冠華粥麵

营业中

休息中

聽聞話呢間屋村小店，因為商場大翻身，有可能被逼結業，今日轉登跑上嚟試試。雖然係叫粥麵店，但呢度個手工燒賣（$20，10粒）略有名氣，大小比坊間魚肉粉頭燒賣大啲啲，食落口感較為糯，更加有𡁻口。既然係叫牛什粉麵專家，順便叫多碗牛雜麵（$36），4小片草肚、2小片金錢肚、1舊肺、2舊腸、1小片膀。老實說，好一般，但好有舊時的味道（尤其湯底），叫做食吓回憶咁啦。另外加多兩支細樽裝可樂（$12@）。真心講，如果專程嚟食，可以慳番（因為都幾山旮旯，而且唔太易搵。如果問路，可以問郵局係邊，因為隔離就係）。但如果係附近，可以一試。

大隻仔今次覓食嘅店舖就係💥 冠華粥麵 💥 最近嘅新聞就係石圍角邨商場大翻身，所有商舖都被迫結業，整個屋邨最後兩間食肆之後都會結業，喺石圍角邨其中一間小店賣既燒賣被「燒賣關注組」推介過，如果小店結業就食唔到傳統手工燒賣嘅味道，大隻仔當然把握機會，今日放假就去荃灣石圍角邨「冠華粥麵」食燒賣。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 手工燒賣 $16 八粒$2 一粒手工燒賣價錢好平。豉油係屬於偏鹹唔係偏甜嗰一款，辣椒油係自家製作，有用洋蔥炒香過。燒賣係豬肉燒賣，真材實料，肉餡唔會太糊，咬落有少少嚼頭，煙煙韌韌，食第一粒會覺得平平無奇，但之後會食唔停口，唔加豉油、辣椒油會食到豬肉香味，同微微豬油香。🔥 牛雜河 $36人流關係，牛雜用細火暖住，有客人order食物先會開大火滾起。湯底味夠濃，唔會太味精，仲有大隻仔好鍾意嘅蔥花夠晒多，再配上少量芹菜粒同埋乾葱碎，夠晒滋味。河粉夠滑，係碎河，至於牛雜，夠入味，都好多件包括有：2件肥腸 - 不夠淋，但有肥膏，夠香

手工燒賣******************************同朋友荃灣一日遊品嚐各種荃灣美食記得之前睇過網評話呢間手工燒賣好特別於是慕名前往呢間真係唔係平時可以食到嘅店到荃灣仲要專登搭小巴上去😂地點十分偏僻***門口放住一個大蒸籠裏面放滿大大粒嘅手工燒賣有平時燒賣嘅兩倍咁大😍同朋友買咗一盒share啱啱食第一粒嘅時候覺得口感同平時食嘅燒賣唔同比較糯食唔慣但係食多幾粒又覺得幾好食喎🤭

燒賣與別不同，好好味對比紅磡林記小食，呢間燒賣仲好味$15/8粒貴啲，但大粒啲有點難搵這舖，我問小朋友，他唔知係邊呢度在山上， 無發展潛力所以街市隔局同以前粉嶺祥華村一樣

毛毛蟲去石圍角找朋友玩，路經這間粥麵店，朋友推介這裡的手工燒賣，決定買D返屋企試下！毛毛蟲開餐！❶冠華粥麵❷大大粒手工燒賣姐姐見我扲走，特登比新出一籠的燒賣我。❸手工燒賣($20/10粒連盒)燒賣尺寸比出面機整的大粒，聞落有淡淡的魚肉味。❹手工燒賣咬一啖試下先!!食落口感比較結實，有咬口，有魚味。路過時時間有點晚了，但店燈火通明，望入去重有好多食客食緊嘢，下次有機會想試埋店內的牛什牛腩🥢🐛推薦指數美味🌕🌕🌕🌕🌕抵食🌕🌕🌕🌕🌕環境🌕🌕🌕🌑🌑回頭🌕🌕🌕🌕🌑店舖資料🗺荃灣石圍角村石芳樓地下7號舖📞24939681⌚星期一至日 1200-2500#hkfood #hkgoodies #yummy #foodiehk #foodblogger #eat#毛毛蟲美食 #香港食評 #荃灣美食 #石圍角美食 #香港美食指南 #食好西 #食好西系列

