔太起眼，今次係聽老闆嘅朋友嘅朋友介紹(利申：我係唔識老闆😅)或者呢啲就係口碑相傳？！店員服務都幾好，上菜嘅時候都會稍為介紹下，另外仲有特別推介魚鰾，不過本人唔食魚所以就冇要到。初試緊係叫招牌雞煲🐔睇睇，我哋認同雞煲要辣辣哋先好食，不過佢嘅bb辣應該有譚仔二小辣嘅lv🔥，有啲超乎我哋嘅能力範圍(其實係我哋廢😂)， 不過雞煲著辣之餘有微甜，都好食架，只係個辣度大家要注意。參考好多枱都叫牛魔王拼盤，我哋都試一試，起碼有齊大家都想食嘅嘢，比較少見係牛胸油同埋牛臉頰；牛胸油雖然睇落係一大片肥膏，但係 煙韌有口感，同豬肉嘅五花相比唔係軟腍，幾得意，唔覺油膩架👍 我最鍾意係滑牛、牛小排同埋封門柳，滑牛用蛋混和，真係好滑！好欣賞原來可以咁樣食~  牛小排同埋封門柳就重牛味😋， 另外介紹下牛吊龍原來係本地牛嘅品種， 肉質有啲似安格斯架~ 友人就鍾意牛舌同牛筋丸，牛筋丸咬落爆哂汁，得兩粒佢搶哂唔俾我食😂，牛舌有咬口，而且甜甜地，講講下其實成個牛魔王拼盤都好滿意好高質💯一定要介紹下0.03紙豆腐，見個名好新奇，黎到成個春卷咁😯，店員話一放入鍋好快食得，口感綿綿

同朋友上網search到試下間雞煲, 本身間鋪頭喺條小巷度, 唔算太難搵. 但座位比較少, 今日六點九去到都差唔多爆. 由於我同朋友都係無肉不歡, 一開波就叫咗一隻雞煲中辣. 雞煲到咗枱面仲未食得仲要煮多陣, 跟住一打開個蓋諗唔到會咁攻鼻, 食得辣嘅朋友可以試中辣. 味道方面, 唔似雪藏雞, 好有雞味同埋鬆嫩滑, 加埋雞煲啲辣汁同埋有少少甜甜地, 越食越辣但又惹味. 煲入面豆卜索曬啲味, 正! 食完雞煲加湯點咗牛魔王大拼盤, 雖然覺得有啲貴, 但係拼盤其實有好多款牛，唔同部位, 其中我最鍾意食就係牛小排, 同埋牛面頰, 牛小排好有油香味, 牛面頰肉質雖然比較鞋, 但其實肉味濃厚. 至於另一推介係佢哋嘅牛丸, 裏面應該加咗啲牛骨湯, 有少少爆汁嘅口感. 最後一定要嗌埋佢哋杯珍寶嘢飲, 有檸茶檸水檸樂選擇, 38蚊大大杯夠飲成餐飯! 雖然埋單加八百幾蚊, 但都覺得食物質素對得起價錢.

再來一煲地址: 元朗鳳攸南街3號好順景大廈1座地下47號舖又是打邊爐的時候啦，一場來到食雞煲打邊爐，$198 半隻，半隻份量都十足，隻雞一定好大隻又肥美，在醬中炒多十分鐘香氣飄出食得肥牛一碟，邊位肥彈，牛味十足，滾兩滾霧白煙食得。有新鮮淮生食，粉得來又有點爽口，高纖維索左湯汁勁好食魚皮好脆呀，要閃電手沉幾秒要即食。魚皮餃一粒一口，皮qq 彈牙。豬血唔係好多地方有，忍唔住叫一碟！啤，咁大碟兩個人真係食唔曬，幾爽口架，像jelly 得豬紅唔會有腥味。0.03 腐皮，卷左一大條長長，食法似炸魚皮，在滾湯中沈幾身吸了湯變軟身就食得啦！ 每次打邊爐人就胃口勁好，是平時食量的一倍，人開心食慾會相應增強，幸福胖都出現在雙下巴了

元朗鳳攸南街好多食肆，行下揀下，入左間小店，打邊爐～ 入到去，睇左menu先知係食雞煲先嚟左個胡椒豬肚雞煲，胡椒味夠重👍好多料，啲雞都幾有雞味😋😋😋啖湯好正😍 有好多款不同部位嘅牛肉，樣樣都想試，結果叫左個牛皇拼盤🥰 拼盤有齊：牛胸爽，牛面珠，牛小排，封門柳，本地牛，牛舌，滑牛，爆汁牛筋丸～ 牛胸油，喺牛中極品，爽而不韌👍 其實牛胸油唔係一舊脂肪，佢係牛胸前肋骨上面嘅一舊筋膜類肌肉，含有豐富骨膠原，放落湯底一滾燙8～10秘就👌 牛臉頰的筋與油花分布相當均勻，布滿細密油花，比一般牛肉還要滑嫩順口，不會覺得膩口😋😋😋 牛小排有大理石嘅油花和堅實的肉質，牛味香濃👍 封門柳係牛的橫膈膜的肌肉，其肉質鬆軟，不易變韌，而且牛肉味極為濃郁😋本地牛，軟滑多汁、牛肉味濃👍 牛舌軟腍，啖啖肉香 滑牛，厚切，用蛋黃拌後，肉質更滑，口感更佳🥰 爆汁牛筋丸，十分爽口，好juicy😋😋😋 炸脆嚮鈴，即叫即炸，鬆脆可口，醮啲甜酸醬，滋味無窮😍放湯，嚮鈴索左啲湯，又有另一番味道，一句“正”！ 下次要叫多兩個朋友一齊食，可以試多啲，又高興啲😅

朋友一直推介呢一間餐廳，前排終於有機會同佢來試一試，結果果然好食，令我哋好滿意🤣🤣🤣🤣🤣🤣🤣酸菜魚可以揀唔辣或者小辣，啱晒啲唔食得辣嘅朋友仔，而且魚肉好鮮嫩，配菜嘅酸菜同樣好好食，值得再嚟😋😋😋😋😋😋😋😋牛肉睇相已經知道係高級野，油脂分布得好平均，而且一啲都唔鞋口，超正😍😍😍😍😍😍😍😍😍😍😍呢度仲有好多唔同嘅炒小菜選擇，當日我哋就是我黑椒牛柳粒，甜甜嘅蜜糖，配上炸過嘅牛肉粒，好味道🥰🥰🥰🥰🥰🥰