石圍角好近我屋企，見到大J出片講燒賣，食燒賣關注組嘅推薦，佢話最好食係石圍角嗰間，我一睇完就衝去食😋 真係食過最好食嘅燒賣！😽手工魚肉燒賣（$12一份）我叫咗兩份，每粒勁大粒，出面嘅兩粒先第於佢一粒份量，真係好誇張，食到我好飽。燒賣入面有明顯嘅魚肉，結實、有咬口、齒頰留香👍🏻豉油、辣醬都非常惹味，超推薦。食緊嘅時候仲見到啲呀姐係舖頭包燒賣，絕對手工。另外我仲有食牛筋河套餐，有埋時菜都係40，牛筋非常入味。

呢期人人講燒賣，唔通人人都真係好鍾意食燒賣？ 如果你睇完TVB講粉果佬，你冒名而來搭一個鐘車入大埔然後用咗一個鐘排佢嘅燒賣，食完後，你可能覺得浪費左你一個鐘時間，因為週末至少排一個鐘，你會覺得係TVB惹的禍。  旭仔一分鐘可以識個蘇麗珍，而一個鐘你可以識60個蘇麗珍，呢串燒賣可能真係壞過凱婷，因為人生時間太寶貴，一個鐘可以做好多嘢。 當然你可以選擇排隊呢個鐘講吓電話，上下社交平台，打下機或者剛剛夠睇一集近期大熱嘅后翼棄兵(The Queen’s Gamebit) ，但係我覺得你都可以換過選擇，唔使排一個鐘，都可以食同樣好食嘅燒賣。 前排我推過紅磡的林記，唔知有幾多人記得，至少唔使排一個鐘咁痴線，今日我講呢間係位於荃灣嘅冠華，完全唔使排隊， $12有七粒，至少唔使浪費你一個鐘頭，以我所知，香港燒賣關注組都有講過，但我唔知有幾多人咁神心好似我咁走過來食。 地方係有少少難搵，不過只要問街坊，街坊就會指導你去呢間專食牛雜粉麵嘅冠華。 門口已經有架車仔賣燒賣，入邊就係粉麵檔。 燒賣比起林記同粉果佬或者其他出邊食開嘅燒賣都大粒，有啲似筲箕灣呂仔記。 呢度有個阿姐，狀似

要搵一家湯底冇味精嘅潮州麵店，難道相當高，這家便是其中一家，食完它的麵，兩三個鐘都唔覺口渴，用心煮嘢食嘅店舖唔多，這家便是了。牛雜麵冇特別，牛腩麵的牛腩多次食也是半肥瘦的，雲吞就最特別，食到有種鹹魚味定係蝦子味，係孩童時食雲吞的味道。正

前日(25-8-2019 Sun)晏晝,同老公又食個late lunch,由於荃灣有遊行同落雨,原本想去買嘢都唔去喇,老公話嚟呢間,因為佢哋自己造嘅燒賣好食,好似糯米糍咁咁煙韌,其實之前嚟食過,覺得麻麻,但老公講成咁,見又有啲餓,咁應該會好食啲嘅,就俾多次機會啦.我哋去到只有幾個客人,老公叫燒賣先,個女仔話一串$10.00嘅燒賣有7粒,咁我哋要住一串先.然後老公要$32.00嘅牛根麵,我要$40.00嘅豬肉丸雲吞麵.個女仔問我哋要唔要菜或嘢飲?啊,咁要菜啦,老公要凍奶茶,盛惠$40.00,我要熱奶茶,盛惠$48.00.燒賣到嚟,睇見魚肉唔係白色,而係灰色,食落,口感係唔同,有少少軟糯,而味道都清清地.然後凍奶茶到嚟,我飲吓,飲到奶味,茶味唔多夠.等咗都幾耐,我杯熱奶茶至到,飲吓,茶味比凍奶茶更淡.又等咗都好耐,兩碗麵一齊到嚟,見到牛根都唔少,老公俾少少我食,夠腍嘅,味道都ok,不過啲湯嘅味道淡啲.而我嘅豬肉丸雲吞麵呢,麵質爽口,只食到少少鹼水味;豬肉丸味道唔太差;雲吞內裡有豬肉,已經好少食肆嘅雲吞裡面有豬肉喇.呢個都ok嘅.味道係2.58分睇返上次食評(https://www.open

8-4-2018 (Sun)晏晝,老公肚餓買o野食,買到返o黎睇吓,原來係河粉同燒賣,我先食一粒燒賣,腍o既?係太過腍,腍到就o黎似糊狀,味道只有蒜味.問問老公o係邊o度買?佢答惠康對面.再睇真啲,有啲重要腍到爛,差到爆.佢重買o左兩串,每串要$7.00.試埋魚蛋河,一樣係太腍,完全唔彈,只係魚片好少少,好少少o既意思都係太腍,但只係冇咁腍.呢碗要$31.00,外賣加$1.00,離晒譜.啲湯汁就好味,但咁樣有咩用?

以前係石圍角讀書時，lunch 會黎食碗牛雜米，又平又夠飽，最重要係好味，冇諗過隔左十幾年間舖仲係度，裝修依舊，老闆仲係那個四眼叔叔。當然價錢比起十年前加左唔少，但我都深明通漲嘅影響。今次黎到叫左碗牛筋米粉，碗面一上，依舊係好香嘅牛味但又唔會太穌，一見到碗麵回憶返哂黎，先飲一飲啖湯底，同十年前一樣，都係用牛慢慢煮出黎嘅湯底，但個米粉就唔再係以前白雪雪比較硬身嘅米粉，變為較為半透明軟身少少係屋企會煮嘅米粉。牛筋大約有5舊，軟硬適中嘅牛筋十分入味，每啖都有好香嘅腩汁味，再加入佢地自家嘅辣椒油！正！佢地嘅辣椒油係十分辣，我通常落一匙就已經夠，除左夠辣仲夠香，唔會係一味得陣辣味。呢間店舖已經成為好多人嘅回憶亦都係好多中年男士嘅聚腳點，眼見佢地會大家各坐一檯，叫左2-3支啤酒食住牛雜睇住電視吹下水或睇下跑馬，開開心心咁就過一日，呢種咁有情懷嘅小店，依家賣少見少我地應該要更加珍惜。

尋日(23-11-2013 Sat)晏晝男友放工後過o黎呢邊同我一齊食晏,問佢食邊間,佢又想食廣發.又廣發?唔好o掛,隔離o既呢間啦,開o左o架喇.我o地o黎到後,坐低叫o左碗$27.00o既墨丸牛筋米,$27.00o既牛丸牛腩河,我見有餐,$27,00o既雙拼要油菜同飲品都係$37.00,咁就要個油菜,是日只有芥蘭,男友揀凍檸茶.好快凍檸茶先到,之後我o既墨丸牛筋米同牛丸牛腩河到o黎,我先食牛筋,牛筋好夠腍,墨丸一般開始有啲霉,米粉都普通,個湯睇到咁深色,諗住應該會好味,但唔係,唔知係咩味.而男友o既牛丸牛腩呢,牛丸係來貨,正常,唔肥牛腩咁淺色,應該都唔係咁夠味啦,亦睇到都唔夠腍,麻麻.然後芥蘭到o黎,超細碟莖部又偏多,莖部又淥唔夠腍,唔掂喎.而檸檬茶反而唔錯,都幾好飲.

在附近工作了一排，都知道無咩食店，尼度雖然殘殘舊舊，俾人破落的感覺，夜少少的話，門口會有個肥仔賣糖水，好多老街坊入來坐吹水，吹水客多過食客，牛什河有水準，河粉夠滑，牛什炆的火喉烚到好處，有口感，夠「林」，味道調較得好，湯底濃而靚，價格適中。店內估唔到有好大52寸（我估有咁大） 液晶體電視，同個環境格格不入。

雖然舖面給人不潔和陳舊感覺但是食物郤相當有水準值得再次光顧點了牛肚魚皮餃河和燒賣牛肚真的很"林"很入味而魚皮餃則有別於一般皮薄精緻的四海出品它出奇地大粒皮十分有咬感湯底很香濃燒賣不錯

第三天又來吃早餐，是日想吃碗白粥，原來青山道這邊也有不少的粥舖，選了這裡，因為其最大間，同埋見個阿姐在即拉腸粉，很吸引，就要了碗白了及齋腸。白粥也不是很白，初時以為是有味的粥底，但吃起來可幸也是真正的白粥。煲得幾杰而不綿滑，如果求飽肚的就一定適合，因為大大碗的，份量十足；明明見到阿姐在拉腸粉，又明明叫佢拿一碟熱的來，不知何解，這碟腸粉也只是微暖的。皮厚厚不滑溜，又因為最怕吃不熱的腸粉了，故雖然是即拉的，也吃不完。街坊小店，地方是淺窄一點，及不那麼潔淨，可以理解。埋單十蚊有找，相當經濟，但吃早餐的話，還是吃菠蘿包較好。